(دوو گورزە خەمی هۆنراوە لەیادی بیست ساڵەی ئازادی شاری كەركوك دا)
Tuesday, 22/03/2011, 12:00
كەركوكی ئێستاو را بردوو
(1)
سەركردەیەك
پێناسەى كەركوكى كرد و
وتى دڵى كوردستانە!
ئەم وڵاتە بێ ئەوشارە
وێرانەیە..
وەك لاشەیەكى بێگیانە
* * *
زۆر لاوى كورد
لەپێناوى ئازادى دلأ
دڵى خۆی كرد بەقوربانى
بەڵام هەرگیز دڵی وڵات
نەیدى ساتێ
ئاسوودەیی و شادمانى
* * *
سەركردەیەكى تر وتى
كەركوك قودسی كوردستانە!
كەركوك نەبێ
گەل و وڵات بێ رووگەیە
دڵنیابن
چیا سەركەشەكەى حەمرین
سنورمانە
* * *
ئەمجارەش بۆ ئەو درووشمە
ژن و پیاو و گەورە و بچووك
گیانیان بەخشی
بۆ ئازادى شارى كەركوك
* * *
هەر دیلی بندەست جەلاد بوو
مەملەكەتى زێڕی رەش و
دەڤەرى گڕ ....
شارى ئارابخا ى دیرۆك و
تەئمیم ى بەعەرەبكراو
گڕ و كڵًپەى باباگوڕگور
ِ* * *
هێشتا كەڵبەى دێوەزمە
بەسەر قەڵادا رۆ دەچوو
بەنێو شەقامەكانى شاردا
بۆ رانك و چۆخە لەبەرێ
دەرفەتى پیاسەیەك نەبوو
* * *
ئەو كاتانە..
نەعل و كراس چەفە و عەگال
تەنیا وشەى ئیمشی و تەعال
لەناو شاردا
ئازاد و رێپێدراو بوو!
* * *
ئەو رۆژانە
هەموو جوانییەكانى ئەوێ
بەخاچی نا ئومێدییەوە
هەڵواسرابوو
* * *
تا ئەوكاتەى رووبارى خوێن
رەگو ریشەى دێوەزمەكەى
هەڵتەكاند ،
شار هەر دلأ بوو
هەر قورس بوو
بۆ كوردستان ...!
* * *
بەڵام دواى ئەوەى تارمایی
بەسەر روخسارى شارەوە
وەلا نرا...
كە دیمەنى وێرانەیەك بەدیكرا
دلأ و قودس باسی نەما
بڕیار درا.. هەر لەوێ دا...
كەركوك بكرێت بەقوربانى
بۆ ئەوەى بەڵا وەگێڕ بێت
بۆ هەولێر و سلێمانى
* * *
ئەمێستا دلأ و قودسەكە
ناوى نراوە "زبڵدان"
سنووریش لە حەمرینەوە
گوێزرایەوە بانی مەقان
***********
2006
(2)
"مۆمی ژمارە كان خا مۆش بوو"
هەر ئەو سا تەی
چارە نوسی بابەگوڕگوڕ
هەواڵەكرا بەیاسا و
دەسەڵاتێكی شەقوشڕ !
گەل دەی زانی ،
دەبێت بۆ شارە پر نەوت و
نەگبەتیەكەی
شین بگێڕێ و
سەروباڵای بنات لە قوڕ !
بەڵام دەسەڵاتدارەكان
بۆئەوەی لێیان نەڕەنجێن
دەورو بەرو
دراوسێكان ؟
"قودس"یان سپارد
بەپەنجاوهەشت ؟!
"دڵ"یش یان دابەسەدووچل ؟!
فەرموو یان گەلی گوێ ڕایەڵ
چەپڵە لێدە ن
بێ مشتوو مڕ !!
ئێستا دڵەپیرۆزە كە
لەكەناری گۆڕێكدایە!!
كێ دەی پارێزێت لەومەرگەی
دەستی والەگەرووی دایە؟!!
ئێستا مۆمی ژمارە كان
خامۆشەو كوژاوە تەوە !
"قودس"پیرۆزی نەماوە و
"دڵ"بێ نیشتمانی دایك
بەبێ كەسی ماوە تەوە !
كەسێك نییە لەم جڤاكە
چارە نوسی شاربزانێت !
واپێدە چێت
بەپەنهانی پێمان بڵێن ،
لەمێژە بۆمەرگی كەركوك
"فاتیحا"خوێندراوە تەوە ؟!!!
2008
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
