گۆڕان بۆ لەھەولێر کۆنگرە بەست؟

Saturday, 28/12/2013, 12:00

ترس لە یەكێتی یان شکاندنی تەلیسمەکانی پارتی
بەھۆی پێداگری و بەرگری کردن لەشاری سلێمانی  ھەمیشە لەلایەن نەیارەکانیەوە " نەوشیروان موستەفا " یان بە شارچی و کەسێکی شار پەرست ناساندوەو ھەوڵیان داوە لە دەرەوەی سنوری شاری سلێمانیی یەوە خەڵکی ناوچەکانی تری لێ دوربخەنە و لەدیدی خەڵکەوە وێنەیەکی  پێببەخشن کە نەیارەکانی پیان خۆش بوە !
 بردنی کۆنگرەی گۆڕان لەشاری سلێمانی یەوە بۆ شاری ھەولێری ژێردەستی شەریکە تازەکەیان ,  شکاندنی تەقلیدی باوی پارتی و یەکێتی بوە کە ھەمیشە لە ژێر قەڵمڕوی خۆیان کۆنگرە درەنگ وەختەکانیان بەئاکام گەیاندوە ؟ یان بردنی گۆنگرە بۆھەولێر ترس بوە لە یەکێتی و دڵنیانـــەبونیان بوە لەپاراستنی گیانی ئەندامانیان و بارودۆخی کۆنگرەکەیان  ؟ یان ھەوڵێکی تری بزوتنەوەی گۆڕانە بوە  بۆ سڕینەوەی  گومانی شارچێتی لەسەر ڕێکخەرەگشتییەکەیان ؟ ئەشێ یەکێک لەو سێ ھۆکارە بیانویەکی بەھێزی ئەوان بێت , دەکرێ ھیچیان نەبَێت و جۆرێک لەتەکتیکی رێکخستنی بزوتنەوەکەبێت بۆ شکاندنی ئەو تەلیسمەی پارتی کە بۆحیزبەکانی تری کێشاوە , یان ڕەنگە ئەوە نامەیەک بێت بۆ ھەمو لایەک کە بزوتنەوەکە تەنھا بۆبەشداری کردن لەحکومەت ناڕواتە شاری ھەولێر , بەڵکو ھەولێر دەکاتە کەناڵێکی شلگیرانەی  کاری بەردەوامی خۆیی وتەلیسمەکانی پارتی تێک ئەشکێنێت و پارتی ھەناسە سوار ئەکات و کاربۆئ ەوەدەکات ھەنگاو ھەنگاو خۆی جێگربکات بۆ لەق کردنی ئەو ھەیبەتەی  پارتی کە لە دوای ٣١ ئابەوە تائێستا بەدەستی ھێناوە .
 یەکەمین کۆنگرەی بزوتنەوەی گۆران ڕەنگە بۆ زۆرکەس وەھا ببینیرێت کە بزوتنەوەی گۆڕان جدیە لەکاری سیاسی خۆیدا و  ئەو پرینسیبانە تێک ناشکێنێت کە ئەبَێت بزوتنەوەیەک یان پارتێکی نوێ خوازو مۆدێرن ھەی بێت !! بەڵام بەبینیی ئێمەومانان ئەو کۆنکگرەیە توانای یەلاک لای کردنەوەی زۆرکێشەی ناوخۆی بزوتنەوەکەی نابێت و چارەسەری زۆرشتی پێی ناکرێت و  تەنھا شوێن کەوتنی بەڵێ نێکە  کەپێشتر لەسلێمانی بەئەندامان و دۆستانی خۆیانیان دابوو  کە کۆنگرە ئەبەسترێت ؟! ئەگەر نا کۆنگرەیەک نەتوانێت گۆڕانکاری لە ھەیکەلی بەرێوەبردنی بزوتنەوەکەدا بکات  و بەشێکی لە ئەندامە بەشداربوەکانی بەکۆدەنگی " تەزکییە " بەشداریان پێبکرێت , ئەوکات کۆنگرە چی مانایەکی ھەیە ؟
 ئەگەر بزوتنەوەی گۆڕان ھەر٤ ساڵ جارێک کۆنگرە ببەستێت و جدی بن و بڕیار بدەن ھەیکەلی بەڕێوەبردن بگۆڕن و کاربۆ  بە" کاریزما " کردنی ھیچ سەرکردەیەکی خۆیان نەکەن و لەکایە سیاسی و ڕۆشنبیری کانی خۆیاندا ئەوە بەکردار بەرجەستە بکەن , ئەوکات بەھۆی کرداری بەرجەستەکراوی بزوتنەوەی گۆڕانەوە زۆر " پارتی سیاسی نوێ "  دروست ئەبن و زۆر " پارتی سیاسی تریش " ھەڵدەوەشێنەوە و شیوەی کارکردنی خۆیان دەگۆڕن و بزوتنەوەی گۆڕان پێشەنگیان دەکات .