دەنگێ خۆ ددینە دگەل دەنگێ خۆ نیشاندەرێن پارێزگەها سلێمانیێ ب تایبەتى خەلكێ خۆ ڕاگرو چاڤ نەترسێ باژێرێ سلێمانیێ

Tuesday, 01/03/2011, 12:00

بناڤى خودێ مەزن و دلۆڤان
ئەم وەك بەشەك ژ خوێندكارێن زانكۆیا دهۆكێ, ژ ئەگەرێ هەستكرن ب بەرپرسیاریەتیا مێژوویى و گرنگیا كارێ مە وەكو تەخەكا پێشەنگ و دیارا ناڤ جڤاكى دا , مە ب پێدڤى زانى ئێدى بێدەنگ نەمینین و ڕابین ب كومكرنا ئیمزایێن هەژمارەكا زۆرا وان خوێندكارێن كە دەمەكێ درێژە ئازادییا ڕا دەربڕینێ دناڤ جەرگى واندا هاتیە گرێدان و ژلاێى دەزگەهێن حیزبى و حكومى ڤە رێێگرى لێ هاتیە كرن كو ب ئازادانە بیرو بۆچوونێن خۆ بۆ ڕایا گشتى دەرببڕن, و ل دوماهیێ و ژ ئەگەرێ ڤێ ڕەوشا سەر دەڤەرێدا هاتى,مە بریاردا هەڵوێستێ خۆ یێ جێگیرو ئاشكرا دچەند خالەكێن ڤێ بەیاننامێدا ئاراستەى ڕایا گشتى یا كوردستانێ و پەرلەمانێ كوردستانێ و هەردوو سەرۆكایەتێ هەرێمێ و حكومەتا هەرێمێ كوردستانێ بكەین:

1) دەنگێ خۆ ددینە دگەل دەنگێ خۆ نیشاندەرێن پارێزگەها سلێمانیێ ب تایبەتى خەلكێ خۆ ڕاگرو چاڤ نەترسێ باژێرێ سلێمانیێ و پشتگیریا هەمى داخوازێین وان یێن ڕەوا دكەین.
2) پشتەڤانیا خۆ بۆ مامۆستاو خوێنكارێن زانكۆیا سلێمانیێ دوپات دكەین د دەمەكێ دا پشتگیریا هەمى داخازیێن وان دكەین و خەبات و تێكۆشانا وان بۆ دیتنا چارەسەرییەكا ژیرانە ب كارەكى پیرۆز ل قەلەم ددەین.
3) دژى ب كارئینانا هەمى جۆرە توندوتیژییەكێینە ژ لاێى دەسەڵاتیڤە بۆ سەر خۆنیشاندەران و هەروەسا ژلاێى خۆنیشاندەران ڤە بو سەر دام ودەزگەهێن حكومى و حیزبى, داخازێ ژ خۆنیشاندەران دكەین ب شێوەكێ شارستانیانە بەردەوام بن و د هەمان دەم دا داخازێ ژ دەسەڵاتێ دكەین ب شێوەیەكێ شارستانیانە بەرسڤا خۆنیشاندەران بدەن.
4) ئیدانا ڕاوەستاندنا دەوامێ دكەین ل زانكۆ و پەیمانگەهێن باژێرێ هەولێرێ و دلگرانیا خۆ بەرامبەر هەر دەستێوەردانەكا حیزبى د كارو بارێن وەزارەتا خوێندنا بلند و ڤە كۆلینێن زانستى دا دكەین.

تێینى\ ئەڤ بەیاننامەیە ژ لاێى زێدەتر ژ (250) خوێنكارێن سەرجەم كۆلیژێن زانكۆیا دهۆكێ ڤە هاتیە ئیمزا كرن ,بەلێ بۆ پاراستنا گیان و پاشەڕۆژا خوێندكاران ژ هێزێن چەكدارێن حیزبى مە ب پێدڤى زانى ناڤ و ئیمزایێن خوێندكاران نەهێنە بەڵاڤ كرن.