له کوردستان ... ئه‌م ده‌سه‌ڵاته هه‌ر چه‌ند ڕسوا بکرێت هێشتا که‌مه
Saturday, 15/09/2012, 12:00
نوسینێکه هه‌ر جاره‌و باسی شتیک یا له سه‌ر شتێک قسه ده‌که‌ین به زمانێکی زۆر ساده‌و ساکار ، به‌ینی خۆمان بێت باشتره له وه‌ی زه‌می خه‌ڵک بکه‌ین ، ئێمه ته‌نها عه‌یب و عاره‌کان باس ده‌که‌ین بۆ ئه‌وه‌ی بزانن که‌وا خه‌ڵک به ئاگایه نه خه‌وتوه.
ئه‌م نووسینه چه‌ند بابه‌تێکی جۆراو جۆر له خۆ ده‌گرێت، هه‌ر یه‌که‌یان به چه‌ند دێڕێک ده‌سه‌ڵات و به‌رپرسانی ڕسواده‌کات.
1. به‌رپرسانی ده‌سه‌ڵات زۆر حه‌ز ده‌که‌ن زوو زوو سه‌ردانی ماڵه شه‌هیدان بکه‌ن و جه‌ژن و یاده‌وری شه‌هیدانیش زوو زوو بکرێت ..... به‌بی ته‌علیق ... ئه‌وه‌شیان له ده‌روون و دامێن پاکیه و به‌وه‌فان بۆ شه‌هیدانی سه‌نگه‌ر.
2. له پرسه‌ی به‌رپرسه‌کانی ده‌سه‌ڵات له مزگه‌و‌ته‌کان ئه‌وه‌نده‌ی ماستاوچی و چڵاو (به‌ره‌ماوه) خۆره‌کان به پا وه‌ستاون له‌به‌ر ده‌رگا وه‌ک چه‌ته‌ی مافیا، ئه‌وه‌نده خزم و که‌سی به‌رپرسه‌که له له پرسه‌که نین و ئه‌وه‌نده خه‌ڵکیش له ژووره‌وه دانه‌نیشتون.
3. زۆر به‌لامان سه‌یر بوو ڕۆژێکیان هه‌واڵێک له یه‌کێک له میدیاکانی ئه‌هلی بڵاو کرابوه‌وه که گوایه پارتی ئۆتۆمبێلی حکومی به‌کار دێنێ بۆ هه‌ڵواسینی لافیته‌کان له یادی دامه‌زراندنیدا له 16 ی ئاب و 11 ی ئه‌یلول و .... به‌ڕاستی به‌لامانه‌وه سه‌یره باسی هه‌واڵێک له‌و شێوه‌یه بکرێت، چونکه پارتی هیچ شتێکی حکومی و ئه‌هلی نه‌ماوه به‌کاری نه‌هێنێ ڕۆژانه و به‌بێ به‌رامبه‌ریش، ئه‌و وانه‌یه‌ش وه‌ک 31 ی ئاب هه‌ر له کۆنه‌وه له ئاغاکانیان بۆ ماوه‌ته‌وه که کاتی خۆی ڕژێمی دیکتاتۆر ئۆتۆمبێلی خه‌ڵکی کاسب به سوخره ده‌برد بۆ کاره‌کانی و بۆ قادسیه‌ی به‌دناو و خوێناوی.
4. له کۆڕۆ کۆبونه‌وه‌کانی حزبیدا ته‌نها به‌رپرسانی حزبی بۆیان هه‌یه قسه بکه‌ن، ئاماده‌بوان بۆیان نیه هیچ بڵێن، هه‌ر وه‌ک له مزگه‌وت چۆن خه‌ڵکی له نوێژی خوتبه‌ی رۆژانی هه‌ینی ته‌نها گوێ ده‌گرن و ده‌میان داده‌خرێ.
5. دیکتاتۆریه‌ت چیه و کێ دیکتاتۆره، زۆر به کورتی به مانای تاکڕه‌وی له حوکمڕانی، به کوردیه‌که‌ی جڵه‌وی هه‌موو شتێک له ده‌ستی تاکه که‌سێک بێت.
جا با بێنه سه‌ر ئه‌و شته‌ی که جیگای مه‌به‌سته:
قه‌وانیکی کۆن و پڕ له شوخت ڕۆژانه گوێ بیستی ده‌بین له ڕادیوو که‌ناڵه ته‌له‌فزیۆنه‌کان و به نووسینیش زۆره هه‌ر باس ناکرێت له سه‌ر کاغزه زه‌رده‌کان و ماڵپه‌ڕه‌کانی سه‌ر به‌ده‌سه‌ڵات که گوایه حوکمڕانی به‌غداد به‌روه دیکتاتۆریه‌ت ده‌روات و به تاکڕه‌وی وه‌سف ده‌که‌ن، ئێمه مانان هیچ لاریمان له‌وه نیه که هه‌رگیزاو هه‌رگیز حکومڕانی له به‌غداد هه‌ر تاکڕه‌و بووه له‌و ڕۆژه‌ی ده‌وڵه‌تی عێراق دامه‌زراوه تا به حوکمڕانی ئێستاش ده‌گات، به‌ڵام ئه‌وه‌ی که سه‌رنج ڕاکێش بێت ئه‌وه‌یه که ده‌سه‌ڵاتی هه‌رێم حوکمڕانی به‌غداد به دیکتاتۆر وه‌سف ده‌کات و ناوه ناوه‌ش گڕ ده‌یگرێ و باسی ده‌نگدان ده‌کات و گه‌ڕانه‌وه بۆ ڕای گشتی خه‌ڵک له هه‌رێم. به‌ڕاستی زۆر سه‌رنج ڕاکێشه ده‌سه‌ڵاتێک باسی دیکتاتۆریه‌ت بکات و بێ ئه‌وه‌ی که که‌میک بگه‌ڕیته‌وه‌و سه‌یری هه‌یکه‌لی دامه‌زراوه‌ی حوکمڕانی خۆی بکات، کو‌رد گوته‌نی: (سووژن له چاوی خۆت ده‌رهێنه ئینجا ده‌رزی له چاوی خه‌ڵک)، باوک سه‌رۆک بێت و کوڕه‌که‌ی به‌رپرسی ده‌زگای ئاسایشی هه‌موو هه‌رێم بێت و ده‌سه‌ڵاتی له سه‌رووی په‌رله‌مان و حکومه‌ت و ده‌سه‌ڵاتی دادوه‌ری بێت و هه‌ر وه‌هاش برازاکه‌ی سه‌رۆکی حکومه‌ت بێت و سوڵته‌ی موتڵه‌قیشی هه‌بێت، باسی ئه‌ندامانی بنه‌ماڵه‌کان ناکه‌ین که‌وا له خوارووی ئه‌و پلانه دێن چونکه به ئاسانی هه‌ژمارده ناکرێن. ئاخۆ پێم ناڵین دیکتاتۆریه‌ت چیه خه‌ڵکینه، ناکاته ئه‌و پێناسه کورته‌ی له‌سه‌ره‌وه کردمان.
6. .کۆبونه‌وه‌ی مه‌کته‌به‌سیاسیه‌کان که‌ی کۆتایی پێدیت:
بۆ خاتری ئه‌و خودایه خێر خوازێک نیه له ناو ئه‌م دوو حزبه ئامۆژگاریان بکات و پێیان بڵێت ئیتر به‌سه، کۆبونه‌وه له‌گه‌ڵ ئه‌م خه‌ڵکه هه‌ژاره بکه‌ن و گوێیان لێبگرن بزانن چۆن و چڵۆنن و له چیدان. ئه‌رێ ئه‌وه چ شه‌رمه‌زاریێکه له ناو ئه‌و هه‌وموو سه‌روه‌تو سامانه خه‌ڵکی کاولێکیان نه‌بیت له ناوی بژین له ژێر که‌پری نایلۆن ژیان به‌سه‌ر به‌رن، کۆبونه‌وه‌‌کانیش له‌کۆشک و ته‌لاره‌کانی فینک و خۆش له پشت ده‌رگا داخراوه‌کان داهاتی ئه‌و خه‌ڵکه له نێوان خۆیان دابه‌ش ده‌که‌ن. ئه‌گه‌ر ئه‌وه سه‌رنج ڕاکێش نه‌بێت ئه‌ی چی سه‌رنج ڕاکێشه.
7. سواڵ کردن له شه‌قامه‌کانی هه‌رێم : هه‌ر باڵه‌خانه‌یه‌و به‌رز بۆته‌وه، ئوتێلی پێنج ئه‌ستێره‌یه‌و کراوه‌ته‌وه، پاره هه‌ژماردن له ده‌فته‌ره‌وه بوه به بلۆکه‌وه، بستێک زه‌وی نه‌ما نه‌ی فرۆشنه‌وه، نه‌و‌ت نه‌ما ڕه‌وانه‌ی ئێران و تورکیا نه‌کرێته‌وه...... باسی چی بکه‌م، تا یه‌که‌م رۆژی جه‌ژنی قوربان بنووسم و هه‌ژمار بکه‌م ئه‌م نووسینه به کۆتایی ناێته‌وه، خه‌ڵکی هه‌ژاریش ورده ورده به سکی برسی ده‌خولێنه‌وه، ئێمه مانانیش که به سه‌ردان ده‌گه‌ڕێنه‌وه له شه‌قامه‌کان سواڵکه‌ران ده بینینه‌وه.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
