ده‌وڵه‌تی فاشی تورک دووباره دڕنده‌یی و هۆڤێتی خۆی به دنیا نیشاندایه‌وه..تکایه با مناڵ یا ئه‌وکه‌سه‌ی که به‌رگه وێنه‌ی شێواوی
Friday, 09/07/2010, 12:00
له‌م هه‌فته‌یه‌دا له چالاکییه‌کی گریلاکان بۆ سه‌ر قه‌ڕه‌قۆڵ و سه‌ربازگه‌کانی سوپای تورکیا له ناوجه‌ی شه‌مزینان چه‌ند گریلایه‌ک شه‌هید ده‌بن ، دوای شه‌هیدبوونیان ته‌رمه‌کان ده‌که‌ونه ده‌ست سوپای تورکیا و به‌شێوه‌یه‌کی زۆر دڕندانه ده‌که‌ونه شێواندن و سوتاندنی ته‌رمه‌کان . به‌م کاره‌ی ده‌وڵه‌تی تورکیا و ئه‌که‌په و ئه‌ردۆغان گه‌وره‌ترین دڕندایه‌تیان له دژی مرۆڤایه‌تی ئه‌نجامدا و سه‌لماندیان ئه‌و هه‌موو بانگه‌شه ساخته یانه‌یان و گریان بۆ مناڵانی غه‌زه درۆیه و هه‌ر زوو ئاشکرابوو بۆ هه‌موو لایه‌ک و ئیدی که‌سێکی خاوه‌ن ویژداننه‌ما ئه‌گه‌ر تاوه‌کو ئێستاش ئه‌و دڕندانه‌یان نه‌ناسیبێت بۆی ده‌رکه‌وت که‌چ دڕنده‌یه‌کن و، ئه‌وه‌ی ئه‌وان بۆ مناڵانی غه‌زه ده‌یکه‌ن و یا پێشتر ده‌یانکرد بریتییه له سیاسه‌تێکی هه‌رزان و چه‌واشه‌کارانه.
مه‌سعود هه‌ر له‌م ماوه‌یه‌دا خۆی وه‌ک کۆیله‌یه‌کی ده‌وڵه‌تی فاشی تورک ئاشکراکرده‌وه کاتێ ره‌خنه‌ی له PKK گرت وخۆی وانیشانده‌دا که که‌سێک نییه جگه له ئاشتیپارێزێک و مرۆڤدۆست ، له کاتێکدا هیچ ئاماژه‌ی به‌و کاره هۆڤیانه‌ی ده‌وڵه‌تی تورکیا نه‌دا و، پشتی کرده ئه‌و هه‌موو تیرۆره‌ی که له باشوری کوردستان له‌سه‌ر ده‌ستی خوێناوی ئه‌ودا ئه‌نجامده‌درێن. مه‌سعودی ته‌زویرچی و ئه‌ردۆغان دووڕووی یه‌ک دراوی قه‌ڵپ و نه‌گریسن.
خوێنه‌ری خۆشه‌ویست سه‌یری ئه‌م وێنه بکه که ماڵپه‌ره‌کانی فاشسته تورکه‌کان به ره‌سمی و ناره‌سمیانه‌وه به شانازییه‌وه بڵاویان کردۆته‌وه..رسته‌ی دوایینم پرسیارێکی ساده‌یه بۆ ئه‌و جاشقه‌ڵه‌مانه که ئه‌ردۆغانیان به شه‌هامه‌ت ناوده‌برد ده‌بێ بۆ ئه‌م دڕندایه‌تییه چی بڵێن؟!
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
