تەنها نێچێرڤان بارزانی دەتوانیت بکوژانی سەردەشت عوسمان ئاشکرا و دادگاهی بکات

Monday, 11/10/2010, 12:00

ئەوە ماوەیەکی زور ب سەردا چوکەس نزانیت داویا کەێسێ سەردەشت عوسمان گەها کیژان قوناغێ لی کومەلێن خەلکی کوردستانێ بێ ئومێد نەبوینە ودەست ژ بزاڤ و چالاکێن خو بەرنەدایە وهەر بە تەمای وێ ئێکێ نە کو روژەکێ بکوژێن روژنامەڤانێ جوانەمرگ کاکە سەردەشت ئاشکرا بکەن ترس وخوفا ل سەر روژنامەڤانا کێم بکەن کو بێ گومان کارەکێ پیروزه لێ ب هزرا من ب رێپیڤانان ومانگرتن و چالاکیان ئەڤ کارە سەر ناگریت ژبەر کو دەست هەلات دارێن مە و بکریێن ئەڤان چورە کریاران هیچ باوەری ب بنەماێت دیموکراتیێ نینن کو جارەکێ هزرا هندێ بکەن کو داخازیێن خەلکی جێ بەجێ بکەن ژ بەر کو نەبەس چ هزرا بو خەلکی ناکەن بەلکو منەت ژی پێ نینە و چ جارا د خیالا وان دا نینە کو ژ کورسیا مەلکی یێ بهێنە خوار وەسا هزر دکەن کو چاوە زەڤی وعەردێ خەلکی ل سەر ناڤین خو تاپو دکەن ب وی رەنگی کورسیکا دەست هەلاتێ ژی یال سەر ناڤێ وان تاپو کری یە کەس نەکاریت ژ بەن لنگێت وان دەربینیت.ئەم هەمی د وێ هزرێ داینە تاکو کەسانێن مەسینەهەلگرو دیڤەلانک دناڤ مە دا مابن ب باوەریا من کو ئەو ژی دێ خول سەر کورسیکێ بادەن و دگەل هاتنا تەخا گەنجێن روشنبیر بو ناڤ کومەلگەها کوردی ئێدی تایرێت کورسیکێت وان دێ ژکار کەڤن و ئێدی وەکی ب دەهان دیکتاتورێن دێ یێن جیهانێ دێ چن بو ناڤ زەبلدانێت مێژویێ دا،ب هزرا من نەها هێدی هێدی ئەو قوناغ یا د دەست پێکێ دا لێ ئەم پێتڤی رێکخستنا وانین کو ب راستی ئەرکەکێ ب زەحمەتە خەباتەکا راست وشورەشگێرین وەلات پارێز دڤێــــــن ئەو کەس دڤێن یێن کو ب پارا پلەیێن بەرز نەهێنە خاپاندن دابشین پیام هەلگرێت راستەو خویێن خەلکێ ستم لێ کری یێن کوردستانێ بێن کو هەبونا ڤان کەسا زور دکێمن د ناڤ مەدا وئێدی خەلکێ کوردستانێ ژی زوی ب زوی باوەریێ نادەتە هەر کەسەکی ژبەر کو گەلکێن ب چاڤێ خو دیتی گەلەک کەسێن هاتی ب ناڤێ شوريشگێریێ لێ دەوام نەکریە و جارەکادی سەرێ خو یێ شور کری بو دوژمنی ژبەر هندێ گەل چاڤەرێ یه کا دێ کی کاریت رێبەریەکا راست و درست وی بکەت. ئەم یێت وەلاتەکی دا دژین کو هەی و نەیا خەلکی یا دەستێ دوبنەمالا دا دشێــــن ب سالان تە بکەنە د زیندانێ ڤێ ژبەر کو هزرا تە یا جودایە و ئەگەر تو بەحسێ وان بکەی چو، خودێ تو ببی ئیزرائیل تو ژ دەستێت وان خلاس نابی ئەگەر تول سەر بنڤێسی دێ ب رێکا سەردەشت و کاروان و سادق عمر و ب دەهانێت مینا وان چی ،چ یاسا نینن و ئەگەر باس ژی لێ بکەن یاسا د دەستێ وان دایە و ب کەێڤا خو کار پێ دکەن بو زانین نەبەس ئێک یاسا هەیە هەر بارزانی یەکی و جلالەکی یاسایێ خو یێ تایبەت ، وکەسی یێ هەی بو نمونە لبیرا مە هەمیایە دەمێ د کمال سید قادر هاتی گرتن ل کوردستانێ ب یاسایێ ئاژانسا پاراستنێ مەسرور ٣٠ سالا زیندانی کر لێ ب یاسایێ سەروک حکومەتێ نێچیر هاتە ئازاد کرن ژبەر هندی ب هزرا من پێتڤی کەمپینا بێدەنگ نابین بو کەیسێ سەردەشت داخازا خو ئاراستەی نێچیر بارزانی بکەن بەلکو ئەو بکاریت بکوژێت سەردەشت عوسمان دادگاهی بکەت ئەگەر نە د شیانێت کەسێ دا نینە.

ئەلمانیا بامرنی