كوردستان وە ستراتیژیا نیڤ دەولى
Tuesday, 28/08/2012, 12:00
پشتى هەرفتنا ئیمبراتوریا عوسمانى وە پارڤەكرنا میراتئ وئ ژ لایئ هئیزئین كولونیالیست ل گورى ئارمانجئین خوە یئین ئیكونومى پولتیكى ل روژهەلاتئ گەلئ كورد ب گشتى دڤئ دیزاینكرنا روژهەلاتا ناڤین بئ پار ما هەر چەند بزاڤئین خورت هاتنە كرن ژلایئ بیرمەند سەروك وە رئیبەرئین كورد لئ نەبوونا هەڤكاریا دەولەتئین زلهئیز وە هەژاریا بارئ ئیكونومى ل هەرئیمئین كوردا نەبوونا شورەشەكا ئیكگرتى وە گەلەك فاكتەرئین دن بوونە ئەگەرئ تئیكشكاندنا بزاڤئین گەلئ كورد ل روژهەلاتئ .بئ باركرنا گەلئ كورد ل سەر ئاخ وەلات وە ئەردئ خوە ستراتیژییەكا نیڤ دەولى بوو نەك تەنها یا هەرئیمى گەر ئەم ل پەیمانا لوزان بنئیرین وئ ئەڤ خویایە كو ژ بوونا ئارمانجئین ئیكونومى وە تئیركرنا بازارئ خوە یین نافخویى هەڤكاریا درندەترین رژئیم كو دەردوربوون كرینە هەتا چاڤ نقاندن ل جینوسایدكرنا گەلئین بندەستئ مینا گەلئ كورد وە ئەرمەن كرینە .ئەم دكارین ژ ڤئ ستراتیژییا نیڤ دەولى را بئیژین ستراتیژییەك یان مەشاندنا پولیتیكەك بئ ئەخلاق ئەڤ ژى دژى پرەنسیپئین مروڤایەتى یە . ئەڤ كارەساتئین توشى گەلئ مە بوى ل دەسپئیكا پەیدابوونا شارستانییا مروڤایەتیئ ل میزوپوتامیا ل سەردەمئ سومەریا كو ئیكەمین كولونى ل سەر گەلان ئافراند تا نها دەم دكە ژ بوونا د وارئ جیولوپوتیكى وە هەروها دئالئ سامانئین بن ئەرد وە سەر ئەرد پر زەنگینە هەرتم بالا هئیزین سەردەست وە كولونیالیست كشاندییە ..شونا ئەڤ سامانە ببە جهئ خوشبەختیا گەلئ كورد بەروڤاژى هەرتم پئ هاتییە ئەشكەنجەدان وە دەربدەرى كارەسات ئافراندینە . ئیرو ژى كو روژهەلاتا ناڤین توشى شەلەل وە بەرخودانا گەلان بوویە وە ستاتویین كلاسیكئین دەسەلات دار توشى هەرفاندن وە ل ناڤ چونئ نە ئەڤ رەوش چ ژ پلانئین هئیزئین سەردەستئین جیهانئ بە یان ب نورمالى هاتبە گورئ دیزاینەكا دن دخازە ئەڤ دیزاینكرنا ڤئ جارئ یا روژهەلاتا ناڤین بئ بەرچاڤ گرتنا خواستئین گەلئ كورد نەباوەرم بهئیتە گورئ گەر وەكە جاران بهئیتە كرن گەلئ كورد دكارە ڤئ جارئ تەڤ روژهەلاتا ناڤین تئیك بدە ژ بوونا ئەو هئیزا ئیكونومى پولتیكى كورد گەهانئ تئیرا هندئ دكە گەفا تئیكدانا رەوشا روژهەلاتئ پئ بكەن نە وەكە جارانە بقئیرن لئ ئەڤ قئیرین ل چیایین كوردستانئ دەرنەكەڤە .ل باشور وە هەر وها ل كوردستانا روژئاڤا بەرخودان وە هئیزا رئیكخستیا گەلئ كورد دیار بوو كو هەر لڤینەكا ل رژئیمئین دەردور ببە گەلئ كورد پتر ل هەر گەلەكئ دن ل هوندر وە دەرڤە دكارە خوە رئیك بئیخە وە رەوشئ كونترول بكە وە ل جه و وارئ خوە خودى دەربكەڤە .ئەڤە بوویە ئەگەرئ هندئ كو هئیزئین سەردەستئین جیهانئ بڤیت نەڤئیت دگەل گەلئ كورد كو خودى جهەكئ هەستیارە ل هەرئیمئ ل هەڤ بئین .ستراتیژیا هئیزئین سەردەست ژى هاتییە گوهارتن ئیدى نە ب شەر دكارە پئیتڤیین خوە ب دەست بئیخە سیستەما كاپیتالیزمئ كو كونجەكئ ڤئ جیهانئ نەمایە داگیر نەكربە نەمایە لئ د هەمان دەمئ ژى دا توشى قەیرانەكا ئیكونومى بوویە لەورا ناخازە روژهەلاتئ كو بنگەهئ تئیكرنا ئیكونومیا ڤى سیستەمى یە توشى شەرەك مەزن ببە ژ بوونا پەیدابوونا هەر شەرەكئ هەرئیمى یان نیڤ دەولى ل هەرئیمى مەزنترین كارسات وئ ب سیستەما كاپیتالیزمئ ببە ئەڤجا كام هئیز دەڤەرئ دا خودى هئیزەك رئیكخستى وە ب باندورە وە بكارە رەوشئ ل گورى هنەك خاستەكئین سیستەم ب ئافرینە وئ ل مەیدانئ ببە ئاغا .رەوشا نها ژى گەلئ كورد دناڤ گەلئین دن دا ل سەرى دهئیت .دەسەلاتداریا باشور ئەڤ مژار گرئینتى كرییە ئەم ناخازین ل چاواتیا دەسەلاتا باشور بكولین ئەمئ بەحسا ستراتیژیا هئیزئین سەردەست وە مەشا پولیتیكا وان دكەین .كو د دئیروكا كولونیالیزمئ دا شئیوازئ دەسەلات داریا دەولەتا نە گرنگ بوویە بەلكو گرئینتى كرنا بەرژەوەندیین وان ل بەرى هەر تشتەكئ دایە ئەس باوەرم ئیدى مەژى وەكە گەل وەكە رئیبەر ئەڤ پولتیكا قرئیژ فئیم كریە نە وەكە جاران ب سوندخارنا سولتانەكئ دەستا ل ئارمانجئ بەردەین . لەورا رەوشا ئیرو ل هەرئیمئ هەر دچە ل گورى خواستەكئین گەلئ كوردە وە ئەو ئارمانجئین كو ب سالا مە خون بو رئیتى وئ هئیدى هئیدى یین تئینە بدەست خستن دبە گەر مە بوونا دەمەكئ درئیژ دژاتیا هەڤدو كربیت وە ب هەڤرا چوبین ب پلانئین دوژمنا لئ ئیرو گەل وە رئیبەرئین مە گەهانە وئ باوەرییئ كو ئیكگرتن وە رئیكخستنا گەلە دكارە خوە نئیزى ئارمانجئ وە بدەست خستنا وئ بكە نەك سوز وە پەیمانئین درەووئین هئیزئین سەردەست وە كولونیالیستئین هەرئیمى .گرنگ نها ئەم دزانین ل چ دگەرین وە ل كودەرئ وە چاوا بدەست بئیخین ئەڤ پرنسیپئ سەركەتنئ یە .لەورا گەر جاران ستراتیژیكا نیڤ دەولى وە هەرئیمى ل سەر خینا گەلئ كورد هەرئیمئ ل هەڤ هاتبن بوونا بەرژەوەندیین خوە یین ئیكونومى ئیرو دبە ل گورى ریالیستى دگەل گەلئ كورد بهئینە مەیدانئ بوونا پارستنا وان گەر نە رەوش وئ بوونا ڤان هئیزا ژى نە نورمال بە وەكە جاران
[email protected]
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
