هاواری عەقڵ

Thursday, 07/08/2014, 12:00

لەبیرتانە ئەم دەڤەرە

بۆ خۆ دەرخستن

خێرا چنگیان لەخاک گیرکرد

بە بێ پلان

هەروەک هەنگوینیان لەدارا دۆزی بێتەوە

جەرگ وڕیخۆڵەیەیان هەڵدڕی

خوێنەکەشی

بیابانی مەغۆلیان پێ ئاوداو

بەستەڵەکی ئاوی دەریاو

ئۆقیانووسەکانی

ووڵاتانی بێگانەیان پی خنکان

باڵەخانەکانی (دوبی)ە یان

کۆپی کرد

لەبەخشینی ئەو خوینە

لەگەڵ خورمای قوڕەیش و

تەپوتۆزی غاری حوشتر و

*عەجاجی عەمامە بەسەری

دورگەی عەرەبیان لەناخمانا

ڕووان

وایان زانی ئەمان ئەبن بەقەڵغان

لەنەهامەتیدا

بەرنگاری لەخاک لەنیشتمان ئەکەن

کەچی پێش هەموو شتێ

سوێندیان بۆ ئاغاکانیان خوارد

نەدوبەی نەخورما نەحوشتر

لەشوێنی تر دەستەمۆ نابن



ئومێد ٧/٨/٢٠١٤





*ئەو خۆڵ بارینەیە کە لاخواروی عێراق ناسراوە