خۆ ئاگر، ابراهیمی خەلیلی نەسوتان  ، چۆن توانی ئێوە بسوتێنێ ؟!

هتلەر فەرمانی بە فەرماندەی  سوپاکەی  دا ، پاریس بسوتێنێ .. نەیتوانی  ... دڵی نەهات ئەو هەمو جوانی و مێژوە دەرخواردی  ئاگر بات  ، بۆ ئێوە لە پاریس جوانتر نین ؟  وا  داعش   ئەتانسوتێنێ...  

خۆ  ئێوە  بوختانتان  بۆ  عائشە  نەکرد ... بۆ  ئەتان سوتێنن ؟! ...

ئێوە  شمشێرتان  نەکرد بە سنگی    ئیمامی علی   دا . .. بۆ ئەتان  سوتێنن ...   

خۆ ئێوە کراسەکەی  عوسمانی کوڕی  عفان  تان  بە  خوێنی  خۆی  سور نەکرد .. بۆ ئەتان سوتێنن ؟! ..

ئێوە سەری  ئیمام حسەین  و یاوەرانیتان نەپەڕان  لە کەربەلا ... سەرەکانیانتان نەبرد بە دیاری  بۆ یەزید لە  شام  ...

ئێوە  سەیدە  زەینەب  و کچەکانی  ئالی بەیتتان ، بە  سەبایا  نەگرت و نەتان  بردن  بۆ  خەلیفە  لە  دیمەشق  ، بۆ ئەتان سوتێنن ...

خۆ ئێوە  مەدینەی  منەوەرەتان  سێ  ڕۆژ  مباح  نەکرد  بۆ لەشکرەکەی  یەزید ی کوڕی  معاویە .. سێ  ڕۆژ  چیان ویست  لە مەدینە کردیان    .. کوشتن ، تاڵان کردن ، دەسدرێژی  بۆ  سەر ئافرەتان .. بۆ  ئەتان  سوتێنن  ؟! ...

بۆ  ئێوە  بون  زانای ئیسلام  (عبداللە ابن المقفع ) تان  لە  سەردەمی  خەلیفە  ( ابو جعفری منسور)  بە  فەرمانی  والی  بەسرە  ، بە زیندویی دەست  و قاچ  بڕی و فڕێتان  دایە ناو ئاگرەوە؟!  .. . تا بە بەرچاوی خۆیەوە  بسوتێن   .. وا  ئەتان سوتێنن ..

بۆ  ئێوە  بون  (منسوری حلاج )  بە زیندویی  چوار  پەلتان   بڕی  و هەڵتان واسی ؟! ... وا ئەتان سوتێنن  ...

بۆ  ئێوە بون ئیمامی  (طبری) تان بەرباران کرد ؟! ..، وا  ئەتان سوتێنن  ...

بۆ  ئێوە  بون ، یا لەشکرەکەی حجاج  بو  مەکە  ی  پیرۆزی  ئاگر   باران کرد  و (کەعبە) ی ڕوخان ؟١ .. .  وا ئەتان سوتێنن ...

گەر  ئێوەیان  نەسوتانایە ، ئیسلام  شکستی ئەهێنا ؟! ...