تازه‌ترین نهێنی خۆکوشتنی به‌ناز جەواد
Wednesday, 12/10/2011, 12:00
شێخ ئه‌حمه‌دی گڵه زه‌رده، له (کنز السان)دا ئه‌ڵێ: چه‌رخ و فه‌له‌ک هه‌میشه به‌ته‌وسه‌وه باتده‌دا، که‌چی تۆش خاوخلیچک هه‌ر خاوی. ده‌بوو، ئه‌و هه‌موو ڕووداو کاره‌ساته‌نه‌ی که‌به‌سه‌رماندا هاتووه، هۆکارێک بوونایه که ڕێڕه‌وی ژیانمانی بگۆڕیبایە، ده‌بوو ببونایه به ده‌رس عیبره‌تێک، به‌ڵام ئه‌فسووس گوێی پێناده‌ین و ئاوڕی لێناده‌ینه‌وه. ئه‌وه‌ش ته‌نها گه‌لی کورد نییه به‌و ئاقاره مه‌ترسیداره ده‌گوزه‌رێت، به‌ڵکوو ته‌واوی گه‌لانی جیهان هه‌مان بیرکردنه‌وه‌یان هه‌یه.(هه‌ر بۆ نموونه، ده‌با عه‌ره‌ب یان ئیسلام له سه‌ره‌تای ده‌سه‌ڵاتی ئیمپراتۆتیه‌تی ساسانی و گرێکی بیتوانیایه، په‌لاماری بدایه، ده‌قی نامه‌که‌ی سه‌عد کوڕی ئه‌بی وه‌قاس له کتێبی گه‌ڕانه‌وه بۆ سه‌ره‌تای ئیسلامدا، که بۆ عومه‌ری کوڕی خاتابی نووسیوه ئه‌ڵێ: هه‌ر هه‌فته‌ی یه‌که‌م، زۆربه‌ی، زۆربه‌ی له‌شکره‌که‌مان ته‌فر و توونا دەبوو، چونکه ته‌نانه‌ت، تیر و شیره‌که‌ی ئێمه واتا موسڵامانه‌کان یا عه‌ره‌به‌کان، هیچ کاریگه‌ریان له‌سه‌ر له‌شکری ساسان نه‌بوو، چونکه فیله‌کانی له‌شکری ساسان هه‌موو قه‌ڵغانداربوون، فیله‌کانی ئیمپراتۆریه‌تی ساسان، ته‌نها چاویان به‌ده‌ره‌وه بوو، بۆیه به نیازی گه‌ڕانه‌وه، به‌دوای ڕێگایه‌کدا ده‌گه‌ڕاین، تا بگه‌ڕێینه‌وه، که‌چی له پڕ تووشی له‌شکرێکی پۆشته‌وه په‌رداخ هاتین، ئه‌و له‌شکره سوپای تایبه‌تی ئیپراتۆر یه‌زدگه‌ردبوو، ئه‌وان پێشنیاریان کرد، که پێکه‌وه، په‌لاماری ساسان بده‌ن، چونکه ساسانی ئیمپراتۆره‌که‌ی هێنده زاڵمه، گه‌ل به‌ده‌ستی ئیمپراتۆره‌وه، ژیانێکی کوله مه‌رگی ده‌ژی، باجی سه‌ر گه‌ل هێنده به‌رزه، هێنده به‌رزه، هیچ بۆ گه‌ل نامێنێته‌وه. سه‌عد له درێژه‌ی نا‌مه‌کیه‌دا ده‌نووسێ: من ئێستا له تاقی کیسرا دانیشتووم، 30000 هه‌زار ئافره‌ت که هه‌ر هه‌موویان هاوسه‌ر یه‌زیدگه‌ربوون، له‌لام دیلن، باری هه‌زران ووشتر تانها زێڕ و زیوو، فه‌رشی به باهای وه‌ها، که هێشتا هیچ عه‌ره‌بێک له‌سه‌ر ئه‌و فه‌رشانه دانه‌نیشتوه‌و نه‌ی دیوه. به‌هه‌مان شێوه، ئیباس قه‌شه‌یه‌کی ناوداری گرێکی وه‌ڵامی نامه‌ی محمه‌دی پێغەمبەری ئیسلام ده‌داته‌وه و ده‌نووسێت: داوای تەسلیمبوونت له قه‌یسه‌ر کردوه، به‌لام ئه‌و نوێنه‌ره‌کانی تۆی هاویشتتۆته زیندانی ده‌روونی، قه‌یسه‌ر پێی وایه که ئێوه و نوێنه‌راکانتان نه‌خۆشی ده‌روونیتان هه‌یه، به‌ڵام من بۆتان ده‌نووسم: که قه‌یسه‌ری گرێک جه‌لادێکه وێنه‌ی نییه، ته‌واوی پرۆتستانیه‌کانی که‌وڵکردوه، من دڵنیاتان ده‌که‌م، زۆرنا ته‌نها 1000 سه‌رباز به‌سه، بۆ ئه‌وه‌ی، ته‌واوی گرێکلاند ته‌فر و توونا بکرێت، چونکه ئه‌وانه‌ی که قه‌یسه‌ر که‌وڵیان ده‌کات و ده‌یان چه‌سێنێته‌وه‌و ده‌یان کوژێت، خۆشه‌ویست و که‌س و کاری سه‌ربازه‌کانی گرێکن، بۆیه ئێستا که‌سێک نادۆزیته‌وه، که هه‌وڵبدات پارێزگاری له قه‌یسه‌ر بکات، سه‌راپای گرێکیه‌کان، بۆ ده‌روازیه‌ک ده‌گه‌ڕین تا کوده‌تایه‌ک دژ به قه‌یسه‌ر ساز بده‌ن).
ئەمەی خواریشەوە ده‌قی ئه‌و شیعره‌ی ماتین تیمێله‌ر شاعیری ئه‌ڵمانی که کاک یاسین بانیخێڵانی له ئه‌ڵمانیه‌وه بۆ کوردی وه‌ریگێڕاوه، به‌ڵگه‌یه که ته‌واوی گه‌لان له‌یه‌ک ده‌چن کاره‌ساته‌کان به‌هه‌ند وه‌رناگرن، شیعره‌که ئه‌ڵێ:
کاتێک نازیه‌کان کۆمه‌نیسته‌کایان برد،
من بێده‌نگ بووم، چونکه من کۆمه‌نیست نه‌بووم،
کاتیک سه‌ندیکاکاریان برد، من بێده‌نگ بووم،چونکه من سه‌ندیکاکار نه‌بوم،
کاتێك سۆسیالیسته‌کانیان زیندانکرد، من بێده‌نگ مام، خۆ من سۆسیالیست نه‌بووم،
کاتێک جووله‌کانیان قۆڵبه‌ستکرد، من بێده‌نگ بووم، چونکه من جووله‌که نه‌بووم،
کاتێکیش خۆمیان برد، ئیتر که‌س نه‌مابوو، ناڕه‌زایی ده‌ربڕێت.
٧/١١/٢٠١١ ڕۆژنامه‌ی ئافتۆنبلادتی سویدی ڕایگه‌یاند که (دوه‌م لاسه‌رمان) ده‌سگیر کرا، ئه‌و گومانلێکراوه راسیستە که 3 که‌سی سه‌رڕه‌شی ئەو وڵاتەی کوشتبوو، هه‌روه‌ها هه‌وڵی گومانلێکراوه به‌هه‌وڵی کوشتنی 10 سه‌رڕه‌شی دیکه، دوه‌م لینک، ڕۆژنامه‌که باس له گرنگی باسه‌که‌ده‌کات، که ته‌نانه‌ت (BBC) به‌شی ئیگلیزی، هه‌روه‌ها که‌ناڵی ئاسمانی ئه‌لجه‌زیره‌ی به‌شی زمانه جیاوازه‌کان له‌و باره‌وه، له ده‌نگو باسه سه‌ره‌کیه‌کاندا باسیان لێوه‌کرد. جگه له‌وه‌ش سه‌رجه‌م ڕۆژنامه‌کانی سوید، سه‌راپای ڕادێو و تێڤیه‌کان، جگه‌له‌وه‌ش خودی پۆلیس ڕێنمایی خه‌ڵکی ده‌کرد، به‌تایبه‌ت سه‌ر ڕه‌شه‌کان که زیاتر ئاگاداربن و شه‌وان نه‌یه‌نه ده‌ره‌وه، که هه‌ڕه‌شه‌ی لاسه‌رمانی دوه‌م، هه‌ڕه‌شه‌یه‌کی جدیه و خۆبپارێزه. که‌چی کوردێک له‌به‌رنامه ڕاسته‌وخۆی (که‌ی بی سی تێڤی) گوتی: بابه ئه‌م درۆ ده‌له‌سه چییه، خۆ سوید ئه‌فغانستان نیه! هه‌ڵبه‌ت کارێکی‌زۆر سه‌ختیش نییه، له ڕوداوه‌کان تێبه‌گه‌ین. چونکه بۆ نموونه ئه‌گه‌ر زمانی سویدیش نه‌زانیت، ئه‌وا ده‌یان مالپه‌ڕی ئه‌لکترۆنی هه‌یه، ده‌یان تێڤی و ڕادیۆ، هه‌یه، به‌ڵام مرۆڤ له ژینگه‌یه‌کدا گه‌وره‌بێت، که گرنگی نه‌دات به ڕووداوه‌کانی دەوروبه‌ری، ئەمە مایەی دەبەنگیی و بێ ئەقڵییە.
خۆرهه‌ڵاتی ناوین، سه‌راپا قوربانی ده‌ستی قه‌یرانه ئابورییه‌کانه، که‌چی ده‌بینیت، ژماره‌یەکی که‌م نه‌بێت، که وه‌ک په‌نجه‌ی ده‌ست دێنه ژماردن، ئاگاداری هۆکاری ئەو قه‌یرانه ئابوریه‌کان (هه‌ڵاوسانی ئابووری) نیین، که بڕبڕه‌ی پشتی گه‌لانی خۆرهه‌ڵاتی ناوه‌ڕاست، به‌هۆی به‌رز ونزمی هه‌ڵاوسانه‌وه شکاوه. له‌گه‌ڵ ئه‌وه‌شدا، کارێکی هه‌ر زۆر ئاسانه، ته‌نها گوێگرتن به‌سه بۆ تیگه‌یشتن له‌و باسه. پێشتریش باسمان له باره‌وه کردووه، که هه‌موو که‌سێکیش ده‌توانێت ببێتە باشترین نووسه‌ر،ته‌نها که‌مێک خۆهیلاکردنی ده‌وێت، مه‌به‌ستمه بڵێم هه‌روه‌ک سوکرات ئه‌ڵێ: ئێستا ده‌زانم که هیچ نازانم، به پێی پسپۆڕانی شاره‌زا ئه‌لبێرت ئاینشتاین توانیوێتی له سه‌دا 10 ی مێشکی به‌کار بهێنێت، که‌به زیره‌کترین که‌س ناسراوە، بڕوانه لینکی سێهه‌م.
لێرەدا دێمەوە سەر هەرێم و باشووری کوردستان، ئه‌گه‌ر،که‌مته‌رخه‌مبین له‌ئاست تاوانه‌کانی بارزانی و تاڵه‌بانی، دڵنیابن که ده‌یان کاره‌ساتی دیکه‌ی وه‌ک کاره‌ساتی هه‌کاریی دووباره و سێباره ده‌بێته‌وه. ئه‌گه‌ر ئێمە ده‌نگ نەکەین، له پێناو پاراستنی گیرفانی جه‌لال و مه‌سعود ده‌یان 160000 لاو گه‌نجمان، ده‌بێته قوربانیی. کاره‌ساته کورد بێده‌نگە، کاتێک مه‌هاباد قه‌رداغی ئه‌ڵێ: بۆیه من ڕۆشنبیر و نووسه‌ره‌م، که دایکم دووگیان بوو، بێزووی به ڕۆژنامه‌وه دەکرد و ڕۆژنامه‌ی خوارد! چاو لەم نووسەرە عاقڵەی کورد، باشە ئەگەر دایکی بێزووی بە شتێکی دیکەوە بکردایە، مەهاباد چی لیدەردەچوو؟
ئێمەی کورد بەردەوام بێدەنگیین بۆیە ده‌یان به‌ناز وسه‌دان به‌نازی دیکه، له بێنازیدا، ده‌بنه خۆراکی مرۆڤه جانه‌وه‌ره‌کان، ده‌بنه خۆراکی ماسییه‌کانی ده‌رییای ئێجه، ده‌بنه خۆراکی به‌نزین. ئه‌وه‌ی تائێستا لای هه‌مووان باوه گوایه که گه‌لی سعودیه، یه‌کێکه له به‌خته‌وه‌رترین گه‌لانی جیهان و گه‌لێکی ئاسووده‌ن، زۆرینه وامان ده‌زانی که گه‌لی سعودیه هه‌موو خاوه‌ن ڤێلا و مۆنیکاو جۆره‌کانی سەیارەن. به‌پێی کۆمه‌ڵیک ئامار و سه‌رچاوه، هێشتا له‌سه‌دا 55 ی دانیشتوانی سعودیه، خاوه‌نی خانوو خۆیان نیین، هێشتا له سعودیه، ژماره‌یه‌کی سه‌ر سووڕهێنه‌ر له‌ژێر هێڵی هه‌ژرایدا ده‌ژین. له‌گه‌ڵ ئه‌وه‌شدا شانشینی سعودیه یه‌کێکه له‌هه‌ره سه‌روه‌تمه‌ندترین ووڵاتی جیهان له ڕووی زێڕی ڕه‌شه‌وه. ده‌سه‌ڵاتێک گه‌وج و نافام خۆپه‌رست و هه‌لپه‌رستی وه‌ک پاشای سعودیه بیبات به‌ڕیوه، هیچ کاتێک باشتر نابێت، له‌و ژیانه‌ی که کورده‌کانی ژێرده‌سه‌ڵاتی دوو مافیاکه‌ی کوردستان ده‌یبه‌ن به‌ڕیوه. هه‌ڵبه‌ت به‌ش به‌حاڵی خۆم، به‌گووناهی ده‌زانم به جه‌لال و مه‌سعود بڵێم مافیا، چونکه مافیاکانیش هیچ نه‌بێت هاوزمانه‌که‌ی خۆیان خۆش ده‌وێت، له کارخانه‌وه به‌رژه‌وه‌نده‌ییه‌کانی خۆیاندا، کاریان پێده‌که‌ن، به هاوزمانه‌کانی خۆیان، نه‌ک که‌سێکی دیکه، بۆ نموونه تورکه‌کانی ئه‌ڵمانیا، زۆرینه‌یان کاری مافییای ده‌که‌ن و ته‌نها تورکه‌کان ده‌خه‌نه کاره‌وه..
ئه‌ی که‌وابێت، به‌ناز جواد بۆ خۆی کوشت، ئه‌و سه‌روه‌ت و سامانه بۆ کوێ ده‌چێت؟ لینکی پێش کۆتایی ڕاپۆرتێکه که ئۆسێرڤه‌ر فه‌ڕه‌نسیه ئاماده‌ی کردووه، بڕوبیانووی ده‌سه‌ڵاتدارانی سعودیه به‌درۆخاته‌وه، که هۆکاری خۆکوشتن له سعودیه، ماده بێهۆشکه‌ره‌کان، یان لاوازی بڕوا به‌خوا بێت. به‌ڵکوو هۆکاری ڕاستی، هه‌ژاری و نه‌داری گه‌لی سعودییه. هه‌روه‌ها لینکی کۆتایش که فیلیمێکه به ڕاستی ڕویداوه و له ڕێگای یوتوب وه بڵاوکراوه‌ته‌وه، ئه‌وه بورهان ده‌کات، که ده‌سه‌ڵاتدارانی پاشایی جانه‌وه‌ر، هه‌روه‌ک لای خۆمان (بڕوانه لینکی پێشکۆتایی)سه‌روه‌ت و سامانی گه‌له‌که‌یان به‌سه‌ر له‌شفرۆشه‌کاندا، ده‌به‌خشنه‌وه و گه‌لیش قیروسیا، کێ خۆی ده‌کوژێ، کێ خۆی ده‌سووتێنێت، کێ ده‌بێته قوربانی ماسیه‌کانی ده‌رییای ئێجه، ئه‌وه‌یان کێشه‌ی نه مه‌سعوده، نه جه‌لال. ئه‌و گه‌جه‌ر و گوجه‌رانه هه‌موویان له‌یه‌ک ده‌چن، جابا کوڕی پاشای سعودیه، یا کورێ جه‌لال، یا کوڕی مه‌سعود بێت، وه‌ک یه‌ک بیر ده‌که‌نه‌وه، وه‌ک یه‌ک وه‌ک جانه‌وه‌رێکی دڕننده بیرده‌که‌نه‌وه.
کاتی خۆی چه‌ند جارێک به‌شداری خۆپیشاندنه‌کانم کردووه، کاتێکیش کاره‌ساتی هه‌ڵه‌بجه ڕویدا، داواملێکردن که به‌شداری خۆپیشاندانی دژ به کۆنسوڵی عێراق له ستۆکهۆڵم بکه‌ن، نوێنه‌ری کۆمه‌ڵه‌ی چیلییه‌کان گووتی، بە بانی چاو، زۆریش دڵگران بوون به ڕوودای کیمیابارانی هه‌ڵه‌بجه، به‌ڵام نوێنەرەکەیان وتی: تکا ده‌که‌م وێنه‌ی سه‌دام حسێنم بۆ په‌یدا بکه با بیببینن، ناچار چوم گه‌ڕام له کتێب فرۆشیه‌کی گه‌وره‌ی ستۆکهۆڵم ڕۆژنامه‌یه‌کی شرق الئوسته‌م په‌یداکرد که وێنه‌ی سه‌دامی له‌سه‌ر بوو، پاشان پیشانی چیلیه‌کانمدا، چیللیه‌کان هه‌موویان پێکه‌وه گووتیان: هه‌موو دیکتاتۆره‌کان له‌یه‌ک ده‌چن، سه‌دامیش وه‌ک پینۆچه سه‌رشانی پڕبوو، له ئه‌ستێره و قایش و قروش.
له‌کۆتایدا پێویسته بۆ بیرهێناننه‌وه، بو عه‌زیزی له تونس، به‌ناز جواد له باشووری کوردستان، خۆکوشتن له سعودیه، ته‌نها چاره پێویسته هه‌موومان، پێکه‌وه بڵێین (ارحل). جه‌لال و مه‌سعود جڕو جانه‌وه‌ره‌که‌ی ده‌وربه‌ریان، هیچیان نه‌هێشتۆته‌وه، که شایه‌نی گفتووگۆ بێت، جگه له ارحل.
http://www.kurdistanpost.com/view.asp?id=4ac1cb4bhttp://www.aftonbladet.se/nyheter/article12650017.abhttp://www.kurdistanpost.com/view.asp?id=62166af5http://ejabat.google.com/ejabat/thread?tid=1174b348dde0a067http://observers.france24.com
http://www.mqataa.com/vb/showthread.php?t=18444http://www.youtube.com/watch?v=M3tUo6BTlN4http://www.kurdistanpost.com/view.asp?id=4dc804ea
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
