نه‌وشیروان مسته‌فا هه‌ق‌وایه ته‌نها نانه ڕهقهو ئاو بخوا وه‌ڵامێك بۆ کاك عه‌لی مه‌حمود محمد
Wednesday, 14/10/2009, 12:00
پاش ئه‌وه‌ی نوسینه‌که‌تم له کوردستانپۆستدا خوێنده‌وه، که گوایه موچه‌که‌ی کاك نه‌وشیروان له مانگێکدا سێ ئه‌وه‌نده‌ی موچه‌ی ساڵێکی سه‌رۆکی هندستانه پێم خۆشه ئه‌م وه‌ڵامه‌ت بده‌مه‌وه. وه‌ڵامه‌که‌شم نه دفاعه له‌وزاته‌و نه ده‌شزانم موچه‌که‌ی چه‌نده به‌ڵام ده‌بێت مرۆڤ ویژدانیشی هه‌بێت! بۆچی که یه‌کێك سیاسه‌تی کرد بۆی نیه موچه‌ش وه‌رگرێت؟ خۆ ئه‌گه‌ر سه‌یری سه‌رۆکی هه‌موو وڵاته‌کان بکه‌یت موچه‌ی باشیان هه‌یه‌و جلی جوان له‌به‌ر ئه‌که‌ن و نه‌سریه‌ی تایبه‌تی خۆیان هه‌یه! به‌ڵام وادیاره کاك نه‌وشیروان ده‌بێت نانه ڕهقهو ئاو بخوات ئنجا جه‌نابتان بڕوای پێده‌هێنن! خۆ هیچ نه‌بێت ئه‌م پیاوه ژیانی له‌سیاسه‌تدا بردۆته سه‌ر! خۆ هیچ نه‌بێت ده‌رماڵه‌ی پێشمه‌رگایه‌تی ده‌بێ هه‌بێت! له کاتێکدا ده‌بینین که‌سی وا هه‌یه ڕۆژێك پێشمه‌رگه نه‌بوه‌و به رتبه‌ی عه‌قید ته‌قاعد بوه! یان هه‌یه دوو ساڵ وه‌زیر بوه‌و به معاشی وه‌زیری ته‌قاعد بوه! خۆ ئه‌وه ئه‌ندام په‌رله‌مانه‌کان باس مه‌که! ئه‌وه‌ی ڕۆژێك ئه‌ندام بوه ئێسته ده‌رماڵه‌که‌ی کۆڵێکه!
گوایه کاك نه‌وشیروان هیچ پۆستێکی نه‌ویستوه ئیتر نابێت موچه‌شی هه‌بێت! کاك عه‌لی ئێمه نامانه‌وێ که‌سبکه‌ین به فسفس پاڵه‌وان و لام وابێ یه‌ك مه‌هاتما گاندی له‌دنیادا هه‌یه به‌ڵام ئه‌وه‌ی ئێمه له سه‌رکرده‌و پێشه‌واکانمان ده‌مانه‌وێت ئه‌مانه‌یه‌ی خواره‌وه‌یه و حه‌ز ئه‌که‌م به ویژدانه‌وه سه‌یر که‌یت که کاك نه‌وشیروان ئه‌م سیفه‌تانه‌ی تێدایه یان نا؟ ئه‌مه‌ش له‌سه‌ر ئه‌وه ده‌وه‌ستێت که تۆ ئه‌و ووتاره‌ت له دڵسۆزیدا نوسیوه یان له به‌رژه‌وه‌ندی یه‌کێتی و پارتی یان به کۆنه قین!
ئێمه ئه‌مانه‌وێ ئه‌وه‌ی خۆی به دڵسۆز ئه‌زانێ و له جێگه‌ی خزمه‌ت کردنی گه‌ل خۆی داناوه
هه‌قی میلله‌ت نه‌خوات! نه‌بێ به حوت و به هیچ شتێک تێر خواردنی نه‌بێت! قه‌سر و کۆشکه‌کانی نه‌چێته ئاسمان! کۆمپانیاو مقاوه‌لاتی دنیا دانه‌پۆشێت! که‌س‌وکاری له‌هیچه‌وه نه‌بنه کاربه‌ده‌ست! مه‌حسوبیه‌ت و مه‌نسوبیه‌ت لای ئه‌و نه‌خوات! زۆر حه‌زی له پله‌وپایه نه‌بێت و بنوسێت به کورسی ده‌سه‌ڵاتدا! هه‌موو شه‌وێك له نادیه‌کاندا به‌هه‌زاران دۆلاری میلله‌ت به‌فیڕۆ نه‌دات! دڵسۆز بێت بۆ خێزانه‌که‌ی و ژنی به‌سه‌ر نه‌هێنێت و چاوله‌ده‌ری نه‌کات! هه‌ر ڕۆژی له وڵاتێك ڕانه‌بوێرێت و به ملیۆنان پاره‌ی وڵاته‌که‌مان ده‌رب‌هێنێت و بیخاته بانکه‌کانی ده‌ره‌وه! ئه‌مانه‌و ده‌یان سفه‌تی تر که له مه‌سئوله‌کانی کوردستاندا هه‌یه، غه‌یری ئه‌مانه‌ش داوا ناکه‌ین که‌س هه‌قی خۆی بفه‌وتێنێت و نامانه‌وێ که‌سیش ببێت به غاندی و ماندێللا.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
