بەرسڤا بابەتێ (پاراستن ل دهۆكێ ماددێَت بێهۆشكەر بەلاڤ دكەت)

Tuesday, 22/09/2009, 12:00

كەكێ چاڤدێر مرۆڤێ زانا و هۆشموند ئەوە یێ كو بەرى پێنگاڤەكێ باڤێت هزرێت خو تێدا بكەت و بەر پێت خو رۆهن بكەت دا توشى شەرمەزاریێ نەبیت ب واتایەكێ دیتر مەژى و عاقلێ خو بدەتە كارى و وێ نەبێژیت ئەوا كو بەلگە و گرۆڤە پێ نەبن ,خو ئەگەر بەرامبەرى تە باوەریێ ب وان بوهتان و گوتگوتكێت تە بینیت ژى دێ بۆماوەیى و دەمۆكى بیت و ئەوێ كو ژوان گوتگوتكا زیانێ دبینیت ژى هەر تو بخوى.تە لژێر ناڤ و نیشانێت (پاراستن ل دهۆكێ ماددێَت بێهۆشكەر بەلاڤ دكەت) بابەتەك بەلاڤ كر كو نە عەقل و نە مەنتق پەسنا وێ ناكەن. جارێ (د.على تتر نێروەى) زێدەبارى ئەركێ بەرپرسیارەتییا ئاژانسا پاراستن و ئاسایشا دهۆكێ مامۆستایێ زانكۆیا دهۆكە و ئێك ژ خەباتكەرێت دێرینە كو دژیێ گەنجایەتیێ دا دەست ژ مال و خوشیێت گەنجینیێ بەردایە و هەمى ژیانا خو بۆ بدەستڤەئینانا ئارمانجێت رەوایێت مللەتێ كورد تەرخان كرییە و زۆر زەحمەتە كو خەباتكەرەكێ وەكى وى پێ لڤێ خەباتى َبنێت و خو تووشى ڤان هەلویستا بكەت چنكو ژبلى وى داهاتى َكو ژئەنجامێ ماندیبوونا خو و خاندنا سەركەفتیانە یا چەندین سالان بدەستڤە دئینیت ,هەمى دەرگەه ژى بۆ دڤەكرینە و تشتێ كو ژ سەركردایەتییا خو بخازیت نەخێر بۆ نینە .راستە كەسەك هەیە بناڤێ (على تتر نێروەى)كو ئاكنجیێ كۆمەلگەها تەناهیە و كارێ وى قاچاخچیاتى و بازرگانییا ماددێت بێهۆشكەر و قەدەغەیە ودەست دگەل گروپێت مافیایێ ل ئەستەنبۆل هەیە و پرانییا دەمێ سالێ ژى ل ئەستەنبۆَل ل تاخێ (ئاكساراى) و (شیشلیك)و(گالاتا) بسەر دبەت ناڤبرى دوو خێزان هەنە و بەردەوام توشى زیندان و گرتنان بوویە و ئەڤ كەسەژى زۆر بەرنیاسە و خەلكێ كۆمەلگەها مە وى باش دنیاسن و دزانن كو كەد و كەسبێت وى چنە.لەوما شوبهاندنا (د.على تتر نێروەى) ب قاچاخچییەكێ وەكو (على تتر نێروەى)یێ بەرنیاس ب چەقووكێشى و دزى و جەردەیى وقومارێ تاوانە و تو بخو ژى دشێى بچییە كومەلگەها تەناهى و پرسیارا على تتر قاچاخچى بكەى كو مالا وان دكەڤیتە پشت لجنا تەناهى .لەوما داخازا من ژخوینەرێت سایتێ كوردستان پۆست ئەوە لدیڤ ڤى بابەتى بچن و راستییا بچاڤێت خو ببینن و چاڤدێرێت بڤى رەنگى ژى باشتر دیفچوونا بابەتان بكەن و ب بەلگە باخڤن و خو تووش نەكەن دا لدۆماهیێ پەشیمان نەبن...