سه‌روکێ هێژا! ئه‌ز چه‌وا باوه‌ر بکه‌م ؟؟؟
Saturday, 18/09/2010, 12:00
پارتی دیموکراتی کوردستان هه‌ر ژ روژا دامه‌زراندنێ وهه‌تا ئه‌ڤروکه زور کریارێن هوڤانه ونه‌مروڤانه ئه‌نجامداینه ج ب شێوه‌کێ به‌رجاڤ یان نهێنی ، به‌لێ ئه‌ڤه وێ جه‌ندێ خویا ناکه‌ت ئه‌م بێژین پارتی هیج تشته‌کێ باش نه‌کری یه دژیانا سیاسی وخه‌باتا جه‌کداری دا ژ بو دوزا گه‌لێ کورد ، دڤێت مروڤ راستگو بیت ، رویدانا تیرورکرنا قوتابی وروژنامه‌ڤان سه‌رده‌شت عوسمان خه‌لکێ کوردستانێ خه‌مگین وتوره کرن جونکه نه تشته‌کێ نورماله که‌سه‌ک ب روژ ل پایته‌ختێ هه‌رێمێ بهێته تیرورکرن،پشتی جه‌ندین نه‌رازیبوون وخونشاندان هاتینه سازدان ل کوردستانێ ، سه‌روکێ هه‌رێمێ به‌رێز مه‌سعود بارزانی بریاردا لژنه‌کا تایبه‌ت بهێت دروستکرن ژ بو لێکولینێ ودیڤجوونا تاوانباران ، به‌لێ پشتی ئه‌نجام هاتیه راگه‌هاندن ژ لایێ ڤێ لژنێڤه، که گروپا ئه‌نسار ئه‌لئیسلام ئه‌ڤ کریاره ئه‌نجامدایه ، ته‌خا روژنامه‌ڤانا وخێزانا سه‌رده‌شتی پێ رازی نه‌بوون ، ئه‌ز وه‌کو کورده‌کێ دلسوز وئازادی خاز باوه‌ر ژ ئه‌نجامێت ڤێ لژنێ ناکه‌م جونکه براستی دیرووکا پارتی گه‌له‌ک ژ ڤان جوره سیناریویان تێدا هه‌نه ، دێ هه‌ولده‌م هنده‌ک ژ وان بینم بیرا خانده‌ڤانێت هێژا :
١_ ده‌مێ سه‌رکرداتیا پارتی هه‌می ل ئیرانێ ،ده‌ست هه‌لاتا ئیرانێ گوته: ئیدریس بارزانی دڤێت هین شه‌رێ حزبا دیموکراتا ئیرانێ بکه‌ن یان هین ژ ڤێرێ بارکه‌ن ، ئیدریس بارزانی هنده‌ک که‌س بشه‌ڤ هنارتن سه‌ر گورێ مه‌لا مسته‌فای وکێلیێت وی شکاندن وهه‌لکولان ، پارتی پروپاگنده‌ک مه‌زن دناڤ کوردان دا کر ودگوت: ئه‌ڤه ئه‌ندامێن حزبا دیموکراتا ئیرانێ ئه‌ڤ کریاره ئه‌نجامدایه ، شه‌ری ده‌ست پێکر پارتی بسه‌روکاتیا ئیدریسی هه‌تا بجیکێت دلاندکاندا کوشتن ، ئه‌ڤ هزرا نه هه‌ژی ئیدریس بارزانی کره راستی ، پشتی هینگێ راستی ئاشکرابین .
٢_ کاره‌ساتا زاخو ل 27 شوباتێ ل بازارێ دولاری هاته رویدان ، پارتی ئێکسه‌ر ئێکه‌تی پێ گونه‌هبارکر ، هاولاتیه‌ک بناڤێ ئه‌حمه‌د سالح ئینات سه‌ر شاشا ته‌له‌فزیونێ ودحه‌فتیناما په‌یماندا زمانحالێ پارتی بوو ل دهوکێ جاڤپێکه‌فتنه‌کا درێژ به‌لاڤه‌کر کا جه‌وا ئه‌ڤی که‌سی پاره ژ کوسره‌ت ره‌سولی وه‌رگتینه ژ بو ئه‌نجامدانا ڤی کاری ، پشتی پارتی وئێکه‌تی پێک هاتین گوت ئه‌ڤ کریاره ژلایێ میتا تورکان ڤه هاتیه دروستکرن ، نزانم وه‌کی فلمێ ئاشوپی لێکر لبه‌ر جاڤێت خه‌لکی ، ئه‌حمه‌د سالح ج لێ هات ؟؟ به‌س خودێ دزانیت
٣_ ل 6 / 12 / 2005 پارتی هێرشکره سه‌ر باره‌گایێت یه‌کگرتووی ئیسلامی کوردستان لده‌ڤه‌را به‌هدینان ودوو که‌س لدهوکێ هاتن کوشتن (موشیر ئه‌حمه‌د ئه‌حمه‌د ، عسمه‌ت به‌ندی) وهه‌روه‌سا لزاخو دوو که‌س هاتن کوشتن (مه‌لا شه‌فیق کێسته‌ی ، عبدالرحمن هروری)، سه‌روکێ هه‌رێمێ ئیدانا ڤان رویدانا کر وبریاردا لژنه‌کا تایبه‌ت دروست که‌ت ، تشتێ سه‌یر وعنیکه ژ لایێ پارتی ڤه که‌سه‌ک هاته ده‌ستنیشان کرن ببیت ئه‌ندامێ لژنێ ، خه‌لکێ ده‌ڤه‌را به‌هدینان هه‌می دزانیت کا جه‌عفه‌ر ئیبراهیم کی یه وجی کری یه ل دهوکێ ده‌مێ گه‌نجه‌کێ هێشتا ژ بهارا ژیێ خوه تێر نه بووی دایه به‌ر گولێت دبانجان لسه‌ر شه‌قامی ل نێزیک مزگه‌فتا مه‌لا مسته‌فای ، ل وی ده‌مێ جێگرێ موحمه‌د مه‌لا قادری بی به‌رپرسێ له‌قا ئێک ، ئه‌رێ ئه‌ڤه به‌ر ئاقله که‌سه‌کێ کوژه‌ک ببیت ئه‌ندامێ لژنێ ودیڤجوونێ لسه‌ر کوژه‌کان بکه‌ت ؟؟؟ گورگ ببیت شڤانێ په‌زی
ب هزرا من دێ هینگێ ئه‌ڤ تاوانه ئێن ئاشکراکرن ده‌مێ دووبه‌ره‌کی دکه‌ڤیت دناڤ پارتی دا وه‌کی ئێکه‌تی ، به‌لێ که‌نگی ؟؟؟
براستی من گه‌له‌ک هه‌ولدان ئه‌ز باه‌ریێ بو خوه دروستکه‌م ب ئه‌نجامێت ڤێ لژنێ به‌لێ من نه شیا جونکه لژنه‌کا لپشت په‌ردێ هاتیه دروست کرن دێ جه‌وا ده‌رئه‌نجام راست ودروست بن ؟؟
هزار سلاڤ لسه‌ر گیانێ ڤان روژنامه‌ڤانا بیت یێن ب ده‌ستێن جه‌په‌لان هاتینه شه‌هیدکرن وتیرورکرن ...
/ نه‌رویج
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
