سیفەتەکانی لیستی کوردستانی بە کورتی و بە کوردی

Friday, 17/07/2009, 12:00

سەرۆکی لیستی بەناو کوردستانی لە زوربەی قسەکانیا قورسایی ئەخاتەسەر دوو شتی گرنگ کە گوایە ئەو دوو شتە سیفەتی سەرەکی لیستەکین. ئەو دوو شتەش نوێبوونەوە و ئاوەدانکردنەوەیە . ھەر جارێک گوێم لە فەقێ بەرھەم ئەبێ باسی ئەم دوو شتە ئەکا ، زیاتر ئەوەم لا تۆخ ئەبێتەوە کە بەرھەم و سەرانی ئەم لیستە یان نرخ بۆ خەڵکی دانانێن وە یان خەڵک بە نەفام لە قەڵەم ئەیەن . ئەگینا کەی ئەو دوو سیفەتە لەگەڵ لیستی کۆنخواز و کاولکەری کوردستانی یەتەوە . خۆ فەقێ بەرھەم ئەو راستییە باش ئەزانێ و رەنگە بیەوێ خۆڵ بکاتە چاوی خەڵکییەوە . بەڵام راستییەکە ئەوەیە کە فەقێ بەرھەم (فەقێی رێبازی جەلالیی) و مەسعودی فەقێی رێبازی خیانەت و سەرانی تری پارتی و یەکێتی تەنیا خۆیان ئەخەڵەتێنن . خەڵک باش لێیان تێ گەیشتوە و ئەو شیعارە سەوز و زەردانە ئیتر خەڵک ناخەڵەتێنن . ئەوەی راستی بێ لیستی کوردستانی بە تەواوەتی پێچەوانەی ئەو دوو وشەیەیە کە فەقێ بەرھەم کردوونی بە شیعاری لیستەکەی. ئایا فەقێ بەرھەم بە نیازە نوێکردنەوە لە چیا بکات ؟ لە پارتیا کە حیزبێکی بناماڵەیی خیانەتکارە ، یان لە یەکێتیا کە سەرۆکەکەی ئەوەنە کۆنخوازە سەرشۆڕ ئەکا بۆ مەسعود بارزانی دکتاتۆر و نەفام . ئەگەر فەقێ بەرھەم ئەیەوێ پێمان بڵێ کە خۆی نوێنەری نوێبوونەوەیە ئەوا ناماقووڵی کرد چونکە خۆی لە ھەموو سەرانی تری پاتری و یەکێتی کۆنخوازترە . ئەو بە حساب لە ئەوروپا و ئەمەریکا ژیاوە و سیستەمی دیمۆکراتی بینیوە کەچی بۆتە فەقێی رێگای جەلالی و خیانەت و داوا لە خەڵک ئەکا دەنگ بۆ بنەماڵەیەکی کۆنەپەرستی دکتاتۆر بەن . بۆ ئاوەدانکردنەوەکەش بە فەقێ بەرھەم ئەڵێم ، دەستی لێ مەیە با لەوە زیاتر بۆنی نەیەت . ئێوە و ئاوەدانکردنەوە کوجا مەرحەبا . ئێوە ئەوەی سەدام نەیتوانیبوو کاولی بکا ، لە بناغەوە ھەڵتان تەکان . ئێوە بەتەمان ئەخلاقی خەڵکیش بروخێنن و خەڵکتان فێری بەرتیل خواردن و مامە حەمەیی و ماستاوکردن کردوە و ھەرچی پێوەرە ئەخلاقیەکانە لنگەوقوچ پیشانی خەڵکی ئەیەن. ئەوەی جاش و خایەنە ئەیگرنە خۆتان و پاداشتیان ئەکەن، بەڵام کەسوکاری شەھیدان و ئەنفالکراوەکان پشتگوێ ئەخەن. ١

خوێنەری بەڕێز ، لای من سیفەتی لیستی کوردستانی ئەمەی خوارەوەیە . جا ئەگەر ئەتەوێ دەنگ بەو لیستە بەیت ئەوا بە گەرەنتییەوە پێت ئەڵێم کە نە ئاوەدانی ئەبینیت و نە نوێبوونەوە . ١