نفرەت ل عیراقەكا ئیكگرتى

Wednesday, 12/12/2012, 12:00

ل دەسپێكا دامەزراندنا دەولەتا عیراقێ ژ لایێ كولونیالیستا بەریتانیا ڤە ژ بلى پارستنا بەرژەوەندیین خوە یێن ئابورى سیاسى ل روژهەلاتێ دا تو بەرژەوەندییەكا گەلێ عیراقێ نە گرتە بەرچاڤ لئیكدانا پارچا باشور ب عیراقا عەرەبى پێخەمەك راگرتنا بەلانسا هێزین مەزهەبى وەك شیعە وە سونى وە هەروها ب دەست خستنا بیرێن پترولێ یین دناڤ هەرێما كوردان دا ئەڤ سیاسەتا بێ ئەخلاقانە وە دیر ژ حەمو یاسا وە رێسایین مروڤایەتیێ بوو ئەگەرێ هندێ كو نەك دەولەتەكا ئیكگرتى یا عیراقى بهێتە دامەزراندن بەلكو ب درێژاهیا ژییێ ڤێ دەولەتى كو 82 سالن گەلێ كورد وە هەروها عەرەبێ شیعى مەزهەب ژى ب درندەترین شێوە بهێتە قركرن وە ل حەمو مافەكێ ژیانا سیاسى بهێتە دورخستن .ئیش و ژانئین مە ل سەردەستێ ڤان رژێمێن ئیك ل دوف ئیكئین عیراقێ كشاندى نە كێمترە ژ هولوكوستاا جوهیا یان قركرنا ئەرمەنیا یان ژاریا فەلستینیا .نەكەس دكارە ئینكار بكە نە ژى مافێ ڤێ ئینكاركرنێ هەیە وەكە مروڤ وەكە گەلەكێ خودى ویژدان .ئیرو كو دەرفەت وە هەولا خو رزگاركرنێ ژ ڤێ دەولەتا نەدروست وە سەختە نە گونەه نە ژى بێ رێزى وە خیانەتە ژ نەتەوا عەرەب یان دەولەتا عیراقێ .نە مە ب درێژاهیا مێژویێ پێكڤەقەتاندییە نە ژى ئەم بوونە برا دگەل عەرەبا ئەڤ گوتنە نەك تەیسوك بەلكو خاپاندنەكە ئەم ل خوە وە گەلێ خوە دكەین نە كەلتورێ من نە زمانێ من نە ژى رەنگ و رویێ من نە ئاخا من دگەل نەتەوا عەرەب ناگونجە جێوازە ئەز كوردم ئەو عەرەب ئەڤ ژى نە وەك دو دوژمن بەلكو وەكە دوو گەلێن جێوازن ل ڤر عیراقەكا عەرەبى یا ئیكگرتى بوو من دێ چ واتەیا خوە هەبیت ئەس ل دیف پترتوكولا دەولەتێن عەرەبى یا ل سالا 1952 هاتییە ئاڤاكرن كو تا نها ژى ئیكسپایر نەبوویە شەر دگەل هەردەولەتەكا عەرەبى عیراق ژى دبە وەكە دەولەتەكا عەرەبى بكەڤە د شەرى دا ل پێناڤى نەتەوا عەرەب باشە سوباهى عەرەب و ئیسرائیلى بەربوونە ئیك رەوایە ئەس بوو عەرەبەكێ خوە بدەمە كوشتن كو ب درێژاهیا مێژویێ وەكە مروڤ ل من نە نێرییە .نفرەت ل عیراقەكا ئیكگرتى بن . مالكى ئیرو گەر بخوازە ژى عیراقەكا ئیكگرتى ئاڤا بكەت دبە نە خەونا حێشترا بیت بەلكو خەونا مریایە .ل گورى هزرا من نابە ئیدى دەسەلاتا مە جاردن توشى شاشییەكا دن ببە وە ك ئەو بەندیین ل كونفرانسێ لەندن 2003 یان یا ناسرییە ئیمزا كرى یان دەستورێ ئیك ژ وان بەندا هەر تاكەكێ عیراقێ حەقێ كرینا ئەردى ل هەر جهەكێ عیراقێ هەیە ئەڤ ژى بیرا ستراتیژیا جوهیا یا ب سەرى فەلستینییا ئیناى تینیتە بیرا مروڤى .كو سوباهى عەرەبە رەش ئەردى ل دهوكئ سلیمانێ یان ئەربیلێ بكریت هەر چەند یێ روداى ژى لێ دبە ئەڤ جارە دوماهیا ڤان شاشیابە .راگەهاندنا دەولەتا كوردى یان هەر چنەبە پارستنا دەڤەرێن داگیركى یین كوردستانێ ئەم نابێژین دەڤەرێن كێشە ل سەر مە چ كێشە ل سەر نینە ئاخا مەیە یا داگیر كرى دبە ژ بلى كو بو مە بهێلن دبە داخوازا لێبورینێ ژى لمە بكەن . ماموستا جەگەرخوین دبێژە(فورێەت بێ حەرامە گەر تەدایێ موهلەت)ئەڤجا گەلەك دەلیڤە مە بەرزەكرن لێ نابە ئیرو ئەم ڤێ دەلیڤێ ل دەست خوە بدەین شەر پیروزە وەكە هێگل دبێژیت جڤاكەكێ رزى یان یێ ڤەماى شەر لڤاندن وە پێشخستنا وى جڤاكى یە ئە س ژى ب هێگل رامە شەر ئیرو بوو مە لڤاندن وە پێشخستن وە چارەكرنا پرسەكا رزى وە مرارە كو ئەڤە ب سالا نە ئەم تێ دا خەندقى نە لەورا شەرێ دبە پیروزە وە دبە ببە بوونا ڤاڤارتنا پرسگرئیكان .یێن بەحسا دەولەتەكا ئیكگرتى بو عیراقێ دكەن بلا كەرەمكەن ل مێژویا ڤێ ئیكگرتنێ بنێرن كا رەوشا گەلێن عیراقێ ب حەمو پێهاتێن خە ڤە نەك تنێ گەلێ كورد چاوا بورییە .گەلو هەژییە ئەم بەحسا تشتەكێ بكەین كو ب سەربور ب زانست ئەڤ نەهاتییە گورێ وە ناهێتێ گورێ ژى . لەورا ڤەكێشانا پێشمەرگە ل سنورێن ئاخا كوردستانێ دیسان شاشییەكە كو نابە بهێتە بورینن ژ لایێ گەل ڤە .یێ بەحسا دەولەتەكا ئیكگرتى دكەت بو عیراقێ هەركەسێ بە درەوا ل خوە دكەت

ئارمانج گوهەرزى