گەلوپارتى ژ دوریێت خو باوەر دكەن، یان هێشتا ملەتى بنەزان دزانن؟؟؟

Tuesday, 18/05/2010, 12:00

پشتى تیروركرنا خیندكار سەردەشت عوسمان و نەرازى بونا خەلكێ كوردستانێ و بتایبەتى ل سڵمانیێ، دام و دەزگەهێت راگەهاندنا پارتى لهەمى كەناڵێت خو دەست ئاڤێتیە شەرەكى بێ ئەمانێ راگەهاندنێ لدژى ئەوێ نەرازى بونا خەڵكى و نوشێروان و كومپانیا وشە كرنە هێجەت، من شولەژ كومپانیا وشە و بەرێز نوشێروان مستەفاى نینە و ئەز نە محامیێ وانم و لجهاتى وان بەرسڤا راگەهاندنا پارتى بدەم بەلێ دیارە پارتى بریارا داى هەمى كورە و سەقەت و كەرولال و ماستاوچیێت راگەهاندنا خو دڤى شەرەیدا تەجروبە بكەت و ئاستێ ملكەچى و وەفاداریا وان بو بنەمالێ تاقى بكەت، كانێ دلسوزن یان نە لەوما هەر كەسەكى دەست بئاخفتنێ دكەت خرابترین ئاخفتینێت بازارى بەرامبەرى نەرازى بونا جەماوریا خەلكێ كوردستانێ ب كار دهینیت.
ئەگەر راگەهاندنا پارتى وەسا دزانیت بئاخفتنا ئەوان كەسێت ماستاوچى دێ شێت رەئیا خەلكێ كوردستانێ بگهوریت و گومانا تیروركرنا سەردەشت عوسمانى ژخو دور كەت ئەز باوەر دكەم دى بلعەكس بیت و پتر گومانا تیروركرنا سەردەشت عوسمانى بئاخفتنێت وان نە خیندەواران دكەڤیتە سەر پارتى، خەلكى كوردستانێ داخازا دیاركرنا بكوژێت سەردەشت عوسمانى دكەن و پارتى هێرشێ دكەتە سەر نوشێروانى و دبێژت سالێت هەشتیا و بەرى پترى 30 سالان فلانى فلان كەسێ كوشتى ئەڤە وەسا دیار دبیت هەروەكى پارتى خیندكار سەردەشت عوسمان پێش خینا ئەوان كەسێت خوڤە كوشتبیت، ئەڤە ژى وەكى وێ مەسەلێ یە كو دبێژیت، ئەڤە هرچە یێ دى دبێژیت ئەڤە دەوسا هرچێ یە، كانێ هین بكوژێت سەردەشت عوسمانى ئاشكرا بكەن و بدەنە دادگەهێ پاشى بەحسێ شەرێ ناڤخوى بكەن و دادگەهەك بێلایەن بلا وە هەمیا دادگەه بكەت كانێ چەند كوردێت هەر چارپارچا بدەستێ هەوە هاتنە كوشتن چونكى ئەگەر مەسەلێت كەڤن بێنە بەحس كرن ئەز باوەر دكەم پارتى و سەركردێت پارتى ژ هەمى كەسەكێ گونەهبارترن و پێتڤیە بەرى هەر كەسەكێ بێنە دادگەه كرن.
ئەز نزانم پارتى ب چ ئاقلەكێ كەسەكى وەكى فەهیم عبداللەێ كورە دهینیتە سەر اردیو زاگروز و ئەو ژى بكەیفا خو بناڤ دكەڤیت و بكەیفا خو دوریا دكەت و بناڤێ هەمى دەڤەرا بەهدینا بەیعەتا خو نى دكەتەڤە كێ حەق دایە فەهیمێ كورە بناڤێ بەهدینا باخڤیت فەهیمێ نەزان و فەیلەسوفێ پارتى لدەڤەرا بەهدینا بهەمى عەقلێ خوڤە دگوت، ژ شنگارێ و حەتا ئاكرێ سوفیێت رێبازا پارتى و بارزانینە ئەڤ ئاخفتنە نیشانا نەزانین و بێعەقلیا فەهیمێ كورەیە كو وەسا دزانیت باشورێ كوردستانێ ژ شنگارێ حەتا ئاكرێ یە كەچى هەر فەهیمى ب خو دگوت نوشێروانى دڤێت ناوچەگەرى بكەت، باشە مەسەلە نە سوفیێت مالا بارزانینە و تو راست نا بێژى پتریا خەلكێ دەڤەرا بەهدینا دژى كتاتوریەتا پارتى نە بەلێ مخابن هەركەسەكێ باخڤیت بدەستێ نەزان و ماستاوچیێت وەكى هەوە دێ هێتە تیروركرن و ڤێگاڤێ مەسەلە رەڤاندن و كوشتنا خیندكار و روژنامەڤانەكێ یە كو لناڤ هەڤلێرێ هاتیە رەڤان و تیروركرن جارێ هین ئەوان كەسان بگرن و ئاشكرا بكەن كو ئەو تاوان كرنە پاشى وەرن بێژن ئەم هەمى سوفیێت بنەمالێ نە و لدادگەهێ شكایەتێ بكەن كانێ كى تاوانبارە بەرامبەرى دیروكێ و مللەتێ كورد.
لدوماهیێ ئەز دبێژم ئەگەر كورە و ماستاوچیێت وەكى فەهیم عبداللەى بەردەڤكێت پارتى و بنەمالێ بارزانى بن چارەنڤیسێ وە ژ ئێ سەدام باشتر نابیت و مللەت دێ هەوە دادگەهى كەت.