بەرزانى ئەحە سمێڵ لە نەورۆزا جەژنانەى دابەش كرد
Saturday, 21/03/2009, 12:00
بە فیڕۆ دانى داهاتى ئەم میللەت و حیزبە یەكێكە لەو كارانەى ئەم لێپرسراوانەى یەكێتى دەیكەن , ئەمەش بۆ ئەوەیە شتە سەرەكیەكان لە بیر كادرەكان بەرنەوە و وا لە كادرەكانیش بكەن بەردەوام چاو لەبەر بن و هەر بیرو هۆشیان لاى پارە بێت , ئەمانە باش خۆیان دەناسن , باشیش دەزانن لە ڕووى سیاسی و حیزبیەوە چەندە دۆڕاون بۆیە بەردەوام بیریان لاى ئەوەیە هیچ نەبێت كادرەكان چاو لەبەر بكەن و پێیان بڵێن پارە لاى ئێمەیە و بە ئارەزووى خۆمان چۆنمان بوێِت سەرفى دەكەین , ئیتر گوێ بە هیچ نادەین , من وەكو خۆم پێم ناخۆش نیە ژیانى كادرەكان باش بكەن , بەڵام بەم شێوە یە نا , ئەم كارەى ئەمانە ئەمڕۆ لە مەڵبەندى سلێمانى كردیان بۆ ئەوە نیە كە جەژنانە بدەن , ڕاستە بە ناوى جەژنانەوە دراوە بەڵام مەبەستى ترى لە پشتە , ئەگینا بۆ لەوە پێش ئەو كارەیان نەكردوە , ئەمڕۆ باندەكەى بەرزانى ئەحە سمێڵ ئەمەیان بە دەستكەوتێكى زۆر گەورە دەزانى و شانازیان بەوە وە دەكرد ئەم ستافە ئەم جەژنانەیەیان داوە و گلەیى ئەوەیان دەكرد كە ستافى پێشوو شتى وایان نەكردوە , ئەمەیە نەگبەتى یەكێتى و یەكێك لە هۆى تێك شكانى یەكێتى ئا ئەم خاڵەیە جیاوازى بەینى دوو ستاف تەنها بە پارە جیا دەكرێتەوە , سەیر بكەن بزانن چۆن پارە نەفسیەتى كادرى تێك شكاندوە , وەكو تەلەفونى سەر جادەیان لێ هاتوە بێ پارە ئیش ناكەن , ئێستا حاڵى یەكێتى زۆر خراپە , یەكێتى توشى ئەزمەیەكى گەورە بوە , لە ناو جەماوەردا زۆر تێك شكاوە , لە باتى بێن بیر لەوە بكەنەوە یەكێتى چاك بكەن دێن بە پارە هەست و نەستى ئەو كادرانە سڕ دەكەن , وا دەزانن ئیتر كە پارەیان دا كادرە هوشیارەكان هەموو شتێك ئەخەنە لاوە و ئیتر دەستەو نەزەر مل كەچى ئەم دزانە دەبن , ئەوە كادرە كانتان گرت هەر چەندە واش نیە وەكو بۆى چوون ئەى جەماوەر چى لێ دەكەن , ئێستا دەنگۆى لیستى جیا هەیە , دەنگۆى ئەوە هەیە كە زۆربەى زۆرى كادرەكان و ئەندام و خەڵكێكى زۆر دەنگ نەدەن بە لیستى حیزبەكەى خۆیان و دەنگ بدەن بەو لیستە جیایە , بۆیە هاتون بێ هیچ هۆیەك جەژنانە دابەش دەكەن , ئەم كارە بەشێكە لەو دزییەى حیزب دەیكات لە داهاتى خەڵك و دەنگى بۆ خۆى پێ دەكڕێ , هەقە ئەم پرسیارە بكرێت ئایا هەموو مەڵبەندو مەكتەبەكانى یەكێتى وەریان گرتوە ؟ یان بەس مەڵبەندى سلێمانى , ئەگەر هەموو ئۆرگانەكانى یەكێتى وەریان گرتوە ئەم هەموو پارەیە چەند دەكات , كە زیاد لە بیست هەزار زیاتر كادرمان هەیە لە ئەندام كۆمیتە بۆ سەرەوە بێجگە لە ئەندام كەرت , ئاوا دابەش كراوە جێگرى مەڵبەند (250000) هەزار دینار , كارگێڕ (200000) هەزار دینار , لێِپرسراوى كۆمیتە (150000) هەزار دینار , جێگرى كۆمیتە و ئەندام بەش 100000 هەزار دینار ئەندام كۆمیتە 75000 هەزار دینار كادر 60000 هەزار دینارئەندام كەرت (50000) دینار كارمەندو سایەق و چایچى و حیمایەكان هەریەكە 25000 هەزار دینار ئەمە لە مەڵبەندى سلێمانى جاوەرە ئەگەر مەكتەب و مەڵبەندەكانى تر وەریان گرتبێ بە ملیار دینار ئەكات , ئەمە ئەگەر وابێت بە هەدەر دانى پارەى ئەم میللەتە نیە بۆ پیاو پیاوێنە و تەكەتول بەكار دەهێنرێت , ئەوان ئەگەر ڕاست ئەكەن بابێن دزى لە كادرەكان نەكەن , هەتا ئەم ساتە لە ساڵى 2003 وە هەموو كادرێك مانگانە 200000 هەزار دینارى لێ دزراوە , ئەویش لەم ماوەیەى دوایدا ئاشكرا بوو , ئەوە ئەدزن بەڵام لە لایەكى ترەوە بۆ كڕینى كادرەكان دێن داهێنانى نوێ ئەكەن و بە خەیاڵى خۆیان بەس نەورۆز جەژنى كوردە بۆیە جەژنانەى تیا ئەیەن , یەكێتى بە جەژنانە چاك نابێت یەكێتى ئەبێت گۆڕانى تیا بكرێت نەك جەژنانەى تیا بدرێت , ئەو پارەیەى ئاوا بە هەدەر سەرف ئەكرێت بۆ كارى تر بەكارى بهێنن , كادرى یەكێتى پێویستى بەوەیە ڕێزى بگرن نەك بە پارەو نان خواردن نەفسیەتى بشكێنن و بەرزانى ئەحە سمێڵ بڵیت كادرەكانى من وەكو تەلەفونى سەرجادە وان تا پارەیان تێ نەكەیت ئیش ناكەن , بە پارە دانیش ئەو ڕێگەى گرتومانە بەرى نادەین و دەنگمان بۆ لیستى سەربەخۆیە نەك بۆ ئەو لیستەى پارەى ئەم میللەتە بە هەدەر ئەدات بۆ پیاو پەیدا كردن و بیر بردنەوەى كێشە سەرەكیەكان
هەق بوو بەرزانى ئەحە سمێڵ لەو پارە دزراوەى ئاغاكەى تەخشان و پەخشانى ئەكات هەندێكى بۆ كەس و كارى شەهیدان و پێشمەرگە دێرینەكان و كەم ئەندامان و ئەندامەكانیشى پەیدا بكردایە , , خۆ هیچى تێ نەئەچوو یان هیچ نەبوایە بۆ هەموو مەڵبەندەكانى تریشى وەرگرتایە نەك بەس بۆ خۆى بۆ ئەوەى ئێمەى پێ لە خشتە بەرێ
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
