بەرى هەيامەكى پەرتووكا (هندەك راستى يێن ڤەشارتى د شورەشا گوڵانێ دا) يا نڤيسەر "شمال زبير ئاغا" كەفتە د بازاريدا كو ژ (700) بەرپەران و (200) وێنە و دوكيومێنت پێكهاتى يە، لدويڤ گووتنا نڤيسەرى (15) ساڵ ژ تەمەنى وى برينە، ئەو تشتێ ئەز هانداى كو خواندنەكا رەخنەيى بۆ بكەم بۆ ڤێ پەرتووكێ ئەوە كو نڤيسەر رولێ ئاكرێ و ئاكرەيييان ب لاواز ل قەلەم ددەت، لدەمەكى كو راستى بەروڤاژى وێ چەندێ نە، ديسان نڤيسەر كەفتى يە د شاشيەكێ دا دەمێ گووتى ئاكرەيى و خو ژ ئاكرێ جوداكرى، ژبەركو ئەو ژى خەلكێ ئاكرێ يە، و ئاكرێ دەڤەرەكە نە عەشيرەتەكە هەر وەكو زێبار ژى، دەڤەرە، نەك عەشيرەت، هەلبەت گەلەك راستى تێدا هاتينە لێ ب ديتنا من گەلەك ژى نەهاتينە و خەباتا گەلەك مالباتێن نشتيمان پەروەر و پێشمەرگە نەخاسمە يێن ئاكرێ هاتييە ژبيركرن، ئەڤجا داكو نڤيسەر د چاپێن داهاتى دا ب كێموكاسى يێن ڤێ پەرتووكێدا هاتين بچيتەڤە و ل چاپا داهاتى پێزانينان راست بكەتەڤە و زێدە بكەت من بفەر ديت ڤان خالان ب كورتى بەرچاڤ بكەم و ئەز د وێ باوەرێ دامە كو هێش زێدەتر ژى پێدڤى يە پێداچوونێ تێدا بكەت:

1-        هەر وەكو ب تنێ ل ئاكرێ پێشمەرگە هەبووينە و ل دهوك و ئامێدى و زاخو نە بووينە، ئەڤە كێماسيەكە كو دڤێت نڤيسەرى خو ژ قالبێ دەڤەرچياتيێ قورتال كربايە، چونكە نڤيساندييە (هندەك راستى يێن ڤەشارتى د شوڕشا گوڵانێ دا)، كو شورشآ  .

2-       ل بەرپەرێ 469 دا وەها هاتييە نيشاندان، كو خەلكآ ئاكرێ دژى شورشآ بووينە و ب خائين ل قەلەم داينە، هەر بۆ نمونە خەلكآ ئاكرێ ژ........................ 

3-        ل ئاكرێ 35 فەوجێن جاشان هەبوون و چ ژ وان ئاكرەيى، ئانكو خەلكآ باژێڕێ ئاكرێ و باژێڕى نە بوون، و هەموويان دژايەتى يا شورشێ دكر، ئەو ژى دديارن كا كى بوون.

4-        چەندين شەهيدێن دەڤەرا ئاكرێ تێدا هاتينە بەزركرن بۆ نمونە: شەهيد شەمسو، شەهيد نەجمو، شەهيد مسلح تاهر...

5-       (5) شەهيدێن حزبا شيوعى يا عيراقى كو خەلكآ ئاكرێ بوون و د قيادا موئەقەت دابوون هەر ئێك ژ شەهيد "محمد عبدال" بەرناس ب (ملازم رزگار ئاكرەيى)، شەهيد عبدالرحمن رجب عزيز بەرناس ب (شێروان)، شەهيد "مجيد شوكت عبدال" بەرناس ب (هەوار)، شەهيد رجب گيب بەرناس (رێبوار) و شەهيد "كمال" كو ب رەگەز عەرەب بوو و دگەل شەهيدێن حزبا شيوعى دا هات بوو شەهيدكرن.

6-       پێشمەرگەيێن پارتى ل ئاكرێ لسەر دەمێ شورشا گوڵانێ (تەوفيق سليم، تاهر سليم، ئەمين خورشيد، و شاكر جمعە سالح، فريق مجيد، حجي نسرولا (حجى نەسو) و و بدەهان پێشمەرگە يێن دى كو ناڤێن هەموويان لبيرا من نينە و داخازا لێبورينێ ژ وان هەموو خەباتكارێن روژێن رومەت و دژوار دكەم.

7-       ديسان هەر ئێك ژ كادر و پێشمەرگە، جمال عبدالله ئاكرەيى (كاوە)، مجيد زێوكەيى(شڤان)، اسماعيل ياسين (جوتيار)، كاروان ئاكرەيى، احمد محمد شريف (مەلا عەلى)، محفوڤ ئاكرەيى، باپير زێوكەيى و صبحي عبدال (گوران) كو كورێن باژێرێ ئاكرێ و هەموو خودان باوەرنامە و پێشمەرگە بوون، زێدەبارى ئەوێن شەهيد بووين.

8-       رولێ دامەزرێنەر و دوبلومات و شارەزا و رەوشەنبيرێن ئاكرێ ژى هەر ژ دامەزارندنا كومارێ مهابات و دامەزراندنا پارتى ديموقراتى كوردستان و هەتا شورشا ئەيلولێ كو بوونە هێڤێنێ شورشا گوڵانێ ژى يا كو دئەدەبياتێن پارتى دا پێرا دهێتە گووتن، كو شورشا گوڵانێ درێژەپێدەرا شورشا ئەيلولێ يە، و رول و خەباتا خەلكێ باژێڕێ ئاكرێ يێ رەوشەنبير و زانا هاتييە رەشكرنەڤە: خەباتكار و دوبلومات كار و شارەزايێ لەشكەرى يێ بەرناس "ميرحاج ئەحمەد ئاكرەيى" و "عەزيز ئاكرەيى" شێرێ چيايێ سەفين و عاشقێ راست و رەسەنێ رێبازا شارستانى يا كوردايەتيێ و نەتەوەخازيێ گەلێ كوردستانێ يا دوير ژ عەشيرەتگەريێ!، و "هاشم ئاكرەيى" يێ رەوشەنبيرێ شورشگێڕ و "شەوكەت ئاكرەيى" يێ دوبلوماتكارێ مەزن و سەركەفتى، يێن كو قوربانى داى پێخەمەت ئازادى يا كورد و رزگارى يا كوردستانێ، و گەلەكێن دي يێن وەك وان خەباتكار و كوردپەروەر، كو هەموو خودان باوەرنامە و دەرچوويێن كوليژێن زانستى و لەشكەرى بوون وەك: كورێ باژێرێ زاخو رەوشەنبيرێ مەزن (هەمزە عەبدوڵا) و كورێ باژێرێ سلێمانيێ ئەندازيار "عەلى عەبدوڵا" و كورێ باژێرێ خانەقين"د.حەكيم خانەقينى"، كو هەموو پێكەڤە دگەل بارزانيێ نەمر دا بوون، لێ ژ بەر هندەك ئەگەرێن گرێدايێ ب تەعسوبا هوز و عەشيرەتيێ ژ شورشێ دويركەتن، لێ چ جاران ژ خەباتێ دوير نەكەفتينە، ئەو عەشيرەتگەرى يا كو هەتا نها سەربارى كو شێست و نەه ساڵ ژى بورين لسەر دامەزراندنا پارتى، كار و رولێ خو يێ نێگەتيڤ د جڤاكێ كوردستانێ دا دبينيت، كو هنگى ب وان خاندەوار و رەوشنبيرێن كورێن باژێرا دهاتە گووتن (ئەفەدى)، ڤێجا هز ربكەن هەڤالان كو دێ ئەو هزر و تەعسوب يا هوز و عەشيرتێ ل سالێن شێستان يا چەوا بيە و ل چ ئاست بييە؟ و چەوا سەرەدەرى دگەل كەسێن رەوشەنبير و خودان باوەرنامەيێن زانستى د بياڤێ لەشكەرى و سياسى و ...هتد؟؟    ئەڤجا ئاكرێ و ب هەموو پێكهاتێن خو يێن عەشائيرى و ئايينى و نەتەوەيى ڤە، كو تەمەن و باوەرنامە و زانستێ خۆ پێخەمەت شورشێ و رزگارى يا وەڵاتى و ئازادى يا گەلێن كوردستانێ پێشكەش كريە و گيانێ خو ژى كريە قوربانى و بەشەك ژى شەهيد بوون، ڤێرێ پرسيار ئەوە كو ئەز نزانم كا ئەو چ ئەگەرن كو هێلاى رولێ ئاكرێ و خەلكێ ئاكرێ ب پێكهاتێن خو يێن عەشائيرى و نەتەوەيى و ئايينى ڤە بهێتە كێمكرن و نەهێتە نڤيسين!، و بتنێ رولێ ئێك پێكهات بەرچاڤ كريە!!. بلا بەرسڤ بۆ ويژدانا عاقلمەندان بيت.

چونكە ب راستى دەمێ من پەرتوك خاندى، من تەخمينكر هەر وەكو تو بێژى بتنێ ئاكرێ و ئەو پێكهاتێ نڤيسەرى باس كرى بتنێ هەبووينە و بەشدارى د شورشا گوڵانێ دا كريە، هەچكو موسل و دهوك و ئامێدى و زاخو و بەردەرەش و سێمێل و شنگار و شێخان و ...تد. چ رول و كاريگەرى و بەشدارى نەبوويە د وێ شورشێ دا؟ و د شورشا ئەيلولێ ژى دا چونكە، گوڵان درێژە پێدەرا ئەيلولێ بوو، خەلكێ ئاكرێ ل سەرهەلدانێ ژى دووپاتكرەڤە و سەلماند كو شورشگێر و چاڤ نەترسن و ئاكرێ كرە كليلا سەرهەلدانێ ل هەرێما بادينان و سڵاڤ كرە رانيە يا دەرگەهێ سەرهەلدانێ ل 1991ێ !.

ڤێجا ئەڤە گولەك پێشكێشى وە بيت و هيڤى يە.. وەكو وە يێن بەرێز هيڤى بۆ خواستى و داخازكرى كو هەكە ناڤێ كەسەكى هاتبيت بيركرن يان ديتنەك يان رەخنەيەك هەبيت، وەك وە گووتى" بلا مە ئاگەهدار بكەت"، داكو دووبارە نەبنەڤە ل چاپێن داهاتى، ئەڤە مە وەكر وەكى تە گووتى نڤيسەرێ بەرێز "شيمال زوبەير"و هيڤى يە جهێ دلخوشى يا وە بيت و ل چارچووڤێ پرتوكێ دەرنەكەت بم.

ل داويێ هزار سڵاڤ ل خەباتكار و پێشمەرگە و عاشقێن رێبازا كوردايەتى يا رەسەن و هەموو شەهيدێن كوردستانێ بن، بژى كورد .. بژى گەلێ كوردستانێ.