ماوەیەکە بنەماڵە سیاسییەکانی کوردستان (حیزبەکان) قسە و لێدوانەکانیان لەسەر سەربەخۆیی کوردستانە، کە هەموویان لە داخوازیکردن و راگەیاندنییاندا، کۆک نین و بە جودایی بە پێی بەرژەوەندییەتایبەتییەکانیان بیردەکەنەوە و ئیشی بۆ دەکەن، بەڵام دەبێ ئەو راستییە لەبەر چاوین دابنێین:

١_ دەوڵەتی سەربەخۆی کوردی، گەل دروستی دەکات، نەک "بنەماڵە سیاسیییەکان" کە ئێستا خۆیان پێ بادەدەن بە خەمخۆری ئەو مەسەلەیە دادەنێنن و خۆیان دەبەنە پێش و هەموویان لەسەر یەک کۆ بکەیتەوە، ژمارەیان ناگاتە ٥٠٠ کەس،

 ٢_ ئەو پرۆسەیە (سەربەخۆیی) بە خەڵکی رەسەنی کورد ئەنجام دەدرێت، نەک ئەوانەی ئەجیندای گەلانی دیکەیان هەڵگرتوەو و بەجێی دەگەیەنن کە لەوە و پێش لە گەمەی جەنگەکانی مێژووی تازەدا دۆڕاندویانە، ئیستا بە توانای کورد و لەسەر ئەرزی کورد بیگێڕنەوە، ئەگەر بۆشیان نەگەڕاوە، ئەوا هەرچی بەها و دابونەریتی کورد و داخوازی رەسەنی گەلی کوردستان هەیە تێکی بدەن، لە راستیشدا بنەچەی رەچەڵەکی ئەو" بنەماڵە سیاسیانە"ش خۆ بەکوردزانەی ئێستا بۆ ئەو گەلە دۆڕاوانە دەگەڕێتەوە کە لەناو کورد لەگەل تێپەڕبوونی رۆژگاردا تاواینەوە.

٣_دەوڵەتی کوردی ئەگەر بە درەنگە وەختیش بێت، لەو ماوانەدا زەمینەسازی بۆ کراوە و رادەگەیەنرێ، ئەوەی جێگەی سەرنجە، ئەو بنەماڵە سیاسیانە، سەربەخۆیی بە دیاری بۆ خۆیان تێدەگەن کە دەیدەن بەو خەڵکە، دەخوازن بەبێ کێشە بدرێتە دەستیان، لەراستیشدا چەندە دۆستی کورد هەیە، هێندەش پلانگێڕی و ئەجیندای دژ بە کورد لە گٶڕێ دایە بۆیە دەکرێ بگوترێ:

١_ ئەوانەی خۆیان کردۆتە بنەماڵەی سیاسی و ئیستا بڕیار بەدەستن لە کوردستاندا بە رەچەڵەکیاندا بچیتەوە، " ئەرمەن وئاشور و بلوج"ن، دوو بنەماڵە لە تورکیا و ئێران، لەسەدەکانی رابردوو هاتینە هەرێمی کوردستان و پێش ببنە کورد، لەسەرئاینی جولەکە و کریستیانی ئەو نەتەوانە بووینە، ئیستاش بە ناوی جەلالی و مەلایی درێژە بە شەڕی چاڵدێران دەدەن، بی ئەوەی حسابێک بکەن کە میرنشینی سۆران خۆی لە میسرو قاجارییەکان کەمتر نەزانیوە و تۆپەکانی وەستا رەجەبی، لە تۆپەکانی ئەلمانی و روسیای قەیسری کەمتر نەبوون.

٢- سەربەخۆی کوردستان مسۆگەرە و بەڕێوەیە و دۆستەکانی لە دوژمنەکانی پترن، بەڵام مخابن هەندێک داوای دەکەن بۆ تێکدانی و هەندێکیش بەناو کوردن کە لە بنەڕەتدا خۆ بەکوردزانی پێگەگرتوو وخاوەن دەسەڵاتن لەناو جولانەوەی کوردایەتی و دژ بە کورد و خواستی کورد کار دەکەن.

٤_ سەربەخۆیی بێ رۆژئاوای کوردستان ناکامیلە و کەموکوڕی زۆری تێدا دەکەوێت، ئاوارەکردنی خەڵکی رۆژئاواو چڕی پیلانەکان بۆ چۆڵکردنی لە خەڵکی کورد و رۆڵدان بە خەڵکی غەیرە کورد لەناو پەیەدە و ناونانی فیدرالیەتی باکووری سوریا، هەمووی لەو جغزە دەسوڕیتەوە کە نەکەوێتە نێو ئەو سەربەخۆیەی کوردستان.

 ٥- هەرپارچەیەک هەل ومەرجی خۆی هەیە بۆ سەربەخۆیی و مەرج نییە لەیەک کاتدا هەمووی بەیەکەوە ببنە یەک دەوڵەت لە یەک کاتدا و با بەیەک ناویش نەبێ، "لورستان و کوردستان وکرمانجستان و نیومیدیا..." ناویان بێ، لە کۆتاییدا دەتوانن کۆنفدرالییەک یان وڵاتێکی فیدرالی دروست بکەن و ببنە یەک وڵات.

٦- زۆر نەتەوە هەیە یەک نەتەوە و یەک زمانن و یەک مێژوون، بەڵام چەند وڵاتێکن، نەتەوەکانی زمان ئەلمانی بونەتە چوار وڵات "ئەلمانیا، نەمسا، هۆلەندا، سویسرا"، ئۆکرانیا، روسیا، بەلەروسیا، یەک نەتەوە و چەند وڵاتن، ئێران، ئەفغان، تاجیگ، یەک زمان و یەک نەتەوەن بە سێ وڵات، بەریتانیا، ئیرلەندا، سکۆتلەندا، ئوستورالیا، ئەمریکا و بەشێکی زۆری کەندی، چەنددەوڵەتەکن بەڵام یەک نەتەوەن.

٧_ ئەگەر داگیرکەرێکی کوردستان پارچەیەکی دیکەی کوردستانی داگیرکرد، لە ناوەڕۆکدا دۆزەکەمان هاسانتر دەکات نەک خراپتر و ئەو داگیرکەرە لە دەرئەنجام و کۆتایدا، چەندە قازانجی لێ دەکاتهێندەش زەرەرمەند دەبێت.

 ٨_ هەموو نەتەوەیەک داوای دەوڵەت لە نەتەوە یەکگرتوەکان دەکات و بەیاسا و رێساکانی نێودەڵەتی کارەکە بەڕێوە دەبات و داواکاریەکە هیچ پەیوەندییەکی بەوڵاتانی داگیرکەری کوردستان یان پێنچوڵاتەکەی کە لە ئەنجومەنی ئاسایشی نێودەوڵەتی ئەندامن، نییە.

٩- پارتە بەهێزە سیاسییەکانی ناو هەرێمی کوردستان دەبێ گەل رێک بخەن و تەیاریان بکەن بە فکری سەربەخۆخوازیەوە و داواکەیان بگەیەنن بە نەتەوە یەکگرتوەکان و لەرێگەی ستافەکی داواکاریبەسەرۆکایەتی "سەرۆکێک"، دەبێت بە دەوڵەتە دۆستەکان رابگەینێ کە ئێمە بەنیازین داوای دەوڵەتی کوردین.

١٠_ گرفت و کێشە لە نێو حزبە سیاسییەکانە کە لەراستیدا لەسەر زەعامەتییە لەنێوان بنەماڵە سیاسییەکان، هەر کات کێشەی ئەوانە چارەسەر بوو، گەلی کورد لە نێوخۆیدا کێشەی ئەوتۆی لەنێوینادانییە.

١١_ کێشەی سەرەکی کوردیش لەگەڵ ئەوانەیە کە نارەسەنی "عەرەب و تورک و فارس"ن، کە ئیستا لەنێو ناسیونالیستی ئەو میللەتانە بڕیار بەدەستن، ناسیولیستە رەسەنەکان کێشەکی ئەوتۆیانلەگەڵ کورد نییە.