ئه‌وه ی نه بێته پیاوی عه‌یاره 24 ی بنه ماڵه‌ی بارزانی ، وه‌ک جه‌وهه‌ر نامق ده‌بێ سه‌نگه‌ر بگۆرێ.
Monday, 18/05/2009, 12:00
زۆر له مێژه کۆیلایه‌تی له ناو پارتی و بنه ماڵه‌ی بارزانیدا به‌ده‌ر که‌وتوه به‌ڵام خه‌ڵکی تێکۆشه‌ر به‌هۆی کارو تێکۆشانی رۆژگاره سه‌خته‌کانی شاخ و شه‌ری کورد کوژی و تێکه‌و لێکه‌ی جاشه‌یه‌تیو ئه‌نفال و جینۆسایدو سوتاندنی کوردستان تا شه‌ری کورد کوژی دوای راپه‌رین نه‌ی په‌رژاوه‌ته سه‌ر ئه‌وه‌ی که ئایا ئه‌م کوردایه‌تیه له په‌نا بنه ماڵه‌ی بارزانی و پارتیدا تا چه‌ند دوره له خێڵه‌کی و کۆیلا یه‌تی ، به‌ڵام خۆشبه ختانه ئه‌مرۆ چی میله‌ت و چی تێکۆشه‌ران گه‌شتنه ئه‌و باوه‌ره‌ی که پارتایه‌تی بریتیه له کۆیله بون ، بۆ راستی ئه‌م قسانه‌م جه‌وهه‌ر نامق ده‌که‌ینه نمونه ، خۆ گه‌ر بێته سه‌ر باری ده‌سه‌ڵات ناو براو یه‌کێک بو له باڵاترین قیادی ئه‌و حیزبه بۆ ئه‌و سه‌نگه‌ره‌ی به‌جێ هێشت؟؟؟؟؟؟
من ناچمه نێو ورده کاریه‌کان به‌ڵام هاتنه ده‌ری کاک جه‌وهه‌ر نامق هه‌ر ئه‌وه نیه که گوێ بۆ راو پێشنیازه‌کانی نه گیراوه ، به‌ڵکو هۆکاری سه‌ره‌کی ده‌بو ئه‌و پیاوه به‌و هه‌مو ته‌مه‌نه‌وه یان به‌و هه‌مو خه‌باته‌وه ئه‌بوایه هه‌رچی مه‌سروری منداڵ و تازه له هێلکه هه‌ڵتۆقی و ئه‌مری بکردایه کاک جه‌وهه‌ریش بیگوتبایه به‌ڵێ ئه‌زبه‌نی ، ئاخر ئه‌م به‌ڵێ ئه‌زبه‌نیه بۆ هه‌مو که‌س گونجاو نیه و که‌سانی وه‌ک جه‌وهه‌ر نامق پێی هه‌زم نه ده‌کرا، که‌وابو ده‌بێ له گه‌وره‌وه بۆ بچوک وشه‌ی ئه‌زبه‌نی بکاته ئه‌ڵقه‌یه‌ک و له گوێی بکات ئه‌گینا له ناو پارتیدا جێگای نابێته‌وه، ئه‌م کۆیلایه‌تیشه ته‌نها به هاوشێوه‌کانی حه‌مه کۆری مه‌لا قادرو زاوا په‌مه‌ییه‌که‌ی و مه‌سعود ساڵه‌یی کۆیله‌و فازڵ میرانی ترسنۆک ده‌کرێ ، نه‌ک به جه‌وهه‌ر نامقی شۆرشگێرو کورد په‌روه‌ر . لێره‌دا که‌مترین نمونه له به‌رده‌ستدایه ، کاتێک بنه‌ماڵه‌ی بارزانی بریارێکیان ده‌رکرد هه‌مو خه‌ڵکانی شۆرشگێرو خاوه‌ن خه‌بات هه‌م له کاره‌کانیان به‌رده‌وام بن و هه‌م به‌پله‌ی به‌رێوه به‌ری گشتی به موچه‌ی دو ملێون دینار خانه نیشینی وه‌ر بگرن که له‌سه‌ر بوجه‌ی حکومه‌تی ناوه‌ندی ، ئه‌م بریاره ته‌سپیت کراو بۆ ماوه‌ی چه‌ند مانگێکه ئه‌وانه‌ی به‌و پله‌یه خانه نشین کراون وه‌ک کارگێرو ئه‌ندام لقه‌کان و که‌سانی دیکه ، ئایا بۆ له کۆی ئه‌و خه‌ڵکانه له سنوری لقه‌کاندا ته‌نها خه‌ڵکانی شۆرشگێرو خاوه‌ن خه‌بات مه‌حرومه له‌و موچه‌یه به‌ڵام ئه‌و بریاره ته‌نها که‌سانی کۆیله‌و کۆنه جاش و کۆنه ئاش و خۆفرۆشانی گرته‌وه نه‌ک که‌سانی موسته‌حه‌ق ؟ بۆ ئه‌مه‌ش به‌ڵگه‌ی زیندوم لایه ئه‌گه‌ر هاتو که‌سێکی کۆیله‌ی نێو بنه ماڵه‌ی بارزانی خوا نه‌خواست هاته زمان و وه‌ڵامی دایه‌وه ئه‌و کاته به‌نده‌ش ناوی جاشو شۆرشگێره‌کان به به‌ڵگه‌وه له‌م مینبه‌ره ئازاده‌وه بۆ هه‌مو لایه‌ک ده‌خه‌مه‌رو ، ئێستاش بۆیه ناوه‌کان ناهێنم ته‌نها بۆ ئه‌وه‌ی کۆیله‌یه‌ک بێته زمان و له بندا زمانی ببرم ، خۆ ئه‌گه‌ر وه‌ڵامیش نه‌بو ئه‌وا ناوی شۆرشگێره‌کان و خائینان و کۆنه جاش و مه‌فرزه خاسه‌کان ئاشکرا ده‌که‌م که ئه‌و خانه نشینه کێی گرتۆته‌وه‌و کێی لێ مه حرومه ، داواش له کوردستان پۆست ده‌که‌م نه‌بادا من ئاگام لێ نه‌بێ و وه‌لامێکی له‌م چه‌شنه هه‌بێ به‌ئیمێڵێک ئاگادارم بکه‌ن بۆ ئه‌وه‌ی ئه‌م سره‌ش بخه‌مه‌رو.......................
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
