پارتى ب بریارین نوى دى بادینان ژ دەست دەت

Saturday, 19/03/2011, 12:00

ل ڤان روژین بورین دەنگ و باسین هندەك بریارین نوى بەلاڤ بون كو (مەكتەب سیاسى) یا پارتى ل بەرە بكەت ئەو ژى گوهارتنا مەسئولین لەقین خویە . ئەڤ دەنگ و باسە زور ب سلبى دناڤ خەلكى دا هاتینە وەرگرتن و ل هەمى دیوان و كولانان بەحسى خەلكى بویە ئەڤ گوهرینە . كو زور خەلك دبیژن ئەڤە دیماهى یا پارتى یە و ئەو بخو دى خو ئیك لاكەن . چونكە ب هویرى ئەگەر ل ڤان گوهرینان بنیرین . دبینین بەرهەمى ێراعا توندا ناڤخویا سەركردایەتى یا ڤى حیزبى یە و دراستى یا خودا ڤەریژا هەڤركى یا (نچیرڤان) و (مەسرور) بارزانیە .
لەقا ئیكا پارتى مهمترین لەقا پارتى یە كو پشكا شیرا جەماوەرى پاریزگەها دهوكى د سنورى ڤى لەقى دایە , و (سربست سندورى) بەرپرسى لەقى یە , و كو ئەڤە دو سى سالن ئەڤ كەسە مەسئولیەتا ڤى لەقى دكەت و حەتا ئاستەكى زور شیایە پارتى ل ڤى سنورى بكەتە حیزبەكا جەماوەرى و كیرڤى یەكگرتوو و حیزبین دیتر بینیتە خارى ,. حەتا ئاستەكى خەلك حەش ڤى كەسى دكەت . و دەرگەهى وى ڤەكریە .و تاكە بەرپرسى بادینانە كو گەندەلى دەف نینە . لى ل كونگرەیى 13 ڤى حیزبى دا ئەڤ كەسە چووبوو د لیستا (مەسرور بارزانى) دا , و كەفتیە بەر غەزەبا (نچیرڤان بارزانى) و فازل میرانى , و بریار وەسایە كو ئەڤ كەسە بهیتە ڤەگوهاستن بو لەقا (ئاكرێ) كو دراستى دا لاوازترین لەقا پارتى و اهمال ترین دەڤەرا پاریزگەها دهوكى یە و بو ڤى بەرپرسى پارتى ئەڤە وەك (تنزیل درجە) دهیتە هەژمارتن .
لگور بریارى , (عبدالخالق بابیرى) بەرپرسى لەقا زاخو دبیتە بەرپرسى لەقا دهوكى . كو ئەڤ كەسە د كوتلەیا (نچیرڤان بارزانى و فازل میرانى) دایە و دەستى راستى (پاریزگەرى دهوكى) تەمەر رەمەزانە . زور كەس دبیژن (دانانا ڤى كەسى ب ریكا تەمەر كوچەر بویە . چونكە سەربەست لەزگین زور لسەر گەندەلیین پاریزگەرى و ئیدارا دهوكى كار دكر , و ب هاتنا عبدالخالق بابیرى ئیدى بەرپرسین دائیران و پاریزگەر ژ چ ناترسن . چونكە پاریزگەر و بەرپرسى لەقى پیكڤە شریكن .
یا دیتر ئەڤ بەرپرسە (عبدالخالق) یى ناڤدارە ب (ڤەخارنا مەشروبى) و هەمى شەڤان ل نادیا و جهین ڤەخارنى مژویلى ڤەخارنى یە و هاتنا وى بو دهوكى , دى كیرڤى یەكگرتوو بلند كەت و نەرازى بونا جەماوەرى پتر لى كەت . لى چونكە ئەڤ كەسە ژ كوتلا فازل میرانى و پاریزگەرى دهوكى یە . ئەڤ بریارە بو وى وەك (ترفیع درجە) دهیتە هەژمارتن و هەر وەك بویە ئەندامى مەكتەبا سیاسى . لى خەلكى زاخو زور ژى نەرازى بوینە و كیم تعامول دگەل دا دكر .
. بریارە (سربست تروانشى) بەرپرسى لقا شنگارى بیهتە ڤەگوهاستن بو بەرپرساتى یا لەقا زاخو . ئەڤ بەرپرسە یى ناڤدارە ب (عەقلییەتا لەشكەرى) و یى ڤالایە ژ (عەقلییەتا حیزبى و رەوشەنبیریى) و ئەڤە چەند سال بوون شنگارى ب هیزا زەڤلەك و عەقلى ئیمناهى ب ریڤە دبر . زاخو پشتى دهوكى پر نفوس ترین قەزا دهوكى یە و خودان خەلكەكى رەوشەنبیر و ب هەلویستە و مەحالە ئەڤ جورى عەقلیەتا لەشكەرى و نە رەوشەنبیر بشیت دگەل خەلكى زاخو سەرەدەریى بكەت . زور بەیا خەلكى زاخو دانانا (سربست تروانشى) ب بەرپرسى دەڤەرا خو , وەك ئیهانەیەك بو خو دزانن . لى چونكە ئەڤ كەسە ژ دەستەكا (فازل میرانى) یە, ئەڤ بریارە بو دەركەفتیە كو بو وى وەك (ترفیع درجە) دهیتە دانان, و ئەز باوەرم خەلكى زاخو ڤى بەرپرسى قەبیل ناكەن و دى هەولا گوهرینا وى دەن , یان ل انتخاباتان دى انتقامى ژ پارتى وەرگرن .
بریارە كەسەك بناڤى (عبدالعزیز) كو ژ مالا (عەجەمى) یە و فەرماندەیەكى لەشكەریى پارتى ببیتە بەرپرسى لەقا شنكارى , كو ئەڤ كەسە نە ئەندامى سەركردایەتى یا پارتى یە و نە خودان رەوشەنبیرى و خەلفیەیتەكا حیزبى یە ژى , ئەڤ چەندە ژى بویە ئەگەرا نەرازى بونا ئەندامین سەركردایەتى یا پارتى كو هاتینە ئیهمال كرن .
بریار وەسایە (قادر قەچاخ)بەرپرسى لەقا ئاكرى , بهیتە ڤەگوهاستن بو پەیمانگەها كادران . كو بەرى چەند هەیڤان ئەڤ كەسە بەرپرسى وى بویە و ئەڤ بریارە دەرحەقا وى سەلماندنا ڤى راستیى یە كوبتنى ئەو بو چونا كونگرە و دەریخستنا وى بو سەركردایەتى یا پارتى ئینابوو لەقا ئاكرى . ئەو ژى ژ دەستەكا (نیچیرڤان و فازل میرانى) دیهیتە دانان .
بریارە كو (فریق فاروق) بەرپرسى لەقا شیخان بهیتە ڤەگوهاستن بو لەقا ئامیدیى . ئەڤ كەسە ل كونگرەیى 13 پارتى دەنگ نەئینان و نە ئەندامى سەركردایەتى یا پارتى یە , هەر نوكە كارگیر و ئەندامین لەقا ئامیدیى نەرازى بونا خو دیار كریە و نەرازینە كو ئەڤ كەسە بچیتە ئامیدیى , لى چونكە ئەڤ كەسە مروڤى (ئازاد بەروارى) یە و دهیتە هەژمارتن ژ دەستەكا (مەسرور بارزانى) و كارگیرین لەقا ئامیدیى ژى پتر هەڤالین پاریزگەرى دهوكى و عبدالخالق بابیرینە . هەر نوكە دژایەتى یا وى دكەن .
بریارە (سربست بابیرى) كو بەرپرسەكى لەشكەرى یە ببیتە بەرپرسى لەقا شیخان , ئەڤ كەسە ناڤدارە ب (بى موستەوایى یا سیاسى و رەوشەنبیرى) و زور تیبنیى ژ ئالیى (ئەخلاقى) ڤە لسەر هەنە . دەڤەرا شیخان ژى كو دەڤەرەكا تیكەلە ژ كورد و عەرەب و مەسیحى و موسلمان و ئیزیدى یان . پیدڤى ب مروڤەكى رەوشەنبیر و سیاسى هەیە .
ب گشتى نوكە ل ناڤ خەلكى دهوكى بەلاڤە كو ئەڤ جورێ گوهرین و نوى بونەڤە و دادپەروەرى یا كونگرى 13 پارتى , تشتەك نینە ژبلى رى بەرزە بونا سەركردایەتى یا پارتى و دورى یا وان ژ واقعى كومەلایەتى یا كوردستانى و هیچ كەسەك ژ ڤانە نەشیت سەركەفتنى د جهى خویى نوى دا ببینیت , بەلكو ئەو كەسین ئەڤ بریارە دەریخستین پتر دهزرا شكاندنا ئیك و دو دا بوینە نە پیشئیخستنا پارتى . و لگور باوەرا من دى پارتین معارز باشترین مفایى ژى وەرگرن و ئیدى هەوجە ناكەت كەس هەڤركى یا پارتى بكەت . چونكە هەڤركیین ناڤخویین لەقین پارتى د پەقن و هەر بەرپرسەك ژ ڤانە دى دەست ب وەرگرتنا (انتقاما)ن ژ هەڤال و كوتلەیین بەرپرسى بەرى خو كەت و ئاگەه ژ حیزبین دیتر نامیینت