وەزیرى دارایى ئەڵێ (ئاشتى هەورامى درۆزنە

Wednesday, 28/07/2010, 12:00

كێشەى چونە دەرەوەى نەوت لە لایەن دەسەڵاتى مافیاى كوردیەوە كە تاڵەبانى و بارزانى سەرۆكایەتى ئەكەن ,بۆتە سەیرو سەمەرە ,كێشەكە زۆر گەورەیە , بە هۆى دزینى ئەو نەوتەوە پارتى و یەكێتى سەریان لێ شێواوە , ئەگەر گوێ بیستى قسەى لێپرسراوان بیت بێ سێ و دوو بەبێ ئەوەى بە دواى یەك بەڵگەدا بگەڕێیت بۆت دەردەكەوێت ئەم دزانە تا ئێستا چۆن سامانى ئەم ووڵاتەیان بە تاڵان بردوە و چۆن بەڕاست و چەپدا دەمیان ناوەتە خێرو بێرى ئەم ووڵاتە و تەنها دوو بنەماڵەى خائین و دزو بەدناوى كوردستان لێى سوود مەند ئەبن و میللەتیش لەو پەڕى ناڕەحەتى و بێ ژیانیدایە , بێ كارى , گرانى ,بێ كارەبایى و بێ نەوتى , چارەڕەشى بۆ ئەم میللەتە هێناوە , كەچى ئەمانیش لە دزى خۆیان ناكەون , سەربارى ئەوەى ڕۆژ نیە بەبەر چاوى هەمومانەوە سەدان تانكەرى نەوت ئاودیو ى ئێران نەكرێ , بەبێ ئەوەى كەسێك بزانێ پارەى ئەم هەموو نەوتە , بۆ كێیە و چى لێ دەكرێ ؟ ئەو هەموو داهاتە تەنها سەرۆكە دزەكانى كوردستان ئاگایان لێیەتى و ئەوانیش ئاودیوى بانكەكانى ئەوروپا و ئەمریكاى ئەكەن ,حكومەتەكەشمان ئاگاى لە هەموو شتە تەنها ئاگاى لەو پاروە چەورە نیە , ئاى لەو حكومەتە كارتۆنیە درۆینەیە ,وەزیرى نەوت لە سەرۆكى حكومەتەكەش دەسەڵاتى زیاترە , سەرۆكى حكومەت بێ ئاگایە لەوەى پارەى نەوت لاى كێیە , چى لێ دێت ؟ چۆن ئەخورێ و چۆنیش سەرف ئەكرێ , كێ نەوت دەرئەهێنێ و كێش ئەیفرۆشێ , كەچى وەزیرى نەوت دز تەنانەت بەیەك ووشەش باسى مەسەلەى نەوت و گرێ بەستە نەوتیەكان و چۆنیەتى فرۆشتنى و داهاتەكەى بۆ سەرۆكەكەى ناكات , لە مێژووى دنیادا شتى وانەبوە , تەنانەت لە ئەفلام كارتۆنیشدا شتى وانەبوە , وەزیرێك بەقەد و بگرە زۆر زیاتریش دەسەڵاتى لە سەرۆكەكەى زیاتربێت , تا ئێستا سەرۆكە مقاباكەى حكومەت ئاگاى لە و حسابە نیە كە لەنەوت و داهاتى نەوت دەست دەكەوێت , ئاشتى خۆى قاسەیە , خۆى فرۆشیارە , خۆى هەموو شتێكە , جارێ وایە پێكەنینم بەوە دێت كە لەبەغداوە ئەڵێن ئەبێت نەوتى كوردستان بە ئاگادارى بەغداد بفرۆشرێ , ئاخر لێرە سەرۆكە بێ ئاگاكەى حكومەت ئاگاى لێ نیە ئیتر بەغداد چۆن ئاگاى لێ دەبێت , لەم شەوانەدا گوێم لە ئاشتى هەورامى وەزیرى دزى نەوت بوو ئەیووت داهاتى نەوت ئەچێتە خەزێنەى حكومەتەوە , كەچى ئەمڕۆ لە سایتى چاودێردا وەزیرى دارایى ئەڵێ تا ئێستا ئاگامان لە داهاتى نەوت نیە و یەك دیناریان لاى ئێمە نیە , ئەمە ماناى وایە وەزیرى دارایى ئەڵێ ئاشتى هەورامى درۆى فەرموو, توخوا خەڵكینە ئێوەش پێكەنینتان بەم حكومەت نایەت , سەرۆكى حكومەت , وەزیرى دارایى , پارلەمان ومیللەت نەزانن پارەى نەوت بۆ كوێ دەچێ ؟ توخوا من دكتۆر بەرهەم بم قفڵێك نادەم لە دەرگاى حكومەتەكە و چۆڵى ناكەم , جارێك نێچیر ووتى داهاتى نەوت پێنج ملیار دۆلارە , ئەى كوا ؟ كەواتە ئەو هەمو پارەیە تەنها بۆ دوو بنەماڵەكەیە و بەس ئیتر نە حكومەت , نە پەرلەمان , نە تڕو تەشقەڵە ئاگایان لەوە نییە ئەو پارەیە چى لێ دێت , ئەوانەى شارەزاى مێژووى ووڵاتانن , نەبینیویانە و نەخوێندویانەتەوە لە مێژووى هیچ ووڵاتێكدا بە حكومەتە ئەو پەڕى دیكتاتۆرەكانەوە شتى وانەبوە وەزیرێك دوو ئەوەندەى سەرۆكەكەى و زیاتریش دەسەڵاتى هەبێت , پێش ئەم كابینەیە جێگر وەزیر و وەزیر جیاوازیان نەبوو , كەچى ئێستا وەزیر , چ وەزێرێك دزێك , خیانەتكارێك , سۆزانیەك , بەقەد سەرۆكى حكومەتەكەى چ سەرۆكێك گێل , نەفام , نەزان , كارتۆنى , بێ دەسەڵات دەسەڵاتى هەبێت , ئەگەر بەرهەم مقەبا نەبێت ئەبێت ئەو وەزیرە بانگ بكات و پێى بڵێ ڕیسوات ئەكەم كوا داهاتى ئەو نەوتە ؟ بەڵام كوا سەرۆك ئەوەندە ئازایە ,ئافەرین بۆ وەزیرى دارایى بە ئاشكرا ووتى ئاشتى هەورامى دزو گەندەڵ درۆ ئەكات ,درۆى فەرموو هیچ پارەیەكى وەزارەتى سامانە سروشتیەكان لاى ئێمە بونى نیە ...