ئیكگرتن تنها رێیا سەركەتنێ یە

Sunday, 22/04/2012, 12:00

رەوشا روژهەلاتا ناڤێن ل گورى ڤان كاودانێن داوییێ بەرف ئالوزى وە شەپرزەبونێ ڤە دچیت .هەر هێزو لایەن ل گورى بەرژەوەندیێن خوە تەڤلى ڤێ ئالوزى وە گێلەشوكێ بوویە ئەڤ ژى ژ ئەگەرێ وێ ستراتیژیكا نو یا كو هێزێن سەردەستێن جیهانى دهێت كو دخازن سەر ل نو روژهەلاتا ناڤین دیزاین بكەین .ئیك ژ ڤان هێز یان دەولەت كو بزاڤەكا هەرە خورت دكە ل هەمو واران دا توركیا یە كو پتر ل هەر دەولەتەكا هەڤسو ل ناڤ ڤێ ستراتیژیكا هێزێن سەردەست دا خودى رول وە باندورە هەم ژ بونا پێگەهێ وێ ی جیوپولیتیك وە هەم وەكە هەڤپەیمانەكا كەڤنارا هێزێن سەردەست هەم ژى وەكە بەگرەوەندێ وى یێ مێژویى ل روژهەلاتا ناڤین كاریە تام وەكە ئەنداما كارا ل هەرەێمێ رول بگێرە .لێ تشتێ كو ل هەمبەر ڤێ ئاڤاكرنا نو یا روژهەلات دلێ توركیا دئیشینە پرسا گەلێ كوردە كو هەر پێكولەكا بكە ل سەرى دا ئەڤ پرسگرێك گەردەنا وێ دگرە مژارا رەوشا سوریا ئاشكرایە كو توركیا گەلەك رێیین چارەسەرییێ رەتكرنە ژ بونا كو گەلێ كورد ل بارچا سوریا نەگەهن تو مافین خوە ئەڤ ژى شیان وە كارا بونا دەورێ وێ نیشان د دەت ل ناڤ سیاسەت كرنا هێزێن سەردەست دا .یان كونترول كرنا ئوپوزسیونا سوریا وە بكارخستنا وى ل گورى خواستەكێن خوە .ل باكور ژى هەمان رول دگێرە دخازە كوردێ سپى وە كوردێ رەش ئاڤا بكەت یێن كو ل گورى ئیدولوژیكا سیستەمێ ئەردوغان تەڤ بگەرن وێ كوردێ سپى وە جامێر بهێنە حەسباندن تاكو وەكە فێلا كەمال پاشا رەوش ئارام وە نورمال دبە پاش كورد هەر توركێ چیایە یێن ب فێلێن واان كەتى وە خودى ژ هەبونا خو ئیدولوژیا خوە كوردبونا خو دەربكەڤە تیروریستە وە دوژمنى گەلێ كوردو توركە وە جهێ داخێ یە ئەڤ ستراتیژیكا بێ ئەخلاقانە ژ لایێ ئیكەتى ئەوروپا ژى تێتە دەستەك دان كو خوە ب بەرەڤانى كرنا مافێن گەلێن بندەست ل قەلەم د دەت.ل باشور ژى هەمان سیاسەت وە دورویاتى كار دكەت دخازە كوردێ رەش و سپى ب ئافرینە ب ڤێ رێ ئەو ئیكگرتن وە خورت بونا گەل ب هەڤ را نەمەشە وە ژ هەڤ قوت بكە هەر دەما بەحسا كونفرانسا نەتەوى تێكرن رژێما فاشیستا تورك پێكولێن دژوار دكە پێخەمەت نەگەهشتنا هێزین كوردى ل سەر ئیك مێز وە كار كرن بوونا ئیك ستراتیژیك ژ بونا هم تورك وە هەم هێزین سەردەستێن جیهانى ڤێ باش دزانن گەلەكێ چل ملیونى تنها ریێا سەركەتنێ ب هەڤگرتنێ دبە ئەڤ ژى ل گورى خواستەكا توركیا وەكە هەڤپەیمانەك كەڤنارا سیستەم مرنە .ژ بوونا كوردستانا هەرە مەزن ل ئاخا وى دایە .گەر ئازاد ببە وێ ل روژهەلات دەولەتەك كوردى وە خودى پێگەهەكێ پولایین چێببە هەم ژ بونا كو د حەمو واران دا یا زەنگینە وە دكارە ل هنەك سالێن كیم دا ببە خودى ئابورییەك هەرە مەزن ئەڤ ژى رولێ توركیا وێ لەواز وە بێچارە كەت .لێ ئەم بخازین نەخازین توركیا تا نها ل گورى لیستكا خو جوان تەڤگەریایە گەر وها بچە دكارە باشور تەسلیم وەربگرە وە ل باكور ژى سەركەتنێ بینە .باشور چما تەسلیم ببە .ل باشور ئەو ئیكگرتن وە ب هەڤرا كاركرن تونەیە بو وەلات نیشتیمان بەلكو هەر هیزو لایەن ل گورى ئیدولوژیكا خو مەترسیین ل سەر ئاسایشا نەتەوى دبینە واتە تو هیزەك نینە ژ بوونا ئاسایشا نەتەوى دەستا ل بەرژەوەندیین پارتایەتى بەردەن ئەڤژى بەسە بوونا وەلاتەك بكەڤە د مەترسى یێ دا بەرى دەمەكێ مە ئەڤ ل هەردو سەركردین پارتێن دەسەلاتدار دا دیت مامجەلال مەسعود بارزانى .ئەڤ ژى هێزا خورتا دوژمن د دەخویا كرن .لێ وەك مە د سەرى دا گوتى رەوشا روژهەلاتا ناڤین وها ژ سەركردیین مە دخازە ئیگرتنەكێ چێبكەن بو تەڤ گەلێ كورد ژ بونا ئەو بەرپرسیارن ل هەر كاودانەكا ب سەرێ گەل بهێت ئەڤرو روژا ئیگرتن وە پێشڤە چونێ یە نە ل هەڤ ڤەقتیان وە چێكرنا جەمسەرانە نەخاسمە هەردو پارتێن باشور یێن دەسەلات دار وە ل باكور ژى پ ك ك دبە ل سەر كونفرانسەك نەتەوى پێك بهێن وە زوترین وەخت هێزا ئیكگرتى چێبكەن دژى داگیركەرین كوردستانێ گەر نە توركیا ئارمانجا خو دى ب جه ئینیت كو ئەو ژى تنە كرنا ئیرادە وە هەبونا گەلێ كوردە .ئەڤجا تنها رییا سەركەتنى ئیكگرتنە.