بۆ مه‌لا کرێکار، له‌بری فتوا ده‌رهه‌ق به نه‌به‌ز گۆران و بنه‌ماڵه‌که‌ی، فتوای دژی ئه‌نفالیان نه‌کرد؟!
Wednesday, 28/04/2010, 12:00
ئێمه‌ی کوردی کڵۆل هه‌ربیروباوه‌ڕێ له‌ده‌ره‌وه‌ی کوردستانه‌وه بۆمان به‌دیاری هاتبێ تا بمانه‌وێ و نه‌مانه‌وێ به‌سه‌رمانا بسه‌پێنن، جا ئایا ئایینی یا ناسیۆنالیستی یا کۆمۆنیستی...، به‌ئه‌وپه‌ری دڵسۆزیه‌وه ئیشمان بۆکردوه. تاڕاده‌یه زۆر له‌وانه زیاتر که‌خودی ئه‌و بیروباوه‌ڕه له خاک و خه‌ڵکی خۆیانه‌وه سه‌رچاوه‌ی گرتبێ و گه‌شه‌ی سه‌ندبێ. ڕۆژانێ بو خه‌ڵکانێ له‌ئارادا بون به‌ری خۆیان ئه‌ڕنیه‌وه بۆ باپیره مارکس و باوکه لینین و خاڵه ستالین و مامه ماوتسیتۆنغ. زۆربه‌ی نوسراوه‌کانی ئه‌و زاتانه‌یان خوێندبوه‌وه، مێژوی خه‌باتی خۆیانو ڕزگاری گه‌لیانی وه‌ک ناوی خۆی له‌به‌ربو. له‌سه‌رمێزی خواردنه‌وه‌و کۆڕی مشتومڕو ئه‌ملاولا به‌دورودرێژی له‌سه‌ریان ئه‌ڕۆی. که‌چی دژایه‌تی کورده‌که‌ی خۆی ئه‌کرد که ئه‌یوت: کوردستان داگیر کراوه‌و کورد نه‌ته‌وه‌یه !. به‌ته‌وسه‌وه به‌و مرۆڤه کوردپه‌روه‌رانه‌یان ده‌وت: هه‌ی تڕحێو، خۆ تازه له ئه‌یڕه‌قیبایه . که‌ستالین مرد، له‌وه لاترچێ، حشعه کورده‌کان شین و شه‌پۆڕی دنیایان بۆگێڕا. که‌چی بۆ شێخ مه‌حمودو حه‌پسه‌خانی نه‌قیب و پیره‌مێردو ڕه‌فیق حیلمی و... مێش میوانیان نه‌بو. به‌چوارچاو بۆ گه‌لی فه‌له‌ستینی ژێرچه‌پۆکی زایۆنیزم و و گه‌لانی بنده‌ستی ئیمپریالیستی ئه‌نگلۆ- سه‌کسۆنی له‌ئه‌فریقاو گه‌لانی ته‌واوی ئاسیاو ئه‌مریکای لاتین، ئه‌گریان ! که‌چی بۆ نه‌ته‌وه دابه‌ش کراوو خاک پارچه پارچه بوه‌که‌یان بڤه بو! مته‌قیان لێوه‌نه‌ده‌هات. مرۆڤی نیشتمان په‌روه‌ریان ده‌چواند به‌پیاوی ئیمپریالیزم، به‌کرێگیراو، ڕه‌گه‌زپه‌رست.....!. له‌بیرتانه ئه‌وترا: که‌ی له‌ڕوسیا باران ببارێ، لای ئێمه شیوعیه‌کان چه‌تر هه‌ڵئه‌ده‌ن؟. یادتان چو شه‌وانه گوێیان ده‌گرت له‌ڕادیۆکه‌ی مۆسکۆی به‌ناو دار السلام والتقدم که‌له‌ڕاستیا دار الحرب والتأخر بو، دی به‌ڕۆژ وه‌ک توتی بۆخه‌ڵکیان ئه‌گێڕایه‌وه ؟. هه‌ربۆیه‌کا سه‌رئه‌نجام خۆشیان مایه‌پوج ده‌رچون، ئێستا دابه‌ش بون به‌سه‌ر دو حزبی بنه‌ماڵه‌دا تاچۆڕێ چڵکاوی پاشماوه‌یان به‌رکه‌وێ. ئه‌وانه‌شیان پاش ئه‌وه‌ی بلۆکی خۆراوا ئاش به‌تاڵی کرد، ئه‌وان له‌وێ ده‌ژیان، سوک و باریک کۆرناڵی به‌شه‌ق ده‌ریان کردن. هاتن که‌وتن به‌سه‌ر ده‌ست و پێی ده‌وڵه‌تانی خۆیان واته‌نی، که‌پیتاڵستی ئیمپریالیستی، تاجێگایان بکه‌نه‌وه. ئێستاش له‌بری سه‌رمایه‌ی مارکس و نوسراوه‌کانی لینین، به‌رهه‌مه‌کانی چه‌رچڵ و تاتشه‌ر ئه‌خوێننه‌وه؛ هه‌رهه‌مویان سه‌ری زمان و بنی زمانیان پاره‌یه..!.
ئه‌وانه‌شی که‌وتنه ژێر کاریگه‌ری بیری ناسیۆنالیستی عه‌ره‌بی و فارسی و تورکی داگیرکاره‌وه، چاره‌نوسیان له‌وان تاریکتر بو. بۆنمونه کوردستانی باشور بگرین، ئه‌وانه‌ی کوژران کوژران، ئه‌وانه‌ی کلکیان له‌ناوگه‌ڵیان جوت کردو تێیان ته‌قان تێیان ته‌قان. ئه‌و گه‌جه‌روگوجه‌ره‌شی ماوه‌ته‌وه، وه‌ک جاران چۆن ئه‌ڵقه‌له‌گوێی به‌عس بون ئێستا سه‌گی به‌رقاپی جوته حزبی بنه‌ماڵه‌ن تا پارچه ئێسقانێکیان بۆ توڕده‌نه به‌ر که‌ڵبه‌ی گڵاویان.
بابێینه‌سه‌ر ئاین، به‌درێژایی مێژوی 1400 ساڵه‌ی ئیسلام، کورد له‌ئازاردان و شه‌ره‌ف ئه‌تک کران و به‌عه‌ره‌ب کردن و تاساندنی بیری نیشتمانی و نه‌ته‌وه‌یی و کوشتن و زینده‌به‌چاڵی به‌کۆمه‌ڵ... پشکی شێری به‌رکه‌وتوه. له‌هه‌مان کاتا له‌خودی عه‌ره‌ب پتر له‌خزمه‌تی ئایینا بوه. دوجاران له‌مێژودا قوربانی ئه‌نفال بوین، یه‌که‌میان له‌کاتی عومه‌رو هاوکاره‌کانی پاشی، دوه‌میان له‌سه‌رده‌ستی سه‌دامی کێوی به‌عس دا. گه‌ر وانیه بۆله‌ناو 104 سوره‌تا سوره‌تی 8 الأنفال هه‌ڵبژێردرا بۆگیانی کوردی بێتاوانی ماڵوێران ؟!. زۆرکه‌س هه‌ن واحوکم ئه‌ده‌ن ، خودی کوردی خۆمان، گوایه ئیسلام بێبه‌ریه له‌وڕه‌فتارانه. نه‌خێر چ سه‌دام و چ مامۆستاکانی پێشی په‌یڕه‌وی ئایینیان کردوه، به‌مو لێیان لانه‌داوه.
نوسینێکی ئه‌مڕۆی ڕێزدارو بوێر، کاکه نه‌به‌ز گۆران، له‌کوردستان پۆستی پشتوپه‌نای بێکه‌سانا، به‌ناوی: مه‌لا کرێکار هه‌ڵه‌یه، زۆر هه‌ژاندمی که‌خۆم به‌ترسنۆکو هیچ له‌بارانه‌بو ئه‌زانی گه‌ر لێوی بێده‌نگیم دابکرۆشتایه، هینی و سه‌لامه‌تیم هه‌ڵبژاردایه. نه‌خێر هه‌رگیز من ئه‌وچه‌شنه مرۆڤه نیم و نه‌بوم و ناشبم . باشه کاکی به‌ڕێزم مه‌لا کرێکار، خۆ نه‌به‌ز گۆرانێ له‌ده‌سه‌ڵاتی سه‌رکوتکاری کوردستان نه‌سڵه‌مێته‌وه، نه‌ک هه‌ر به‌رگه‌ی لێدانو هه‌ڕه‌شه‌وگوڕه‌شه‌یان بگرێ به‌ڵکو حسابیشیان بۆنه‌کا، تۆ بڵێی سڵ له‌تۆ بکاته‌وه؟ نه‌خێر. ئه‌و ئه‌ڵێ: که‌سێ نیه به‌ناوی برای من کاتی سه‌رده‌می قێزه‌وه‌نی ئه‌نفال قورئانی ئاگر دابێ. ئیتر تۆ به‌چ هه‌قێ فتوای کوشتنی به‌کۆمه‌ڵیان ده‌رئه‌که‌ی ؟!. ئه‌مه‌وێ یه‌ک تێبینی گرنگ بده‌م به‌مامۆستا، دور نیه ده‌سه‌ڵات پلانی دانابێ دژی کاک نه‌به‌ز، ئینجا له‌ڕێی سیخوڕه‌کانی خۆیانه‌وه تۆیان لێتیژکردبێته‌وه تا ئه‌گه‌ر سبه‌ی تاوانێکیان ئه‌نجام دا، که‌ناتوانن، بیتلێننه‌وه به‌سه‌رتۆداو ناوت پیسکه‌ن. ئێستا ده‌سه‌ڵات چاره‌ی تۆی ناوێ، ئه‌وانه له‌پیلانگێڕانا دژی کورد وه‌ستان، تکایه ئاگاداربه. باشه به‌ڕێزم تۆگه‌ر هێنده تینوو برژاوی قورئانی، خۆ پێنج هه‌زار دێهاتی کوردستان به‌خاک یه‌کسان کرا، ته‌نانه‌ت کوێره گوندێکیش مزگه‌وتی تیابو که‌قورئان له‌سه‌ر ته‌وقی سه‌ری بوه، ئه‌مه‌و جگه‌له‌هه‌ر ماڵێکی لادێش که لێی بێبه‌ری نیه. ئه‌ی باشه ئه‌مانه کێ کردی؟!.. ئه‌ی وڵاتێکی وه‌کو سعودیه، خادم الحرم الشریفین واته : - خائن الحرم الشریفین - فزه‌یان لێوه‌هات ؟! چ وڵاتێکی ئیسلامی، چ که‌سایه‌تیه‌کی ئیسلام له‌هه‌رکوێیه‌کی جیهان بن، له‌سه‌ر ئه‌وتاوانه دڕندانه یه‌ک وشه‌ی له‌زار هاته‌ده‌ر؟!. کاکی خۆم من کۆڵێ دڵم پێت خۆش بو، نه‌ک بۆئه‌وه‌ی خزمه‌تی کوردستان و کورد بکه‌ی به‌ڵکو هه‌رهیچ نه‌بێ درێژه به‌کاره‌کانی ڕابردوت نه‌ده‌ی و خیانه‌تی لێنه‌که‌ی. دژی ده‌سه‌ڵاتی نادادپه‌روه‌ر قسه‌ت کردوه، ده‌نگمان له‌گه‌ڵ ده‌نگته‌و له‌سه‌ر چاوان. داوای دادپه‌روه‌ری کۆمه‌ڵایه‌تی و پێشکه‌وتنی گه‌نجی کورد ئه‌که‌ی، هاوڕاین و له‌سه‌رسه‌رمان. به‌ڵام له‌بری ئه‌وه‌ی ئێخه‌ی مێرخاسێکی وه‌کو نه‌به‌ز گۆران و که‌سوکاری په‌پوله ئاسای ئه‌گری، فه‌رمو بڕۆ بزانه كێ بون ئه‌وانه‌ی فه‌رمانده‌ی سوپا به‌ربه‌ریه‌که‌ی سه‌دام بون له‌هه‌ر قۆناغێکی ڕه‌شی ئه‌نفالا. بۆ نمونه: سه‌رکرده‌و پلان داڕێژی ئه‌نفالی یه‌ک، سوڵتان هاشم بوه به‌ڵام تاڵه‌بانی و بنه‌ماڵه‌که‌ی داکۆکیان لێکردوه !. ئه‌ی نزار خه‌زره‌جی و چه‌نده‌ها دێوه‌زمه‌ی خوێنخۆری وه‌کو ئه‌و بێچوه ده‌عه‌جانیه؟!. مه‌لا کرێکاری به‌ڕێز، فه‌رمو ئه‌وه ئه‌رزو ئه‌وه‌ش گه‌ز، بڕۆ به‌دوی ئه‌و سه‌رانی زۆڵه‌کوردانا بگه‌ڕێ که‌نه‌ک هه‌ر به‌شداریان له‌گه‌ڵ به‌عس کرد بۆ ته‌قاندنه‌وه‌ی مزگه‌وت و سوتاندنی قورئان به‌ڵکو به‌شانازیه‌وه شان به‌شانی سوپای عومه‌ری سه‌دامی له‌زیل و جێبی به‌عسا ده‌رپێو سوخمه‌و ژێرکراسی کیژان و ژنانی کوردی ئه‌نفالکراویان ئه‌کرد به‌سه‌ر لوله‌ی تفه‌نگه‌کانیانه‌وه و هه‌لهه‌له‌یان لێئه‌داو ته‌قه‌ی خۆشییان ئه‌کرد. که‌دیاره ئێستا زۆربه‌یان وان له‌ژێرباڵی ئه‌و جوته حزبه‌ی ده‌سه‌ڵاتیان قۆرخ کردوه، که‌س له‌گوڵ کاڵتریان پێناڵێ ! . فه‌وجیان بۆئه‌که‌نه‌وه، موچه‌ی قه‌ڵه‌ویان ئه‌ده‌نێ، کۆشک و کاروانسه‌رایان پێئه‌به‌خشن !. بڕۆ شه‌ڕی ئه‌وانه‌بکه که‌به‌کورد ئه‌ڵێن: قرد ، ئه‌وانه‌ی له‌ئێستاوه هۆشداریمان ئه‌ده‌نێ که‌له‌گه‌ڵ پاشه‌کشه‌ی سوپای ئه‌مریکی ئێمه‌ش چرای ژیانمان ئه‌کوژێته‌وه، به‌شیعری سوکایه‌تی به (کاکه) ناومان ئه‌به‌ن . شه‌کر ئه‌شکێنن گوایه ئێمه نه‌ته‌وه نین به‌ڵکو لادێییه دوره‌ده‌سته‌کانی فارسین و له‌سه‌رخاکیان میوانین !. گوایه خاوه‌نی زمانی خۆمان نین، زمانه‌که‌مان تێکه‌ڵه‌ی فارسی و تورکی و عه‌ره‌بیه. تائێستا نازانین شارستانیه‌ت چیه !..... کاک مه‌لا کرێکار گیان، هه‌مو گه‌ڕه‌کێ مزگه‌وتێکی دو دۆنمی تیابێ، ژماره‌ی مه‌لا پتربێ له‌مامۆستاو پێشمه‌رگه، هه‌رکوردێ ساڵی چوار حه‌ج بکا، هه‌مویه‌ک له‌ئێمه ببێته سه‌لاحه‌دینێک و نۆکه‌ری عه‌ره‌ب بکا، هه‌ر ماڵه‌و کچێ به‌دیاری ببه‌خشێ به‌عه‌ره‌بی تینو به‌ئه‌تک و سادی، خۆت باشتر له‌من ئه‌زانی زۆریشیان ڕه‌گه‌زی نێریان پێخۆشتره، ده هه‌رماڵه‌و مناڵێکی جوانکیله‌شیان پێشکه‌ش بکا..... هه‌ر ناومان ئه‌به‌ن به‌نه‌وه‌کانی کیسراو کۆرش، هه‌ر به ئاگر په‌رست، هه‌ر ئه‌وانه‌ی محه‌مه‌د ڕه‌جمی کردون، هه‌ربه به‌کرێگیراوی زایۆنیزم و ئیمپریالیزم، هه‌ر به‌جیاخوازو گێره‌شێوێن. ئێستاش بۆیان بلوێ ئه‌نفالێکی ترمان ئه‌که‌نه‌وه. من له‌وباوه‌ڕه‌دام محه‌مه‌د کورد بوایه یه‌ک عه‌ره‌ب فاتیحایه‌کی دانه‌ئه‌دا، ئه‌وانن هین ئه‌که‌ن و میلله‌تی کورده ڕه‌شبه‌ڵه‌کیان بۆئه‌گێڕێ !، به‌وه‌شه‌وه هه‌ر چاره‌ی ئێمه‌یان ناوێ ! چاوی گورگ ئاسایان نامانبینێ !!!. با ئیتر ئایینیه‌کانی ئێمه‌ش گه‌ر ناتونن گوڵ بن، دڕک نه‌بن. که نابیته عه‌بدولڕه‌حان که‌واکبی و عومه‌ر موختاری کورد، ڕێگه‌ش نه‌به‌تۆو نه‌که‌سی تر ئه‌ده‌ین ببێته مه‌لای خه‌تێ. سڵاو له‌مه‌لایانی شه‌هیدی وه‌ک مه‌لا عه‌لی و مه‌لا نه‌جم و مه‌لا ئاواره... سڵاو له‌و شه‌هید مه‌لا گورونه‌ی سلێمانی، که هاوڕێی نزیکی باوکم بو، نابینا بو، هه‌ر له‌به‌رئه‌وه‌ی ڕۆڵه‌یه‌کی پێشمه‌رگه‌ی کۆمه‌ڵه‌ی ڕه‌نجده‌رانی کوردستان بو، به‌عسی ئه‌نفالی له‌زیندانا شه‌هیدی کرد !!. مه‌لا کرێکاری به‌ڕێز، ده بجوڵێ فتوا بۆ بکوژانی ئه‌و مه‌لا کوردستانیه نیشتمانپه‌روه‌رانه ده‌ربکه، ده‌ست له‌به‌رۆکی نه‌به‌ز گۆرانی شێری بێشه‌ی خه‌بات دژ به‌ده‌سه‌ڵاتی تڕۆو، هه‌ڵۆی ئاسمانی دابینکردنی ژینی نوێ و، ئه‌وجا که‌سوکاره سه‌ربه‌رزه بێوه‌یه‌که‌ی، هه‌ڵگره.
له‌نده‌ن -
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
