كش و مات !!!!
Monday, 18/04/2011, 12:00
ئەڤ نێزى بیست سالانە دەسەلاتا كو ب تیكوشینا گەل وە ب شورەشو بەرخودانەكا چەندین سالان هاتییە گورێ كو خو خودى ژ شورەش وە هەبونا گەل خویا دكر ئیرو ل سەراى ئازادى گەل دبێژیتە دەسەلاتێ كشو مات ب رامان د یارییا شەترەنجێ دا دوراندن وە دوماهییا یارییێ یە بیست سال یارى ب ئەقلو كەرامەتو سروەتو سامنێ گەل كارەساتەك ژ كارەساتیین ب سەرێ گەلێ مە هاتى كیمتر نینە دەسەلاتا كو بویە ئەگەرێ ب ملیونا گەنجا بو دەرڤەى وەلات یان كوشتنا ێەدها گەنجین مە د شەریێن ناف خویى وە پەیدا كرنا چینایەتیێ دناڤ گەل دا بێهێز كرنا هەستو بیرا كوردایەتییێ دناڤ مێشكێ تاكێ كورد دا گەلو دوژمن ژى ژڤێ زێدەتر تو تشت هەنە بكەت ئەرى كشو مات زوتر پێدڤى ڤێ دەسەلاتێ نەبو گەل بدەتێ بیست سال ژ بونا ئاڤاكرنا دەولەتەكێ زێدەنە د هەمى واران دا نخاسمە ئەگەر ئەڤ وەلات د هەر وارى دا یێ بەرهەڤ بیت كوردستان ئیك ژ ڤان وەلاتانە كو د وارێ سروشتى دا چ ژێر ئەرد یان سەر ئەرد پر دەولەمەندە ئەڤ ژى ستونا هەرە ب هێزە بو پەیدا كرنا وەلاتەكێ زلهێز نە ب تنێ دەولەتبون ئیكونومى سەرێ هەر وەلاتەكێ یە هەر وەلاتەكێ خو ب لەیزینیت دبیت ڤێ ستونێ ئاڤا بكەت هەر وەلاتەكێ نە خودى سەروەرییا بریارا خو بیت د ڤێ خالێ دا یا بێ هیزە ئیران میناكەكا هەرە ب خورتە ژ بو گوتنا مە پشت راست كەت ئەو باندورا ئیران ل سەر جڤاكێ نیڤ دولى دكەت ژ وێ هێزا ئابورییە یا كو ل سەر پرانییا دەولەتین جیهانێ هەى لێ دەسەلاتا مە نەشیایە ب ڤى هەمو سەروەتو سامانێ كو ل بەر دەست دایە سێ پارێزگەها بگەهینیتە قوناغەكا گەش نەكو باندورێ ل دەولەتێن جیران بكەت بەرو ڤاژى یا لێ هاتى فەقیرترین دەولەتا جیران د شیت باندورێ ل مە بكەت بو نمونە ئەگەر سوریا باجانكو كەرفسێ نەفریكەت دێ بازارێ مە لنگ بیت پا ئیرانو توركیا چنە ژ بەر وان دەسەلاتامە یا لالە روژناچیت ئیرانو توركیا گوندێن دەر دور توباران نەكەن دێ بێژى ئەڤە ئەردێ مەریخێ یە وها دەسەلات لێ دنێرە حتێ د راگەهاندنا ژى دا بەحسو باس نینە ئەگەر بەحس ژى بكەت دوماهییا نوچەیا ئەو ژى ب سڤكى دا كەسێ باش گوه لێ نەبیت باشە ئەگەر تو هوسا دەولەتەكێ ژى ئاڤاكەى وێ كێرى چ بێت ئەو دەولەتا ل سەر ڤى ئەساسى تێتە دامەزراندن دێ بو گەل چ بدەست ئێخیت ژبلێ چینەكا برجوواز وە درندە ل سەر كیستێ گەلەكێ هژار كو بكەڤیتە گیانێ تەڤایا ملەتێ كورد هەر كەسێ ب چاڤەكێ خار ل هەر دەولەتەكا جیران بنیریت دوژمنێ كوردینییێ دێ هێتە حسباندن وەكى كو رژێما ئیرانێ چەند گەنجێن كورد سێدارە دان خەلكەكێ كورد پەر وەر ل هەولێرێ چونە بەر دەرێ قونسولخانا ئیرانێ نەرازیبونا خو دیار كر ژ لایێ دەسەلاتێ ڤە هاتنە گرتن ب توهمەتا خرابكرنا پەیوەندیینَ هەرێمى وە شێلاندنا ئاسایشا هەرێمى پا ئەگەر تو نها ڤێ بكەى ئەگەر سوباهى ل سەر كورسییێ دەولەتبونێ برینى وێ چ بكەى باوەرم ژ حوسنى مبارەك خرابتر بكەى ئەو مێرا كو شارستانییەتا مروڤایەتییێ ل ور پەیدا بویە وە نیشانێ مروڤایەتییێ دایە وە هەر تم خودى باندور بویە نخاسمە ل سەر تەڤایا هەرێما روژهەلاتا ناڤین ل سەر دەمێ حوسنى مبارەك دەورێ بچوكترین دەولەت نە ل سەر ئاستێ نیڤ دەولى نە د پرسێن هەرەمى دا نەبوزێدەبارى فقیر وە بێهیزكرنا ئابورییا دەولەتێ ئەڤ جا ئەگەر ئەو مێرا ب هەژمارگەلێ خو وە بەرفرەهییا ئەرد و شارستانییەتا خو دەهجارا ل سوئیدێ پێشترنە دكارى هەڤركییا بریارێن وێ بكەت هەبونا مێرەكا هوسا ژ تنەبونا وێ گەلەك باشترنە بو ئەڤجا مەژى نە سیستەمەك گەندل نە دەولەتەك بێ هێز نەڤێت نە بونا وێ ژ هەبونا وێ ب ڤى ئاواییى گەلەكى باشترە كشو مات باشترین رییا چارەسەركرنا ڤان جورە دەسەلاتا نە كو گەل بو دیارى دكەت ئەگەر چینەكا تایبەت خودى هەر مافەكێ گەل بیت ژ بو وان هەر تشت حەلال وە بو تەڤایا گەل حەرام بیت ئەڤ ژ بەردەوامییا سیستەما كولاتییێ یە هەر تاكەكێ هەست ب مافێ خو وەك تاك د كومەلگەهێ دا بكەت ئیدى بەرخودانێ راناوەستینە ئەڤرو خەلكێ بەردەرگێ سەرایێ نیشانا زانا بونا گەل وە هشیاربونا وییە بەرخودانا وى بو ژیانەك ب رومەت پر بەها بو تەڤایا گەل نە دژاتییەكە وە نە هەرفاندنا دەسكەفتێن گەلە بەلكو كشەكە بو هندە كەسێن دەسەلاتێ ل گورى بەرژەوەندیێن خو بكار تینن وە بەرژەوەندیین گەل لبن پێ دكەن ئەڤجا ئەگەر هەر تاكەكێ كورپەروەر بڤێت خودى ژ هەبونا خو وە دەسكەفتێن گەل خو بیت دبیت نە بێتە ڤێ دەسەلاتێ كش مەلك ژێرا ببێژە كشومات ب واتایا دیماهییا یارییا وان دگەل گەل دكر
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
