جا با به ده‌زگا جاسووسییه‌که‌ی ئێران بلێین، ئێوه هه‌ڵه‌ن..
Friday, 30/04/2010, 12:00
له هه‌واڵێکی سایتێکی ئێرانی به‌ناوی"جیهان" هاتووه: بەمدواییانە تۆڕە سیخوریەکانی سەر بە دەزگای زانیاری ئەمریکا لەسەر سنورە هاوبەشەکانی عێراق و ئێران بەمەبەستی کۆکردنەوەی هەواڵ کەوتونە جموجوڵ و بێ ئەوەی خۆیان بەشدار بن و حەساسیەت دروست بکەن، زانیارییەکانیان کۆ دەکەنەوە.
سایتەکە لەدرێژەدا دەنوسێ: ئەم دەزگایانە زۆر پێشکەوتون و دیمەن و دەنگ بەکوالیتێکی بەرچاو تۆمار دەکەن. هەندێک لەو کامێرایانە بەئاژەڵەکانی کوردستانی عێراقەوە دەبەسترێنەوە و رەوانەی سنور دەکرێن.
شایانی باسە هێزەکانی سەر سنوری کۆماری ئیسلامی ئێران جگە لە تەقەکردن و کوشتنی کاسپکارانی سەر سنور، زۆر جار و بەبیانوی جوراوجۆر ئاژەڵەکانیش دەکەنە ئامانج و لەناویان دەبەن.
لێره‌دا ده‌مانه‌وێت به‌و سایته و ده‌زگا جاسوسییه‌که‌ی ئێران بلێین: چ پێویست ده‌کات ئه‌مه‌ریکا ئاژه‌ڵ به کاربێنێت ، خۆ دوو گه‌وره ئاژه‌ڵ"جاش"ی به‌ینی میلله‌یی هه‌یه به‌وکارانه هه‌ڵده‌ستن ، ئه‌وانیش هه‌ردوو سه‌رۆک بنه‌ماڵه‌ن" مه‌سعود و جه‌لال".
له‌لای ئه‌مه‌ریکا ئه‌مه‌ریکایین و دژی ئێرانن ، له‌لای ئێرانییه‌کان دژی ئه‌مه‌ریکان ، له‌لای تورکان تۆرانی عه‌یار 24ن ، و له‌لای سعودییهکانیش وه‌هابی عه‌یار 24ن ، ئه‌م دووانه له‌لایه‌ن هه‌مووانه‌وه ئاشکران ، به‌ڵام له‌لایه‌ن هه‌موانیشه‌وه وه‌ک ئاژه‌ڵ "جاش" سه‌یر ده‌کرێن و لێده‌خورێندرێن.
ئه‌م هه‌واڵه له‌یه‌ک حاڵه‌تدا باوه‌ڕی پێده‌کرێت ، که ئه‌ویش ئه‌و حاڵه‌ته‌یه ئه‌مه‌ریکا گه‌یشتبێته ئه‌و باوه‌ڕییه ئه‌و دوو گه‌وره"ئاژه‌ڵ -جاش " ه ، پیرببوێتن و به‌دوای ئه‌لته‌رناتیڤ بگه‌ڕێت ، تا دۆزینه‌وه‌ی ئاژه‌ل-جاش"ێکی دیکه ، "ئاژه‌ڵ"ی راسته‌قینه بۆ جاسووسی به‌کارده‌بات.
http://www.24katjimer.com/Detail.aspx?id=179&LinkID=3
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
