کامیان ئاوێنەی راستییەکانی سیاسەتی حدکەن، قسەکانی ٢١ ساڵی لەوەوپێشی مەلا حەسەنی رەستگار، یان پەیامی دەفتەری سیاسی حدک،بە بۆنەی ٢١ کەمین س�
Tuesday, 20/07/2010, 12:00
21 ساڵ بەرلە ئێستا مەلا حەسەنی رەستگار ئەندامی هەنوکەی دەفتەری سیاسی حدک لە وتووێژێک دا لە ژمارەی ٢ی گۆڤاری روانەگەی لاوان دەڵێ:
"پێمان خۆش بوو دوكتور قاسملوو بمێنێ تا ئێمه له مه‌یدانی سیاسیدا شكستی بده‌ین و نیشانی بده‌ین ئه‌و رێگه‌یه‌ی خۆی و جه‌ماعه‌ته‌كه‌ی گرتویانه‌ته پێش رێگه‌یه‌كی چه‌وت و هه‌ڵه‌یه و به‌ره‌و هه‌ڵدێری خه‌یانه‌ت ده‌روا." و له باره‌ی ئه‌و تێكهه‌ڵچونانه‌ی كه ئه‌و كاتی له نێوان دوو لایه‌ندا هاته ئاراوه د.قاسملوو به فه‌رمانده‌ری شه‌ڕه‌كان ده‌زانێ و ڕایگه‌یاندووه: " ئه‌مه نه‌وعێك جاشه‌یه‌تی بوو بۆرژێم و قه‌رارگاكانی رژێم"
دەفتەری سیاسی حدک، ئێستا کە مەلا حەسەنی رەستگاریش یەکێک لە ئەندامانی ئەو ناوەندییە، لە بەیاننامەیەک دا بە بۆنەی٢١ ساڵ تێپەڕبوونی تیرۆری دوکتوقاسملو دەڵێ:
" دوکتور قاسملو لە دەوری یەکتر کۆبونەوەی هێزەسیاسییەکانی ئێران و کوردستانی بە یەکێک لە فاکتەرە بە هێزکانی بەربەرەکانی لە گەڵ کۆماری ئیسلامی ئێران و سەرکەوتنی بە سەر دیکتاتۆری دا دەزانی و پێی وابوو هاوخەباتی گەلانی ئێران و هێزەسیاسییەکانی ئەم وڵاتە و یەکگرتنیان لە پێناوی ئامانجە هاوبەشەکانیان دا مەرجی سەر کەوتن بە سەر دیکتاتۆری و کۆپەرستی دایە.
هەربۆیە ئێمە وەک قوتابیان و درێژە دانی ڕیگای ئەو رێبەری، لەم بۆنەیە دا جارێکی دیکە لەسەر پێویستی و گرینگی یەکگرتن و هاوخەباتی لە ئاستی کوردستان و ئێران دا پێ دا دەگرێینەوە."
ئەوە راستە پێشینان دەڵێێن: گۆرگ لە گۆشتی دەخوا، و لەگەڵ مەڕیش شیوەنێ دەگێری.
هەرچەند زۆرم تەقالا کرد هێچ نەڵێم، چاوەڕوانی حیزب بم، چ هەڵوێستێکی لە سەر ئەو قسەچەوت و ناڕەوا و بێ رەبتی مەلاحەسەنی رەستگار لە سەر دوکتور قاسملو لە خۆ دەنوینێ، بەڵام هەرکە چاوەم بە بەیاننامەی دەفتەری سیاسی حدک کەوەت، نە وەکوو دۆستێکی دوکتور قاسملو، بەڵکوو وەکوو کوردێکی بە پەڕۆشی نەتەوەکەم لە بەرامبەر ئەو بێ عداڵەتییە نمتوانی بێدەنگ بم و پەنام بۆ پێنووسەکەم برد و ئەو وەڵام نووسییەوە.
هەر چەندە ئەوە ئەرکی حیزبی دێموکراتە بەدوا چۆنی ئەو قسانەی مەلاحەسەنی رەستگار بکا و راست و ناراست بوونی ئەو قەزییەێ روون کاتەوە و بێخاتە بەردەستی خەڵکی کورد، بەداخێکی زۆرەوە، ئەوانەی کە دەبێ ئەو ئەرکە بەجێ بەهێنن و ئەو کارەی بکەن بە هۆی شەڕ لەسەر کۆرسی پیس و بێ قیمەتی دەسەلاتی کەمپەکانی کۆیە ئەو ئەرکەیان وەلاناوە و لە بەر جەنگی یەکتر وەلانان، پرسی نەتەوەیی کوردیان لەبیر چۆتەوە.
بەرهەر حاڵ من وەکوو پێشتر ئیشارەم پێی کرد چۆن ئاگادار هێندێک ڕووداوەێ ئەو رێکخراوەم، نمتوانی لەم مەسەلەیە چاوپۆشی بەکەم، و بە ناچار دەبێ هەندی شت بخەمە بەردەستی خوێنەرانی بەرێز.
لە کۆنگرەی سێ حیزب لە ساڵی ١٣٥٠ هەتاوی مەلاحەسنی رەستگار لە گەڵ دوکتور قاسملو دەبێتە ئەندامی کۆمیتەی ناوەندی حیزبی دێموکراتی کوردستان، و بەم جۆرە مەلاحەسەنی رەستگار لە پەنای و لەژێر ڕکێفی مودیرییتەی دوکتور قاسملو تا کۆنگرەی هەشتی حیزب لە ساڵی ١٣٦٨ بەردەوامی کار کردن لە حیزبی دیموکراتی کوردستانی ئێران بووە.
دوای کۆنگرەی هەشت، واتە ٢١ ساڵ لەوە پێش مەلاحەسەنی رەستگار بە هاوڕیی دارودەستەکەی لە حیزبی دیموکراتی کوردستان ئێران لا دەدەن و دەست بە دامەزراندنی گەراێکی غەیر لە حیزبی دێموکراتی کوردستانی ئێران دەکەن، و بە قەولی مەلا حەسەنی رەستگار و دارودەستەکەی رێبەرایەتی شۆرگێری و بە پێی رەوت سیاسی حیزبی دێموکراتی کوردستانی ئێران خەتی لادەران وەرێدەخەن. مەلاحەسەن رەستگار داوی تۆرانی لە حیزب لە دیمانەیەک دا لە گەل گۆڤاری روانەگەی لاوان لە ژمارەی ٢ی هێڕش دەکاتە سەر دوکتور قاسملو و بە جاش و خیانەکاری لە قەڵەم دەدا.
دوای ماوەیەک مەلاحەسەن و دارودەستە دەگەرێنەوە ناو حیزبی دێموکراتی کوردستانی ئێران. بەڵام جارێکی دیکە لە پاش کۆنگرەی ١٣ ی حیزب لە ساڵی ١٣٨٦ی هەتاوی، مەلا حەسەنی رەستگار و جەماعەتەکەی لە حیزب جیادەبەنەوە و بناوی حیزبی دێموکراتی کوردستان دەست بکار دەبەن.
پرسیار ئەویە، چۆنە لە ماوەێ ٣٩ساڵی تێپەر بوونی ژیانی سیاسی و کاری حیزبی مەلاحەسەنی رەستگار و داروودەستەکەی لەبیریان نەبووە لەسەر کارە خەراپەکانی دوکتور قاسملو قسە بکەن، بەڵام ئێستا ئەوان دەرفەتەیان بە موناسەب بەرئاوورد کردووە، بەقەولی مەلا حەسەنی رەستگار لە خیانەتەکانی دوکتور قاسملو لە قاو بدەن؟ چ گۆرانکاری یەک لە ژیانی سیاسی ئەو کەسانەدا ڕووی داوە کە هەنوکەی پەنا بۆ ئەو گەمە سیاسییە دەبەن لە کاتێدا جمهۆری ئیسلای ئێران دەرگیری کێشەی ناخویی و دەرەکییە، و هێزەکانی کورد لە هەموو کاتێک زیاتر نیازیان بە یەکگرتنە؟
ئایا مەلارحەسەنی رەستگار و داروودەستەکەی هیچ بیریان لەوەێ کردۆتەوە، ئیتلاعات، سپای پاسداران، قەرارگاکانی نیزامی دیکتاتۆر و کۆنە پەرستی ئیسلامی ئێران بۆ لاواز کردنی شەخەسییەتی بێ وێنە کورد دوکتور قاسملو و کەمرەنگ کردنەوەی خەبات و جووڵانەوەی میللەتی کورد لە ئێران، لەو جۆر تۆمەتان دەخاتە پاڵ دوکتور قاسملو؟
مەلاحەسەنی رەستگار و داروودەستەکەی ئێستە کە لە مەیدان سیاسی ناوخۆ و دەرەوە شکستیان هێناوە، بۆ خۆ دەربازکردنی لە کێشەی چەند بەرەکی ناو حدک ئەو قسانە دەکەن، ئایا ئەو قسانەی مەلا رەستگار نابێ بۆ خۆدی حدکیش جێ پرسیاربێت؟.
چۆنە لە لایەک ئەندامێکی دەفتەری سیاسی حدک لەو پەری بێ حۆرمەتی وتارێکی ئاوا لە سەر بتواناترین ئەندامی خۆی، دوکتور قاسملو دەدا،، و لە لایەکی دیکەوە دەفتەری سیاسی حدک لە ساڵیادی تیرۆری دوکتور قاسملو لە سیاسەتەکانی باشی ئەو لێدوان دەدا؟ ئەگەر ئەوڕۆ حدک فیزدەگری و بە شانازییەوە قسە لەسەر پێوەندی دەرەوەێ دەکا، دەبێ باش بزانن کە دامەزراندی پێوەندی دەرەوە مەدیونی کەسایەتی دوکتور قاسملویە.
پرسیارێکی دیکە لەورابەتەدا ئەویە، باشە ئەگەر دوکتور قاسملو خیانەتەکار و جاش و پیاوی قەرارگاکانی نیزام بوو چۆنە مەلا حەسەنی رەستگار و داروودەستەکەی، دوای زویربوون و تۆرانیان لە حیزب لە دوای کۆنگرە هەشت دەگەرینەوە پاڵ حیزبی دیموکراتی کوردستانی ئێران لە کاتیدا دوکتور قاسملوی سکرتێری ئەوە حیزبەیە و تا کۆگرەی ١٣دەی حیزب لە کارکردن لە گەڵ حدک بەردەوامەن، و هیچ مەتەقیق ناکەن.
خۆ مەلاحەسەنی رەستگار و داروودەستەکەی داوی لادانیان لە حیزب و بەر لە گەرانەوەیان بۆ ناو حیزب دەیانزانی دەبێ ئەوان لە گەڵ فەرماندەی قەرارگاکانی نیزام هاوکاری، خیانەت و جاشەتی بکەن، ئێ چۆن بوو بەو حاڵەشەوەگەرانەوە ناو ریزەکانی حیزب. یان بەقەولی فەرانسەوی دەڵێین:" ئەو زوو حاڵی دەبێ، بەڵام درەنگ تێ دەگا "، وادیارە مەلاحەسەنی رەستگار و داروودەستەکەی تازە لە مەسەلەکەی تێ گەیشتبن؟
ئایا هەلومەرجی حیزبی دێموکراتی کوردستانی ئێران دوای گەرانەوەی مەلاحەسەنی رەستگار و داروودەستەکەی بە بەرئاووردی پێش لادانیان لە کۆنگرە هەشت چ ئاڵوگۆرێکی رووی دابوو، کە ئیتر قاسملویان بە جاشی قەرارگاکانی نیزام هەڵسەنگاندن نە دەکرد؟.
مەسەلەیەکی دیکەی گرینگ کە پێویستە لێرادە باسی لەسەر بکرێت و بخرێتە بەدەستی خوینەران ئەویە، ئەوەندی من لەبیرم پاش ئەوەی مەلاحەسەنی رەستگار و داروودەستەکەی لە حیزب لایان دا، ژمارەیەک لە ئەندامانی حیزبی دێموکراتی کوردستانی ئێران بە دانەدەرەوەی بەیاننامەیەک پشتیوانی خۆیان لە مەلاحەسنی رەستگار وداروودەستەکەی بە بۆنەی زوێربوون و تۆرانیان لە کۆنگرەگی هەشت ڕاگەیاند؟
ئەوانەی ئێستا من لەیادمن، مستەفای شلماشی و خالیدی عەزیزی کە ئەوڕۆ شار بەشار و ولات بە وڵات کۆبوونەوە بۆ ساڵیادی تیرۆری دوکتورقاسملو پێکدەهێنن و ئەشکی تمساحی بۆ دەرێژەن دوو کەس لەو دەستەیە بوون کە بەیاننامەی پشتیوانی لە مەلاحەسنی رەستگار و داروودەستەکەیان واژۆ کرد بوو. کەس نیە لێیان بپرسێ چۆنە ئێوە ئەوڕۆ بۆ قاسملو دەگرین وتا دۆێنی هەموو تەقەلایەک تان بۆ ڕەش کردن و تۆمەت لێی دانی ئەو دەکرد.
بەداخەوە مێژوو زمانی قسەکردنی نیە تا لە جاڕدەرانی بەدرۆ خۆشەویستی قاسملو لە قاو بدا. دەڵێین لە سیاسەتدا درۆ دەورێکی سەرەکەی دەگیری، بەڵام ئیدی نە ئەوندەش کە ئەندامانی دەفتەری سیاسی حدک بڕوایان پێیە.
دەبێ ئەوەش نەبوێردی و بەگوتری کەسێک رۆژێک لە حیزبی دێموکرات دا کاری کردبێ، دەزانی مەلا عەبدوڵڵای حەسەن زادە هەڵوێستی لەمەڕ دوکتور قاسملو چەلون بوو. مەلاعەبدوڵڵای حەسەن زادە تەنانەت بۆ ساتێکیش دۆستی دوکتور قاسملو نبوو، بەڵام چۆنە ئێستا گریانی بە درۆ بۆ قاسملو دەکا، ئێدی ئەوەش لای خۆی پرسیارێکە کە خودی مەلا عەبدوڵڵا دەتوانی وەڵامی داتەوە. مەلاعەبدوڵڵای حەسەن زادە لە هیچ ئمرازێک بۆ بێ حۆرمەتی دوکتور قاسملو قەت کۆتایی نکردووە.
ئاشکرایە ئەندامانی دەفتەری سیاسی حدک کە مەلا حەسەنی ڕەستگار یەکێک لەو ئەندامانەیە، نە باوەڕیان بە قاسملویە، و نە بڕوایان بە حیزبی دێموکراتە، ئەوان زیاتر لە فکری قازانج و بەرژەوەندییەکان خۆیان دان تا ئی خەڵک و خەبات نەتەوەیی کورد و بەم جۆرە هەڵوێست و قسەکردن دەیانهەوێ ڕێگای دانووستان لە گەڵ نیزامی کۆمەڵکۆژی ئیسلامی ئیران هەموار بەکەن و مەشرووعییەت بە سیاسەتی چەوت و نادرووست خۆیان بدەن.
قسەکردنی مەلاحەسەنی رەستگار پێچەوانەی ناوەرۆکی بەیاننامەی دەفتەری سیاسی حدک لە رێکەوی ٢١ پووشپەری ١٣٨٩ لە پێوەندی لە ساڵیادی تیرۆری دوکتور قاسملویە، کە بەتەمای رێز گرتن لە ڕێبازی ئەوەن.
ئەندامانی دەفتەری سیاسی حدک یان گێلەن یاخۆ خۆیان لە گێلی داوە، و هەستییان بەئەوە مەسەلەیە نەکردووە، مەلاحەسەنی رەستگار یەکێکە لە ئەندامانی دەفتەری سیاسی حدکە، کە لەو پەڕی بێ وێژدانی و بێ حۆرمەتی و دوو لە هەموو چواچێوەیەکی حیزبی و ئیسانی، شەخسییەتی گەورە تێکۆشەری بێ وێنەی کورد دوکتور قاسملو دەباتە ژێر پرسیارەوە، و بناوی خیانەکار و جاشی قەرارگاکانی نیزام ناوی ڵێ دەبا، و دەڵێ:
پێمان خۆش بوو دوكتور قاسملوو بمێنێ تا ئێمه له مه‌یدانی سیاسیدا شكستی بده‌ین و نیشانی بده‌ین ئه‌و رێگه‌یه‌ی خۆی و جه‌ماعه‌ته‌كه‌ی گرتویانه‌ته پێش رێگه‌یه‌كی چه‌وت و هه‌ڵه‌یه و به‌ره‌و هه‌ڵدێری خه‌یانه‌ت ده‌روا." و له باره‌ی ئه‌و تێكهه‌ڵچونانه‌ی كه ئه‌و كاتی له نێوان دوو لایه‌ندا هاته ئاراوه د.قاسملوو به فه‌رمانده‌ری شه‌ڕه‌كان ده‌زانێ و رایگه‌یاندووه: " ئه‌مه نه‌وعێك جاشه‌یه‌تی بوو بۆ قه‌رارگاكانی رژیم"
لە لایەک سەیر ئەوەیە کە مەلا حەسەنی رەستگار وەشە "ئێمه" و " شكستی بده‌ین" بکار دەهێنی، ئەوەش ئەوی دەگەینی مەلاحەسەنی رەستگار لە خۆیەوە ئەو قسانە ناکا و دەبێ کەسانێک ئاگاری ئەو مەسەلەیە بن، لە لایەکی دیکەوە دەفتەری سیاسی حدک لە بەیاننامەی خۆیدا بە موناسەبەتی ٢١ کەمین سالیادی تیرۆری دوکتور قاسملو دەڵێ؛ "هەربۆیە ئێمە وەک قوتابیان و درێژە دانی ڕیگای ئەو رێبەر، لەم بۆنەیە دا جارێکی دیکە لەسەر پێویستی و گرینگی یەکگرتن و هاوخەباتی لە ئاستی کوردستان و ئێران دا پێ دا دەگرێینەوە".
ئیستە پرسیار ئەوەیە،کامیان راستی دەڵێن، مەلاحەسەنی رەستگاری ئەندامی دەفتەری سیاسی حدک، یان دەفتەری سیاسی حدک؟. وەڵامی ئەو پرسیارە باشتر خوینەر و خەڵکی کورد بێداتەوە تا حدک و مەلاحەسەنی رەستگار.
قسەقانی مەلاحەسەنی رەستگار و ناەرۆکی بەیاننامەدەفتەری سیاسی حدک، نەک پێچەوانەی یەکترن، بەڵکوو ئاڵۆزی و سەر لێشێوواوی سیاسەتەکانی حدک راڤە دەکەن ؟
٢٢ پووشپەری ١٣٨٩
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
