ده‌بێت هه‌ر له‌جه‌نگیزخان و ته‌یمورله‌نگه‌وه تاده‌گاته ئه‌تاتورک و ئه‌ردۆگان ،داوای لێبوردن بکه‌ن، له نه‌ته‌وه‌ی کورد بکه‌ن
Monday, 02/04/2012, 12:00
ده‌بێت هه‌ر له‌جه‌نگیزخان و ته‌یمورله‌نگه‌وه تاده‌گاته ئه‌تاتورک و ئه‌ردۆگان ،داوای لێبوردن بکه‌ن، له نه‌ته‌وه‌ی کورد بکه‌ن له باکوری کوردستان
وه هه‌رهه‌مووشیان دادگایی بکرێن له‌دادگای تاوانی نێوده‌وله‌تی،هه‌رهه‌موویان تاوانبارن به‌جینایه‌تی دژبه‌مرۆڤایه‌تی و کۆمه‌ل کوژی و
ئه‌نجامدانی تاوانی جینۆساید ده‌رحه‌ق به‌نه‌ته‌وه‌ی کورد له باکوری کوردستان.
.به‌دریژایی مێژووی ده‌وله‌تی تورک،کار کراوه به‌شێوه‌یه‌کی سیسته‌ماتیکی بۆ سرینه‌وه‌ی خودی مرۆڤی کوردو ناسنامه‌ی کورد.
ئه‌ردۆگان که داوای لێبوردن له گه‌لی کورد ،ئه‌م هه‌لوێسته سه‌رچاوه ناگرێت له خودی مرۆڤایه‌تی،دادپه‌روه‌ری،دیموکراسی و دانپێنان به‌تاوانی گه‌وره،هاوکات سه‌رچاوه‌ش ناگریت بۆ ئاشتبوونه‌وه له‌گه‌ل نه‌ته‌وه‌ی کورد.
ئه‌م داواکردنه‌ی ئه‌ردۆگان چه‌ندمه‌رامێکی سیاسی له پشته‌وه‌یه. یه‌که‌م..خۆل کردنه له چاوی تاکی کوردو ته‌فره‌دانی میلله‌تی کورد.دووه‌م.
هه‌لخه‌له‌تاندنی نه‌ته‌وه‌یه‌کگرتووه‌کان و رێکخراوه‌کانی نێوده‌وله‌تی و مرۆیی و دام وده‌زگاکانی جیهانی سێهه‌م_بۆ موزایه‌داتی سیاسی و ناوه‌خۆی تورکیا و،به‌تایبه‌تی له‌گه‌ل جه‌هه‌په .چواره‌م_
.خۆپێشێندان وه‌کوو پیاوێکی داکۆکیکه‌رو ئاشتیخوازی جیهانی _پێنجه‌م_.
قایمکردنی پێگه‌ی خودی خۆی و سیاسی حزبه‌که‌ی و ده‌وله‌تی تورک له‌سه‌ر ئاستی ناوچه‌یی ونێو ده‌وله‌تی و قبول کردنی تورکیا له یه‌کیه‌تی ئه‌وروپا.
به‌لام واپێ ده‌چێت ئه‌ردۆگان،مێژووه‌ره‌شه‌که‌ی تورکیای نه‌خوێندۆته‌وه..!یان خۆی له گێلی ده‌دات له‌م مێژووه قێزه‌ون و تۆتالیریه،به‌لام له هه‌ردوو حاله‌تدا من ده‌مه‌وێ زۆر به کورتی و به‌کوردی بلێم ئێوه ته‌نها 40 چل هه‌زار کوردتان نه‌کوشتووه،به‌لکو به‌سه‌دان هه‌زار کوردتان کوشتووه،تاوانی له‌م جۆره ته‌نها له‌ده‌رسیم ئه‌نجام نه‌دراوه.ئێوه تاوانی جینۆسایدتان ئه‌نجام داوه له‌سه‌ر پای هه‌موو کوردستانی باکوور.ده‌رسیمیش دلۆپه‌یه‌کی بچووکه له‌ده‌ریای تاوانی ده‌وله‌تی ده‌مارگیری و فاشیزمی تورکیا، هه‌زارو هه‌ش سه‌د سال له‌مه‌وبه‌ر،جه‌نگیزخان له مه‌غۆلستان هاتبه‌ره‌و رۆژهه‌لاتی ناڤین و به‌زه‌بری شیرو تیرو سه‌ربرین و قرکردنی گه‌لانی ناتورک،وه‌ک گه‌لی کورد،هه‌یمه‌نه‌تی تورکی له‌م ناوچه‌یه سه‌پاند،وه‌ده‌رئه‌نجامی ئه‌و داگیرکاریانه بووه هۆی درووست بوونی ئیمپراتۆریه‌تی عوسمانی،وه پاشئه‌وه‌ی که‌مال ئه‌تاتورک ده‌ستی به‌سه‌ر پاشماوه‌ی ئیمپراتۆریه‌تی عوسمانی داگرت وله‌سالی 1923،په‌یماننامه‌ی لۆزانی ئیمزا کرد،له میانه‌ی 1925 تاوه‌کو سالی 1938 چه‌ند هێرشی سه‌ربازی گه‌وره و فراوانی کرده سه‌ر شۆرشه‌کانی گه‌لی کورد له کوردستانی باکوور،هه‌موو سه‌رۆک و ده‌سته‌ی رابه‌رانی شۆرشه‌کانی کوردی ئیعدام کرد،به‌سه‌دان هه‌زار کوردی کوشت و له نێوبرد،ده‌یان هه‌زار بنه‌ماله‌و دانیشتوانی لادێکان به زۆری زۆردار گوێزرانه‌وه، بۆ رۆژئاواو باکووری رۆژئاوای تورکیا،هه‌زاره‌ها رۆشنبیرو هۆشمه‌ند پیاو ماقول و شۆرشگێر و ئازادیخوازی ناو شارو شارۆچکه‌کان گرت و کوشت و خنکاند،ئاسن و به‌ردی قورسی پێوه به‌ستن و به زیندوویی خرانه ناو ئاو .دووه‌م.له سالانی نه‌وه‌ده‌کان حزبوولای تورکی ده‌ستی کرد به کوشتاری خه‌لکی کورد له ده‌وله‌مه‌ند و شاره‌زاو رۆشنبیر و دکتۆر و پارێزه‌ر و هونه‌رمه‌ند و رۆژنامه‌نووس ئه‌ندازیار و سیاسه‌تمه‌دارو که‌سایه‌تی ناودار زانا دانا وه هه‌ندێکیان له گۆری به کۆمه‌لیان شاردنه‌وه،ئه‌مه‌ش هه‌رهه‌مووی به‌فیته‌و و ده‌ستخۆشی لێکردنی دام و ده‌زگا هه‌والگری و سیخوریه تورکیه‌کان بوو. سێیه‌م _له ماوه ی نۆ سالی حوکومرانی خوودی ئه‌ردۆگانی منال کوژ،129 مندالی کورد به‌ده‌ستی پۆلیس و جه‌ندرمه‌ی تورک کوژراوه و له سه‌روی 1850 مندالی کورد حوکم دراون له‌م ژماره‌یه‌ش زیاتر له زیندانیه‌کانن بۆ لێکۆلینه‌وه، هه‌ر هه‌مووشیان له ژێر ته‌مه‌نی هه‌ژده سالین! تاوه‌کو ئه‌و ساته‌ش سولتان ره‌جه‌ب به ئاگرو ئاسن وه‌لامی ئاشتیخوازانه‌ی گه‌ریلاکانی په‌که‌که ده‌داته‌وه‌و به رۆژی رووناک، له‌به‌ر چاوی هه‌موو میدیاکانی جیهان، ئه‌وه له سالێک زیاتره ،به تۆپ و ته‌یاره هیزی تایبه‌ت قه‌ندیل و ده‌ڤه‌ره‌که‌ی بۆمبا باران ده‌کات و، وچوارسه‌د گوندی کوردستانی باشووری کاول کردووه چۆلکراوه له ئه‌نجامی ئه‌م هێرشانه ،به‌لکو ئیمرۆکه ده‌ڤه‌ری قه‌ندیل و باله‌کایه‌تی له رۆژی نه‌ورۆزدا بۆمبا باران کرد ئه‌مه وه‌کو نه‌ورۆزانه بوو بۆ ئێمه‌ی کورد،ره‌جه‌ب تۆرانی به‌م کاره قێزه‌ونانه رق و قینه‌ی دژی کورد نامرێته‌وه به‌لکو به‌ده‌یه‌ها جار چه‌کی کیمیاویشی به‌کار هێناوه،ئه‌مه‌ش بووه‌ته هۆی کوشتنی سه‌دان گه‌ریلا، ئێستاش له‌گه‌ل دابێت گۆری به کۆمه‌ل ده‌دۆزرێته‌وه له کوردستانی باکوور، جگه له‌وه‌ش ئێستا ده‌یه‌وێت فرۆکه‌ی ئه‌مریکی بێ فرۆکه‌وان به‌کار بهێنێت و له‌گه‌ل_ بۆمبی حه‌راری _ واته دژه‌ئۆکسجین له‌م سه‌ده‌ی بیست و یه‌کدا نه‌ته‌وه‌یه‌کی چل ملیۆنی به کۆیله‌یی و بێ ده‌وله‌ت ،ئه‌ردۆگانیش قسه‌ی سه‌رزمانی و بن زمانی باسی داد په‌روه‌ری و یه‌کسانی و ئازادی و مافی مرۆڤ و دیموکراسیه‌ته،له‌ده‌ره‌وه‌ی وولات نمایشی فریشته ده‌کات،به‌لام له ناو وولاته‌که‌ی خۆی ئه‌هریمه‌نێکی گه‌وره‌یه‌و میلله‌تکی گه‌وره‌ی وه‌کوو کوردی بێ به‌ش کردووه له ئاساییترین ماف،ئه‌ردۆگان سیاسه‌تێکی به‌ربه‌ریانه په‌یره‌و ده‌کات،تاوه‌کوو ئێستاش زیندانه‌کانی تورکیا جمه‌ی دێت له ئازادیخوازان و په‌رله‌مانتارانی به‌ده‌په‌و سه‌رۆک شاره‌وانه کورده‌کان و رۆژنامه نووسان و لایه‌نگرانی به‌ده‌په.ده‌بیت ئه‌ردۆگان به سیاسه‌ته ناسیونالیسته توندره‌وه‌کانی دا بچێته‌وه و واز له نمایشکردنی کاره‌کته‌ری کورد کوشتن بێنێت دان به مافه ره‌واکانی کورد بهێنێت ئینجا داوای لێبووردن بکات.ئه‌وه‌ی بۆ تورک ره‌وا ده‌بینێت نابێت بۆ کورد_ کۆنیشمه‌و یه‌ساغ و یه‌تمه_ بێت.ده‌بێت سولتان ره‌جه‌ب بزانێت که ده‌یه‌وێت ناسنامه‌ی نه‌ته‌وه‌ی کورد بسرێته‌وه له‌سه‌ر نه‌خشه‌ی مرۆڤایه‌تی و هه‌موو مافێکی نه‌ته‌وه‌یی و دیموکراسی لێ زه‌وت ده‌کات...!جا ئه‌م نه‌ته‌وه‌یه چی بکات... ?چ رێگایه‌ک له‌به‌ر ده‌میدا ده‌مێنێ که هه‌لیبژێریێ جگه له هه‌لگرتنی چه‌کی شه‌ره‌ف و قاره‌مانیه‌تی وه درێژه‌دان به‌خه‌باتی چه‌کداری شۆرشگێری ..! باشتروایه بۆ ئه‌ردۆگان و ده‌وله‌تی تورکیا واز بێنن له پیاده‌کردنی سیاسه‌تی گۆرینی نه‌ته‌وه‌ی کورد له مرۆڤێکی قسه‌که‌رو ئازادی خواز..بۆ مرۆڤێکی گوێگرو گوێرایه‌ل توانای بینین و بیرکردنه‌وه‌ی نه‌بێت.ره‌جه‌بی برامان له ئایین پێویسته له سه‌ری به سیاسه‌ته‌رادیکالیه‌کانیدا بچێته‌وه که به دژی کورد په‌یره‌وی ده‌کات،واقیعیانه‌و ژیرانه دوور له ده‌مارگیری، بیر له سیاسه‌تی هه‌لکردن و ته‌بایی و پێکه‌وه ژیان بکاته‌وه پردی خۆشه‌ویستی و یه‌کسانی دروست بکات له نێوان کوردو تورک،_پێش ئه‌وه‌ی ده‌ریای خوێن..کورد و تورک لێک جیابکاته‌وه_. هاوکات دانبنێین به‌گشت مافه‌کانی نه‌ته‌وه‌ی کورد له یه‌کسانی و سیاسی کۆمه‌لایه‌تی ئابووری و که‌لتووریجوگرافی و فه‌رهه‌نگی و مێژووی و ئازادیه‌کان وه‌نووسین چه‌سپاندنی له نێو ده‌ستووری نوێی تورکیا...
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
