ئایا بەشیكی دەسەلات و ئوپۆزسیونی رادیكال بارەكە دەگەیەننە كەنارى تەقینەوە؟

Tuesday, 08/02/2011, 12:00

 لە میژووى ولاتە جیاجیاكانی جیهاندا بە دووجور گورانكارى لە دەسەلاتدا هاتوەتە كایەوە ...
یەكێكیان گورینی تیكرا سیستەمى سیاسی و كومەلایەتی و ئابورى و فەرهەنگی ئەو كۆمەلگایە لە ئەنجامی كەڵەكەبوونی چەوساندنەوە و ستەم و زەبرى دەسەلات لە ژیر سایەى فەرمانرەوایەتیەكى دیكتاتورى شمولیدا و پیداویستی بو گورینی قوناغەكە ، جا گەر ئەو سیستەمە لە لایەن كومەلیكى توتالیتارى یان حیزب و گروپیكی ستەمكار و كەسایەتیەكی دیكتاتور و دارودەستەیەكی خوپەرستی مشەخورەوە بەریوەبچیت . ئەوەش بە شیوەى گشتی بە توندى و روبەروبونەوەى راستەوخوى خەلك بەرامبەر دەسەلات و لەناوبردنی ئەنجام دەدریت ، جا گەر بە هەستانەوەیەكی ناوخوى كونەپەرست بەرامبەر سیستەمەیكی دیموكراسی یان لە ئەنجامى جەنگ و لاوازبوونی سیستەم و هەستانەوەى جەماوەرى بەرامبەر بە رژیم (روسیاى كون و عیراق)، یاخود بە روخانی سیستەم لە لایەن هیزى بەرهەلستكار (كوبا و چەند دەولەتی ترى ئەمریكاى لاتینی و ئەفریقیا و خواروى روژهەلاتی ئاسیا) ، یان بە خوپیشاندانی جەماوەر روبەروبونەوەى دەسەلات تا روخانى(ئیران ، رومانیا و دەولەتانى تری بە ناو سوشیالیستی و تونس و ئەوەى لە میسر روودەدات ...) ، یان بە شیوەى كودەتاى سەربازى كە نمونەى زورە وەك توركیا و شیلی یان بە هەستانەوەیەكی ناوخۆى كونەپەرست بەرامبەر بە سیستەمیكى دیموكراسی (نازیەكانی ئەلمانیا و فاشیستەكانی ئیتالیا) . ئەوەش گورینی سیستەمیكی دیكاتاتورى بو دیموكراسی یان بە پیچەوانەوە سیتسەمیكی دیموكراتی بو دیكتاتورى . كومەلیك لەوانەش حوكمى سەربازى بە شیوەى راستەوخو یان دیكتاتوریەتی حیزب و لاین دەبیت كە لینین بە شورش ناوى دەبات .
هەموو كات ئەم شیوازە بەرامبەر بە دیكتاتوریزم و كونەپەرست و سەربازى بەكارنایەت ، هیندیك جار بەرامبەر بە دەسەلاتێكی دیموكراسی بەكاردیت و بە دروشمی بیرقەدار بەشیكی جەماوەر شوین خویان دەخەن و كەلین و هەلە و كیشە ئابوریەكان ، كەمبوونی خزمەتگوزارى ، بیكارى و گرانی و هەلویستی نا واقیعی و ناعەدالەتی و گەندەلیەكانى ناو دەسەلات بەكاردینن وەك چون نازیەكانی ئەلمانیا و فاشیستەكانی ئیتالیا كردیان یان روخانى حوكمی دیموكراسی شیلی لە سەرەتاى هەفتاكان ، كەواتە ئەو هەستانەوانە هەموو كات ئەنجامەكانی باش نین و رەنگە ببیتە هوى دیكتاتوریەتیكی راستەوخو یان دروستبوونی ئەنەرشیزم لە حوكم .
خوپیشاندانی بێ چەكی ئاشتیخوازانەى خەلك لە تونس و میسر تا روخانی رژیم دیاردیەكی نوێیە كە تەنانەت پشت بە حیزبە كونەكانى ناو گورەپانی سیاسی ئیستا نابەستن و شوینان ناكەون و ئەو دیاردە نوییە رەدكرنەوەى زوربەى حیزب و ریكخستن و سەركردەى تەقلیدى و كونەكانە . مەبەستی بەرچاوى دیار لەو رەهەندە نوێیەدا رەدكردنەوەى زورى سەركردە و حیزب و ریكخستنە تەقلیدى و كونەكانى ناو سیستەمى سیاسی ئیستا و قەبوڵنەكردنی وسایەتیی هیچكامیكیان و وەدەركەوتنی سەركردەى نوى لە ریرەوى روداوەكاندا لە كوادرى حیزبەكان یان هیندى كاربەدەستی دەولەتی یان هەلقولاوى ناو جەماوەر .
ئەوى تریان ئەو جورەى گورانكاریەیە كە بە شیوەى لەسەرخو و بە شیوازى ریفورمكردنى هەنگاوبەهەنگاو دیتەكایەوە لەناو خودى ئەو سیستەمە سیاسیە ، ئەوەش لەو جیگایانە دەشیت كە بناغەى حوكمرانی ، گەر ناوەروكى ئەو سیستەمە پریش بیت لە كەلین و كەموكورَی و كومەلێك مەبەستی نادروستیشی تیدابیت . لەم حالەتەدا سیستەمی سیاس داناروخیت و هەر گوڕانكاریەك دەكریت لە ناو و لە چواچیوەى هەمان سیستەمدا دەبێت ، جا گۆڕینی دەسەلات بێت یان هەڵوەشاندنەوەى دامودەزگاكان بەپەرلەمانیشەوە لە ئەنجامی قەیرانیكی سیاسی و ئابورى زور قوڵ لە وولات و بڕواپیبوونى زورینە بەوە یان گرفت وقەیرانی زور گەورە كە نە بە حكومەت و نە بەپەرلەمان چارەسەربكریت و وەدەستنەهینانى هیچ حكومەتێك بە متمانەى زورینەى پەرلەمان یان سكەندالى زور گەورەى ناو حكومەت و پەرلەمان و بە ریفراندومی گشتی یان هوِیەكی ترى گەورەى لەو بابەتە كە حالەتیكی وابێتە پێشەوە لە توانا هەموو ئورگانەكانى ناو سیستەمى سیاسی نەبیت بەئەنجامی بگەیەنێت ئەوەش بە ریگاى ئوێولى و شیوەى دەستورى وولات . لەو كاتەش حكومەتى كاتى كارەكان هەڵدەسوڕینیت تا هەلبژاردنى پیشكات ئانجام دەدرێت .
ئایا هەریمی كوردستان و تیكرا عیراقیش خویان لە چ جوریك لەو دوو حالەتدا دەبیننەوە : سیستەمی سیاسی دیكتاتورى بە هەموو جور و شیوازەكانیوە، یان سیستەمی سیاسی دیموكراتی پەرلەمانى بە هەموو كەموكوڕى و كەلێن و گرفت و نابەرابەریەكانیشەوە ، ئایا ئازادى سیاسی و دەربڕین و راگەیاندن بە ناتەواویش بیت هەیە یان نیە ؟ گەر یەكەم ببوایە نە لە پەرلەمان ئوپوزسیون دەبوو كە كار بكات و نە كومەلیك كەنالى راگەیاندن بەم شیوەیە رەخنەى زور توندى دەتوانى بگریت و نە هیزەكانى ئوپوزسیون دەچونە ناو پروسەى سیاسی و هەلبژاردن و ئەنجامەكانیشیان قەبول دەكرد و لە لە پەرلەمان دادەنیشتن ، ئەو كاتیش یان لە مەنفى یان بە نهینی كاریان دەكرد و زور لە سەروكەكانى ئوپوزسیون لە زیندان ژیانیان بەسەر دەبرد . بویە پیویست ناكات تیكڕا سیستەمە سیاسیەكەش بەسەرجەم دام و دەزگان و هموو مفاهیم و یاسا و بنەما ئابوریەكان هەڵتەكێندریت و لە ناوببریت و سیستەمیكی ترى نوى جیگایان بگرێتەوە ، بەلكو دەشیت بە هەلبژاردن شیوازى حوكمڕانى بگوریت كە لە سالانی حوكمدا بەلینەكانى بەجینەهینا یان دەركەوت كە بە پیچەوانەى هەموو ویستەكانى گەل كاردەكات و ئەو كاتە بانگەشەى هەلبژاردنى نوى پیویستە ، بەلام دەبیت پاساوەكان فورمولە بكریت و راست بن و هەرچ لایەنیك هەول نەدات لە بەرژەوەندى حیزبى و سیاسی خوى بەكارى بهینیت .
لە عیراق پاش روخانی رژیم و لە كوردستانیش پاش یەكگرتنەوەى نیوە و ناتەواوى حكومەتى هەریم و دام و دەزگاكانی بە هەموو كەلین و كەم و كوڕى و تەجاوز و فشارى جوراوجور و كومەلێك ئیسلونی نادروستی حوكمڕانی ، بەلام دەشوبهیندریتە شیوەیەكی دیموكراسی كە هەلبژاردنى تیدا ئەنجام دەدریت و هەموو لایەنەكان لەوەدا كۆكن ، ئەگینا بەشیكیان كە بڕوایان وانەبوایە نە خویان كاندید دەكرد و نەبەئەنجامەكان قایل دەبون و نە دەزگا ئینترناسیونالە چاودیرەكان دەیانسەلماند و نە دەرویشتنە پەرلەمان و لە دانیشتنەكانى بەشدار دەبوون . ئایا ئەو ماناى ئەوەیە لە بوارى جیاجیادا زەوتكردنى كومەلیك لە ئازادیەكانى تاك و كومەلیش بوونی نیە و مافى تاكی مروف و گشتیش بە دروستی پاریزراوە ؟ فشارى سیاسی و ئابورى و دەرونیش وجودى نیە ؟دەستیوەردان بۆ ناو حكومەت و بازاریش نیە؟ گەندەڵی بوونی نیە ؟ دەرفەتی وەك یەك بوهەموان پەیڕەو كراوە ؟ یەكسانی هەیە و جیاوازى وجودى نیە ؟هەموو خزمەتگوزاریەكان بە ریكوپیكی كراون ؟خەلكى بەتوانا و شارەزا و بە ئەزموون سودیان لیوەرگیراوە و لە حیزبەكان و حكومەتیش پەیرەوى كەسی شیاو بو شوینی گونجاو كراوە ؟ئازادى بیردەربڕین بەشیوەى دروست پیادەدەكرێت و واى لینەهاتوە لەو بوارانەى بویستریت تا رادەى بەرەللایی شل بكریت و لە بوارەكانى ترى كە نەویستریت زور تەسككرابیتەوە ؟ عەدالەتی كومەلایەتی و كەمكردنەوەى جیاوازى پەیرەوكراوە ؟ وەك پیویست گرنگى بە پرسی ژنان و گەنجان دراوە ؟ كەلینیكی گەورە لە نیوان عەقلیەتى تەقلیدى كونی قیادەكان و بیرى نوى و خەڵكیدا نیە و ریگا بە عەقلیەتی سەردەمانەى مودیرن و شیوازى زانستی كاركردن دراوە و بە چەندین جور ریگا لەوانە ناگیریت ؟ كیشەی بیكارى و نیشتەجیبوون و ووزە و جیگیرى بازار بە بەرنامە و شیوازى دروست هەولى چارەسەركردنی دراوە ؟ كومەلیكی زور لە بەرپرسانی باڵا و ئومەراى جەنگ تێریان خواردوە و هەر لە سەر حیسابی میللەت خویان دەولەمەندتر ناكەن و تواناى گشتی تالان ناكەن و بەهەدرى نابەن ؟ نەخیر ئەوانە وزور مەبەستیتریش پیچەوانەكەى راستە ! ئایا بەوەش وادانریت ئیتر چی ماوە ، تەنها بە هەستانەوە و راپەرین و دامالینی هەموو سیستەمەكە دەكرێت بۆ ئەوەى سیتەمیكی نوى شوینی بگریتەوە ؟ لەو حالەتەش كام سیستەم ، سیستێمیكی دیكتاتورى راستەوخوى لایەنیك جا چەپ یان راست یان بەناوى ئایینەوە بیت ، یان شیوەیەكی ئەنەرشیستی هەرچكەس بو خوى ؟ یان دەبیت ریكبخریتەوە بە ئاراستەى قوڵكردنی دیموكراسی و جێگیركردنى شێوەى پەرلەمانى دەستورى كە هەرە رادیكالە توندرەوەكان ناوى بە دیموكراسی سەرمایەدارى دەبەن ! ئایا هیندیك لە جولان و حیزب و ریكخراوەكان نایانەویت تەنها مەوقیف بفروشن و بەكردەوەش تا ئیستا بەشیك نین لەم سیستەمە بە كەسایەتی و عەقلیەتەكانیانیشەوە و یان هەر تیروانینی دیكتاتوریانەیان نیە و لەم جورەش دوانەكەوتوون و بروایان بە دیموكراسی هەیە ؟ یان بە دوو فاقە كاردەكەن !
لە شوینیك قەیران و گرفت و كیشە و مەبەستیك لە ئارادانەبیت ، نارەزایی جەماوەر و جموجوڵى فراوان و جوش و خروش و رژانەسەرشەقام و خوپیشاندان و تەقینەوەى توڕەیی ناگاتە رادەى هەستانەوە و روبەروبونەى سیستەمى حوكمڕانى و رویشتن بەرەو راپەرین (دوكەڵ بى ئاگر نابیت). لەو كاتەشدا كومەلیك فاكتەر رول دەبینیت و جەند لایەنی سیاسی و كەسایەتی سەرگۆڕەپان هەول دەدەن ئەو بارە بەلاى خویاندا راكیشن و تەنانەت كومەلیك لەوانەى كە خوشیان پیشتر بەشداربوون لە ئالوزى و تەنگوچەلەمە و قەیرانەكانیش بۆ خورزگاركردن لە قین و تورەیی خەلك یان هاتنەوە بۆ سەرساحەكە یاخود خوبەخاوەنكردنى مەبەستەكە زور بە رادیكالانە تر گوتارەكانیان ئاراستەى خەلك دەكەن و هانیان دەدەن بوئەوەى لاى كەمى خویان لە بەرپرسیاریتی بارە كونەكە دەربازبكەن و خویان بە پیاو چاك و لایەنگرى جەماوەر لەقەلەم بدەن و خویان بپاریزن ، نازانن كە خەلك ئەوانیش دەناسیت و گەر بایەكە هەڵبكات وا ئەوانیش دەبات ! لە لایەكى دیكەوە سەرانى ئەو دەسەلاتە لەكاتى سەرهەڵدانی قەیران لە جیاتی دوزینەوەى هۆیە راسەقینەكانى و بەتەنگەوەهاتنى داوا و ویستە بنەرەتیە رواكانی جەماوەر و بەپیرەوەچونى داخوازیەكان و هەولی چارەسەركردنى مەنتیقی گونجاو و دەستكردن بە ریفورم و لابردنى هوكارەكان و دەستخستنە سەر برینەكان و ساریژكردنیان ، بە كومەلیك ئیجرائاتی پولیسی و توند و بە دروشمی ناجورى دیماگوگیانە و هیندیك كارى لاوەكی و هەرەشە و توهمەتباركردن و بەكارهینانی فشارو كردارى نادروست و دور لەمروڤایەتی و توندی و زەبروزەنگ هەولى بەرەنگاربوون و بە حیسابی خویان خاوكردنی بارەكە دەدەن و بەوەش بارەكە ئالوز و توندتر دەكەن هەولی ریگاگرتن لە خوپیشاندان یان بەبەكار هینانى پولیسی و سەربازى راستەوخو هەولی دامركاندنەوە هەستانەوەكان دەدەن و غەرق بەخوینی دەكەن ، یاخود بەرەبەرە هیزە چەكدارەكان ئامادەیی لیدانى جەماوەرى نابیت و پال دەداتە پال جەماوەر و یستەكانی و ئەو دەسەلاتە سەرنگون دەبیت ، جا گەر لەو كاتە ساحەكە چول بیت مەترسی حوكمى سەربازى راستەوخو یان تا ماوەیەك ئەنەرشیستیەت زال دەبیت و زیانی گەوەر بەو وولاتە دەگات لە روى ئابورى و كومەلایەتی وسیاسیشەوە تا بارەكە جیگیردەبیت .
لە كومەلێك لە وولاتانی عەرەبی و روژهەلاتی ناوراست حكومەتەكان كەوتونەتە خویان بو ئەوەى پیش روداوەكان بكەون و بەراگەیاندن و ئاماژە و هەلویست دەربرَین بەوەى ئیدى خویان و كورَ و كەسەنزیكەكانیان خویان هەلنابژیرنەوە و كومەلیك ریفورم دیننە كایەوە بو ئەوەى بە دەردى تونس و میسر نەچن ، جا چەند فریاى ئەوە دەكەون و خەلك بەوە رازیدەبیت ، روداوەكانى چەند هەفەتەى داهاتوو ئەوە دەردەخەن ، لە لایەكی ترەوە گەر كوڕ یان هیندیك لە كەس و كاریان بە شیوەى شەرعی و دیموكراسیانە و بە پێی تواناى خویان وەك خەلكَ لە پروسەى سیاسی و هەلبژاردنەكاندا بەشداربن كەس لارى نیە و رێگر نیە ، بەلام بەكار هینانى شیوازى ناشەرعى و بەكارهینانی نفوز و دەسەلات بو ئەو كارە و خوسەپاندن قابل قبول نیە !
كاردانەوەى ئەو وولاتانە خەریكە دەگاتە كوردستان و لە گۆڕەپانی سیاسیدا رەنگدەداتەوە و كاریگەرى بەسەر رەوشی سیاسی داهاتوویشدا بە شێوەى نەگەتیڤ یان پوزەتیڤ دەبێت .
ئایا هەریمى كوردستان لە هەموو بوارەكان و بەهەموو مەبەست و روداوەكانێوە ، سەرەراى گشت ئەو خاڵ و مەبەستانەى باسمانكرد دەشوبهێتە سیستەمی دیكتاتورى و دەبیت داروخیندریت و هەڵبوەشێندرێتەوە و سیستەمێكی سیاس تر جێگاى بگرێتەوە ؟ گەر ئەو كەس و لایەنانەى دەڵین بەڵێ ، چی جورە سیستەمیك ؟ نەمانى سیستەمەكە بە ماناى هەڵتەكاندن و نەمان و نەهێلانی هەموو لایەنەسیاس و كومەلایەتی و ئابورى و تەنانەت تیروانینینی ئاینی و فیكرى و كەلتورى و زانستیشى ئەو سیستەمەى پێشوو ، تەنانەت بە هەموو حیزبەكانیشەوە كە بەشیكن لە سیستەمی سیاسی و بە شیوازیك بەشدارن لە دەسەلات جا چی راستەوخوبیت یان لە پەرلەماندا بە هوى بەشداریان لە هەڵبژاردنەكاندا و قەبوڵكردنى ئەنجامەكان و چەسپاندن و سەلماندنیشی . روخانی سیستەمەكە بە تیكڕا گەر بزانن یان بیانەویت و نەیانەویت گۆڕان و نەماى ئەوانیش دەگریتەوە! ئایا وابیر دەكەنەوە كە ساڵەهایە خۆشیان لە ناو لوتكەى دەسەلات بوون و لە زوربەى بریار و كار وكردارەكان بەشداربوون و زورى ئەوانەشی كە ماون بە عەقلیەت و بیركردنەوە و هەلویست و هەلسووكەوت و رەفتار هەر وەكوو ئەوانن .وا دەزانن كە سیستەم گەیشتە رادەیەك كە پیویست بكات بگۆڕیت وا ئەوان دەمیننەوە یان ئەمجارەش وەك سالانی رابردوو هەر دەبیت ئەوان سەركردایەتی بكەن و خەلك شوین ئەوان دەكەویت و نازانیت چی دەكەن و بیریان چونە و چونی دەگوزەرێنن؟ئایا تەنها دروشم وادەكات خەڵكی فریوبخوات ؟ پیموایە ئەوە تەنها بو رازیكردنی هەرە رادیكالەكان بوو و بو ئەوەى گوایە ئەوان و هەموو شەقام كونترول بكەن و چونیان بیەویت بەو ئاراستەیەدا بیبەن، لەو باوەرەشم بە باشی بیریان لە دروشمەكان نەكردوەتەوە و سەرپێی بوە و خوشیان بڕواى تەواویان پێ نیە . دەیانیەویت شەقام راكیشن بو بەرەنگاربوونەوە ، راستیەكیش هەیە گەر سیستەم بنەمایەكی دیموكراسی هەبوو وا بە خوپیشاندان كومەلیك لە داواكان دەگەنە ئەنجام بەلام حكومەت ناروخیت (وەك وولاتانی ئەوروپا و عیراقی پاش روخانی رژیم) ، لە وەشدا و گریمان ئەوە بكریت و روداوی كارەساتئامیز و جەنگی ناوخوى لیبكەویتەوە ئایا كەسانی نزیكی خویانی تیدادەچیت و دەبیتە قوربانی و پەكی كوڕى خەڵكی تریان هەیە ، یان كەسانی خویان لە هەندەران یان لێرە لە خوشگوزەرانیدا رایدەبوێرن و با كوڕى خەڵكی تر بیكات ببیتە قوربانی و ئەوان و كورَەكانیان بیخۆن ؟
خۆشیان باش دەزانن ئەوەى دەیكەن تەنها دروشمە بو فشار بو سەر حیزبەكانی دەسەلات بۆ هاوبەشیكردنیان لە مەبەستەكاندا و ئاوڕى زیاتریان لێبدەنەوە ، ئەوەش لە گوتار و قسە و راگەیاندنە نوێیەكانیاندا دەردەكەویت . پاش ئەوەى بە ناوى بزوتنەوەى گوڕان و ناوى كەسایەتی خودى كاك نەوشیروان بەیاننامەیەك بە پەلە و بێ دیراسە و تاوتویكردن و زیاتر وەك كاردانەوەیەك لە سەر روداوەكانى ناوچەكە دەرچوو ، ئەوەش لە زوربەدا بوداپوشینی كومەلیك شكستی هەلبژاردن و داكشانی قورسایی بزوتنەوەكە لە ناو جەماوەر و وەدەركەوتنی ناكوكی زەق لە نیوان عەقلیەتی كون و مودیرن لە ناو خودى بزوتنەوەكە و بو ئیستیعابكردنی ئەو قەیرانە و سەرلەنوى ریكخستنەوەى خۆ و رێگاگرتن لە دەرچوون و بەجیهیلانی بە تاك و كومەڵی ئەو كەسانەى شێوەى كارى ئیستاى ناو بزوتنەوەكەیان پێ قەبول نیە .ئەگینا سەركردەكانی بزوتنەوەى گۆڕان خویان لە هەموو كەس باشتر دەزانن كە تا چەند مانگى پیشتر لە هەموو كار و كردار و هەلویست و رەفتار و دەرئەنجامەكانیش بەشداربوون و پشكیان بەردەكەویت ، ئەوەشیان قەبوڵكردوە كە سیستەمى دیموكراسی هەیە گەر نیوە و ناتەواویش بیت .
جا هەلتەكینی هەموو سیستەمەكە جیایە لە گۆڕینی دەسەلات و حوكمڕانی ، گەر برواشیان بەم سیستە نیە بوچ بەشداربوون لە پروسەى هەلبژاردن و ئیستاش لە كوبونەوەكانی پەرلەمان بەشدارن و داواى هاوبەشی لە حوكمدا دەكەن ، گەر كێشەش گلەییە لە بەشدارنەبونیان لە دام و دەزگاكان ، بوچ هەولدەدەن خەڵك راكیشن بو روبەروبونەوە با بە شیوەى دەستورى بە خۆئامادەكردن بۆ هەڵبژاردنی رت بەبەرنامەى پوختە بیكەن !
لە لایەكی ترەوە كومەلیك لە سەركردەكانی ناو دەسەلات لە جیاتی پەند وەرگرتن لە روداوەكانی وولاتانی تر و تیروانینی قوڵتر بۆ داهاتوو و ئەنجامدانی ریفورمی بنەڕەتی لە حیزبەكان و حكومەتیشدا و هینانە پیشەوەى كادیر و خەلكی بەتواناتر و پاك و كارگوزارو ریكخستنەوەى هەیكەلیەتی ئورگانەكان و دانانی بەرنامە و كاركردنى جیدى بو قولكردنى بنەماى دیموكراسی و ئازادى و چاككردن و چڕكردنی خزمەتگوزاریەكان و روخسانی دەرفەتی كار و بەگژداچونەوەى بیكارى و گەندەڵی ئیدارى و كومەلایەتی و ئابورى و داننان بە هەڵەكاندا و خۆكیشاندنەوەى ئەوانەى بەرپرسیارن لەوە ، لە جیاتی ئەوانە بە زبانی زبر و هەرەشەئامێز و كومەلێك دروشمی كۆن و پینەكردن و بروسكەى پشتیوانی وەلام دەدەنەوە .
كە خەلكی كوردستانیش شوێن دروشمی رادیكالانە نەكەوت ، لە بەرخاترى كومەلیك لەوانەى دەسەلاتی نەكردوە یان نارەزایی نەبیت لە زور مەبەست و دیاردە ! بەڵام بو تێكنەچوونی ئیستقرار ى سیاسی و ئەمنی و دروستنەبوونی بەرەللایی و لەبەر مەترسی لە دەستیوەردانی دەرەكی لە ناو عیراق و دەرەوە و بەرپانەبوونی جەنگی ناوخۆ و دانی دەرفەتیك بە حكومەت و دەسەلات بۆ بەخۆداچوونەوە و راستكردنەوەى مەبەستەكان بووە.
جا با هەموو لایەنەكان ئەوە بزانن گەر هەموویان بە بنەڕەتی و ریشەیی بەخۆیاندا نەچنەوە و نادروستی و لاسەنگى و ناتەبایەكان چاك نەكەنەوە و بە زبانی دیالوگ و مەنتیق و یەكتر قەبوڵكردن ئاخافتن نەكەن ، ژیان و گوزەرانى خەڵك باشتر نەكەن و هەموو لایەنەكانى دیموكراسی سیاسی و ئابورى و كومەلایەتی بە دروستی پەیرەو نەكەن و هەر خویان و دەوروبەریان ببینن و لەوان ببیستن ، ئەمڕوش نەبیت وا روژیك بای ئەو وولاتانە ئیرەش دەگریتەوە و هەم خویان زیانی زور گەورە دەكەن و لە میژودا دەبیزیردرین و هەم رەنگە گەلیش توشی كارەساتی گەورە بێت !