شێرزاد هه‌ینی که‌سێکی کۆیله و قه‌ڵه‌مێکی ده‌ربار.
Tuesday, 20/07/2010, 12:00
هه‌موو مان ئه‌وه ده‌زانی ئه‌وه‌ی ئه‌مڕۆ له کوردستان دا له سایه‌ی ده‌سته‌ڵاتی گه‌نده‌ڵی هه‌ردوو بنه‌ماڵه‌ی بارزانی و تاڵه‌بانی دا هه‌ر ته‌نها به‌رپرسه باڵاکان دزو گه‌نده‌ڵ و گیرفان پرکه‌ر نین به‌ڵکو کۆمه‌ڵێک به‌ناو رۆشنبیرو نووسه‌رو گۆشه نووسیش به ستایشی پر له درۆو شه‌رمه‌زاری قۆڵیان لێهه‌ڵماڵییه‌وه‌و به ئاره‌زووی خۆیان خۆڵده‌که‌نه چاوی خه‌ڵکییه‌وه‌و بۆ به‌ده‌ستخستنی پۆست و پاره‌و ئه‌رزه‌و شتی تر ئاماده‌ی نووسینی هه‌موو گۆشه‌و وتارو بابه‌تێکی پڕ له درۆو شه‌رمه‌زارین ته‌نها بۆ ئه‌وه‌ی ئه‌وانیش له قوتی دزراوی خه‌ڵکی کوردستان پاروویه‌کی چه‌ورو گه‌رمیان به‌رکه‌وێت. نامه‌وێت درێژه‌ی بده‌مێ ته‌نها له خواره‌وه نموونه‌یه‌ک له‌و که‌سه سووک و ده‌ربارو هه‌لپه‌رستانه ده‌خه‌مه‌روو که له رۆژنامه‌ی ئاسۆی دکتۆربه‌رهه‌م له گۆشه‌یه‌کدا زۆر بێشه‌رمانه که‌وتۆته ستایشت نه‌وزاد هادی دزو گه‌نده‌ڵ و پیاو کوژی شاری هه‌ولێرو له گۆشه‌که‌یدا نووسیوێتی : بۆیه شه‌وێكیان داوای ژماره ته‌له‌فۆنی ئه‌ندازیارو خه‌مخۆری هه‌ولێر نه‌وزاد هادیم كرد، ئه‌ی هاوار ئیتر خه‌ڵکی چۆن هۆشیار ببنه‌وه‌و به‌ڕووی ئه‌و دوو بنه‌ماڵه‌یه‌دا هه‌ڵشاخێن که که‌سانێک له ژێر ناوی نووسه‌رو رۆشنبیره‌وه ئاوا پێشه‌رمانه ستایشی پارێزگای هه‌ولێر بکات و به دزێکی وه‌ک نه‌وزاد هادی بڵێت : ئه‌ندازیارو خه‌مخۆری هه‌ولێر) ئایا ئه‌م ستایشه ئه‌گه‌ر بۆ ده‌ستخستنی پاروویه‌کی چه‌ور نه‌بێت بۆ چییه؟؟ خۆ ناکرێت شێرزاد هه‌ینی بڵێت : من ئاگام له‌وه نییه که نه‌وزاده‌کانی هه‌ولێرو کوردستان چی به‌و میلله‌ته ده‌که‌ن له پێناو ئاره‌زووی خۆیان و ئاغاکانیاندا. ئه‌مه ئه‌و په‌ڕی بێشه‌رم و شکۆییه که‌سێکی وه‌ک شێرزاد هه‌ینی نزیکه شانزه شاله له وڵاتی سوید ده‌ژی و بینیوێتی له سویدو وڵاتانی تر حکومه‌ت چه‌نده له خزمه‌تی خه‌ڵکدایه‌و چه‌نده یاسا سه‌روه‌ره‌وه چه‌نده که‌رامه‌تی تاکه‌کان پارێزراوه‌و سه‌ره‌ڕای ئه‌وه‌یش هێشتا خه‌ڵکی ئه‌و وڵاتانه نه‌ک ستایشی حکومه‌ته‌کانیان ناکه‌ن به‌ڵکو به‌رده‌وام دێنه سه‌رجاده‌و ره‌خنه‌ده‌گرن و ناڕازین له‌و ده‌سته‌ڵات و حکومه‌ت و داوای خزمه‌تگوزاری زیاتر ده‌که‌ن و بۆ جارێکیش نه‌ک نووسه‌رو رۆشنبیرێکیان به‌ڵکو هاوڵاتییه‌کیش ئاماده نییه وه‌ک شێرزاد هه‌ینی بێشه‌رم و بێشکۆ به‌درۆ دانیشێت وتار بنووسێت بۆ به‌رپرسێکی دزو گه‌نده‌ڵ و پیاوکوژ. به‌راستی حه‌قه که‌سانی وه‌ک شێرزاد هه‌ینی ڕیسواو شه‌رمه‌زار بکرێن له‌به‌ر ئه‌وه‌ی ئاوا بێشه‌رمانه خۆڵده‌که‌نه چاوی خه‌ڵکی و ستایشی به‌رپرسانی گه‌نده‌ڵ و دزی وه‌ک نه‌وزاد هادی ده‌که‌ن بۆ مه‌رامی شه‌خسی خۆیان خوێنه‌رانی ئازیز بۆ ئه‌وه‌ی وانه‌زانن من به به‌لاش بوختان بۆ شێرزاد هه‌ینی ده‌که‌م فه‌رموون له خواره‌وه ئه‌و گۆشه‌یه بخویننه‌وه که بۆ ستایشی پارێزگاری هه‌ولێر نه‌وزاد هادی نووسیوه‌و گۆشه‌که‌ی پڕه له درۆ هه‌تا ده‌ڵێت : له ته‌له‌فۆنه‌که‌دا له وه‌ڵامی نه‌وزاد هادی تێنه‌گه‌یشتم به‌ڵام ئه له‌من حاڵی بوو باشه ئه‌گه‌ر ته‌له‌فۆنی بۆکردووی بۆ لێیتێنه‌گه‌یشتووی خۆ به هندی قسه‌ی نه‌ده‌کرد شتێکی تر هێنده بێشه‌رمانه وه‌سفی نه‌وزاد هادی ده‌کات پیاو ته‌واو شێتده‌کات ده‌لێت : تێگه‌یشتم‌و ئه‌و ئه‌گه‌ر وه‌ڵامیش نه‌داته‌وه، دوایی له‌سه‌ر حسابی خۆی لۆتده‌كاته‌وه.)سه‌یرکه‌ن ده‌لێت ئه‌گه‌ر ته‌له‌فۆن بۆ نه‌وزاد هادی بکه‌یت دوای له‌سه‌ر حسابی خۆی لۆتده‌کاته‌وه ئه‌ی هاوار ئه‌مانه بۆ هێنده بێشه‌رمن نه‌وزاد هادی حسابی نیوه‌ی پرۆژه‌کانی هه‌ولێری دزی ئه‌م شێرزاد هه‌ینییه وشه‌یه‌کی نه‌نووسی که‌چی ئێستا باسی جوامێری نه‌وزاد هادی ده‌کات که له‌سه‌ر حسابی خۆی ته‌له‌فۆنی بۆکردۆته‌وه وه‌ک بڵێیت سه‌ردانی چه‌ندین ماڵی شه‌هیدو که‌سو کاری ئه‌نفاله‌کانی کردووه‌و له‌و پاره‌یه‌ی دزیوێتی پێداویستییه‌کانیانی بۆ کڕیوه. من له‌وه زیاتر هیچ ناڵێم : فه‌رموون له خواره‌وه گۆشه‌که‌ی شێرزاد هه‌ینی بێشه‌رم و شکۆ بخوێننه‌وه.
////////////////////////////////////////////////////////////
ته‌له‌فۆنت لۆده‌كاته‌وه شێرزاد هه‌ینی
________________________________________
له‌دوا لاپه‌ڕه‌ی ئه‌م گۆڤاره‌دا ستوونێكم بۆ پڕكردنه‌وه‌ی تۆماری خزمه‌تی شه‌هیدێكی ئه‌ڵمانی ڕه‌گه‌زو ژوورنالیست‌و وێنه‌گر گادگرۆس نووسی، ئه‌و پیاوه ئازایه‌ی به كامێرا‌كه‌یه‌وه له ڕاپه‌ڕین‌و له شه‌ڕه‌كانی ڕزگاركردنی كه‌ركوك شه‌هیدكرا، بۆ به‌رزیی ئه‌و په‌یكه‌رێك له چوارڕیانه خۆشه‌ویسته‌‌كه‌ی ئیسكان له هه‌ولێر دانرا، به‌ڵام له‌به‌ر هۆی هونه‌ری په‌یكه‌ره‌كه هه‌ڵگیرا، منیش داوام كردبوو، له‌به‌ر نه‌مانی هۆكاری هه‌ڵگرتنه‌كه په‌یكه‌ره‌كه بگێڕنه‌وه شوێنه‌كه‌ی خۆی.
دیاربوو من هه‌ستم ده‌كرد نه وه‌زاره‌تی شه‌هیدان‌و نه پارێزگای هه‌ولێرو شاره‌وانییه‌كه‌ی ڕه‌نگه زۆر به‌په‌له‌نه‌بن، یان داواكه‌ی منیان به‌رچاونه‌كه‌وتبێت، بۆیه ئه‌و چه‌ند ڕۆژه‌ی من له‌وێ بووم هیچ چرپه‌و سركه‌و خرپه‌و نركه‌م له‌و فلكه‌یه نه‌بینی. بۆیه شه‌وێكیان داوای ژماره ته‌له‌فۆنی ئه‌ندازیارو خه‌مخۆری هه‌ولێر نه‌وزاد هادیم كرد، زۆریش دڵنیانه‌بووم ته‌له‌فۆنه‌كه‌ی من هه‌ڵده‌گرێت، چونكه زۆرمان بیستووه، كه‌وا به‌رپرسه به‌ڕێزه‌كان، میمسینه‌كان، وه‌زیره‌كان، ئه‌و ته‌له‌فۆنانه هه‌ڵناگرن، ئه‌گه‌ر ژماره‌كه‌ی نه‌ناسن، من له‌وه‌یاندا ناتوانم له‌جیاتی ئه‌و به‌ڕێزانه و‌ه‌ڵامبده‌مه‌وه، چونكه ئه‌وان به‌خۆیان به‌رده‌ست‌و هاوكارو هاوده‌نگیان زۆره، ده‌توانن وه‌ڵامی گومانه‌كه بده‌نه‌وه. ژماره‌كه‌م وه‌رگرت، زه‌نگم بۆ پارێزگاری هه‌ولێر لێدا، سێ چوارجار ته‌نها ده‌نگی زه‌نگه‌كه‌ی خۆم بیسته‌وه‌و ناچار ته‌له‌فۆنه‌كه‌م داخسته‌وه، ئه‌و براده‌ره‌ی ژماره‌كه‌ی دابووه من، سوێندی خواردو زۆریش دڵنیابوو كه‌وا ئه‌و به‌ڕێزه یان میوانی هه‌یه، یان ته‌له‌فۆنی تری له‌گه‌ڵه، یان ده‌ستبه‌كاره. با ئه‌وه‌ش بڵێم شه‌وه‌كه‌ش دره‌نگ بوو، منیش كه‌مێك خه‌یاڵبووم، ته‌له‌فۆنه‌كه‌م خسته‌وه ناوگیرفانمه‌وه‌و له‌بیرمكرد، به‌ڵام له‌ناكاو زه‌نگێكم بۆ هات، هێشتا من سه‌یری ژماره‌كه‌م نه‌كردبوو براده‌ره‌كه‌م په‌رداخه‌كه‌ی ده‌می گێڕایه‌وه‌و وتی نه‌مووت ته‌له‌فۆنت لۆ ده‌كاته‌وه! كه سه‌یر‌مكردو دیقه‌تم داو وردبوومه‌وه‌و خوێندمه‌وه تێگه‌یشتم، جه‌نابی پارێزگاربوو، دیاره من باش ده‌نگی ده‌ناسم، من باشیش ده‌زانم ئه‌و پله‌و پۆستی چییه، به‌ڵام ئه‌و نه من ده‌ناسێت‌و نه‌ده‌زانێت من له‌و شه‌وه تاریكه چیم ده‌وێت. من خۆم به‌كورتی به‌و ناساند، چونكه دیاره كه‌وا ئه‌و ته‌له‌فۆنه‌كه‌ی كردبوو، بۆیه ده‌بوایه زۆر قسه‌نه‌كه‌م‌و وه‌حده به‌و سه‌رف نه‌كه‌م، نه‌شده‌كرا بڵێم جه‌ناب ئه‌گه‌ر زۆرت له‌سه‌ر ده‌كه‌وێت من بۆت ده‌كه‌مه‌وه، بۆیه به‌كورتی‌‌و به كرمانجی، كه هه‌ردووكمان كوڕه كرمانجین، مه‌سه‌له‌كه‌م تێگه‌یاند، كه‌وا من له ژماره‌ی دووهه‌فته‌ی ڕابردووی (هه‌فتانه) داوامكردووه په‌یكه‌ره‌كه‌ی گادگرۆس بگه‌ڕێننه‌وه شوێنه‌كه‌ی خۆی، چونكه به‌ڕاستی ئه‌و كه‌سێ نییه له‌و وڵاته كاری گۆزه‌گۆزه‌كه‌ی بۆ بكات، به‌ڵام له‌سه‌ر هه‌موومانه بڕێك له كاتی خۆمانی بۆ سه‌رفبكه‌ین، به‌ینی خۆمان بێت من ده‌زانم قسه‌كانم كرد، به‌ڵام به‌ڕاستی نازانم ئه‌و و‌ڵامه‌كه‌ی چ بوو، چونكه شه‌وه‌كه‌ش دره‌نگ بوو، جه‌وه‌كه‌ش وابوو، به‌ڵام ده‌زانم كه‌وا ئه‌و له مه‌به‌سته‌كه‌م گه‌یشتبوو.
ئیتر گه‌ڕامه‌وه سه‌رمێزه‌كه‌مان، كه‌سیان نه‌یانپرسی تۆ چ كارت به‌و هه‌بوو، ئه‌ویش چی وت، منیش هیچ قسه‌م نه‌كرد. دیاره له‌دوا ته‌له‌فۆنی خۆم زانیم كه‌وا واخه‌ریكن په‌یكه‌ره‌كه ده‌به‌نه‌وه شوێنه‌كه‌ی خۆی، به‌ڕاستی من ژماره‌كه‌ی ئه‌وم نه‌ماوه، ئه‌گه‌رنا سوپاسمده‌كرد، چونكه تێگه‌یشتم‌و ئه‌و ئه‌گه‌ر وه‌ڵامیش نه‌داته‌وه، دوایی له‌سه‌ر حسابی خۆی لۆتده‌كاته‌وه.
* له رۆژنامه روو زه‌رده‌که‌ی ئاسۆ وه وه‌رگیراوه)
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
