دەنگدان مافە
Saturday, 05/05/2018, 20:40
من خۆم هەست بەغوربەت ئەکەم
کەنازانم پێبکەنم
بەخۆم ، یاخود
بەمافەکەم؟
**
لەوڵاتێک شەڕە پەڕۆ ئاکارى بێ
زرمەو تەقەى کلاشینکۆف
بۆ سەرکەوتن
جوانترین مژدەو دیارى بێ
ئەبێ ئەو مافەى من چى بێ
تازە و لۆکە ،یاوەکو شڕ؟
بەرى هەیە ،یان پووچ و زڕ؟
چۆن ماف بۆمن ئەچەسپێنێ
سەرکردەیەک
مێشک بەتاڵ و ورگ پڕ
**
لەم وڵاتە پڕ لەدەعباو
لەم جەنگەل و دارستانە
بەهەزاران مافم هەیە
گەر داواى کەم
یان ئەمکوژن
یاخود ئەڵێن
خڵەفاوە عەقڵى جامە
**
کەچى کاتى ئینیتخابات
چونکە خێرى حیزبى تیایە
ئەڵێن دەنگدان مافى خۆتە
هەقێکى شەرعى ورەوایە
**
لەوڵاتێک
هەموو مافەکان وەهمى بن
بەچەشنى هێڵى ئیستیوا
تف و نەفرەت ئالەو مافەش
نامەوێت وپیرۆزتان بێت
با هەر بڕوا
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
