پاکانەیەکی ئاینی بۆ بەڵگە ئاشکراکانی ئەنفالی بەعس
Monday, 29/04/2013, 12:00
ئاسۆکمال
به‌ڵێن عه‌زیز لە ڕیپۆرتاژێکدا ،کە خۆشی بەکەموکورتی ناودەبا ،هەوڵێکی داوە تاکو بەڵگە ئاشکراکانی شەڕێک کە بەعس لەژێرناوی سورەتی ئەنفالی قورئاندا دژ بەخەڵکی کوردستان کردی پەردەپۆش بکا . ناوبراو دەیەوێ پاکانە بۆ مێژوویەکی بەعس بکا کە لەشەڕی عێراق ئێراندا بەرگێکی ئیسلامی کردبوو بەبەری هەموو شەڕەکانیەوە و ئەنفالیش وەک بەشێک لەو هێرشانە بەناوی "ئایەتی ١١"ەوە دەستپێکرد کە لە رێکەوتی ٢٩ی ئازاری ١٩٨٧ بڕیاری ژمارە ١٦٠ی بۆ دەرکرد. ئەم نوسەرە دەیەوێ سەدام بەدرۆبخاتەوە کە سورەتی ئەنفالی دەقاودەق جێبەجێ کردبێ و دەڵێ " هه‌رچه‌نده ئه‌نفالکردنی گه‌لی کورد، فه‌رهودکردن و ده‌سبه‌سه‌راگرتنی ماڵوموڵک و زه‌ویوزاریشی گرته‌وه، به‌ڵام ئه‌و تاوانه په‌یوه‌ندییه‌کی راسته‌وخۆی نییه به ئیسلام و شه‌ڕی به‌دره‌وه "، بۆ ئەم مەبەستەش دەیەوێ ئەنفال وەک بەرئەنجامی بیرکردنەوەی کۆمۆنیستی بەعس بەخوێنەران بقەبڵێنێ و گوایە ئەوە سورەتی کۆمۆنیستی بوە نەک ئەنفال کە بەعس لەژێرناویدا کۆمەڵکوژی ئەنجام داوە. بۆ ئەمەش نوسەر پەنای بۆ ئەو سەرچاوە دەستکاریکراوانە بردوە کە بەناوی مارکس و لینینەوە لەڕۆژئاوادا سەردەمی شەڕی سارددا لەهێرشی دژی کۆمۆنیستیدا وەک کاڵایەکی ئێکسپایەر دەمێکە ڕووی مەجلیسیان نەماوە و کەچی ئەم وەک ئەوەی بەڵگەیەکی نهێنی مێژوویی ئاشکرا کردبێ باسی دەکا. سەیر لەوەدایە سایتی سبەی لەشوێنی ڕیپۆرتاژو لیکۆڵینەوە گرنگەکانی خۆی ئەم بابەتەی داناوە و ئەم پاکانە ئاینیەی بۆ ئەنفال زەق کردۆتەوە!
بنەمای ئەنفال
بەڵێن عزیز سەرەتا وەک مێژووزانێک باسی خۆی دەکا و دەڵێ" هه‌رچه‌نده گه‌لی کورد، بەگشتی، خوێنه‌ری مێژو نییه و پێناچێت مێژو هیچ ره‌نگدانه‌وه‌یه‌کی هه‌بێ له کاروکرده‌ی ئه‌مڕۆ و داهاتویدا، گرنگی ئه‌م نوسینه له‌وه‌دایه که‌له گۆشه‌یه‌کی نوێوه مێژوی ئه‌نفال ده‌چنێته‌وه، مێژویه‌ک که به‌ته‌واوه‌تی نامۆیه به گه‌لی کورد. له‌م بابەتەدا، به به‌کاربردنی به‌ڵگه‌ی حاشاهه‌ڵنه‌گره‌وه، مێژوی نه‌خشه‌کێشی تاوانی ئه‌نفال ده‌گه‌ڕێنینه‌وه بۆ بنه‌ما بنه‌ڕه‌تییه‌کانی ئایدیۆلۆجیای سۆسیالیزم." لێرەشدا "فریدریک نیتچە" لەپاڵ مارکس و ئەنگلسدا بە فەیلەسوفی سوشیالیست ناودەبا و تیکەڵەیەک لە قسەکانی نیتچە و چەند دێڕێکی دەستکاری کراو لە مارکس و ئەنگلس دەهێنێتەوە.
بەمەش نوسەر نیشانی دەدا نەک لە مێژوو بەڵکو لە فەلسەفەشدا بێئاگایە ئەگینا نیتچە هیچ کات نەخۆی و نەکەس بە فەیلەسوفی سوشیالیزم ناوی نەبردوە و پێم وایە هەرکەسێک سەرپێیی ئاگاداری فەلسەفە و نیچە بێت نەخوێندەواری نوسەری ئەم ڕیپۆرتاژەی بۆدەردەکەوێ. هێنانەوەی ئەو هەموو قسانە لەنیتچە وەک بەڵگەی ئاشکراکردنی باکگراوندی "فکری سوشیالیستی" بۆ هێرشی ئەنفالی بەعس و ڕۆشنبیری سەدام نیشانەی بێ بەهایی زانستی ئەم بابەتەی نوسەرە. سەدام حسین لەوانەیە لەژیانیدا کتێبێکی نیتچەی نەخوێندبێتەوە جا چ ئەوەی بۆ کۆمەڵکوژی خەڵکی کوردستان سوودی لە فەلسەفەی نیتچە وەرگرتبێ و تەفسیری سیاسەت و کردەوەکانی پێ کردبێ.
سەدام لەشەڕی ٨ ساڵەی لەگەڵ کۆماری ئیسلامی ئێران پێویستی بەوە بوو کە خۆی وەک نوێنەری ناسیونالیزمی عەرەبی نیشان بدا و عێراق بکاتە دەرگای ڕۆژهەڵاتی نیشتمانی عەرەبی کە بەر بە خەتەری هاتنەناوەوەی پان ئیسلامی ئێران بگرێ. لەم پێناوەدا جەنگەکەی وەک ئیسلام و فارس نیشاندەدا و بەتایبەت لە ناوەڕاستی هەشتاکانەوە حەملەیەکی ئیمانی دەستپێکرد کە سەرتاپای دامودەزگاکانی دەوڵەت و سیمای شەڕی گرتەوە . ناسیونالیزمی عەرەبی و سونەی چ لەعێراق و چ لە ووڵاتانی عەرەبیدا هێنایە پشت سەری خۆی و وەک نوینەری"'ئومەی" عەرەبی و ئیسلامی دژ بەئێران خۆی نواند. هێرشی ئەنفالیش وەک بەشێک لەم شەڕەی بەناوی دینەوە ئەنجامی دا . ئەنفال کە سوورەتی ھەشتەمی قورئانە لە دوای جەنگی بەدر بڵاو بووەوە بە مەبەستی روونکردنەوەی دابەشکردنی ئەو غەنیمە و دەسکەوتانەی لە شەڕی کافرەکان دەکەوتە دەستی موسڵمانەکان وەک سامان و چەک و مەڕو ماڵات گونجاو بوو ببێتە هاوشێوەی ئەو شەڕەی بەعس دژ بەخەڵکی کورد کردی. بەلێکدانەوەی بەعس لە عەمەلیاتی ئەنفال کورد بە کافر و لەڕێ لادەر لە قەڵەم دراو سەرو ماڵی حەڵاڵ کرا. هەرچەند بۆ بەعس ئەنفالکردنی کورد پێویستی بە تەبریری دینی نەبوو بەڵام وەک بەشێ لە سەرجەم جەوی دینی شەڕی بەعس بۆ کۆمەڵکوژیەکی لەم چەشنە ئەم ناوە لەگەڵ ئەو کارانەدا دەهاتەوە کە ئەم سورەتە باسی دەکا وەک لە بڕگەکانی ٦و٧و٤١و٦٩وئەوانی تردا ئاوا باسی دەکا
"6 یُجَادِلُونَكَ فِی الْحَقِّ بَعْدَمَا تَبَیَّنَ كَأَنَّمَا یُسَاقُونَ إِڵى الْمَوْتِ ۆهُمْ ێنڤُرُونَ 7ۆإِژْ ێعِدُكُمُ اللَّهُ إِحْدَى الگَّائِفَتَیْنِ أَنَّهَا ڵكُمْ ۆتَۆدُّونَ أَنَّ غَیْرَ ژَاتِ الشَّوْكَەِ تَكُونُ ڵكُمْ ۆیُڕیدُ اللَّهُ أَن یُحِقَّ الْحَقَّ بِكَلِمَاتِهِ ۆێقْگَعَ دَابِرَ الْكَافِڕینَ 41ۆاعْڵمُواْ أَنَّمَا غَنِمْتُم مِّن شَیْوٍ فَأَنَّ لِلَّهِ خُمُسَهُ ۆلِلرَّسُولِ ۆلِژِی الْقُرْبَى ۆالْێتَامَى ۆالْمَسَاكِینِ ۆابْنِ السَّبِیلِ إِن كُنتُمْ ێمَنتُمْ بِاللَّهِ ۆمَا أَنزَلْنَا عَڵى عَبْدِنَا ێوْمَ الْفُرْقَانِ ێوْمَ الْتَقَى الْجَمْعَانِ ۆاللَّهُ عَڵى كُلِّ شَیْوٍ قَدِیرٌ 69 فَكُلُواْ مِمَّا غَنِمْتُمْ حَلالاً گَیِّبًا ۆاتَّقُواْ اللَّهَ إِنَّ اللَّهَ غَفُورٌ رَّحِیمٌ ".
ئەنفال بەرهەمی تیوری چۆنیەتی سەرکوتی خەڵکی کورد و کۆمەڵکوژی بوو کە بەعس وەک بەشیك لەسیاسەتی ناسیونالیزمی عەرەبی پیادەی کردوە و هەویەی قەومی عەرەبی بەسەر عێراقدا فەرزدەکرد و ستەمی قەومی لەسەر خەڵکی کوردستان و هێشتنەوەیانی وەک هاوڵاتی پلەدوو و ژێردەستە پێویست بوو. ئەم ناسیونالیزمە عەرەبیەی بەعس هەمیشە ئیسلام کۆڵەکەیەکی فکری و مەعنەوی بوە و دوانەی دەسەڵاتدارێتی چینە باڵاکان بوون لە عێراق و جیهانی عەرەبیدا. سوود وەرگرتن لە بنەماکانی ئیسلام بۆ حوکم کردن و شەڕ و کۆمەڵکوژیەکان داهێنانی بەعس نەبوە و لە عێراقدا ئەمە وەسیلەیەکی مێژوویی حوکم کردن و بەپیرۆزدانانی سەرکوت و شەڕە یەک لەدوای یەکەکانی خەلافەت و ئیمپراتۆریەتی ئەمەوی و عەباسی و عوسمانیەکان و هەر دەسەڵاتدارێک بوە. گەڕانەوەی بەعس بۆ ئەنفال بەشێک لەو باکگراوندە دینییە کە سیاسەتی دەسەڵاتدارانی عێراق لەمێژوودا بۆ پیرۆزکردنی شەڕەکانیان بەردەوام بەکاریان هێناوە و خەڵکی کورد هەمیشە یەکیک لە قوربانیەکانی ئەم دەسەڵاتدارە ئیسلامیانە بوە.
لەدوای شۆڕشی ئۆکتۆبەر و ئەنتەرناسیونالی کۆمۆنیستی مێژووی جیهان بەرەو چەپ وەرچەرخا. هەم لەئاست ووڵاتانی ڕۆژئاوا سوشیالیزم بوە هێزێکی سیاسی و مەعنەوی کە هەژمونی پەیداکرد. هەم پشتیوانی سۆڤیەت و کۆمینتێرن لەووڵاتان و میللەتانی ژێردەستی ئیمپریالیزم سوشیالیزمی کردە ئاڵای بزوتنەوە ڕزگاریخوازیەکانی ڕۆژهەڵات و ئەفریقا و خواروی ئەمریکا. سەرهەڵدانی حزبە بورژوازیەکان کە نازناوی سوشیالیزمیان هەڵگرت بوە مۆد و مۆدیلی دەولەت و دەسەڵات و بلۆکی سیاسی و ئابوری جیاجیا لەجیهاندا. وەک ئیریک هۆبسبامی مێژونوس دەڵێ لەماوەی کەمتر لە٣ دەیەدا لە ١/٣گۆی زەویدا حزبە سوشیالیست و کۆمۆنیستەکان حوکمیان دەکرد و لەدوای ئەزمەی گەورەی ئابوری ساڵانی نیوان ١٩٢٩بۆ ١٩٣٣زۆربەی سیستەمی سەرمایەداری دەولەتی سۆڤیەتی کە بە سوشیالیستی ناودەبرا بوە بەدیلی بازاری جیهانی سەرمایەداری. هەربۆیە لە سوشیالیزمی عەرەبی بەعس و سوشیالیزمی نازیزمی ئەڵمانی تا سوشیالیزمی ئەفریقی و ئەمریکای باشوری پەیدابوو و تا کوردستانیش حزبەکان خۆیان بەسوشیالیست ناودەبرد . ئەم حزب و دەسەڵاتانە کە بەناوی سوشیالیزمەوە قسەیان دەکرد لە دنیای واقعیدا بەرژەوەندی چینی بورژوازی و جۆرێک لە سیستەمی سەرمایەداری دەوڵەتی دەپاراست و هیچ نزیکایەتیەکی بەتیوری کۆمۆنیزمی مارکسەوە نەبوە کە بەرژەوەندی چینی کرێکار و هەڵوەشانەوەی سەرمایەداری و کۆمەڵگەیەکی بێ چین و چەوساوەی نوێنەرایەتی دەکرد. بەڵام بەداخەوە مێژووی کۆمۆنیزمی سەدەی بیست بوە مێژووی باڵادەستی ئەم سوشیالیزمە بورژوازیە نەک سوشیالیزم و کۆمۆنیزمی کریکاری کە لە پەراویزدا بوون.
بەڵام بەڵێن عەزیز نەک خەبەرێکی لەم مێژوە نیە بەڵکو زۆر بێ ئاگایانە باس لە "رژێمەسۆسیالیستییه نادیاره‌کان، ئه‌وانه‌ی به نهێنی مارکسی بون: رژێمی ناتسی نییچه‌یی هیتله‌رلەئه‌ڵمانیا(لەژێره‌وه،مارکسی ) ورژێمی کۆمه‌ڵگه‌یی فاشستی موسه‌لینی له ئیتاڵیا (له ژێره‌وه، سۆسیالیستی، مارکسی) "دەکات وە ئەم ڕژێمانەی کە لەڕێگای کوشتن و سەرکوتی کۆمۆنیستەکانی ئەڵمانیا و ئیتالیا دەسەڵاتی فاشستی خۆیان داسەپاند بە مارکسی دەزانێ. هیتلەر و موسولینی وسەدام بەمارکسی دەزانێ. بەڕاستی ئیتر ئەم قسانە ڕوی مەجلیسی نیە و فیلتەری ستانداردی زانیاری سایتی "سبەی" دیارە نەهەنگی بێ زانیاری لەم چەشنەشی پیادەڕوا! ئەوەی نوسەری ئەم ڕیپۆرتاژە لێی نیگەرانە هەژمونی بیروباوەڕی چەپ بوە لەکوردستاندا کە لەدوای ڕوخانی ئیمپراتۆریەتی ئیسلامی عوسمانی و سەرکەوتنی شۆڕشی ئۆکتۆبەری ڕوسیاوە کوردستانیشی گرتەوە، هەربۆیە لەهەموو مێژووی چەپ لەکوردستندا تەنیا ئەم چەند قسەیەی پەراوێزی هێناوەتەوە کە مێژووی هیچ حزب و بزوتنەوەیەکی سیاسی جدی چەپ نیە لەکوردستاندا .
ئەم هەوڵە بۆ ناساندنی ئەنفال وەک ئاکامی بیروباوەری مارکسی سەدام و بەعس بۆ شێواندنی دەوروکاریگەری مێژووی چەپە لەکوردستاندا لەخەباتی خەڵکی کوردستاندا بۆ ئازادی و گۆڕینی مێژوی شوڤینزمی عەرەبی و ئیسلامی سیاسی یە بە مێژووی چەپ.
بەڵگەکان یان پڕوپاگەندە
دیارە ئەم نوسەرە جگە لەخویندنەوەی چەند تێکستێکی پڕوپاگەندەی دژی کۆمۆنیستی خۆی هیلاک نەکردوە بۆ پەیداکردنی هیچ زانیاریەکی تر و هیچ سەرچاوەیەک. ئەو بەڵگانەی نهێنی ئەنفالی پێ ئاشکراکردوە بریتیە لە یەک دێڕ گوایە مارکس ووتویەتی کە " ئه‌و چین و نه‌ژادانه‌ی که پێنه‌گه‌یشتون و ناتوانن ببنه ئه‌ندامی یوتۆپیای کۆمۆنیزم، ده‌بێ لاببرێن له‌ڕێگه‌دا*...، ... ده‌بێ له‌ناوببرێن له بزوتنه‌وه‌یه‌کی هۆڵۆکۆســتدا** " کارڵ مارکس
*The Peoples Paper, April 16, 1853; **Journal of the History of Ideas, Issue 1 of 1981
The New Financial Juggle; Or
Gladstone And The Pennies[45]
Karl Marxئەو ڕۆژنامەیەی مارکس ووتاری ڕۆژی ١٦ نیسانی تێدا نوسیوە
ئەمە ئەدرەسەی (http://marxengels.public-archive.net/en/ME0724en.html) ئەو سەرچاوەی ئەو ووتارەیە کە مارکس لە The Peoples Paper ڕۆژی ١٦نیسانی لە ١٨٥٣نوسیویەتی و تەنیا باسی کێشەی گشتی ئابوری یە و هیچ دێڕێکی لەو بابەتەی سەرەوەی تێدا نیە . ئەو قسەیەی بەڵێن عەزیز هێناویەتیەوە قسەی دەرهێنەری فلیمی " The Soviet Story - Why killing is essential to communismخۆیەتی و لە سەرتاپای ئەو ووتارەی مارکسدا دێڕی لەو بابەتەی تێدا نیە و ئەمە ڕستەیەکی دروستکراوە بەناوی مارکسەوە لەم فلیمەدا(http://www.youtube.com/watch?feature=player_detailpage&v=P3uFUxMwA1w).
ئەمە بەشێک لە مەکینەی پڕوپاگەندەی دژی کۆمۆنیزمە ،کە هەر کارێک هیتلەریش کردویەتی سەرچاوەکەی بۆ مارکس و باسی خەباتی چینایەتی مارکسیزم دەگێڕنەوە، کە بەڵێن عەزیز کردویەتیە سەرچاوەی دۆزینەوەی نهێنیەکانی ئەنفال و دەیەوێ بەنرخی دۆزینەوەی مێژوویی دەرخواردی خوێنەری بدات لە کوردستان. ووتەکەی ئینگلسیشی لەهەمان سەرچاوەوە وەرگرتوە کە دەقە ئینگلیزیەکەی باس لەو ووڵاتانەیە کە بەشدارن لە شۆڕشی ئەوروپادا و ئەوانەی دژی شۆڕش وەستاونەتەوە و باس لەو گۆڕانکاریانەیە کە لەسەردەمی ئەو شۆڕشانەدا بەسەر ووڵاتەکان و نەتەوەکاندا دێ و دیسانەوە هیچ وشەیەکی "شۆڕشی هۆلۆکۆستی بۆ لەناوبردنیان " لەم نوسینەدا نیە و ئەم فلیمە پڕوپاگەندەییانە بۆ هیچ بینەر و چاودیریکی جدی مایەی پشت پێ بەستن و زانیاری دروست نین لەسەر مێژوو کە ئەم نوسەرە بەم زانیاریە دروستکراوانەوە خۆی بەسەر خەڵکی کوردا بادەدا کە دەڵێ " هه‌رچه‌نده گه‌لی کورد، بەگشتی، خوێنه‌ری مێژو نییه و پێناچێت مێژو هیچ ره‌نگدانه‌وه‌یه‌کی هه‌بێ له کاروکرده‌ی ئه‌مڕۆ و داهاتویدا". لەبەر ئەوەی بەڵێن عەزیز کۆپی ئەم ئایدیۆلۆژیە دژی کۆمۆنیستیە دەکا و دەیەوێ تاوانەکانی بەعس لە سورەتی ئەنفال و باکگراوندی شۆڤینزمی عەرەبی و ئیسلامی بەعس پاک بکاتەوە ئەگەر باسی کیمیایی بارانی هەلەبجەشی بکردایە ئەوا پەنای بۆ هەمان میتۆد و ئایدیۆلۆژیای دژی کۆمۆنیستی دەبرد و بنەمای کیمیایی بارانی هەلەبجەشی بەخەتای سۆشیالیزمی مارکس دەزانی نەک عەقلیەتی عەسکەرتاریەتی بورژوازی ئەمریکا کە بە بەکارهێنانی چەکی ئەتۆمی لە هیرۆشمای و ناگازاکی یۆنان ڕیچکەی بۆ سەرجەم دیکتاتۆریەتەکانی جیهان کردەوە کە بێباک بن لەکۆمەڵکوژی ئینسان.
لەسەر تەلەگرامەکەی لینین دیسان سەرچاوەی باوەڕپێکراوی نیە و لیرەدا دوو نامەی لینین بە ئینگلیزی دەهێنمەوە کە لەسەر ئەو دەرەبەگانەی (Penza) ناردویەتی و داوای سزادانیان دەکات بەهۆی یاخی بوون و ڕێگەگرتنیان لە گەشتنی خۆراک بە شارەکان . ئەو دیمەنەی لە نامە دروستکراوەکەی بەڵێن عەزیزدا هاتوە دیارە هەڵبەستراوە بەمەبەستی شێواندنی ناو و کردەوەکانی لینین کە بەپێچەوانەی ئەم ووتارەی نوسەرەوە ، لینین یەکەم کەس بوە کە ڕێکەوتنامەی نهێنی دەوڵەتانی ئیمپریالیستی بۆ دابەشکردنی ووڵاتانی ژێردەستە لەکاتی جەنگی جیهانی یەکەمدا ئاشکراکرد و هەموو ووڵاتە ژێردەستەکانی سەر بەروسیای ئازادکرد و وەرەقەی سپی بۆ جیابونەوەی فینلەند ئیمزاکرد و جاڕی مافی میللەتانی لە دیاریکردنی چارەنوسیاندا دا و شیعاری "کرێکاران و گەلانی زۆرلێکراوی دنیای یەکگرن"ی بەرزکردەوە و پشتیوانی عەمەلی لەڕزگاربونی زۆربەی گەلانی ژێردەستی ئیمپریالیزمی بەریتانی و فەرەنسی و ئەوانی تر کرد.
Written: Written on August 9, 1918
To the Gubernia Executive Committee, Penza ،A copy for Yevgenia Bogdanovna Bosch
Your telegram received.[1] Essential to organise a reinforced guard of selected and reliable people, to carry out a campaign of ruthless mass terror against the kulaks, priests and whiteguards; suspects to be shut up in a detention camp outside the city. Get the office working.[2]
Telegraph fulfilment.
Lenin
Chairman, Council of Peoples Commissars
________________________________________
August 12, 1918، Bosch, Gubernia Executive Committee, Penza
Your telegram received. Extremely surprised at the absence of information on the course and outcome of the suppression of the kulak rising in the five volosts. I do not want to think that you have displayed tardiness or weakness in crushing it, and in the model confiscation of all property, particularly grain, of the rebel kulaks.
Lenin
Chairman, Council of Peoples Commissars
نامەکانی لینین لەسەر سزادانی دەرەبەگەکانی دژی شۆڕشی سۆڤیەت وەستابوون
بەڵام ئەوەی لەهەموو ئەمانەش زیاترکە مایەی گاڵتەیە ئەم مێژوو خویندنەی ئەم بەڕێزە لە سکێچە مێژوویەکەیدا کە قۆناغەکانی گۆڕانی کۆمەڵی مارکسی پێ باسکردوە بەڕاستی لەوە دەچێ ئەمەیانی لە کتێبی مناڵانەی تەفسیری سۆڤیەتەوە هێنابێ و باسی کاپیتاڵ و گرۆندرێسە و بەرهەمهێنانی ئاسیایی و بنەماکانی خێزان و دەوڵەتی مارکس و ئینگلسی کردوە بە گاڵتەی مناڵان. ئەمە ئەو مێژوو خوێندنەوەیەیە کە ئەم بەڕیزە دەیەوێ تیایداوانە بە خەلکی کوردبڵێتەوە!
لەکۆتاییدا پێویستە بڵێین کە ئەو نوسراوەیەی بەڵێن عەزیز ئەوەندە لەئاستێکی خوارەوە و بێ زانیاری بوو پێویستی بەوەڵامدانەوە نەدەکرد ئەگەر سایتی "سبەی" گرنگیەکی وای پێ نەدایە و ئەگەر تەبریر و پاکانەیەکی ئیسلامی سیاسیە بۆ کارەساتێکی گەورەی وەک ئەنفال نەبوایە کە ژیانی سەدان هەزار ئینسانی کوردستانی کردە قوربانی. هەربۆیە جێگای خۆیەتی کە ڕاستیەکانی پشتی ئەم هەوڵەی دەربخەین کە لەژێرناوی ڕیپۆرتاژ و لێکۆڵینەوەی مێژوویی دەیەوێ کارێکی کۆمەڵکوژی بەعس کە بەگەڕانەوە بۆ سورەتی ئەنفال دەستی داوەتێ و لە ئەنجامی پشت بەستنی بەعس بە شۆڤێنزمی عەرەبی و میراتی فکری دەسەڵاتدارانی ئیسلامی عێراق ڕویداوە بشیوێنێ و مێژووی ئیسلامی سیاسی لەلای خەڵکی کوردستان بشارێتەوە. سەدام وبەعس هەر ئیلهامێکیان لە کۆمەڵکوژیەکانی نازی و فاشیەکان و لە ستالینی دیکتاتۆر وەرگرتبێ پەیوەندی بە هاوخەسڵەتی دەسەڵاتی دەوڵەتە بورژوازیەکانەوە هەبوە وە بە تەواوی پێچەوانەی بیرو بەرنامەی کۆمۆنیستی مارکس و ئەنگلس و لینینەوە بووە بۆ رزگاربونی ئینسان لەدەست هەر ستەم و ناعەدالەتیەک . هەوڵی پاکانەکردنی دینی بۆ بەڵگە ئاشکراکانی ئەنفالی بەعس نەدادی ئەو سورەتە دینیە دەدات ونەدەتوانێ تاوانی دەسەڵاتی ناسیونالیستی عەرەبی و ئیسلامی بەعس بخاتە ئەستۆی بیروباوەڕ و مێژووی خەباتی ئازادی و یەکسانی خوازی کۆمۆنیزمەوە ، بۆیە باوی ئەم جۆرە دۆزینەوە مێژوویانە و پروپاگەندە دژی کۆمۆنیستیانەی دەورانی شەڕی سارد بەسەر چوە و دەستی کەسانێک بەناو گۆڕانخوازی کە لەژێرەوە بانگەشە بۆئیسلامیەکان و ئیسلامی سیاسی دەکەن زۆر ئاشکراترە کە بەناوی دۆزینەوەی نهێنی شاراوە و مێژووییەوە بیانەوێ ئیسلامی سیاسی لەلای خەڵکی کوردستان شیرین بکەن و پاکانەی دینی بۆ ئەنفال بکەن .
[email protected] 25/04/2013
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
