ڕۆژی مەرگی ژن ڕۆژی بەرخۆدان

Thursday, 08/03/2012, 12:00

هەشتی مارس رۆژی جیهانی ژنان
نابیت بكری بەشایی وسەیران
ئەوڕۆژە ڕۆژی قوربانی دانە
رۆژی تاوانی ستەمكارانە
رۆژیكە پیاوی خاوەن سەرمایە
گڕی تێبەردا هەرچی بەهایە
بەدەستی رەشی ستەم وتاوان
ئاگری بەردا لە خەرمانی ژیان
ئێستا كە سەدە ونیوێك زیاترە
بڵیسەئەدا گڕئەوئاگرە
هەمیشەوهەردەم ئەگەشێتەوە
نایەوێت هەرگیز بكوژێتەوە
بۆئەوەی كپ وخامۆش بكرێ
بۆئەوەی ژنان نەسوتێنرێ
باهەموساڵێ لە هەشتی ئازار
رۆژی مەرگەسات بكەین شەرمەزار
ژنان وپیاوان ئازادیخوازان
هەموپێكەوە بەرەوتێكۆشان
بۆژیانێكی ئازادویەكسان
بەبێ ماندوبون هەردەم بەخۆدان