رووتان رەش بێت هەروەك رەشە

Monday, 28/02/2011, 12:00

رووتان رەش بێت هەروەك رەشە

لە دەڤەرى بلەو بارزان

راوكردنى یەك كەروێشك

سزاكەى

سێ مانگە زیندان !

*****

بەلام كوشتنى مناڵى یانزە ساڵى

لە سلێمانى و لە گەرمیان

بە بۆچوونتان

شایانە بۆ ئاهەنگ گێران؟؟؟!!!

*****

رووتان رەش بێت هەروەك رەشە

ئەنفالى یەكەم بەس نەبوو؟

دیسانەوە گەرمیانەكەى چەمچەماڵم

بە تۆمەتى كوردایەتى

یان خەوبینین

خوێنتان پزان ؟؟

*****

ئەوە ئێوەن باسى تیرۆریستان دەكەن؟

ئێوەن باوكى تیرۆریستان..

خەونى مناڵێكى بێنازى كوردستان

ئەكەن بە ملوانكەو ئەیكەن بە گەردنى زۆزانیەكان!!!

*****

رووتان رەش بێت هەروەك رەشە

چەندین سالە

هیچ نەما تیرۆرى نەكەن

ووشەو قەلەم ، گوڵ و نێرگز،خەونى سادەى پەپوولەكان..



بەهاو چەمكە پیرۆزەكان

پێشمەرگە، شەهید ، تێكۆشان.

لەسایەى بوونى ئێوەدا

ناوزەدكران.

****

رووتان رەش بێت هەروەك رەشە

بۆ وادەكەن ؟؟

خۆ بەڵێن بوو..

ببن بە پێشەنگى گەلان..

دواى هەموو مەینەتیەكانى

قركردن و ئەنفال و كیمیابارانى كوردستانم

پاداشتان بۆ گەلێكى خێر لە خۆ نەدیو

كوشتنى منالانى كوردى چاوگەشە؟؟

رووتان رەش بێت هەروەك رەشە

رووتان رەش بێت هەروەك رەشە.

*****

باخەوان/28/2/2011