كه‌سایه‌تیه‌كی شاری هه‌ولێر ئه‌ركی دروستكردنی په‌یكه‌ری له‌قله‌قه‌كه ده‌گرێته ئه‌ستۆ
Sunday, 16/06/2013, 12:00
دوای ئه‌وه‌ی (28/5/2013) له‌میدیاكان بلاومانكردوه كه جێگری پارێزگاری هه‌ولێر (تاهیر عه‌بدوڵا) ره‌زامه‌ندی پارێزگای ده‌ربڕیوه بۆ دروستكردنی په‌یكه‌ری ئاشتی بۆ حاجی له‌قله‌قه‌كه‌ی شاری هه‌ولێر، له‌سه‌ره‌تای كه‌مپینه‌كه‌ش ئه‌وه‌مان راگه‌یاند كه ئێمه ده‌مانه‌وێت ئه‌و په‌یكه‌ره به‌هاوكاری و كۆمه‌كی كه‌سانی دلسۆز دروست ده‌كه‌ین و هیچ ئه‌ركێكی ناخه‌ینه سه‌ر حكومه‌ت و لایه‌نی په‌یوه‌ندار، كه ئه‌مه‌ش هۆكارێكه بۆ ئه‌وه‌ی بتوانین په‌یكه‌رێكی شایسته دروست بكه‌ین.
دوای بلاوكردنه‌وه‌ی ره‌زامه‌ندیه‌كه كه‌سایه‌تیه‌كی شاری هه‌ولێر (هێرش خۆشناو) په‌یوه‌ندی پێوه كردین و ره‌زامه‌ندی خۆی نیشاندا كه ئه‌ركی دروستكردنی په‌یكه‌ره‌كه ده‌گرێته ئه‌ستۆ، كه ئێمه‌ش وه‌ك كه‌مپینی دروستكردنی په‌یكه‌ری ئاشتی بۆ له‌قله‌قه كوژراوه‌كه‌ی هه‌ولێر، له‌به‌رامبه‌ردا ده‌ست خۆشی له‌كاك (هێرش خۆشناو) ده‌كه‌ین، كه به‌شێوه‌یه‌كی دڵسۆزانه بۆ دروستكردنی په‌یكه‌ره‌كه ره‌زامه‌ندی خۆی نیشانداو به‌خۆشحاڵیه‌وه ئه‌ركه‌كه‌ی گرته ئه‌ستۆ.
له‌دوای ته‌واوبوونی په‌یكه‌ره‌كه، ناوی ئه‌و كه‌سانه‌ی به‌شداربوون له‌كه‌مپینه‌كه‌و هاوكاربوون بۆ هاوكاری و پاڵپشتی بلاوده‌كه‌ینه‌وه، هه‌روه‌ها ناوی ئه‌و هونه‌رمه‌ندانه‌ی كاریان كردوه‌و رۆلیان هه‌بووه له دروستردنی په‌یكه‌ره‌كه و ئه‌و بڕه پاره‌یه‌ی بۆ چۆنیه‌تی دروستكردنی په‌یكه‌ره‌كه سه‌رفكراوه، بلاوده‌كه‌ینه‌وه.
بۆ په‌یوه‌ندییه‌كان.
ناوخۆ: 07504636340
ده‌ره‌وه:0046735366757
كه‌مپینی دروستكردنی په‌یكه‌ری ئاشتی بۆ حاجی له‌قله‌قه كوژراوه‌كه‌ی هه‌ولێر
30/5/2013
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
