ملازم جه‌لال بۆ مه‌حکه‌مه‌ی فیدراڵی نه‌وه‌ک بۆ کورسی کۆماری !
Friday, 09/04/2010, 12:00
ده‌نگمان ده‌خه‌ینه پاڵ ده‌نگی ئه‌و به‌رێزانه‌ی که دژایه‌تی کاندیدکردنی مام جلال تاله‌بانی ده‌که‌ن بۆ سه‌رۆک کۆمار له‌لایه‌ن گۆرانه‌وه. ئه‌م سه‌رۆک کۆماره‌ی که ڕۆڵێکی زۆر پیسو دوژمنانه‌ی بینێ له هه‌لبژاردنه‌کانی 7/3 به خۆیوو مه‌فره‌زه‌کانی له که‌رکوک. هه‌موو بانگه‌شه ئینتخابییه‌که‌ی که دوو مانگی خایه‌ن به‌جیاوازی له خه‌ڵکانی تر که مانگێکیان هه‌بوو، له ته‌هدیدو، ده‌ست درێژکردن و داپڵۆسینی خه‌ڵک، خه‌لک کریین، ئه‌رزه ته‌وزیع کردن زیاتر هیجی تری تێدا نه‌بوو، ئه‌م بانگه‌شه ئینتخابیه سه‌رۆک کۆمار خودی شه‌خسی خۆی ئه‌ندازیاریبو و سه‌رپه‌رشتی ده‌‌کرد چی له کرکوک وه چی له سلیمانی. کرده‌وه‌کانی ئه‌م پیاوه و به‌کرێگیراوه‌کانی زۆر ناره‌واو، ناپیاوانه و دوژمنانه بوو. زۆر دوور بوو له‌وه‌ی که له کوردێکه‌وه ، له‌سه‌رووک کۆماره‌وه ، له پیاوێکی ته‌مه‌ن له سه‌رووی 70 ساله‌وه ئه‌نجام بدرێت. کرده‌وه‌کانی ئه‌م پیاوه بییری کۆنی، خه‌ونی ناخۆشی به‌بییر ده‌‌هێنامه‌وه. له هه‌موو ده‌رجوونێکا که ماڵم به‌جێ ده‌‌هێشت و به‌ره‌و کارێکی گۆران ده‌چووم داییم مه‌ترسی ئه‌وه‌م هه‌بوو که شه‌وێک به‌رێوه به‌ره‌و ماڵ تووشی چه‌ند سه‌رسه‌ر‌ییکی سه‌رجاده و چه‌ند مۆنیکاییکی شاراوه له کۆڵانێکا ببمه‌وه‌و دارکاری بکریم. شه‌وان ته‌له‌فۆنه‌که‌م داده‌خست بۆ ئه‌وه‌ی ته‌لیفۆنێکی ته‌هدیدم بۆ نه‌کری یاخو بانگم که‌نه یه‌کێ له محوه‌ره‌کانیان بۆ ئه‌وه‌ی ناوی کارگێره سیاسێکانمان به‌زۆر لێ بدرکێنن بۆ ئه‌وه‌ی به‌پاره یاخوو به ته‌هدید بیانکڕن بۆ رۆژی ده‌نگدانه‌که‌ی 7/3 به‌کاریان بهێنن. به‌عسیه‌کانی 2010 و ئامر مه‌فره‌زه‌که‌یان م. جلال هییج جیاوازییکی نه‌بوو له‌گه‌ڵ مه‌فره‌زه‌کانی به‌عس له 70 تاکانا له شاری سلیمانی وه به‌تایبه‌ت مه‌فره‌زه‌که‌ی ملازم موحسین.
م.جلال، دایم بێگانه په‌رست بووه و هه‌رده‌م به‌چاوێکی سووکه‌وه سه‌یری میلله‌ته‌که‌ی خۆی کردووه. به‌هیچ شیوه‌ییک ئیمانی به دیموکراتیه‌ت نیه و نه‌بوه به غه‌یری ئه‌وه‌ی که له مه‌جلسه‌کانا باس بکری. چی له شاخو چی له شار کرده‌وه‌ی ئه‌م پیاوه دژی هه‌موو ئه‌وانه بوو که منافه‌سه‌یان ده‌کردو ناکۆکیان هه‌بوه له‌گه‌ڵیا چی وه‌ک رێکخستنی جیاواز وه چی له ناو خودی ریکخستنه‌که‌ی خۆیدا. ئیستاس ئه‌م پیاوه ناسنامه‌ییکی تازه‌ی نیه بۆ ئه‌وه‌ی هه‌ڵویستێکی تازه‌ی لێ بگییری هه‌ر له به‌ر ئه‌وه‌ش پیویسته به‌و هه‌ڵوێسته کۆن و تازه‌ییه‌ی خۆی مامه‌ڵه‌ی له گه‌ڵا بکرێ نه‌ک په‌نای بۆ ببرێتو ده‌ستخۆشی لێ بکرێ و دواکاریت لێی هه‌بێ.
ئه‌م پیاوه پیویستی به ده‌نکه‌کانی گۆران نیه بۆ پۆسته‌که‌ی وه‌ک سه‌رۆک کۆمار، چی به بوونی چی به نه‌بوونی، هه‌ر له به‌ر ئه‌و هۆیه‌ش هیچ رێزێک له گۆران ناگرییت و چه‌وه‌روانی هیچ پیوه‌ندییکی تایبه‌توو گرنگی لێ مه‌که‌ن. . ئه‌م نێزگبوونه‌وه‌ی که ئیستا ده‌یبینین پاش زیاد له مانگێ له ده‌رچوونی ئه‌نجامی هه‌ڵبژارده‌کان له لایه‌ن پارتیه‌وه، هیچ نیه غه‌یری ئه‌و ستراتیجه کۆنه‌که‌ی پارتی و یه‌کێتی نه‌بێت بۆ به‌شکردنی پاره‌و کورسی له به‌ین خۆیانا. کورسێکه‌ی مامه دارێکی گه‌وره‌ی دا به‌روحی یه‌کێتی و رێکخستنه‌که‌ی. وای سووک کردوون که سه‌رۆک وه‌زیرانیان تاکو ئیستا ژووری سه‌رۆک وه‌زیرانی پێ نه‌دراوه، بێ ره‌نگوو ده‌نگه، بێ ده‌سه‌ڵاته به لێکدانه‌وه به پێشۆکه‌ی نه‌چیرڤان با‌رزانی. ئه‌م کورسیه‌ش نه‌ک هه‌ر سه‌ری یه‌کێتی خوارد به‌ڵکو خه‌ریکه سه‌ری به‌رهه‌مو کۆسته‌رییش ده‌خوا.
ئه‌وه‌ی م. جلال کردوییتی دژی گۆراخوازان، له نان برینو، دوورخستنه‌وه‌و، زندانی کردن، دژی هه‌موو قانونێکه چی عراقی وه چی ده‌ولی له ولاتێکی دیموکراتی وه‌ک ئه‌وه‌ی تاله‌بانی و به‌رزانی ته‌مسیلی ده‌که‌ن. چۆنێتی چاره‌سه‌رکردنی ئه‌م کێشانه پیویسته رێیکی قانونی بگرێته به‌ر به‌رێگه‌ی په‌رله‌مانی عراقیه‌وه وه به‌رێی دادگای فیدرالیه‌وه له به‌غدا، وه‌ئه‌گه‌ر ئه‌وه‌ش نه‌گه‌یشته ئامانجی خۆی ئه‌وه محکه‌مه‌ی ئه‌وروپی هه‌یه که گۆران و نانبراوان رووی لێ بکه‌ن. نانبرین، دوورخستنه‌وه، زندانی کردنی گۆرانخوازان کاری ئه‌وه‌ڵو ئاخری مامه نیه دژی گه‌لی کوردمان. به‌ردانی فرۆکه‌وانه‌کانی کیمیابارانی هه‌لبجه، به‌ردانی پیاوه‌کانی جه‌بهه‌ی تورکمانی که 27 که‌سیان کوشتو خه‌ڵکێکی زۆریان بریندار کرد له کرکوک. ئه‌م تاوانانه‌ی که کراوه تاوانی زۆر گه‌وره‌ن دژی میلله‌تی کورد و فه‌قیرو هه‌ژاره‌که‌ی. مافی هه‌موو تاوانێکو تاوانبارێکه دادگایی بکرێ. وسکتبوون بۆچی؟ بۆ که‌سێکی تاوانبار نه‌توانری بدرێته مه‌حکه‌مه؟ ئه‌گه‌ر دووباره هه‌ر ترسی تاوانباران نه‌بێت !
م. جلال و چه‌ته‌کانی تاکو ئیستا نه‌مانبینیون ره‌خنه له براکوردکانیان بگرن، ئه‌وه‌ی به‌کار هێنراوه له به‌ره‌نگاری نه‌قدو شه‌ری سیاسی ته‌نانه‌ت هه‌ر تێ هه‌ڵدان و زندانیو ئه‌شکه‌نجه‌دان بوه، بێجگه له شه‌ری ناوخۆ که به به‌رده‌وامی به‌شێ بوه له تاریخی بزوتنه‌وه‌ی کوردی له‌وه‌تی مامه به‌شێکه له سه‌رکرده‌کانی. دوای ئه‌وهه‌موو ساڵه له‌گه‌ڵ مامه و له‌دایکبوونی گۆران له ره‌حمی یه‌کیتیه‌وه، گۆران زۆر به ساده‌یی ره‌خنه له مامه ئه‌گری به‌زمانی گوڵ. مامه گوڵ نیه بۆ ئه‌وه‌ی به‌زمانی گوڵ ره‌خنه‌ی لێ بگییری، مامه دڕکه، دڕکه له چاوی کورد و رێگرێکه له دیموکراتیو ئازادی ئه‌م میلله‌ته. هه‌ر ئه‌م سیاسه‌ته بو، که یه‌کێک بوو له هۆیه گرنگه‌کان که گۆران شکستێ هێنا له کرکوک. ئه‌و کاته‌ی ده‌ست درێژی، ته‌عه‌داو چاوسوور کردنه‌وه له خه‌لکی گۆرانخوازان ده‌کردرا نه‌مانکرد به زمانی خۆیان به‌ره‌نگاریان ببینه‌وه ئه‌مه‌ش وایکرد که گۆراخوازیکی زۆر لێمان دوورکه‌وتنه‌وه له ترسی ئه‌وه‌ی ده‌ستدرێژو ته‌عه‌دایان لێ بکری.
ئیستاش دوای ئه‌وه‌ی کورسێکه‌ی مامه، یه‌کێتیی سووک کرد، سه‌ری یه‌کێتیی خوارد و به‌رێوه‌یه سه‌ری خۆشی بخوا. بۆ ئه‌وه‌ی ئه‌م سه‌ره خۆره راگیری پێویسته به یه‌ک ده‌نگ بڵیین نه‌خێر بۆ کورسێکه‌ی مامه، نه‌خێر بۆ نانبرین، نه‌خیر بۆ زندانی کردن، نه‌خێر بۆ ئه‌شکه‌نجه‌دانی جیاوازی بیرو باوه‌ر. به یه‌ک ده‌نگ به‌ره‌و به‌غدا، بۆ محکه‌مه‌ی فیدرالی بۆ چاره‌سه‌ر کردنی ناکۆکێکانی کوردوو کورد له‌به‌ر نه‌بوونی ماڵی کوردی و ناباوکی باوکی کورد مام جه‌لال تاڵه‌بانی.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
