لە سێیەم رۆژی كۆنگرە دووبارە پۆرتی (دلێری سەید مەجید)یان شكاند

Thursday, 03/06/2010, 12:00

لەدووەم رۆژی كۆنگرەدا دلێری سەید مەجید پۆرتی شكێنراو بەهەمان شێوە لەسێ یەمین رۆژدا پۆرتی شكێنرایەوە.

لەدانیشتنی پێش نیوەڕۆی 3-6، واتە سێ یەم رۆژدا دلێری سەید مەجید ویستی خۆی بپاڵێوێ بۆ مقرری لیژنەی دارایی تا ئەو پێشنیاز و راپۆرتەی دەدرێن و دەخرێنە دەنگدانەوە بەهەمان شێوە و بەئارەزووی خۆی شەن و كەویان بكات و بەدڵی بنەماڵەی تاڵەبانی بێت، بەڵام هێندە كارتی سووری لەدژ بەرزكرایەوە و كەوتنە پێكەنین و گاڵتەكردن پێی تا وای لێهات هێندەی نەما بوو پشێوی بكەوێتە ناو هۆڵەكە.

ئەوەی كە بۆ ئێمەی ئەندامانی كۆنگرەو گروپی فشار زەحمەت تر و ناخۆشتر بوو ئەوە بوو كە لە جیاتی دلێری سەید مەجید كەسێكی خراپتر بووە مقەرری لیژنەكە ئەویش بایز تاڵەبانی بوو.

دوای دانانی لیژنەكان كە زیاتر لە13 لیژنەیە بڕیار درا لە پاشنیوەڕۆی 3-6ەوە دەست بەكۆنكردنەوەی رای لیژنەكان بكرێت لەلایەن بڕیاردەر (مقەرەر)ی لیژنەكانەوە و بۆ چوارەم رۆژ موناقەشەی راسپاردەو پێشنیازی لیژنەكان بكرێت.