‎زۆر جار كەكارو كردەوەیەكی سیاسی و سەرۆكە ناودارەكانی جیهان، بەراورد دەكرێت بەكردەوە قێزەونەكانی مەسعودبارزانی، دەڵێن ئەوانە سیاسی گەورەو خاوەن ووڵاتن هەڵەیە ئەو بەراوردە. 

‎ئەی ئەگەر زۆر دوور نەڕۆین، بەڵكو چەند سەد كیلۆمەترێك لەنزیك مەسعودەوە، عابادی سەرۆكوەزیرانی عێڕاقی كاول بوو بەنمونە بهێنینەوەو بەراوردی بكەین، بەڕەفتارو كاردانەوەكانی مەسعود، لەبەرامبەر ناڕەزای جەماوەر دەردەكەوێ، مەسعودو حیزبەكەی، چەند نادیموكراسی دیكتاتۆرن. چەكدارەكانی مەسعود، لەسەر شكانی شوشەی بارەگاكانیان سڵ لەكوشتنی گەورەو بچوكی كورد ناكەنەوە، بەڵام لەولاوە عەبادی، كەتەنها دووساڵە لەدەساڵاتی عێڕاقی گۆمی خوێندایە، هەزاران كەس چونە ناو بینای پارلەمان و سەرۆك وەزیران، سەدان كەس پەلامارو بەردبارانی كاروانی ئۆتۆمبیلەكانی دەكەن لەناو بەغدای پایتەخت، كەچی هێشتا نەمان بینی وەك چەكدارە گوێڕایەڵەكانی خێڵ، خەڵك و هاونیشتمانیانی خۆیان خەڵتانی خوێن بكەن.

‎بۆپاشەوە بەرەو دەڵەتی دیكتاتۆری

‎كارەسات لەوێوە دەست پێدەكات، كەدوو مرۆڤی خێڵەكی و مەزهەبی و خاوەن میلیشیا، دێن باسی چاكسازی و یەكسانی دەكەن. مەسعود كەلەدایك بووی ١٦ی ئۆگێستی ١٩٤٦و لەساڵی ١٩٧٩وە بۆتەسەرۆكی پارتی و لە٢٠٠٥ وە بۆتە سەرۆكی هەرێم، دوای تەواوبوونی وادەی سەرۆكایەتییەكی و تەنانەت دوای دووساڵ درێژكردنەوە بۆی ، هێشتا دەست بەرداری پۆستەكەی نەبووە. بەووتەی ڕۆژنامە بیانیەكان و مایكڵ ڕۆبن ، مەسعودو خێزانەكەی خاوەنی چەندین بلیۆن دۆلارن. سەرباری بازرگانی كردنی نایاسای بەنەوتی هەرێمەوە. خۆی و كەسە نزیكەكانی بنەماڵەكەی، هەزاران دۆنم زەوی و زاری گران بەهایان لەباشترین شوێنەكان داگیركردوە. خۆی و حیزبەكەی هەزاران ڕۆڵەی كوردیان كوشتوە ، سوپای توركیایان هێناوەتە كوردستان و سەدان ئەندام و لایەنگری پەكەكە یان كوشتوەو ڕادەستی توركیاكردۆتەوە. هەرلەسەردەمی باوكیەوە دەستیان هەبووە لەگرتن و كوشتنی كوردانی ڕۆژهەڵاتی كوردستان. لە٣١ی ئاب پێش تانك و دەبابەی ڕژێمی بەعس كەوتن و سەدان كەس بونە قوربانی . تەنانەت خودی مەسعود، دوو برای بەدەستی سەدام لەسێدارە دران ، كەچی وەفای نەك هەر بۆخوێنی براكانی نەبوو، بەڵكو هەڵەبجەو ئەنفال و ڕاگواستن و كوشت و بڕی بەعسی، خستە ژێر پێ بۆ مەرامی بنەماڵەو حیزبەكەی. تا ئەم چركەیەش دژایەتی كوردانی باكورو خۆرئاوا دەكەن. چەند دەزگایەكی ڕاگەیاندنی سێبەریان لەسەر داهاتی دزراوی نەوت بۆ فریودان و كۆكردنەوە مشەخۆرەكانی نێو كۆمەڵگای كوردی و دەرەوە كردۆتەوە. 

‎كەواتە كەسێك خۆی دز بێت، كورد كوژبێت،جاشی تورك و حەجەم و سەدام بوبێت، بەزۆرو هێزی میلیشیا كورسی چۆڵ نەكات، پارلەمانی نەوێت، دادگاو یاسا وەك قۆندەرە لەپێبكات ، لەسەر نوسین و خەیاڵێك، ڕۆژنامەنوس و نوسەر بكوژێت، سەدان تاوانی دیكەی بەئاشكراو نهێنی دەرهەق بەگەلەكەی ێەنجام دابێ، تازەكی دێ باسی چاكسازی دەكات!! بیركڵۆڵ و ڕەنج بەخەسارن ئەوانەی پێیان. وابێ ، كەسێك خۆی توشی ئایدزو شێرپەنجە بوبێ هاوشێوەی مەسعود، بتوانێ چاكسازی بكات. سلێمانی گوتەنی چاكی مەكە باخراپ نەبێ! 

‎لەولەشەوە عەمامە بەسەرێكی دیكەی مەزهەبی وەك موقتەدا سەدر، كەلەدایك بووی ئۆگێستی ١٩٧٣یە، ێەویش كەسێكی خێڵەكی و خاوەن میلیشیای چەكدارە دەستی لەكوشتنی سەدان هاووڵاتی سڤیل و بێ تاواندا هەیە. شەڕی دژی هێزەبیانیەكان و حوكمەتی عێڕاق كردووە لەساڵانی ٢٠٠٤و ٢٠٠٥و كەتائەم ساتەش چەندین فەرمانی گرتی هەیە. چەندین كەس لەڕەوتی سەدر بەشداری پارلەمان و حوكمەتن و زۆرترین گەندەڵی و كاری نایاسای و دزی و كوشتن، لەلایەن ڕەوتی سەدرەوە دەكرێ. یەكێك لەوەزیرەكانی كابینەی پێشو كەسەر بەڕەوتی سەدر بووە، ئێستا لەسەر دزی و گەندەڵی فەرمانی گرتنی هەیە، بەڵام عێڕاقی جێ هێشتووە. ئیدی ئەوە ڕۆژگاری ڕەش و چانسی خەڵكی عێڕاق و هەرێمە، دوو پیاو كوژو لەیاسا دەرچوو، ئیمرۆ هاتوون باسی یاسا و چاكسازی دەكەن. ئینگلیز گوتەنی، بەختێكی باش ئەی میللەت. good luck.

‎قەزافی و سەدام لەهەڵبژارنەکاندا، زیاد لەسەدا هەشتای دەنگەکانیان مسۆگەر دەکردو دەیان ووڵاتی گەورەی جیهانیان لەپشت بوو، بەڵام قەزافی، بەدەمانچە زێڕینەکەی خۆی و بەدەست گەلەکەی لەناوچوو. سەدامیش لەکونی جرجدا هێندرایە دەرێ ملی بەدارەوە کرا. ئیدی بارزانی، کەجگە لەوبازرگان و ئەوانەی بۆ پارەلەبەردەمیدا دەنوشتێنەوە کێ لەدەورەو

‎ کێ ڕزگاری دەکات.

‎پارتی و پارە

‎پارتی و نەوت

‎پارتی و خوێن

‎پارتی و خیانەت

‎پارتی و تیرۆر

‎پارتی و جاشایەتی

‎پارتی و کوشتنی کورد

‎پارتی و ٣١ی ئاب

‎پارتی چۆك دادان بۆ دوژمن

‎پارتی و ئاشبەتاڵی ٧٥

‎پارتی و ڕاکردن لەبەرامبەرداعش

‎پارتی و...............................