ئه‌رئ باشور پئيتڤى شوره‌شه‌كا هزرى يه
Friday, 12/10/2012, 12:00
باشور ئه‌و پارچه‌يه ياكو نها ئه‌م دبئيژنئ ستاتويا ئازاد ل ناڤ كوردستانا مه‌زن ل ناڤ ڤئ ستاتويئ گه‌لئ كورد خودئ حه‌مو مافئين خوه يه خودى ده‌سه‌لات په‌رلومانه ئه‌ڤ ژى د دئيروكا گه‌لئ كورد دا پئينگاڤه‌ك مه‌زن وه هيڤييه‌ك گه‌شه هه‌م بو گه‌ل هه‌م ژى بوونا پارچه‌يئين بنده‌ستئ رژئيمين داگيركه‌رئين كوردستانئ .نها ده‌سه‌لاتا باشور ژ لايئ ئيكونومى سياسى تئيكه‌ليئين نيڤ ده‌ولى وه هه‌رئيمى ده‌وره‌كئ كاريگه‌ر وه خورت هه‌يه ئه‌ڤ ژى پشتى ده‌رخستنا سامانئين بن ئه‌رد وه‌كه گازيئ به‌رفره‌ه تر وه كاريگه‌ر تر لئ هات ژ به‌ر خورت بوونا پئيگه‌هئ وئ يئ ئيكونومى كارى ل په‌يره‌وكرنا سياسه‌ته‌ك نيڤ سه‌ربخو ل ده‌ردور سه‌ركه‌تى به بئ گوه دانا ده‌سه‌لاتا ناڤه‌ندى ئه‌ڤ ژى بوو ئه‌گه‌را هندئ مژارا ده‌وله‌ت بوونئ هه‌م ل ده‌ردور هه‌م ژى ل ده‌رڤه بهئيته ئازراندن وه بكه‌ڤه د ناڤ هه‌ڤركى يئين سياسى دا وه‌كه كارته‌كا ترساندنا لايه‌نئين سياسى . ئه‌س ناخازين به‌حسا چاواتيا په‌يره‌كرنا ده‌سه‌لاتئ ل سه‌ر كومه‌لگه‌هئ بكه‌م لئ دخازم ئه‌س ژى ل گورى سه‌رقه‌له‌مئ خوه هنه‌ك ل سه‌ر شوره‌شه‌ك هزرى بوونا كومه‌لگه‌هئ باشور ب په‌يڤم .ل باشور ل ده‌سپئيكا په‌يدا بوونا شوره‌شئين ئازادى خواز بوونا گه‌ل ل ژئير كولونياليستئ تا نها كئيم شوره‌ش يان بئيژين بزاڤئين هزرى هه‌بوونه لئ هه‌ر زو ب هئيزئين ئاينى وه فيودال را وندا بوونه وه نكارينه ل سه‌ر پئ بمينن ئيك ژوان پارتى گه‌ل يادن ژى پارتى شيوعى كو ل ده‌سپئيكئ ئالايئ زانين و زانستئ لئ ديار بوو وه‌كه گوتنه‌كا كه‌سه‌كئ گوندئ دئيره‌شئ بو هه‌وه ڤه‌گئيرم ل سالئين شوره‌شئ دا دبئيژن جاره‌كئ شيوعى چونه‌گوندئ دئيره‌شئ كورئ كابرا ژى دچيته ژور دبئيته بابئ خوه بابو پئيشمه‌رگه يئين هاتينه گوندى بابئ وى ژى دبئيژيته كورئ خوه هه‌ره لئ بنئيره هه‌كه دهول و زرنا ڤئ بن ئه‌و پارتينه هه‌كه په‌رتوك بن ملى بن ئه‌و شوعى نه .ئه‌ڤ ميناك يا رون وه خويايه ل سه‌ر گوتنا مه لئ نها نه ده‌ورئ ڤان هئيزا مايه نه ره‌نگئ وان جانه‌كئ مرى زئيده‌تر وه بيرهاتنئين جارا نه‌بن ئه‌ڤ ڤالاتيا پارتئين كو ل سه‌ر ئه‌ساسه‌كئ هزرى هاتنه دامه‌زراندن ل كوردستانئ رئ بوو ته‌يارئين ئاينى وه پارتئين كلاسيك خوشتر وه به‌رفرهتر لئ كر تا كو ل ناڤ گوره‌پانا كوردستانئ ب كه‌يفا خوه ته‌ڤ بگرن گه‌ل ژى ل گورى هزرو بيرئين خوه په‌روه‌رده وه ئاڤاكه‌ن تشته‌كئ نورماله ل جم من گه‌ر ئه‌ڤ ده‌سه‌لاته خه‌لكى ل سه‌ر شه‌قامى وه‌كه ئيرانئ سئيداره ده‌ت يان يئين ل دژى هه‌بوونا وان ته‌ڤ بگه‌ره توشى ئازار وه ئيشاندنئ بكه‌ن مه ل سه‌رى دا هنه‌ك به‌حسا پئيشكه‌تنا كوردستانا باشور كر ژ هنه‌ك لايه‌نا ڤه ئه‌ڤ جهئ دل خوشى يه بوونا هه‌ر كه‌سه‌كئ كورد په‌روه‌ر لئ دهنه‌ك ئالئين دن وه‌كه ئازاديا بيرو رائيين هزرى وه پئيشكه‌تنا ئه‌قله‌كئ روشه‌نگه‌رى ل هه‌رئيمئ ل ئاسته‌كئ هه‌ره نزم دايه .هه‌ر كه‌سئ قه‌له‌مئ خوه ژى راكر ئيكسه‌ر ده‌سه‌لات كره گورگ وه درنده لئ پشتى چه‌نده‌كئ دئ بينى هه‌ر ئه‌و كه‌س مه‌دحه‌كارئ ده‌سه‌لاتئ يه .ل ڤر (ئوج ئالان گوتنه‌كا جوان دبئيژه)هه‌ر ده‌ما ل ناڤ كومه‌لگه‌هه‌كئ دا قه‌له‌م هاته فروتن ل وئ كومه‌لگه‌هئ ب ترسه)براستى ل باشور نها كرينا سه‌ر قه‌له‌ما يا بوويا بازرگانيا ژنئ (بازرگانى كرن ب ژنئ نها ل سه‌ر ئاستئ دونيايئ ب پلا ئيكئ نه‌بيت يا دوويئ يه)ئه‌م نابئيژين حه‌مو لئ زورن وها ل گه‌ل هاتييه كو پتر باوه‌رى ب مروڤئين نه‌زان وه به‌هيمه هه‌يه ژ يئين ره‌وشه‌نبير وه سياسى وه‌كه مروڤ چاوا ل مروڤه‌كئ هه‌ر تم ب گومانه ئه‌وها يه .له‌ورا كومه‌لگه‌هئ باشور بئ ئومئيد مايه وه په‌رت و به‌لاڤ بويه ئه‌م دزانين كام ده‌سه‌لات وها ل گه‌ل دكه كو باوه‌رى ب هه‌ڤ دو نه‌به لئ ره‌وشه‌نبيرئ مه نها شونا ڤئ ده‌سه‌لاتئ گرتيه .ژ بوونا ڤئ ئيكئ گه‌ل ب پرانئ ب خواسته‌كئين ژيانا روژانه هاتيه گرئيدان ل پاشه‌روژئ ناهزره ئه‌ڤ رو بورى سوباهئ خودئ يئ كه‌ريمه .ئه‌ڤ گوتنه يا به‌ربه‌لاڤه كو مه‌ترسيترين وه پاشكه‌تى ترين گوتنه.كومه‌لگئ وها هزر بكه تو هيڤى و ئوميد دئ لئ هئينه ئافرين .گه‌له‌ك كه‌س دبئيژن ئه‌ڤ ژى ل به‌گره‌وه‌ندا خه‌باتا پارتئين كلاسيك وه سه‌پاندنا ئه‌قلييه‌تا فيوداليزمئ وه ئاينى بوويه .ئه‌ڤ فاكته‌ره‌كه لئ نابه ئه‌گه‌رئ ڤئ هندئ كو نها باشور بئ سه‌ر مابه .خه‌مسارى وه كارئيگه‌ريا ره‌وشه‌نبيرئ مه‌يه ژى كو هه‌ر ده‌مه‌كئ ب لايه‌كئ ڤه دهژيت كه‌س نزانيت سه‌رئ وى ژى ل كيش ئالى يه .حه‌مو نڤيسانا مه ره‌خنا مه ده‌سه‌لاته ئه‌ڤ ژى بو چاكسازيى يئ وه ئيكسانيا كومه‌لگه‌هئ نينه به‌لكو بونا به‌رژه‌وه‌نديين هنه‌ك لايه‌نئين سياسى يه يان بونا ئارمانجئين خوه يئين ژيانئ دنيڤسه راستى نينه .وه‌ختئ ديكارت دڤيا كومه‌لگه‌هئ خوه پئ بگه‌هينه ده‌ما په‌رتوكئين خوه به‌لاڤ دكرن ناڤئ خوه سه‌ر نه دنيڤيسى پرس لئ هاته كرن بوچى ناڤئ خوه ل سه‌ر ناكه‌ت يان دترسيت ل ده‌سه‌لاتا دئيرئ وها گوت راستى يئ به‌لاڤ كه بلا كه‌س نه‌زانيت ل كوده‌رئ هاتي يه .گه‌لو ره‌وشه‌نبيرئ مه وها ته‌ڤ دگه‌ره يان ئاماده‌يه بئ به‌ر چاڤ گرتنا ناڤئ خوه يان به‌رژه‌وه‌نديين خوه زه‌ره‌كئ راستيىيئ بئ به‌ها بده كومه‌لگه‌هئ .شوره‌شئين هزرى كه‌ربئ به‌رژه‌وه‌نديا تاك كه‌سى لايه‌نى چيناتى ناخازه گه‌ر بوونا گه‌ل به .ئه‌م گه‌ر شوره‌شا هزرى ل سه‌ر بنگه‌هه‌ك راسيونال نه‌مه‌شينين وئ ره‌شا باشور ل نها كلئيس تر وه خرابتر به دبه فيوداليزم فنده‌مينتاليزما توندرويا ئاينى ئارمانج بگرين ل مئيشكئ گه‌ل دا پاكژ بكه‌ين دئيروك وه هه‌بوونا گه‌لئ كورد پئيشچاڤ بكه‌ين مورالا وئ بوونا دئيروك وه سه‌رفه‌رازيا ويا دئيروكئ بينه هولئ دا بكارين هه‌ڤركيا ده‌سه‌لاته‌كا شاش بكه‌ين ل رئينيسانسا ئه‌وروپا بنئيرين تا كو ئه‌ڤ ئيشئين كومه‌لگه‌ه ڤه‌گرتى رون نه‌كرن نكارين ده‌سه‌لاته‌كا ئه‌قلانى روشه‌نگه‌ر ئاڤاكه‌ن هئيگل گه‌لئ ئه‌لمانيا گه‌له‌كئ ژئيهاتى يه ئه‌ڤ گوتن موراله‌كه بونا رابونا گه‌ل .گه‌ر ئه‌م ژى شونا ابو هوريره شئيخ سه‌عيد نه‌دانين يان جودى پيروز نه‌كه‌ين يان به‌رئ تفئ نه‌راكه‌ين (ل ده‌مئ فتوحاتئين ئيسلامئ دا ده‌ما قائيده‌كئ كورد دكوشت لبن به‌ره‌كئ مه‌زن ڤه‌دشارت وه دگوته خه‌لكئ ئه‌ڤه كافر بوو ل سه‌ر رئيكا خه‌لكى د دانا وه هه‌ر كه‌سئ دهات تف لئ دكر نها ئه‌ڤ به‌ره ل جم مه ژى به‌ر به‌لاڤن ل سه‌ر رئيا)گه‌له‌ك شاشئين دن كو كومه‌لگه‌ه ل خه‌ودا هئيلايه وه رئيا پئيشكه‌تنئ لئ گرتييه .وها نه‌به شوره‌شا هزرى به‌تاله ده‌سه‌لات بلا كارئ خوه بكه ره‌وشه‌نبير ژى بلا بئيهنا فره‌ه ل ديف را بچه لئ حه‌مو هئيزو زانينا خوه ل پرسگرئيكئين ل خه‌و هشتنا كومه‌لگه‌هئ ب بورينه وها گه‌ل ب خوه وئ ده‌سه‌لاتئ ناچارى خواسته‌كئين خوه بكه .به‌روڤاژى تو فئيدئ مه تونه‌يه.ئه‌م نكارين نها هه‌ڤركيا ده‌سه‌لاته‌كئ بكه‌ين كو چه‌قئين وئ ب كوكا سيسته‌ما بورژووازيى يئ ڤه گرئيداينه ب هئيزئ ئه‌ڤ نابه لئ ب هزرئ چاوا فه‌قيرترين كه‌س كو عيسى مه‌سيح بو كارى مه‌زنترين ئيمبراتور كو روما بو ناچار كه‌ت چوك دانيت ل هه‌مبه‌ر ئارمانجئين وى .ئه‌ڤجا ب هزرئ هئيز تئيك دشكئيت نه به‌رو ڤاژى .له‌ورا باشور ب شوره‌شا هزرى سه‌ردكه‌ڤه وه دبه هئيزه‌كا مه‌زن بونا پارچئين دن هه‌ر وها بوونا گه‌ل لئ پئيدڤى قوربانى دانه‌كا مروڤئين پاكژ وه ئازادى خوازو ره‌وشه‌نبيره .له‌را باشور نها ل هه‌ر وه‌خته‌كئ دن پئيدڤى شوره‌شه‌كا هزرى يه
ئارمانج گوهه‌رزى
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
