(ماسۆنیەت) و كاریگەری لەسەر ئابووری نێودەوڵەتی و تەونە شاراوە جاڵجاڵۆكەیەكەی بۆ ئایندە!!!

Sunday, 21/10/2012, 12:00

تێبینی کوردستانپۆست: کاکی نووسه‌ر زانیاریی زۆری له‌سه‌ر ئه‌م باسه‌ نووسیوه‌، دیاره‌ که‌ڵکی له‌سه‌رچاوه‌ی زۆر وه‌رگرتووه‌ بۆ ئه‌م نووسینه‌، که‌ ده‌بوو له‌ هه‌مانکاتدا ئاماژه‌ی ئاماژه‌ی به‌ سه‌رچاوه‌کان بدایه‌.

(ماســۆنیەت) و(مۆســــاد) ماسكی دوو ڕێكخراوی جیاوازی پڕنهێنین بۆ یەك كەنار پەلەقاژێ دەكەن و هەڵگری یەك ئایدیای پڕ ستراتیژین و خاوەنی دونیایەكی شاراوەن بۆ ئایندەی پڕ مەترسی و مرۆڤایەتی بە دوو ڕوخسارو شێوازی جیاوازەوە كاردەكەن .. (مۆسـاد)لە 12-13-1949 دامەزراو بە (پەیمانگای هەواڵگری و كارەتایبەتیەكان) ناونرا كە بە تەعبیری عیبریەكەشی (هاموسـاد لمۆدیعین ئۆلتافكدێم میۆحادی)(המוסד למודיעין ולתפקידים מיוחדים)ە نزیكترین ئەو دەزگا هەواڵگریانەیە بۆ پاراستنی هەیكەلی (ماسۆنیەت) و كۆكردنەوەی زانیاری و جاسووسی و لێدانی بەرژەوەندیەكانی نەیارانی بە پلانی ئەمنی و كرداری سەربازی و تەكتیكی جیاواز و نەخشە ڕێگا بۆ (ئیسڕائیلی گەور) بەنهێنییەكی زۆر شاراوە و هەست پێنەكراو بە تەكنەلۆژیایەكی پێشكەوتوو بۆ پاراستنی ئەمنیەتی قەومی جوولەكە لە قەوارەیەكی زایۆنیەوە بۆ دەوڵەتێكی گەورەی خاوەن ئابووریەكی بەهێز كە سەرەنجام دەبێتە پشت و پەنا و مەنزڵگەی (دەجال)ی داهاتوو!



تێگەیشتن لە (ماسۆنیەت)ی ڕاستەقینە و هەڕەمە شاراوەیەكەی وا ئاسان نییە لەكاتێكدا هزر و پلان و ئایدیای هێزی ئەمڕۆی (سیاسەتی نێودەوڵەتی وئابووری نێودەوڵەتی و مۆنۆپۆلی میدیای نێودەوڵەتی و هێزی شاراوەی پڕ تەكەنەلۆژیای نێودەوڵەتی وكۆنتڕۆلی پەیوەندی نێودەوڵەتی و بانكەكانی نێودەوڵەتی و یاریكردن بە بازاڕی دراو و نەوت و بازاڕی گشتی نێودەوڵەتی...) بە ئاسانی لە ژێر دەستی ئەواندایە و ڕاستیەكە وەها بە ئاسانی نایبینین! پرســیارێكی ئاسانیش نییە تا بە ئاسانی وەڵامێكی ئاسانی بۆ بدۆزرێتەوە بەهۆی دونیا تاریك و شاراوەكەی (ماسۆنیەت)!
 ئەی بۆ بە ئاسانی ناتوانن كۆنتڕۆلی دونیا بە ئاشكرا بكەن و ئیعلانی داگیركردنی دونیا بكەن بە هاتنی (حوكمڕانی حوكومەتە شاراوەییە نێودەوڵەتیەكە)!؟
ئەم پرسیارانە كاتی وەڵامدانەوەكەی بزرە چونكە ئەوان تا كۆنتڕۆڵی سیاسەتی تاك لە كۆمەڵگا نەكەن و بەشێكی زۆری مرۆڤەكان نەخەنە ژێر كاریگەری خودی ئایدیای پلانەكانیان بە سیحربوون و مەستی نەك بە مانای سیحر و مەی بەڵكو لە بێئاگابوونی ئادەمیزادەكان لە جەوهەری مرۆڤایەتی و نەمانی قیەمی مرۆڤایەتی و مەبادئە ڕاست و جوانەكانی ژیان .. بەڵێ تا ئەو كاتانەی كە ڕاستگۆكان تیایدا بە پەتی درۆی درۆزنەكان هەڵنەواسرێن ئەو كاتانەی پیاوە بەوەفا و پاكەكان فایلی خیانەتیان بۆ نەكرێتەوە و لە بەندیخانەی فاشل و ناپاكەكان نەمرن تا ئەوكاتانەی نەزانەكان بازرگانی بە هزر و نووسین نەكەن و ئەقڵ نەكڕن و نەیفرۆشنەوە بە بەهاكانی ئارەزووی خۆیان لە بازاڕی سیاسەت و ئابووری و ئایین وكۆمەڵایەتیدا و ئاقڵەكانیش بەشێت لەقەڵەم نەدرێن و ڕەش بە سپی و سپی بە ڕەش نەبینرێت ئەم پرسیارانە وەڵامیان نابێت! چونكە ئەوكاتانە گەرای پلانەكانیان ترووكە دەكات بە لە دەستدانی ئەساسیاتی یاساكانی ژیانی ئینسانیەت و شەڕە گەورەكەی ئایینەكان لە (هێڕ میجیدۆن) و لەناوبردن و سڕینەوەی پڕۆلیتاریەكان و كەمدەرامەتەكانی دونیاو مانەوەی ملیارە ئاڵتونیەكە لە دەسەڵاتداران و دەوڵەمەندەكانی دونیا كە دونیای سەرمایەداری و كاپیتالیزمەكەی (ماسۆنیەت) حوكمی دەكات ئەو كاتانە نەك ئەمانە دەبنە پرسیار بەڵكو دەبنە وانە و دەرس و (حكوومەتە نێودەوڵەتیەكەی ماسۆنیەت) ئیعلان دەكرێت كە لە پێشدا هەبووەو ئێستاش بە شاراوەیی هەیەو ئاشكراش دەبێت!
بۆیە دەبێت ئەوە بزانین لە سەرەتای دروست بوونی مرۆڤایەتی هێزی شەڕ و خێر هەمیشە لە ململانێ دابوونە و هەر بۆ نەگبەتی مرۆڤیش لە مەنزووری ئایینە ئاسمانیەكانەوە لەگەل یەكەم لێدانی ترپەی دڵی (ئادەم)ی باوكی مرۆڤایەتی و كڕنۆش نەبردنی (شەیتان) و چیرۆكی هاتنە سەر زەوی و ململانێیەكانی (حەسادەت و تەكەبوور)ی شەیتان وایكرد شەڕێكی دووبەرەیی دروست بێت، كە سەرەنجام ناحەق ڕژانی خوێنی مرۆڤایەتی لێكەوتەوە ئەویش بەیەكەم كرداری تیرۆریستی كە (قابیل) خوێنی (هابیل)ی ڕشت! لێرەوە ئایدیای (تیرۆر) دروست بوو وەك سەرەتایەك بۆ توندوتیژی ... ماسۆنیەتی ئەمڕۆش پلانی نەخشە ڕێگای (شەیتان) جێبەجێدەكات بە تەقدیسكردنی هاتنی (دەجال) و شەڕەكەی (هیرمیجیدۆن)! كە هەموو كتێبە ئاسمانیەكانیش ئاماژەیان بۆ ئەم ترسە كردووە و بە بەرەی ڕەشی شەڕ و شەیتانیان لەقەڵەمداوە, كەواتە سەرەتای دەمارگیری (ماسۆنیەت) بەم پلانە تازانە دەگەڕێتەوە سەرەتای ئایدیای شەڕەكەی(شەیتان) لەگەڵ مرۆڤایەتی كە لێرەوەش سەرە داوەكەی (ماسۆنیەت و تیرۆر) گڵۆڵەی كرد بۆ دونیای هەمیشە پڕ ئاشوب و شەڕ تا هاتنی (ئیمامی مەهدی) و گەڕانەوەی (مەسیحی كوڕی مەریەم) ڕەزای خوایان لێبێت و كۆتا شەڕی جیهانی سێهەم لە (هیڕمیجیدۆن)!



(ماسۆنیەت) (بەننا ئازادەكان) : "البنائون الأحرار" Freemasons
ماسۆنیەت بە (هێزە شاراوەكە) ناسراوە و تەعبیر لە ڕێكخراوێكی برایانەی جیهانگیری یەك عەقیدە و بیروباوەڕ دەكات كە پەیوەستن بە ڕەوشتی میتافیزیكی و ماسۆنیەكانیش خاوەن دیدێكی تایبەتن بە گەردوون و ژیان و باوەڕیان بە خواوەندێكی دروستكەر هەیە لە ڕووی نەزەریەوە بەڵام وەك پراكتیك دوورن لە هەموو بنەمایەكی یەكتاپەرستی و دوورن لە ئەساسیاتی ئەخلاقی و ڕووخێنەری بنەماكانی كۆمەڵایەتین و تەڵەی ئیبادەكردنی ئینسانیەتن زۆر بە كپی و بزرن بۆ بەرامبەرەكانیان لە كاتێكدا ئەوان خوڵقێنەری هەموو كێشەكانن بۆ تاكی كۆمەڵگاكان بێ ئەوەی هەستیشیان پێبكرێت و لە هەوڵی كۆنتڕۆلكردنی جیهانن بە ئایدیا پڕ ستراتیژی و ئابووری وسیاسیەكانیان تا هاتنەدی خەونە ڕەشەكانیان بە هاتنی (دەجال)ی پاشای ئەوان!
(ماسۆنیەت) ڕەمزی جیاوازی هەیە ئاشكراترینیان و سەرەكیترینیان (یەك چاو)ە چاودێرەكەی دونیایە كە لە تێڕوانینی هەموو ئاینەكان ڕەمزە بۆ (دەجال) یان (مەسیحی هاتووی جوولەكەكان) یان (پادشای ئایندەی یەهودیەكان)ە لەگەڵ فڕجال و مەستەڕە ئەندازەییەكەی بەنناكان و ئەندازیاران لەگەڵ ووشەی G هەندێك پێیان وایە ئەم سونبولە دەگەڕێتەوە بۆ پەیوەندی سەروو (خواوەند) و ئاسمانەكان و خواروو (دونیاو مرۆڤەكان) و ووشەیG یش بۆ "God" ی ئینگلیزی خالقی كەون و خواوەندی تاك وتەنها شیدەكرێتەوە، لای هەندێكی تریش بە شێوازێكی تر واتە (ئەندازە) (هندسە) Geometry ئاماژەیەكە بۆ ئەندازیاری و بەنناكردن و شوبهاندنیشە بە ئەندازیاری گەردوون و خالقی مەزن(خودای مەزن) (المهندس الاوعچم للكون) لای هەندێكی تریش لە ماسۆنیەكان (ئەندازیاری مەزن) دەگەڕێننەوە بۆ سەرپەرشتیار و ئەندازیاری (هەیكەلی سولەیمان) مەلیكی ناوچەی (سوڕ)ی (لبنان) (حوڕام ئابیف)ی فینیقی (كەنعانیەكان)كە لە (تەوڕات)لە (ئەسفارەكانی پادشاكانی یەكەم) (سفر الملوك الأول 5/15-32 و6/1-38) ئاماژە بە پڕۆفیشینالی ئەو كراوە وەك سەركردەو پاشایەك و ئەندازیاری مەزن و دەست زێڕین و موخلیسێك بۆ (سولەیمان) پێغەمبەرو(بەنی ئیسڕائیل) ,بە دیزاینی شێوازی بیناكردنی فینیقیەكان (هەیكەل)ی بنیاتناوە و سوودیشی وەرگرتوە لە تەكنەلۆژیای زانستی سەردەمی فیرعەونیەكان بۆیە وەك دەبینرێت لە(هەیكەلی سولەیمان) چەندین نهێنی و ئیبداعاتی بیناكردن بەدیكراوە لە سەردەمی خۆی هەروەها ئاماژە بەوەش كراوە ئەگەر پاڵپشتی مەعنەوی وماددی(حیڕام ئابیف) نەبوایە ئەوە (سولەیمان)وەسیەتەكەی (داود)ی باوكی نەدەگەیاندە جێگا بۆ دروستكردنی یەكەم(هەیكەل)ی عیبادەت بۆ (بەنی ئیسڕائیل)كە (هەیكەلەكەی سولەیمان)ە ئەوەشیان پلانێكی ئینحرافاتی تێكستی (تەوڕات)یە لەلایەن ماسۆنیەكانی دوێنێ بۆ ئامانجەكانی سبەینێیان و گەڕانەوەی پیرۆزی بۆ ئەندازیارە ماسۆنیەكەیان كە بۆ چوونێكە خۆیان دایانناوەو ڕیكلامی بۆدەكەن! بۆیە وەك نەریتێك بۆ نمایشكردنی ئیخلاسیەت و نیشاندانی ئەندامی پاك و نهێنی پارێز لە كۆڕ و فەلسەفەكانی ئایدیای ماسۆنیەكان (حوڕام ئابیف)ی ئەندازیاری بیناسازی كە نهێنی بیناسازی دەپارێزێت و لەپێناوی دەمرێت و نهێنی كارە تایبەتیەكەی بێگانەكان پێی نازانن دەیكەنە نموونەی ئیخلاسیەت و پاراستنی نهێنی تا ببێتە وانەیەك بۆ ئەندامەكانیان ئەگەرچی ماسۆنیەكانی سەردەمی تازە دەڵێن :ئەم ڕەمزەی نمایشكردنی ئیخلاسیەت و نهێنی پاراستنە كە بە (حوڕام ئابیف) ناسراوە ئەوە فیڕعەون (سقنن ڕەع ـ تائوی دووەم) بوە! كە بەڵگە مێژوویەكان ناتوانن ئەمە یەكلابكەنەوە چونكە بە هۆی شیكردنەوەی تێكستەكانی تەوڕات بۆ كەسایەتی (حۆڕام ئابیف)وە بەهۆی نەمانی بەشێكی زۆری ئەڕشیفێكی دروست بۆ ئەم فیڕعەونە جگە لە مۆمیایەك و كەللەسەرەكەی كە بە زەبرێكی كوشندە لەشەڕێك لەگەڵ (هێكسوس)ەكان زامداركراوە و نیشانەی شكانی كەللەسەرەكەی پێوەدیارە وبە پیرۆزترین پاشای سەردەمەكەشی دەژمێردرێت و بە ڕزگاركەری میسریەكان ناسراوە و بە پێشەوای شۆڕش و بەرپاكردنی جەنگ لە دژی (هێكسۆس)ەكان باسكراوە و ئەگەریی ئەوەش هەیە لەكاتی خەوتنە بە هۆی خیانەتەوە كوژرابێت بۆیە لە دۆكۆمێنتەكانی (ئیگێپتیەڵۆگیا) (زانستی میسڕناسی) وەك كەسایەتیەكی تر باسی لێوەدەكرێت و بە پاشایەك و پێشەنگی میسڕیەكانی دەناسێنێت و بە شەهیدێكی گەنجی 30 ساڵی كە بۆ نیشتمان گیان دەبەخشێت تەقدیس دەكرێت و كەسایەتیەكی خۆشەویست بووە لە نێو میللەتەكەی، بەڵام ماسۆنیەكان بە هۆی دیارنەبوونی سەرەتای درووست بوونی ئایدیاكەیان و شاراوەییان ئەگەری هەموو شتێكیان لێدەكرێت بۆیە نزیك بوونەوەیان لە فیرعەونەكان شتێكی ئاساییە و پێناسەكردنیان بۆ (سقنن ڕەع) بە ئەندازیاری مەزن شتێكی واردە ئەوەش تەنها بۆ پیرۆز ڕاگرتنەو ڕاوبۆچوونی ماسۆنیە تازەكانە و بەس !
لە نەریتی عیبادەتكردن ومومارەسەكردنی كاری ڕۆحی لای ماسۆنیەكان زۆر لە سونبولەكانی فینیقی و ڕۆمانی و بابلی و ئاشوری و بەتایبەت فیرعەونەكانی دوێنێ دەبینرێن و تەقدیس دەكرێن و وەك دەڵێن فیرعەونەكانی دوێنێش حوكمڕانی (نیزامی جیهانگەری نوێی ئەمڕۆن)! كە (ئەهڕامەكان) و (نور) و داڵ (باز) و (كوندەبۆ)و یەك چاوەكەی (دەجال)ی نێو بەشێك لەدراوەكانی نێودەوڵەتی بەتایبەت $1 (دۆلار)ی شاهێدی ئەوە دەدەن بەهۆی كۆنتڕۆڵی بانكی نێودەوڵەتی و بازاڕی دراوی نێودەوڵەتی لەلایەن (ماسۆنیەكان) و نزیكیان لە ئایدیا و هاوبەشی بەشێك لە فەلسەفەی ڕۆحی فیرعەونەكۆنەكان و پیرۆزیان لای ئەوانەوە نیشانەیەكی دیارن! بۆیە دیراسە ئەكادیمیەكان دەیسەلمێنن كە (HORUS) (هاڕۆریس) كە بە خواوەندی ئاسمان و نورو خێر لای فیرعەونەكان ناسرابوو یەك چاوی مابوو پاش لەدەستدانی لەشەڕ لەگەڵ مامەكەی دوای كوشتنی باوكی و تۆڵەسەندنەوە و دانانی ڕەمزی (مارە پیرۆزە) كە لەشوێنی چاوی لەدەست چووی و ڕووخساریشی بە داڵێكی (باز) ئاڵتوونی داپۆشرابوو بۆیە بەشێكی نەهجی تەقدیسكردنی (نوورانیەكان) illuminati  یش هەربۆ خواوەندی (نور) ی (هاڕۆریس) دەگەڕێتەوە ئەوانیش ماسكێكی تری ڕووخسارەكەی ماسۆنیەكانن, دەبینین چیرۆكە ئەفسوناویەكانی میسڕی باس لە ولادەتێكی پڕ موعجیزەی سیحراوی و شاراوە و نادیاری ئەو دەكەن كە تا ئەمڕۆ نەزانراوە چۆن لەدایك بووە و لەكامە ڕەچەڵەكە بەڵام ئەوەی دەوترێت  لە (ئیزیس) كە بەخواوەندی مانگ لای میسڕیە كۆنەكان ناسرابوو ڕەمزی مانگێكی بازنەیی وەك تاج بەسەریەوە بوو ,بە ژنە خەمبارەكەش وەسفدەكراو مانای ناوەكەشی خانمەكەی سەر عەڕشە و شوو بە(ئوزیریس) ی براكەی دەكات وەك تەقلیدی عورفی دینی سەردەمی فیڕعەونیەكانی ئەوكاتە، (ئوزیریس) كە بە خواوەندی زیندووبونەوەو حیساب و بە دادوەری مەحكەمەی مردووەكان ناوزەند دەكرا پاشانیش لە تیڕادیژیایەك بە دەستی براكەی دەكوژرێت و دواتریش خێزانەكەی (ئیزیس)ڕوو لە زەلكاوەكانی ناوچەی دەلتا دەكات و بە سیحرێكی بەهێز دوای سك پڕبوونی (هاڕۆریس)ی كوڕی لە دایك دەبێت و دەیپارێزێت و دەیشارێتەوە تا تەمەنی هەرزەكاری و پاشانیش سەردەكەوێت بەسەر مامەكەی وتۆڵەی باوكی دەكاتەوە! ئەگەر زۆر بە ووردی دیقەت بكەین دەبینین (پالوپ) (سیانەیی)ی ئەمڕۆی دونیای نەسڕانیەكان كە ئەویشیان لكانێكی ئینحرافاتی دەستی ماسۆنیە جوولەكەكانی سەردەمی سەرەتای ئیعلانكردنی هێزە شاراوەكەیە لە ساڵی 43 زاینی بە پاڵپشتی مەلیك (هیڕۆدیسی دووەم)و پلانڕێژی لەلایەن (ئەحیڕام ئەبیود)ی جوولەكە و ڕاوێژكاری (هیرۆدیس) لەسەردەمی دەسەڵاتی ڕۆمانیەكان و مەملەكەتەكەی یەهودیەكان دوای دەساڵ لە هەڵكێشانی عیسای پێغەمبەر بۆ ئاسمانەكان و دواتریش دژایەتیكردنی لایەنگرانی (عیسای)ی پێغەمبەر بە هۆی كەمبوونەوەی نفوزی دەسەڵاتی ڕۆحی جوولەكەكان بە زۆربوونی مەسیحیەت و زوو خزانە نێو ئەم ئاینە نوێیە كە بەرژەوەندی سیاسی و ئابووری جوولەكەكانی دەپێكاو بۆیە هەر بە لە دایكبوونی عیسای پێغەمبەر جوولەكەكان بە هۆی شارەزاییان لە مێژوو و زانستی فەلەكناسی و ئاینە كۆنەكان هەستیان بە كۆتایی كاتەكانی دەسەڵاتی ئاینی خۆیان كرد بە هۆی دژایەتی پێغەمبەران و لادان و ئینحرافاتەكانیان لە ئایین و گۆڕینی تێكستە ئاینیەكان بە پێی میزاج و بەرژەوەندیەكانیان ئەگەرچی (عیسا)ی كوڕی مەریەمیش بۆ ئەوان هاتبوو وەك باقی پێغەمبەرانی تریش , هێلە سەرەتاییەكانی ئایدیای ماسۆنیەت كە وەك ئاماژەمان پێكرد لە گەڵ هاتنە سەرزەوی (شەیتان) و(ئادەم)ی باوكی مرۆڤایەتی و لە سەدەكانی تری ئیمپڕاتۆریەتە جیاجیاكان بینراوەو لێكچوونێك هەبووە تا ئیعلانكردنی بە شێوازێكی ئاشكراو پلانداڕێژكراو بەبەستنی یەكەم كۆبوونەوەی ساڵی 43 زاینی بەسەرپەرشتی (هیڕۆدیس) ەوە دەست بەسەر داگرتن و گۆڕینی (ئینجیل)ە نووسراوەكەی دوای هەڵكێشانی حەزرەتی (عیسا)سڵاوی خوای لەسەر بێت بۆ ئاسمانەكان ,ئەم (سالوس)ە ش كە لە مەبدەئی عەقیدەی مەسیحیەت دەبینرێت دەگەڕێتەوە بۆ سەردەمی فیرعەونەكان بەتەجسیدی (هاڕۆریس)لە سێ سالوس (پاشایەتی ئاسمانەكان)و(پاشایەتی ئەرز) وداڵەكە(باز)ەكە وەك عەقیدەی (سالوسی) ئەمڕۆی دونیای مەسیحیەكان (باوك و كوڕو ڕۆحی پیرۆز) و هەروەها دانانی ئیكۆنێك لە فۆڕمی وێنەی كڵێسەی مەسیحیەكان كە بە (العژراو)(كەنیشكە)ومناڵەكە ناسراوەو ڕەمزە بۆ (مەریەم)ی ژنە پاكەكەی دایكی (عیسای پێغەمبەر)وەرگرتنێكە لە ئایدیای پەیكەرەكانی سەردەمی فیڕعەونەكان, بەلەباوەشكردنی (هاڕۆریس)ی مناڵە موعجیزەكە لەلایەن (ئیزیس)ی دایكە بە وەفاكەوە ئەوەشیان هەمان پلانی ماسۆنیەتە كە لە فیڕعەونەكانەوە وەرگیراوە بۆ دژایەتی كردنی مەسیحیەتی دوژمنی یەكەمیان وگۆڕینی نەهجی دینیان بە درێژایی مێژوویان و دژایەتی ئەساسیشیان بۆ ئیسلامە كە ئێستا وەك میرات وەرگرێكی ڕاستەقینەی هەموو ئاینەكانی پێشووەو وەك ئاینێكی نەگۆڕدراوی پارێزراوە ئەگەرچی ئەوان چەندین گڕوپی جیاجیایان دروستكردوە و بە پلانی زۆر ئەكادیمی و هەست پێنەكراو بەشەڕی مەزاهیب و شەڕی دەسەڵات و گڕوپی جیاجیای لادراو لە ئیسلام شەو و ڕۆژ كاردەكەن بەڵام موعجیزە علیمی و پیرۆزەكانی قورئان گەورەترین چەكی ئەتۆمین بۆ سەركەوتنی موسڵمانەكان ئەگەر بە دروستی مومارەسەی دیراسەكردنی بكەن و پەیوەست بن پێیەوە كە بەداخەوە زۆربەیان لە خەوی غەفلەتی دونیا مەست بوونە لە بازاڕی سیاسی و كورسی ویستیدا!!! بۆیە حوكمكردنی دەستوری فیرعەونەكان بە هاتنی (دەجال)بە دیراسەكردنێكی وورد و هاوبەشیەكەی لەگەڵ ماسۆنیەت و (تەلمود)و(پڕۆتۆكۆڵەكانی زایۆنیزم) پەنجەرەیەكی شكاون بۆ بینینی دونیا ترسناكەكەی (ماسۆنیەت) لەلایەكی تریشەوە هەیكەل و (تابوتی عەهد)ە پیرۆزەكەو هەروەها چیرۆكی عیبرانیەكانیش لەسەردەمی فیرعەونەكان ونهێنیەكانی بینینی (سامری)بۆ جیبرائیل و دروستكردنی گوێرەكەكەو دواتر ناوزەندكردنی سامری بە (دەجال)ەكەی سەردەمی موسا پێغەمبەر و كاریگەری سامری لە سیحرو گۆڕان وتێكەڵكردنی مەنهەجی عیبادەتی جوولەكەكان لەگەڵ فیرعەونەكان لەوسەردەمەو مانەوەیان لە سەحڕا ئەوانەش دونیایەكی نهێنین و سەرەداوێكی ترن بۆ دۆزینەوەی بنەماكانی (ماسۆنیەت) !
سیحری (كاباڵا)ش كە جوولەكەكان لە فیرعەونەكان فێری بوون و دواتریش بەگواستنەوەیان بۆ (بابل)لەسەردەمی (نەبوخەدنەسڕ)گرنگی زیاتریان پێداو گۆڕانكاریان پێكردو كردیانە ئەساسیاتی ڕاڤەكردنی تەوڕات, لە سیحری (كاباڵا)ڕێگای بەڕەمزكردنی زانیاریەكان بە شێوازێكی بیركاریانەو ژمارەیی و شێوازی ئەندازەیی تایبەتی پڕكۆدی نهێنی هەیە وەك لە بیناكردنی ئەهڕامەكانیش دەبینرێن و لوغزێكن بە درێژایی مێژوو تایبەتمەندی خۆیان دەبێت , دروستكردنی هەردیوارێكی نهێنیەكە لە قیاساتی بیناسازی وبەكارهێنانی دەستووری زانستی بیركاری و بنچینەكانی ئەندازەیی وشێوەكاری , پانی و درێژی و بەرزی ئەم ئەهڕامانە هەمووی موشەفەرن بە لوغزی زۆر تایبەت و ووردبینی تیا بەدیهاتووە بۆیە لای ماسۆنیەكان ئەم یاری سیحرە ترسناكە بەردەوامی هەیەو بەشێوازی جیاجیا لەنێو ڕێكخراوە ڕۆحی و ئاینیە تازە دروستكراوەكانی دەستی ئەوان بەكاردەهێنرێت وكاری پێدەكرێت و زۆر لەئامانجە عەسكەری وسیاسی وئابووریەكانیان پێدەپێكن تا هاتنی دەجال وئیعلانكردنی دەوڵەتە یەكگرتووەكەی دونیا ...

لەلایەكی ترەوە و دەگوترێت ووشەی Gسەرچاوەكەی gematriaكە 32 یاسایە كە ئەحباڕەكانی یەهودە لە 200 ساڵ پێش زایین دایانناوە بۆ ڕاڤە كردنی (تەوڕات),هەندێك سەرچاوەی تری (ماسۆنیەت)یش قۆناغەكانی ماسۆنیەت دابەش دەكەن بۆ چەند زەمەنێك دوای ئایدیا سەرەتاییەكەیان لەگەڵ لە دایك بوونی مرۆڤایەتی و سەرەتای شارستانیەتە جیاجیاكان كە دەوریان تیا گێڕاوە كەمێك بە پۆزەتیڤانەو زۆرتریش بەنەگەتیڤانەو كەوتوونەو هەڵسانەتەوە لە پشتی دەسەڵاتەكانەوە كەم یان زۆر لە ڕابردوو دەوریان هەبوە و بەئاشكراو نهێنیش بینراون تا دروستكردنی هەیكەل و پاشانیش لە سەرەتای بە ڕێكخراوكردنیان وئیعلانكردنیان لە ساڵی 43 زاینی و وون بون و هاتنەوەیان بۆ گۆڕەپانی شارستانیەت و سەردەمە جیاجیاكانی تر وەك قۆناغی دووەم و ناوەڕاست لەسەردەمی پڕچەك كردنی پاسەوانانی پەرستگای سولێمان(پاسەوانانی هەیكەل)یان(سوارچاكەكانی پاسەوانی هەیكەل) (فرسان حراس المعبد) knigts templarكە لەساڵی 1100 ز ئەكتیڤانە دامەزران تا ساڵی 1314 ز ئامانجی سەرەكی دامەزراندنیان بۆ شەڕێكی ئاینی نەبوو بەڵكو تموحاتی داگیركردنی ئابووریەكی بەهێزی ڕۆژهەڵات بوو بەتایبەت ڕۆژهەڵاتی ناوەڕاست چونكە ئەو ڕێبوارو گەشتیارو بازڕگانانەی لە ڕۆژهەڵاتەوە دەگەڕانەوە ئەوڕوپایەكی داتەپیو لە هێزی ئابووری نێودەوڵەتی و كەمدەرامەت و هەژاری ئەوكاتەی ئەوڕوپا وایكرد ئەم سوپایە دابمەزرێت وشەڕدەستپێبكات بۆ بەهێزكردنی ئابووری ئەوڕوپا بەڵگەی ئەوەش ئەم شەڕە شەڕی ئایین نەبوو لەكاتی هێرشكردنیان بۆ (قوستەنتینیە)ئەستەنبوڵی ئەمڕۆ كەشارێكی بەناوبانگی مەسیحیەكان بوو ئەوكاتە تاڵانكرا بەدەستی سوپای خاچ پەرستەكان لە هەڵمەتی پێنجەمی خاچ پەرستەكان,(پاسەوانانی هەیكەل) لەشەڕی خاچ پەرستەكان ڕۆلێكی بەرچاویان هەبوو بۆ پێكانی مەرامەكانی ماسۆنیەكان لەژێر باڵی دیفاعكردن لە مەسیحیەت وێڕای سومعەیەكی خراپیش بەهۆی مودمنیان بە مەی خواردن و زیناكردن و خراپەكاری و دووركردنەوە لە عەقیدەی مەسیحیەت و گەڕانەوەیان بۆ وەسەنیەت و سیحرو عیبادەتی (بافۆمیت) Baphomet لەساڵی1312 ی زاینی پاپا (كلیمێنتی پێنجەم) clement V لەگەڵ مەلیك فیلیپی چوارەم ی پاشای فڕەنسا بڕیاری لەناوبردنی ئەم ڕێكخراوەیاندا بە هۆی هەستكردن بە جەماوەربوونیان و خاوەنی قاعیدەو قیادەیەكی بە هێز سەرەنجام بەتۆمەتی دەرچوون لە ئایین دەستیان بە كاری سڕینەوەیان كرد و ئیعلانیان كرد كە ئەم گڕوپەیە لەئایین دوورن وپێویستە سزابدرێن!ئەگەرچی لەپێشدا چاوپۆشیان لە خراپەكاریەكانی ئەوان دەكرد تا ئەوكاتەی جەماوەریان زۆربوو ,بۆیە ساڵی 1314ز دواسەركردەیان(جاك دی مۆلای) بڕیاری سووتاندنی بۆ دەرچوو لای پاپاو تەواو كۆتاییان پێهات بەڵام بەماوەیەكی كەم پێش سووتانی (جاك دی مۆلای) 4 (محفل)پێگەی كۆڕی ماسۆنیەكان بەشێوازێكی نێودەوڵەتی دامەزرابوو بەنهێنی ئەویش(مەحفەلی ناپۆلی بۆ ڕۆژهەڵات و مەحفەلی ئێدینبەڕە بۆ ڕۆژئاواو مەحفەلی ستۆكهۆڵم بۆ باكوور و مەحفەلی پاریس بۆ باشوور) لەم دووسەدەیەی مێژووی (سوارچاكەكانی پاسەوانی هەیكەل)وەك مێژوونووسی فڕەنسی:(گەیتان لافۆرگ)(Gaetam De Laforge) ئاماژەی پێدەكات ودەڵێت:(یەك لە ئامانجە سەرەكیەكانی پاسەوانانی هەیكەل دەست بەسەرداگرتنی نووسراوە كۆنەكانی جوولەكەكان و بەدواگەڕان ودۆزینەوەی ئاسەوار و خەزێنە ڕۆحیەكانی یەهوودیەت ومیسڕیە كۆنەكان بوو لە ڕۆژهەڵات كە بۆ مومارەسەكردنی ئەو كەش وهەوا پڕنهێنیە ڕۆحیە فەراهەم هات كە لە كۆنەوە وەك میراتێك لە جوولەكەكان و میسڕیە كۆنەكان مابۆوە بۆیە ئەوەشیان بەڵگەیەكی ڕوونە بۆ تێكەڵاویەكی ڕۆحی لە نێوان ماسۆنیە جوولەكەكان لەگەڵ میسڕیە كۆنەكانی دوێنێ!!!فێربوونی سیحری (كاباڵا)ش بۆ ئەم سەردەمانە دەگەڕێتەوە بەهۆی دۆزینەوەی چەند بەشێكی تێكستی كۆن لای پاسەوانانی هەیكەل وپاشانیش وەك نەهجێكی عیبادەتی لێهات لە پەرستگاكانیان كە لەپێش ئەوانیش لەگەڵ شادەماری ئاینی جوولەكەكان تێكەڵاوببوو لە ڕابردوو بەهۆی وەرگرتنیان لە نەهجی پەرستنی فیرعەونەكان و بەكارهێنانی ئەم سیحرە بۆ ڕاڤەكردنی تەوڕات و خزانە نێو شیكردنەوەكانی حەرفیی لە تەوڕات بە شێوازێكی تەسەوفیانە !كەچی پێش نووسینەوەی تەوڕاتیش نەوە لەدوای نەوە لای جوولەكەكان بینراوە و سەرەتا بەشەفەهی ووتراوەتەوە تا ڕۆژی بە نەهج بوونی لەعیبادەتەكانی جوولەكە!)ئەم هەموو شەڕە مێژوویەی كەبۆ (هەیكەلی سولەیمان) كراو ئەو هەموو بەرنامە ڕێژیەی كە لە سەرەتای دروستكردنی تا ئەمڕۆوە بۆی داڕێژراو ئامانجێكی نهێنی بەدواوە هەبوە بۆ چەندین مەرام بەكارهاتوە سەرەتا وەك عیبادەت و پیرۆزی بۆ خواوەند لای سولەیمان پێغەمبەر ڕەزای خوای لەسەربێت و پاشانیش لای دەسەڵاتە جیاجیاكانی تربۆ تۆڵەسەندنەوەو مەرامی تایبەت تا ئامانجی ئەمڕۆی سیاسی و چەندین جاریش ڕووخینراوەو بنیاتنراوە ئەمڕۆش بە نهێنی كار بۆ دروستكردنەوەی دەكرێت , چەندین ڕاوبۆچوون هەن بۆ ڕووخانی (هەیكەل)و دروستكردنەوەی ,سەرەتای ڕووخانی بە دەستی (نەبوخەدنەسڕی) پاشای بابلیەكان 548 پێش زایین وپاشان ڕووخانی بە دەستی (ئەنتیوخۆسی چوارەم)ی پاشای فینیقیەكان 170 پێش زایین ودواجاریش ڕووخانی لەلایەن ڕۆمانیەكان ساڵی 70 ی زایینی ,ئەگەرچی ڕاوبۆچوونی زۆر جیاوازهەن سەبارەت بەمێژوو شوێنی (هەیكەلی سولەیمان) و هەندێك نكۆڵی بوونی دەكەن! وەك پڕۆفیسۆرانی ئاسەواری ئیسڕائیلی (ئیسڕائیل فلینكشتاین)و(مائیر دۆڤ) بوونی ئەم هەیكەلە بە شتێكی ناواقیعی دەزانن لە ڕووی شوێنەوارناسی و نكۆڵی لەم ڕاوبۆچوونانە دەكەن كە لە ئۆڕشەلیم بوونی هەبووە لە مێژووداو بە فێڵێكی مێژوویی وەسفی دەكەن ودەڵێن : تەنها حوبری سەر كاغەزێكە بۆ مەرامی تایبەت وداگیركاری ووڵاتان بەكاردێت و ئامانجێكی ماسۆنیەتی نێودەوڵەتیە لە ڕۆژهەڵاتی ناوەڕاست و كاركردن بۆ بنیاتنانی تەنها ئامادەكاریە بۆ جەنگی جیهانی سێهەم وكۆتایی!
ئەوانە ووتارێكی ئاینی نین كەمن دەیانووسم! چیرۆكێكی خەیاڵیش نین!واقیعێكی نادیاری پڕ ئاشوب و شەڕ وماڵكاولی و ڕووخانی مرۆڤایەتین و ناشزانرێت كەی دەبینرێن و كەی كۆتایی دێت !بیرۆكەی نووسینی ئەم بابەتەم بۆمێژوویەكی زۆر دوور دەگەڕێتەوە كە زۆر سەرنجی ڕاكێشابووم و گوێبیستی ببوم و بینی بووم و تا ڕادەیەكیش هەستم پێكردبوو پاشانیش ئەوەی زۆر هانیدام ئەو ڕاپۆرتە ڕۆژنامەنووسیەی پڕۆگڕامی (ئینفۆ شۆك) IНФО ШОК ی كەناڵی (نۆڤی كەناڵ) новий канал ی تەلەفزیۆنی ئۆكرانی بوو كە زۆر بە ووردی پەردەی لەسەر ماسۆنیەتی نێودەوڵەتی هەڵدەداوەو بە كارەساتی دونیای ئەمڕۆی وەسفدەكرد! بەپاشای كاپیتالیزم و ئیبادەكردنی مرۆڤایەتی دەشوبهاند و ستراتیژیەتی مافیاكانی ئەمڕۆی ئابووری نێودەوڵەتی و سیاسەتی نێودەوڵەتی وچەند پلانێكی مێژوویی بۆ ئایندە دەخستە ڕوو كە زۆر بە نهێنی و ئەكادیمیانە ماسۆنیەكان لەژێر دەستیاندایەو كاری بۆ دەكەن بۆ لەناوچوونی مرۆڤایەتی كە ئێمەی مرۆڤ لە خەونە قووڵەكانی ژیانە سادەكەمان هەستی پێناكەین! ئەگەر چی ئەم پلانی ئیبادەكردنە بۆ سیاسەت و كۆنتڕۆلكردنی ئابووری و دەوڵەمەند بوونیان نیە! چونكە هەمووی لەژێر دەستی ئەواندایە و بوودجەی ساڵانەی ئەم ڕێكخراوەیان (ماسۆنیەت)زۆر زیاترە لە بوودجەی ساڵانەی چەندین دەوڵەت و زۆربەی زۆری پاشاو ئەمیرو مەلیك و سەرۆك و بەرپرسانی دونیای ئەمڕۆش ئەندامن لە ڕێكخراوەكەیان بە نهێنی وچەندین ماڕكەو برێندی نێودەوڵەتی و كۆمپانیای عیملاقی نێودەوڵەتی ئەوان خاوەنینە لەم سەردەمەماندا! كەواتە شەڕی (پارەو كورسی)یان (ئابووری و سیاسەت)نیە!ئەوان ئامانجی ستراتیژیان كاركردنە بۆ مانەوەی (ملیارە ئاڵتونیەكە)لەسەر زەوی و دروستكردنی (حوكومەتە نێودەوڵەتیەكە)كە پاشایەكی چاوەڕوانكراوی هەیەو ئیمپڕاتۆریەتێكی سەرمایەداری بە هێزە لە هەموو ڕوویەكەوە و داپۆشراوە بە ماسكی دیموكراسیەت، ئەوانیش وەك (بەننا ئازادەكان)شانازی بە (حەوت موعجیزەكانی دونیا ی كۆن و نوێ) (معجزات الدنیا السبع القدیمە والحدیپە) دەكەن و خۆیان بە خاوەنی دونیای دوێنێ و ئەمڕۆو ئایندە دەزانن!


(ماســـــۆنیەت)ی ئەمڕۆ بە داینەمۆی بیردۆزی پیلانگێڕی تۆمەتبار دەكرێت و بەوەی كە هەمیشە لە پشتی ئاژاوەكاندایە بە چەندین ئامانجی بزرەوە لە هەڵگیرسانی شۆڕشی سەدەكانی پێشوو تا شۆڕشی فڕەنسی و هاتنی نازیەت و شیوعیەت و ڕوخانی بلۆكی ڕۆژهەڵات وشەڕی كەنداوی یەكەم و دووەم و شەڕی تیرۆر و لەدایكبوونی ئایدیای ڕادیكالیزمیە ئاینیەكان و فەناتیزمی نەتەوە پەرستی و شەڕی تیرۆر بە دروستكردنی تیرۆر تا بەهاری عەرەبی... ,بۆیەڕاوبۆچوونی جیاواز هەن بۆ شیكردنەوەی جەوهەری مانای ماسۆنیەت و پلانەكانیان لە سۆنگەی بیردۆزی پلانگێڕیدا , تێڕوانینی هەندێك شیكردنەوە وایدەردەخەن هەموو شەڕێك و شۆڕشێك چەندین ساڵ پێش هاتنەدی پلانڕێژی بۆ كراوە بەووردی لەلایەن ماسۆنیەكان و حوكومەتەشاراوەكە و ڕێگای بۆ خۆشكراوەو پاڵپشتیكراوە بەدیراسەكردنێكی ئەكادیمی كپ وهێمن ! هەندێ جاریش پلانەكان لە پڕێكدا لەناو دەبرێن لەپێناو بەرژەوەندیەكی تری ستراتیژی تر !هەندێكی تریش وای شیدەكەنەوە كە مرۆڤەكان خۆیان ترسێك بۆ ئەم دونیا شاراوەیە دروست دەكەن و هیچ پلانێك وجودی نیە چونكە تا ڕوداوەكان نەهێنە پێشەوە دۆكۆمێنتەكان ناخرێنە ڕوو! بۆ نموونە 11 سێپتەمبەر تا ڕودانی ئەم كارەساتە ئابووریە كەشەڕی ئابووریە كەس ئاماژەی پێنەدەكرد و دركی پێنەدەبرد !پاش ئەم ڕوداوە پانتایی ستراتیژیەتی ماسۆنیەت لە دونیا گۆڕدراو و مەودای كاری ماسۆنیەكانی فراوانتر كرد و ئامانجە مێژوویەكانی خستە ڕوو وەك سەرەتایەك بەشێكی زۆری پلانەكان جێبەجێكران لە ڕێگای هاوڕێ دۆستەكەی دوێنێ و دوژمنەكەی ئەمڕۆی ئەمریكا كە (ئەلقاعیدە)و (بەعسیزمە) ئنجا چەندین دۆكۆمێنتی شاراوەی مێژوویی خرانە ڕوو كە ئەم پلانە لەزووەوە وجودی هەبوە بەهێنانەوەی چەندین خورافیات و لێكچوون یان ڕاڤەكردنی و لەپێشدا هەبوونی لەنێو كتێبە ئاسمانیەكان و تەنانەت بە نوشتانەوەی دۆلاریش بە چەند شێوازێك كە وێنەی دوو تاوەرەكەی تیا دەبینرێت بە سووتاوی! لەلایەكی تریش لە 11ی سێپتەمبەری ساڵی 1990 واتە 11 ساڵ بە ڕۆژو مانگ وكاتەكەی پێش ئەم ڕووداوەیە (جۆرج بووش)ی باوك ئیعلانی دژە تیرۆری كرد لە جەنگی كەنداو و ووتی :(سەرەتای دروست بوونی نیزامێكی نوێیە بۆ جیهان, حكومەتێكی تازەی یەكگرتوولە دایك دەبێت بەهێزەوە لەژێر یەك چەتری بەتوانا)لەپێش ئەومێژووە هاوپەیمانی ماسۆنیەكان(سەدام حوسێن)و بەعسیزم فایلێكی نوێیان بۆ ماسۆنیەكان هەڵداوە بە داگیركردنی (كوەیت)لە 2 ـ 8 ـ1990 لێرەوە بەرنامە ڕێژی بۆ ڕوخانی(تاوەری بازڕگانی جیهانی)كرا لە 11 سێپتەمبەر بۆ زیاتر فراوانكردنی گۆڕەپانی شەڕەكە تابەهاری شۆڕشەكانی عەرەبی! ئەمانە شەڕی پلانڕێژی بوون بۆ پاراستنی بازاڕی ئابووری تا هاتنی پاشا شاراوەكەی ئەم دەوڵەتە نهێنیە و نەخشە ڕێگابوو بۆ سەدەكانی كۆتایی و شەڕەكانی ئایندە ,مۆنۆپۆلی ڕاگەیاندن و ئاو و نەوت و بانكی نێودەوڵەتی ودەسەڵاتی دەست بەسەرداگرتنی ئەقڵ و تاریكی دونیا شاراوەكەی ئەم مەملەكەتە پێشكەوتوە و لوغزەكانی ئەم شەڕانە (بن لادن)لە دۆست دەكاتە دوژمن و لەكەسێكێ سادە دەكاتە ناودار و بزركردن وشاردنەوەی و كوشتن و بزركردنێكی تری دوو مەشهەد نیشاندەدات لەپلانەكان ,كۆدە نهێنیانەی لوغزەكانی 11 سیپتەمبەر وەك كۆتایەكەی بن لادن وایە پێش هەڵبژاردنەكان لە ئەمریكا! بۆ كۆتایی(بن لادن) وەك كۆتاییەكەی(سەدام حسێن) نەبوو!؟ ئەوانە سیناریۆی یەك دەرهێنەرن یان قەدەرن!؟سەركردە ڕوخاوەكانی شۆڕشەكانی بەهاری عەرەبی (حەكیم وسیاسی یان بێ ئەقڵ و شپرزەو نەزانێكی دونیای دیپلۆماسین یان شۆڕشگێریكی خوێن گەرم) بوون! بۆ ڕوخان!؟ كێ دێتەشوێنیان!؟ ئیسلامیەكان دێنە پێش دوای لادانی دەسەڵاتە درێژخایەنەكانی دەڤەرەكە یان زەمەنی گەڕانەوەی شیوعیەت وئیشتراكیەكانە لە ووڵاتانی عەرەبی و نێودەوڵەتی یان بە مەملەكەت كردنی سەرمایەداری و بژاردنی نوخبەیەكی دیار ی دەسەڵاتە لە نەهجی سیاسی سیاسەتەكانی ئەم مەملەكەتەشاراوەدا بەئایدیای لیبڕالی و دیموكراسیەت دونیا دەكەنە باخچەیەكی پڕگوڵی دیموكراسی یان دیموكراسیەكەیان ڕیكلامێكە بۆ هاتنەدی پلانەكانیان!؟(برنار هێنری لێڤی)لەگۆڕەپانی شۆڕشەكان چیدەكرد!؟ ئێران و ئەمریكای نوێی دوای هەڵبژاردنەكان چیان لێدێت!؟ كوردستان ئازاد دەبێت!؟ كەی!؟ چۆن؟! كێ دەسەڵاتی ڕۆژهەڵاتی ناوەڕاست دەگرێتە دەست دوای ساڵی 2015؟! نهێنی دونیای ئەم پلان ڕێژیە نزیكە لە خەیاڵ كە لە ڕاستیدا سیناریۆیەكن بەهێمنی تێدەپەڕن بۆ نموونە ئەفغانستانێكی هەژار ی داتەپیولە ڕووی ئابووریەوە بۆ شەڕی تیرۆری تیا ئەنجامدراو داگیركرا!؟ زانیوتە كە 70% هیڕۆینی دونیا لە ئەفغانستان بەرهەم دێت ئێستا ؟! لەیەكەم ساڵی هاتنی سوپای ئەمریكی و ناتۆ 250 ملیار دۆلار لە موخەدەڕات ئیستیفادەكراوە و ڕێژەكەیشی لە زیادبوندایە! ئەوانە بوختان نین بۆ مەملەكەتە ئیسلامیەكەی ئەوێ ئەوانە یاریەكی ئەمریكین لەژێرپەردەی ماسۆنیەت! ئایا دەزانی سێهەم پلەی ئاستی هێزی بازڕگانی دوای نەوت و چەك موخەدەڕاتە و8% پێكهاتەی قەبارەی بازڕگانی نێودەوڵەتیە نزیكەی 600 ملیار دۆلار ساڵانەی وەبەرهێنانیەتی و 3% گۆی زەوی گیرۆدەی مادە بێهۆشكەرەكانن و چارەسەریان نیە و ئەمەشیان پلانێكی تری ماسۆنیەتە بۆ مانەوەی ملیارە ئاڵتونیەكە! ئەگەر باسی جگەرەكێشان و كۆمپانیا عیملاقەكانیشی بكەین كە هەرئەوان خاوەنیەتین وچ كاریگەری ومەترسیەكی هەیە بۆ ئایندەی مرۆڤایەتی و لە ناوبردنی كە ساڵانە ملیۆنەها كەس دەكوژێت و 20% پێكهاتەی زەوی جگەرە كێشن واتە 2.13ملیار مرۆڤ ئەوەشیان یاریەكی ترە بۆ بە بەڵانس كردنی زەوی و مانەوەی ملیارە ئاڵتونیەكە! لەڕووی ئەڕشیفی دوكۆمێنتەكانی جەنگی جیهانی یەكەم و بەتایبەت دووەم دەزانیت كە ئەم شەڕە ماڵوێرانكاریەی مرۆڤەكانی تیا كوژران بە بێ ویژدانانە ئەوەشیان پلانڕێژی ماسۆنیەكان بوو!؟ چۆن؟! بۆ؟! وەڵامەكەی:سەرەتای شەڕە ماڵكاولكاریەكەی جەنگی جیهانی یەكەم و كێشەكانی پەیماننامەی (ڤێرسای)و پێش ئەویش لە 80% مۆنۆپۆلكردنی زێڕی جیهان لە ژێر كۆنتڕۆلی ئیمپڕاتۆریەتە ئیستیعماریەكەی هەریەك لە (فڕەنسا و بڕیتانیا و ووڵاتە یەكگرتووەكانی ئەمریكا)بوو بۆیە كۆیلەكردنی گەلان و داگیركردنی ئابووریەكەیان بەرەیەكی تری دروستكرد هەریەك لە (یابان و ئیتاڵیا و ئەڵمانیا) بۆ مەرامی ئابووری خۆیان بە تایبەت دوای دۆڕانی جەنگی جیهانی یەكەم لەلایەن (ئیمپڕاتۆریەتی ئەڵمانیاو بولگاریاوئیمپڕاتۆریەتی نەمسای مەجەڕی و دەوڵەتی عوسمانی)كەشێكی باشی بۆ ماسۆنیەكان دروستكرد بۆ نانەوەی كێشە و داگیرسانی شەڕێكی مێژوویی و ڕیكلامكردن بۆ جوولەكەكان بۆ (ئه‌رز المیعاد) و گەڕانەوەیان بۆ خاكە بەڵێن پێدراوەكەیان وەك لە (تەلمود) و (تەوڕات)نەخشە ڕێگای بۆ دروستكراوە !سەیر نیە جوولەكەكان ژمارەیەكیان كوژران لەم شەڕە بەرنامە داڕێژراوە چونكە لەلایەك ماسۆنیەكان هەموو جوولەكەیەكیان لادۆست نیە بەشێكی كەمیان لادراون لای ئەوان وكوشتنیشیان ئاساییە بەڵام ئەوانە بەشێكی زۆر كەمن و دژی زایۆنیزمن ومەبادئی خۆیان هەیە لە شەریعەت ! ئەگەرچی ئەمڕۆ ماسۆنیەكان قیادەیەكی جوولەكەیان هەیە بەڵام لادراون لەنەهجی هەمووئاینێك و خاوەنی ئایدیای میتافیزیكی خۆیانن لای ئەوان ئاساییە چی ببێت یان چی دەبێت گرنگ ئەوەیە ئەوان بگەنە ئامانجەكانیان بە هاتنی (دەجال) و لەلایەكی ترەوە ڕێكلامێكی گەورەبوو ئەو كات و ئەمڕۆش بە قۆرغكردنی ئیعلامەوە و زیادكردنی ژمارەو گەورەكردنی (هۆلۆكۆست)و ئیبادەی جوولەكە لای نازییەكانەوە و زیاتر فرمێسك ڕێشتن دیعایەكی گەورەو ڕیكلامێكە بۆ بەزەیی هاتنەوەو مافی جوولەكەكان كە گەلێكی مەزڵومن نەك زاڵم ,لەلایەكی تریشەوە سەرچاوەكانی دۆكۆمێنتە مێژوویەكانی ئەڕشیفی ڕوسی لەم بارەی كورەی مرۆڤ كوژی ئیبادەكردنی (قەرەج)ەكان (romani people) بەقەد ئیبادەكردنەكەی جوولەكەكان باسی لێوەدەكات بەڵام كەس باسیشیان ناكات لەم سەردەمە! بابەتەكانی(هۆلۆكۆست) ئەم مێژووەی گەورەكردوە چونكە هیچ ئامارێكی وورد نیە بۆ ئەم ئیبادەكردنە! (نازیەكان)یش وەك هەندێ سەرچاوە ئاماژە بەوە دەكەن ئایدیای فەلسەفیان دوورنەبووە لە فەلسەفەكۆنەكان بۆیە ئەوانیش بەتایبەت (هیتلەر)ژمارەیەكی مێژووناس و ئاسەوارناس و پڕۆفیسۆری ناردۆتە (ئەسیوبیا)و(ڕۆژهەڵاتی ناوەڕاست) بۆ گەڕان بە دوای (تابووتەكەی سولەیمان پێغەمبەر) و هەندێك شتی تری نهێنی ناو (تابووتی عەهد)بە هۆی لوغزە بزرەكەیەوە وەك دەڵێن بەهێزی هیتلەر بۆ دۆزینەوەی ئەم نهێنیانە بوو كە ئاستی تەكنەلۆژیای سەربازی زۆر بە هێزبووە ...ماسۆنیەكان كۆنتڕۆلی هیتلەریان نەكرد ونەیانتوانی ئایدیاكەی بگۆڕن چونكە هیتلەر دەیزانی ماسۆنیەت و جوولەكە چین و چیان دەوێت؟! بەڵكو بە پێچەوانەوە نا ڕاستەوخۆ بەكاریان هێنا لە بازاڕی سیاسەتیش ئاساییە بەرژەوەندی گۆڕینەوە و بەهێزبوون بە تەكتیكی جیاواز بۆیە نەیانتوانی هیتلەر بكڕن بەڵام كۆنتڕۆلی پلانڕێژیەكی تەواویانكرد بۆ ئایندەی دوای شەڕ و سەرەتایەكی تر بۆ كۆتایی دونیا و نزیكبوونەوەی پاشاكەیان, دۆكۆمێنتەكانی خانەوادەی (بۆش)كە بەردەست كەوتن دوای ئەم شەڕە وێرانكاریە لەساڵی 1938 (prescot bush) (پێرسكۆت بۆش)ی باپیرەگەورەی بۆشی سەرۆكی پێشووی ئەمریكا (1895 ـ1972) بەهاوكاری(فریتز تایسین)(fritz thyssen)(1873 ـ1951)ی دۆستەنزیكە ئەڵمانیەكەی هیتلەر كە بە نهێنی كۆمەككردنی سوپای نازییەكانیان كرد لە ڕایخی سێهەم لەوساتەدا بینرا (6)پاپۆڕی عیملاقی زۆر گەورە لە كەنارەكانی (دوورگەی كەناری) بە هەڵكردنی ئاڵای (پەنەما)وەك فێڵێك تێپەڕین بۆ هاوكاریكردنی سوپای نازیەكان كە نەوتیان هەڵگرتبوو لەلایەن كۆمپانیای ) ســتاندارت ئۆیڵ (Standard Oil) (كە خاوەنەكەی بنەماڵەی(ڕۆكفلەر)بوون وئەم كۆمپانیایە لە ساڵی 1879 بە ڕێژەی %90 پاڵاوگاكانی ئەمریكایان قۆرغ كردبوو بە مۆنۆپۆلیان بۆ بازاڕی نەوت توانیان یاریە سیاسیەكان بكەن بەهۆی ماسۆنی بوونیان هەروەها بانكەكانی (ۆوڵ ستریت)یش بە قەرز پێدانی پارەیەكی زۆر بۆ سوپاكەی هیتلەر درێغیان نەكرد بە شاراوەیی لە بڕی ئەوەش نازیەكان كۆیلەی ئەو شەڕانەیان بەتایبەت ژمارەیەك جوولەكەیان لە سەربازگەكانی (ئۆشفیتزی 1 و 2و 3 و بیركینو) لە نزیك گوندی (ئوسفیسیم)ی (كاراكۆڤ)ی پۆڵەندی پێشكەش بە بنەماڵەی بۆش كرد وەك كۆیلەی كار ,لێرەوەش بە هۆی پەیوەندیەكەی ئەم بنەماڵەیەوەو نزیكیان لە بەرپرسانی نازیەكان یەكەم كاپیتاڵی خۆیان دروستكرد و خۆیان لێرەوە دەوڵەمەندكرد كە هەموویان ئەندامی یانەی(كەللەسەرو ئێسقانەكە)بوون كەژمارە 322 كۆدیان بوون و بە (كۆمەڵەی برایەتی ڕەش)یش ناسرابوون و بەشێك بوون لە ماسۆنیەتی نێودەوڵەتی ئەم یاریە سیاسیانە لە تیۆری پلانگێڕیدا بوونە و شیكردنەوەكانیش دوولایەنەن بەڵام لێرەوە زیاتر ئەوەدەردەخات ئەم شەڕەیەش شەڕی كۆنتڕۆلی ئابووری بوە نەك نازیەت!
(كۆنگرەی بێڵدبێرگ ـ گڕوپی بێڵدبێرگ ـ انەی بێڵدبێرگ)یش كەساڵانە 150 كەسایەتی زۆر گرنگی دونیا لەخۆ دەگرێت لە كەسایەتیە (سیاسی و بیزنیسمێن و خاوەن بانك و پاشاكانی دونیا و سەرۆكەكان) لەژێر چاودێریەكی پڕنهێنی بۆ شیكردنەوەو دانانی پلان بۆ بابەتە هەنووكەیەكانی دونیا و داهاتوی سیاسی و ئابووری و عەسكەری هەموودونیا وەك سیناریۆیەكی تۆكمە لەوێشەوە بەردەوام ئەوكەسایەتیە ماسۆنیانە دەبینرێن كە لەڕووی بیردۆزی پلانگیریش ئەمەش ماڵێكی تری ماسۆنیەكانە! بۆ نموونە پێش بوونە سەرۆكی ویلایەتە یەكگرتوەكانی ئەمریكا (بۆش)و (ئۆباما)و چەندین سەرۆكی تری ووڵاتانی نێوەوڵەتی بینراون لەم دانیشتنە ساڵانەیە كە ئەوە دەسەلمێنێت ئەوانن كۆنتڕۆلی ئابووری نێودەوڵەتی دەكەن و سیاسەتی نێودەوڵەتیش هەرئەوان خاوەن قەڕارەكانینە !ئەم گڕوپەیە ساڵی 1954 دامەزرا لەنێو چینی دەوڵەمەندەكانی ئەوكاتی دونیا وناوزەندكردنەكەشی دەگەڕێتەوە بۆ ئۆتێلی (بێڵدبێرگ)لە (ئۆستێربێرگ)كەگوندێكی (هۆڵەندا)یە ,قیادەكردنی ئەم گڕوپەیە سێ بەشیان ئەوروپین و بەشێكیشی ئەمریكین ,دانیشتنەكانیان هەموو ساڵێك لە ئەوڕوپایەو چوار ساڵ یەك جاریش لە ئەمریكایە یان لەكەنەدایە,دانیشتنەكان لەتەلاری مێژوویی یان كۆشكی تایبەت یان ئوتێلی تایبەتی گرانبەها دەبێت بە نهێنیەكی تەواوەوە و نهێنی دانیشتنەكانیش دەبێت بپارێزرێت لای میوانەكان و ئەندامەكانی ئەم كۆنگرەیە كەساڵانە دەگۆڕدرێن بە پێی هاتنی كەسایەتی سیاسی و ناودارانی دونیا كە لەوێوە پلانەكانی دونیا دادەڕێژرێن كە ئێمەی مرۆڤی سادە هەستیشان پێناكەین! ئەوانیش (نیزامی جیهانگیری تازە)دادەڕێژن بۆ(حكوومەتە عالەمیە)كە و مانەوەی ملیارە ئاڵتونیەكە! لەم ماوەی دوایش ڕۆژنامەیەكی بەڕیتانی وێنەی (ئەمیر ویلیام) (Prince William) ی بڵاوكردەوە كە كوڕی (ئەمیر چارلز ئەمیر وێڵز) و نەوەی (مەلیكە ئەلیزابێسە)ی پاشای (شانشینی یەكگرتوو)ە (بەڕیتانیا)یە و یەكێكە لە كەسایەتیە پێشەواكانی ماسۆنیەتیش , ئەم وێنەیەی بۆ مرۆڤە سادەكان وێنەیەكی زۆر ئاسایی ڕۆژانەیە كە ئەو بەرخێكی لەباوەش گرتبوو و قاچەكانی نیشاندەدا ,بەڵام ئەم وێنەیە شیكردنەوەیكی تایبەتی خۆی هەبوو وەك زۆربەی ڕۆژنامە ڕووسیەكان باسیان لێوەكرد ئەویش بوونی بە پاشای ئەم مەملەكەتە شاراوەیە لە ساڵی 2015 بە حوكمی ئەوەی دەبێتە 33 ساڵ و هاوتەمەنی (حەزرەتی عیسا)كە لە 33 ساڵی بەرزی ئاسمانەكان بۆوە , ئەو پاشایەی هاتووش كە (مەسیحی فیداكارە) لە تێڕوانینی مەسیحیەت بە هەڵگرتنی بەرخێكی فیداكار و بوون بە قوربانی بۆ مرۆڤایەتی وەك لە ئیكۆنی مەسیحیەكان دەبینرێت ڕەمزە بۆ حەزرەتی (عیسا)ی پێغەمبەر بەڵام لێرەوە دوو شیكردنەوە هەیە ئەویش :مەسیحی هاتوو لای ماسۆنیەكان (دەجال)ە نیشاندانی قاچی بەرخەكەش نیشانەیە بۆ (بافۆمیت)و(كابالیزم)دوو فێرگەی سیحرین لە فەلسەفەی ماسۆنیەكان بە پرەنسیپی تایبەت و زانستی خۆی و لێكچوونێكە بە قاچ دانانی شەیتان و هاتنی هەنگاوەكانی (دەجال)بۆ شەڕە ئەتۆمیەكەی ئایندە كە ئەمانە هەمووی پلانن بۆ ئایند خوێناویەكیە مرۆڤایەتی لە چوارچێوەی بیردۆزەی پلانگێڕیدا!

وەك لە دراوی دۆلاری ئەمریكی كۆمەڵێك لوغز هەن بە تایبەت دووبارەكردنەوەو بە ژمارەكردنی سونبولەكان بە ژمارە 13 وەك لە 1$ دەبینرێت كە نیشانەیە بۆ 13 خاڵە نهێنیەكەی دەستورە شاراوەكەی ماسۆنیەت ئەویش بە بینینی 13 چینی ئەهڕام و 13 تیری دەستی داڵەكەو 13 گەڵای یەك لقی دەستەكەی تری داڵەكەو 13 ئەستێرەی بچووك لە قاڵبی ئەستێرەی داودی ئاڵای ئیسڕائیل ,بەڕەمزكردنی كەسایەتی و سەركردەكانی ماسۆنیەت بۆ نموونە:(جۆرج واشنتۆن)لە1$ و (تۆماس جێفرسۆن)لە 2$ و(ئەبڕاهام لینكۆڵن)5$ و(ئەلیكساندەر هامیلتۆن) 10$ و(ئەندرۆ جاكسۆن)20$ (یولسیس سایمن گڕانت)50$ و(بنیامین فرانكلین 100$)و هەروەها بینینی ختمی مەزن كە شێوەی بازنەییە وئەم لوغزانەی تیایە و ختمی حكومەتی فیدڕالی ویلایەتەیەكگرتوەكانە, Novus Ordo Seclorum النڤام العالمی الجدید (New World Order) نیزامی جیهانگیری تازە وMDCCLXXVI شیكردنەوەی ئەم پیتە ڕۆمانیانەش ڕەمزن بۆ ساڵی M = 1000, D = 500 , CC = 100 +100 , L = 50 , XX = 10 +10 , V = 5 , I = 1 1776 كە ساڵی پەیماننامەی سەربەخۆیی ویلایەتە یەكگرتوەكانی ئەمریكایەو گواستنەوەی دەسەڵاتی ئابووری و كۆنتڕۆلكردنی دراوە لە پێگەی سەرەكی ماسۆنیەت لە بەڕیتانیاوە بۆ ئەمریكا!ئەوانەو چەندین لوغزی شاراوەی تر هەن بۆ لكاندنیان بە ماسۆنیەتی نێودەوڵەتیەوە لەنێو دۆلاری ئەمریكیەوە .







(ملیارە ئاڵتونیەكە) لە مەنزوری ستراتیژیەتی پلانی ماسۆنیەكان:
لە تێڕوانینی ماسۆنیەكان بەزۆربوونی ژمارەی خەڵكانی سەرزەوی بەڵانسی بیئی و سیاسی و ئابووری و كۆمەڵایەتی تێكدەچێت وگۆی زەوی سروشتی خۆی لەدەستدەدات كەهیچ كاتێك وەك ئەمڕۆ گۆی زەوی خەڵكی تیانەژیاوە بەم ژمارەیەی كەتیایەتی و لای ئەوانیش خەڵكە ڕەش و ڕووتەكەی جیهانی سێهەم لە (نیشتمانی عەرەبی و ڕۆژهەڵاتی ناوەڕاست و ئەفریقیاو بەشێكی ئاسیاو ئەمریكای لاتینی)كەبە زۆنە (سەوزە)كە ناسراوە بوونیان زەڕوور نیە لەسەر ئەم كەونە تەنها كەسایەتیە دیارو و سەرمایەدارەكانی جیهانی سێهەم ئەهەمیەتێكن بۆ ئەوان وبەس! وە بەشێكی جیهانی دووەم لە(یەكێنی سۆڤیەتی جاران(ڕووسیاو ئەوڕوپای ئیشتراكی) و چین) كە خاوەنی ئایدیایەكی ئابووری ئیشتراكی بوون و بە زۆنە (سوورە)كە ناسراوە و لەسەردەمی شەڕی سارد بەم شێوازە ناوزەندكرا و بەرپەرچی فیكری لیبڕالی وسەرمایەداری بوون ئەوانیش دوای شەڕی سارد كەوتوونەتە بەر هێرشە ترسناكەكەی دونیا شاراوەكەی ماسۆنیەت وەك لە ڕابردوو بینرا بە ڕووخانی (یەكێتی سۆڤیەت)لەپڕێكدا كە دەوڵەتێكی دەستووری شیوعی سنوور فراوان بوو لە (ئۆڕاسیا)بە جیابوونەوەی 15 كۆماری ئیشتراكی و 6 ووڵاتی تر لە كوتلەی ڕۆژهەڵاتی ئەوڕوپا كە هاوپەیمان بوون لەگەڵ (یەكێتی سۆڤیەت) لەوانە(ئەڵمانیای شەرقی و پۆلەنداو چیكۆسلۆڤاكیاو ڕۆمانیا و بولگاریاوهەنگاریا) لەلایەكی تریش(یوغسلافیاو ئەلبانیا)! لەساڵی 1989 تا 1991 زۆر بە خێرایی وەك یاری ڕێزكردنی دۆمینە یەك لەدوای یەك ڕووخان و بەرپاكردنی شۆڕشی جیاجیای لێكەوتەوە بۆ نموونە شۆڕشی (پڕتەقالیەكان)لە ئۆكرانیاو ڕووخانی دیواری بەرلین و لەپێشتریش دروستكردنی (ئەلقاعیدە)لە ئەفغانستان بۆ لێدانی یەكێتی سۆڤیەت و ڕوخانی بلۆكی ڕۆژهەڵات و خزانە نێوئەم دونیا ئیشتراكیە كە ئەنتی سەرمایەداری و لیبڕالی بوو! بەدرێژایی مێژوو هێنان وبردن و لابردنی هەرئایدیایەكی سیاسی و ئابووری ماسۆنیەكان لەپشتەوەی بوونە ڕاستەوخۆ و ناڕاستەوخۆ كەسەرەنجام مەرامەكانی دونیا شاراوەكەی ماسۆنیەتی پێكاوە بۆیە دەبینین هەموو ئایدیاكان شۆڕشێكیان بەدواوەبوە بۆ لەناوچوونی مرۆڤایەتی وكەم بوونەوەی تاكی ئاسایی لە كۆمەڵگا جیاجیاكان تا دروست بوونی بازاڕێكی یەكگرتووی نێودەوڵەتی سەرمایەداری بۆ خزمەتكردنی سەرمایەداران و دونیایەكی كپی سیاسی داپۆشراو بە ماسكی ئاژاوەی گەلان و ناڕەزاییان لەدەسەڵاتەكانیان لەڕێگای مۆنۆپۆلكردنی میدیاوە .





بەپێی ئامارەكانی نەتەوە یەكگرتووەكان چڕی دانیشتوانانی گۆی زەوی بۆ ئایندە زەنگێكی مەترسیدارە چونكە 2000ساڵ پێش ئێستا ژمارەی دانیشتوانانی سەرزەوی (170 ـ 400)ملیۆن كەس بووە و ساڵی 1804 ز ژمارەی دانیشتوانانی بۆتە (1)ملیار كەس ولەساڵی 1927 ز یش بۆتە (2)ملیار كەس و پاشانیش لە ساڵی 1974 ز ژمارەكەی بۆتە (4) ملیارو تا ساڵی 2012زاینیش بۆتە (7)ملیار ئەگەر دیقەت بكەین بەپێی خشتەی زیادبوون دەبینین لەم ساڵانەی دوایی ڕێژەی زیادبوون بەرزترە وێڕای ئەو هەموو شەڕو كوشتاریی و مردنە ئەویش بە پێشكەوتنی كۆمەڵگاكان و زوو تێكەڵاویی و ئاستی خێرایی پێشكەوتنی تەكنەلۆژیا كە جیهان دەكاتە گوندێكی بچووك !!! لە ساڵی 2050 دانیشتوانی زەوی دەبنە 10 ملیار زەنگێكی ترسناكە وەك لەسەدەی هەژدەم(تۆماس مالتوس)(1766-1834) زانای دیمۆگرافی و ئابووری سیاسی دەڵێت: هێزی دانیشتوانانی سەرزەوی زیاترە لە هێزی سەرزەوی بۆ دابینكردنی پێداویستیەكانی ژیان بۆیە برسیەتی و قاتی و قوڕی بەردەوام لەزیادبووندایە وێڕای پێشكەوتنی مرۆیی,زانایان ێیان وایە (9 ـ 10) ملیار مرۆڤ دەتوانن لەسەر گۆیی زەوی بژین! زانا (ئیدوارد ویلسۆن)دەڵێت:ئەگەر هاتوو بە هێزێكی ئابووری بەهێز توانیمان بەرهەم وبەرووبومەكانی سەرزەوی وئاوی پاك وخۆراكی دروست بەكاربهێنین و مرۆڤ زۆرتر ڕوو لە خۆراكی گیایی بكات و بەشێكی زۆر میوەو سەوزە بەكاربهێنێت و بەپاڵپشتی خۆراكی ئاژەڵیشەوە كەبۆ ئاژەڵەكانیش دابینكردنی لەوەڕگایەكی فراوانی پێویستە بە ئامارو بەرنامە ڕێژیەكی وورد بۆ پانتایی زەوی ئەوە ئەو كاتە گۆی زەوی تا (10)ملیار مرۆڤ دەتوانێت لە خۆبگرێت بە تەندروستیەكی خراپەوەش! زانای بایۆلۆجی(جۆل كوهین)تیشك دەخاتە سەربیئەیەكی ترسناك بەهۆی زبڵ و خاشاك و زۆری ژمارەی مرۆڤەكان لەئایندە بۆ تێكدان وپیس بوونی ژینگە كە كارەساتێكی ترسناكە هەروەها كەمیەتی فسفۆڕو سوڕانی نایترۆجین و كاربۆن لەهەوادا گۆڕانكاری بەسەردێت بە هۆی مرۆڤەكان و چڕیان لەسەر زەوی ناشزانرێت لە ئایندە چ كاردانەوەیەكی دەبێت شیكردنەوەی ئاڵۆزە بەڵام دەبینرێت مەترسیدارە!!!ئەوانە دیراسەن بۆیە لەبەرنامەی ماسۆنیەكان ئەوە بەدیدەكرێت كە دەبێت ئەم پێشكەوتن و زیادبوونە ڕابوەستێت ! نەك تەنها ڕاوەستان ئامانجی سەرەكیە بەڵكو دەبێت تەنها 1 ملیاركەس لە دەوروبەری (شعب الله المختار)بمێننەوە كە جوولەكەكان سەرپەرشتی ئەم جیهانە كاپیتالیزمیە دەكەن بەمانەوەی دەوڵەمەندەكانی دونیاو كەسایەتیە دیارەكان و دارودەستەكانیان وەك ئەم بەرنامەیە باسی لێوەدەكرد شەرمم دەكرد كە من لەو زەمەنە بێ ویژدانەدام و دەیبینم وهیچم بۆی ناكرێت تەنها ئەم وەفای نووسینە نەبێت !بۆیە زەڕورە بزانین ئێمە چەند لە غەفلەت داین!بەوەی كە ئەو باسی دەكرد ئەم لەناوچوون و ئیبادەكردنەی مرۆڤایەتی بەبەرنامە ڕێژیەكی ئەكادیمی و زانستی و پڕۆفیشنال كەوتۆتەكار بە هێنانەوەی چەند نموونەیەك كە پەردە لەسەر نهێنی ماسۆنیەكان لادراوەو ئەوانیش نكۆڵی لێناكەن و پەشیمانیش نین لە كارەكانیان چونكە ئەوان میللەتێكی هەڵبژێردراون لای خوا وەك ئەوان ئاماژەی پێدەكەن (شعب الله المختار)ن ئەویش بە بڵاوكردنەوەی چەندین نەخۆشی جیاجیاو ڤایرۆسی سەیروسەمەرە كە ئەقڵی مرۆڤەكان دركی پێناكەن و لەپڕێكدا پەیدادەبێت وچەندین حالەتی مردنی لێدەبێتەوە ساڵانە وەك (ئیبۆلا و ئایدزو ڤایرۆسەكانی ئەنفلۆنزا جیاجیاكان و ڤایرۆسی هەست پێنەكراوی تر كە لە پرێكدا مرۆڤەكان دەمرن بێ هۆكاری نەخۆشی و پیری و ڕووداو لەناكاو یان شەڕە ئابووریەكەیان بۆ مەرامەكانیان بەو تەكنەلۆژیایەی كە تەنها لەدەست ئەواندایە وەك پڕۆژەی هاڕپ HAARP كە هۆكارێكی زانستیە بۆ تێكدانی كەش و هەواو تێكدانی زۆنی زراعی و گۆڕینی پانتایی ناوچە كاڕۆموگناتیسیەكانی سەرزەوی و دەست بەسەرداگرتنی ئیكۆڵۆگی زەوی و لەهەمان كاتیش بەشێكە لەجەنگی ئێلیكترۆنی كەماسۆنیەكان تەحەكومی پێدەكەن بۆ لەباركەوتنی مانگە دەستكردەكان و دروستكردنی لافاو و بومەلەرزە دەستكردەكان بەهۆی شەپۆڵەكانی ئەم پڕۆژە گەورەیە! فیتنە نانەوە لەنێو میللەتان و ئاینەكان و مەزاهیبەكان وبە فەناتیزمكردنی هزری نەتەوەیی و ئاینی و دووربوون لە ئەخلاقی مرۆڤایەتی و مرۆڤ بوون پێش هەموو شتێك و زەوتكردنی مافی میللەتێك و فەڕزكردنی بەسەر میللەتێكی ترو لادانی سەركردەیەك وهێنانی مۆدێلێكی تری سیاسی و پاشانیش لابردنی و چەندین تەكتیكی سەربازی و سیاسی و پڕۆگرامەكانی ئەتۆمی كەئەوانەش شەڕو جەنگێكی خوێناوی لێدەبێتەوە وەك لە ئێستای بەهاری عەرەبی دەیبینین و لەشەڕەكانی جیهانی سێهەم وكۆتایی بە ترسێكی گەورەترەوە دەبینرێت و بڵاوكردنەوەی نەزۆكی و فاحیشەت و لادانی مرۆڤەكان لە ئادابەكانی كۆمەڵایەتی و خێزان و جنس بۆ نەزۆكی و كەمكردنەوەی چڕی دانیشتوانان وەك لەئەوڕوپا (لیزبیان)ەكان كە كرداری سێكسیە لەنێوان دووژن و بەڕەسمی مارەكردنیان شەرعیە یان (گێیەكان)كە كرداری نێربازیە ومارەكردنیان بۆتە مۆدێل و دروستكردنی خێزان لەنێوان دووكوڕ بەڵام بێ منداڵ بوون! ئەوانە ئەساسیاتی ئیبادەكردنی مرۆڤایەتین بە لادان لە جەوهەریەتی مرۆڤایەتی!!! وە بڵاوكردنەوەی مۆدەی جلو بەرگ و دەست بەسەر داگرتنی مۆدەی هەر مەوسمێك و دیزاینی تازەو بۆ بەهێزكردنی بازاڕی ئابووری ماسۆنیەت كە خاوەنی چەندین برێند و ماڕكەی نێودەوڵەتین و لە پاڵپشتی ئەوەش ئیبادەكردنی عورف و ئەخلاق و سڕینەوەی مرۆڤایەتی بە لەناوچوونی تەندروستیەكی چاكی مرۆڤ ,لەبیرمان نەچێت ئادەمیزاد مەخلوقێكی سەیرو پڕنهێنیە بۆ نموونە ئەم تەنوڕە كورتانەو جلە تەنكانە و نیشاندانی لاشەی ئافرەتان و ڕووتبونەوەیەكی تەواوی بێ مانا بەتایبەت كەمەری ئافرەت كە ساردی كاریگەری دەببێت لەسەر نەزۆكی وهۆكاری دانەپۆشینی لەشی ئافرەت زۆر كاریگەری هەیە لەسەر سایكۆلۆژیەتی پیاو و كاردانەوەی نەگەتیڤانەی بۆ سەر جنسی پیاو و نەخۆشی جۆراوجۆرو نەزۆكی ! ئەم ووشانەم خەیاڵی نین ئەوانە ئیقتیباساتێكن لە بەرنامەی (IНФО ШОК) ی كەناڵە ئۆكرانیەكە زۆر زانستیانە باسیدەكرد بۆ ڕێژەی منداڵبوون كەمیكردوە لە ئەوڕوپا وئاسیا وئەمریكا زۆر هۆكاری تریش هەن ڕەنگە دركمان پێینەكردبێت بەم خۆراكانەی كە دەیخۆین بەتایبەت موعەلەبات و دووربونمان لە خۆراكی سروشتی و بە كیمیاویكردنیان بۆ زوو بە بازاڕكردنیان و فرۆشتنیان وئابڵۆقەی ئابووری و كەمدەرامەتی و هەژاری بە ڕاستی ڕێگەیەكەبۆ مانەوەی ملیارە ئاڵتونیەكە كە ئەوانە یاریەكی ئەكادیمی بەرنامەڕێژكراون و موبالەغە نین ئەگەر لەم خەوی غەفڵەتە بەئاگابێین چی لەم دونیایەی دەوروبەرمان ڕوودەدات و چۆن ئەم كەونە كۆتایی دێت لەسەرەتای شەڕە نهێنیەكانی ئەمڕۆی ماسۆنیەت !...

[email protected]