گوتارا بارزانی و شه‌رمه‌زاریه‌کا دی
Wednesday, 02/06/2010, 12:00
پشت به‌ستن ى وێ شه‌رعیه‌تا ملله‌تی دایه من دێ کورێن هه‌وه ڵ سه‌ر شه‌قامان ره‌ڤینم لبه‌رچاڤێن هه‌وه و دێ ترور که‌م ودێ ئازادیا هه‌وه پارێزم و رێکێ ناده‌م که‌س یاریاب ئاسایشا هه‌رێمێ بکه‌ت. مسعود بارزانی سه‌روکێ کوردستانێ
ب راستی سه‌یره ، ب راستی جهێ هندێ یه کو مروڤ شرم ژ خو بکه‌ت ، بێژیت کوردستانێ سه‌روکه‌کێ هه‌ی بناڤێ مسعود بارزانی.
بێ گومان ئه‌ڤ ل هه‌ڤ نه‌کرنا کوتله و قه‌وارێن سیاسی یێن عێڕاقی ئه‌ڤروکه بویه ئاریشه‌کا مه‌زن د عێراقێ وجیهانی دا. د ئالیێ ناڤخویدا هه‌بونا مل ملانێ یه‌کا ب هێز دناڤ به‌را شیعه و سنی یادا روژانه ب ده‌هان کوم بون و بزاڤ دهێنه کرن بو ل هه‌ڤ نێزیک بونێ ژ بو پێک ئینانا حکومه‌ته کا نوی ومسوگه‌ر کرنا ماڤێن هاوه‌لاتێت خو وه‌رگرتناپوستێت سیادی بوگرنتی کرنا ژیانا خه‌لکێ خو،و دئاستێ نێڤ ده‌وله‌تی ژی دا ئه‌ڤروکه پرانیا وه‌لاتێن جیهانێ ب روژنامه و ته‌له‌ڤزیونێت خو مژول سه‌رگرمی هندێ نه کا ئه‌ڤ قیرانه دێ گه‌هیتێ کیش ئاقاری ،ب ده‌هان بابه‌ت و شلوڤه‌کرن ژ لایێ سیاسێت ڤانان ڤه دهێنه به‌لاڤ کرن کا دێ ره‌وشا عێراقی به‌ره‌ڤ کیڤه چیت ژ ئالیه‌کێ دیڤه مای تێ کرنا وه‌لاتێن هه‌ڤ سوی و هه‌بونا مه‌ترسیه‌کا مه‌زنه ڵ سه‌ر ماڤێن گه‌لێ کورد و بێ بار کرنا وان ژ پوستێن سیادی د حکومه‌تا ئاینده دا ،ترســـــــــــــــان خه‌لکی ژ په‌یدا بونا دیکتاتوره‌کێ دی یێ مینا سه‌دام ،ئه‌ڤه و ب ده‌هان گومانێن دی ئه‌و بابه‌تن کو ئه‌ڤروکه پێتڤی یه سه‌روکێ مه بو خه‌لکێ کوردستانێ ڵ سه‌ر باخڤیت.لێ مخابن سه‌روکێ مه دێبێژی یێ دگوهێ ماســـــــــی دا دخه‌وه و هایژ بایێ فه‌له‌کێ نینه یاگرنگ بو وی ئه‌وه کو مام جلال ببیته سه‌روک کومار دا سه‌روکاتیا وی مسوگه‌ر ببیت یادی چ گرنگ نینه ڵ کیرێ زراڤه بلا ل وێرێ بستیت !!!!!!!!!.
جنابێ سه‌روکی ب راستی د گوتارا خو یا د په‌رله‌مانی دا چ ڤێ نه بو بێژیت و چانتکا وی یا خالی بو.به‌لێ ب راستی مروڤ دڤێت به‌ختێ خو خراب نه‌که‌ت ل سه‌ر دیروکا ترکا ن پێ زانینێن باش هه‌نه ژ به‌ر هندێ زور حه‌ز دکه‌ت د ناڤا هه‌می گوتنێت خودا هنده‌ک ب به‌ژنو وبلا ترکا ن دا بێژیت وان ب جامێرو وباش ب ده‌ت نیاسین ،نابیت هه‌رێما کوردستانێ ببیته مێدانا یه‌کلاکرنا حیساباتێن هێزو لایه‌نێن ده‌ڤه‌رێ گه‌لو مه‌به‌ستا سه‌روکی چیه ؟
سه‌روکی دڤێت ئاستێ په‌یوه‌ندیان دگه‌ل تورکیا ب پێشڤه‌ببه‌ت وپێشه‌وازیێ ڵ ده‌ستێ وان یێ دوستاتیێ بکه‌ت ؟
مسعود بارزانی د ده‌مه‌کێ نێزیک دا دێ سه‌ره‌دانا تورکیا که‌ت ژبو هندێ کو ئاستێ په‌یوه‌ندیا ب هێز بکه‌ت دڤێت ئاریشێن توخیبی چاره سه‌ر بکه‌ت ئێدی ناهێلیت هه‌ڤالێن وی سنوراتوپ باران بکه‌ن .
ب راستی گوتنێت مسعود بارزانی جهێ گومانێنه . ب هزرا من ئه‌ڤه به‌رهه‌ڤکرنه ژ بو پێلانه‌کا دی یا نوی د گه‌ل تورکا ژ بو لێدانا (پ.ک.ک)پێخه‌مه‌ت پارستن دوستایه‌تیا خویا بازرگانی.
ئه‌گه‌ر نه که نکی تورکیا وه‌لێ هاتیه کو ده‌ستێ دوستینیێ به‌ده‌ت بارزانی و حه‌ز ل بارزانی بکه‌ت لێ کاک مسعود گه‌له‌ک جارا تورکا یا گوتیه ته تو وێ گاڤێ هه‌ڤالێ مه‌ی هه‌کو توبو مه کوردا د کوژی ڤێجار خودێ هاریکار بیت کا سه‌روکێ مه‌ئه‌ڤێ جارێ چ ژڤان داینه تورکا.
ئه‌گه‌ر ب راستی تورکان دڤێت ببنه هه‌ڤالێت مه جنابێ بارزانی بلا ئاریشا ٤٠ ملیون کوردان چاره سه‌ر بکه‌ت وێ گاڤێ دێبنه هه‌ڤالێن مه یێن حه‌قیقی بلا ٢٠٠٠ زاروکێن مه ژ زیندانێت خو ئازاد بکه‌ت بلا سه‌روکێ نه‌ته‌وه‌ی کوردان د زیندانا ئیمرالی دا ئازاد بکه‌ت بلا ب هزاران ژ خویشکێت و داێکێن مه ناموس و شه ره‌ڤا مه ل بن پستالێن جه‌ندرمان دا ئازاد بکه‌ن وێ گاڤێ دوستێت مه نه.
شه‌رمه‌کا چه ند مه‌زنه ! کوهه‌وه دڤێت کوردستانا پارچه کری دیسان پارچه بکه‌ن شه رما ئه‌وی نانی بکه‌ن، یێت کو برایێت مه ل باکورێ کوردستانێ دایه مه شه‌رما وی مێڤانداریێ بکه یا ل ئه‌نڤال وره‌ڤا دال مه کرێ شه‌رما خوینا وان گه‌نجا بکه‌ن یێت ژبو ئازادیا باشورێ کوردستانێ هاتی رێتن،بیرا خو کاره‌ساتا هه‌کاری بینه کا کێ تو وپارتیا ته ژ نه‌مانێ قورتال کرن بیرا خو باب و باپیرێت خو بینه کا جه ند جارا هاتینه حه‌واندن کا ل روژێن ته نگاڤی کی ڵ هه‌وه بویه خودان پاشی بێژه نابیت هه‌رێما کوردستانێ ببیته مێدانا یه‌کلاکرنا حیساباتێن هێزو لایه‌نێن ده‌ڤه‌رێ کاک مسعود کوردستان نه‌ملکێ حه‌مایلێ یه
شانزیێ ب ٧٠% ژ ده‌نگێت خو نه‌که ئه‌م مزگینێ دده‌ین ته کو ئه‌ڤه جارا ته یا دیماهیکێ یه تو خول سه‌ر کورسیکا سه‌روکاتیێ باده‌ی !
د وه‌خته‌کی دا ده‌مێ پارتیا(بارزانیا) دڤیا ئێکی بگرن ئه‌گه‌ر چ به‌هانه نه‌بان ته‌نها کافی بو گوتبا خه‌به‌رێت گوتی بارزانی دا به‌ن ڤێجار ئه‌و و وجدانا خو کا به‌عسیا چ ل خه‌لکی دکر ئه‌ها وان ژی ب وێ هزرێ خه‌لک دبرشوین به‌رزه دکر ،لێ نوکه تشته‌کێ زور سه‌یر تر یێ ده‌رکه‌تی کو.جنابێ سه‌روکی و ره‌شه کێن وی ده‌مێ دبینـــن کو گوتارو نڤێسینێن نڤێسه‌ران ب دلێ وان نینن یان دزی و راستیێت وان یێت ئاشکه‌را کری دێبێژن رێکێ ناده‌ێن کو بێ رێزێ ب ئاینێ پێروزێ ئیسلامێ بهێته گرتن ژبه‌ر کو ئاینێ پرانیا خه‌لکێ کوردستانێ یێ !!!!!!! ب راستی سه‌یره جنابێ سه‌روک دڤێت تو خو هشیار بکه‌ی خه‌لك یێ دبێژیت ته کورێن ته و ره‌شه‌کێن ته یێ خه‌لکی ڵ سه‌ر شه‌قامان لبه‌ر چاڤێت ملله‌تی ب روژ یێ دره‌ڤینن و ترور دکه‌ن تو یێ دبێژی ئه‌ز قه‌بول ناکه‌م که‌س بێ رێزیێ ب ئاینێ ئیسلامێ بکه‌ت باوه‌ربکه خه‌لکێ مه نه زورێ نه‌زانه کو تو ژێ هزر دکه‌ی راسته‌هنده‌ک ژ دویڤه‌لانکێت ته یێت هه‌ین لێ گه‌ل دزانیت کا مه‌ره‌ما مه چیه .
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
