سەری مارەکە سیستمی ئابوریە

Wednesday, 08/02/2023, 19:30

ئێمە  دەتوانین بیرو بۆچونی جودامان هەبێت کە ئایا کێ دونیا بە ڕێوە دەبات کێ دەسەڵاتدارە و کێ حوکمی حکومەتان دەکات، ئایا ڕەپتیلەیەنەکانن، ئایا ئیلومیناتیە، ئایا ماسۆنیەکانە ، ئایا کەباڵە؟ دەتوانیت لیستێک ناو بنوسیت دەربارەی ئەمە بەڵام لە ڕاستیدا هێزی سەرەکەی پارەیە، لە ڕێگای میکانیزمی ئابوریەوە کۆنترۆڵی دونیا کراوە لە لایەن چەند کەسێکەوە یان چەند لایەنێکەوە.

پارە بۆچی دروست کراوە؟

پارە دروست کراوە  بۆ بە کۆیلە کردی خەڵکی، لە ڕێگای قەرز و بە خاوەنکردنەوە تۆ دەبیتە کۆیلەی سیستم بێ ئەوەی بە خۆت بزانیت.

لە ئەوروپا خانو دەکڕیت بە قەرزی بانک، واتە بانک خاوەنی خانوەکەیە تەنها لەسەر کاغەز تۆ خاوەنی موڵکەکەیت و ساڵانە باجی کامل دەدەیت لەسەر ئەو خانوە کە هێشتا موڵکی تۆ نیە.لە کاتێکدا ئەگەر سێ مانگ نەتوانیت پارەی قەرزو ئیستفادەکەی دابین بکەیت ئەوا بانک دێت و دەست بەسەر خانوەکەدا دەگرێت و دەیفرۆشێت بە نرخی ٢٠٪ کەمتر لە نرخی بازاڕ.

کەواتە ئەگەر بویت بە خاوەنی خانوەکە تۆ تەواوی ژیانت وەک کۆیلە کارت کردوە بۆ ئەو خانوە کە لە کۆتاییدا بەجێی دەهێڵیت بۆ کەسێکی تر دوای خۆت.. سی ساڵ دەخوێنێت و فێر دەبیت سی ساڵ قەرز دەدەیتەوە ئەگەر پێش شەست ساڵی نەمریت ئەوان چەند ساڵێک لە خانوی خۆتا دەخەویت..

ئەم سیستمی ئابوریەی کە ئێستا دروست کراوە وەک فێڵێک وایە لە خەڵکی ئەم سەر زەویە..چونکە لە بەرامبەر پارەکەدا هیچ شتێک بونی نیە، واتە بانکی مەرکەزی پارە چاپ دەکات پارە دەداتە قەرز بە حکومەت لە کاتێکدا پارەکە هیچ شتێکی بەرامبەر دانەنراوە، بەڵام ئەگەر تۆ بتەوێت پارە بەدەست بهێنیت دەبێت بە هێزی بازو یان مێشکت بتوانیت ڕۆژانە کەمیەیەکی کەم پارە بەدەست بهێنیت.

کەواتە تۆ ژیانت دەفرۆشیت بە خاوەنکار بە بڕێک پارەی کەم، لەبەرامبەردا دەوڵەمەندەکان پارە چاپ دەکەن و شاهانە دەژین. پارەکەی ئەوان بێ کۆتایە و بێ کۆتا دەتوانن چاپی بکەن ئەمەش هێزێکی بێ شوماریان دەداتێ بۆ کڕینی سیاسی، پۆلیس، دادگا ، سەرباز، ئەفسەر پەڕلەمانتار ، وەزیر، ، سەرۆکوەزیران، هتد... واتە سیستمێکی کاملی حوکمڕانی بە پارە دەکڕدرێت پارەکەش خۆیان چاپی دەکەن، وەک ئێستا دەیبینن حوکمی دونیا دەکەن بە بۆنەی پارەوەو تەواوی سیاسی و سەرۆک حکومەتەکانیان کڕیوە بە پارەی چاپکراو.

ئەو کەسانەی کە بۆ کڕین دەست نادەن و بە ئاگا هاتون لەم فێڵەی دەوڵەمەندەکان، ئەوانە لە هەمو بوارێکدا تا سەر ئێسقان دژایەتییان دەکرێت ،..ئەوان ئەم هەڵسوکەوتەی کەسانی بە ئاگا بە هەڕەشە دەبینن، بۆیە هەمیشە سزای کەسانی بە ئاگا دەدرێت، لەبەرامبەردا ئەوانەی خەریکی پەیدۆفیڵین خەریکی بەرزنرخاندی جێندەر و جێندەر گۆڕینن یان هاوڕەگەزبازی یان خەریکی دروست کردنی شەڕ و چەک فرۆشتنن ئەوانە وەک کەسانی لێهاتو مامەڵە دەکرێن و ئەستێرەی بەختیان دەدرەوشێتەوە، جار جارەش بگرە جائیزە نۆبڵیش وەردەگرن..

کاتێک سیستمی پارە حوکم دەکات ئەمە بە تەنها کافی نیە بۆ بە تەواوەتی کۆنترۆڵ کردنی مرۆڤایەتی..چەند شتێکی تریش هەیە کە گرنگن بەڵام وەک لقێکی دارەکە وان ئەوانیش لە ڕێگای پارەوە دەکرێن..

وەک:

·        دەرمان و دەرمان سازی

·        چەک و چەک فرۆشتن

·        سیاسی گەندەڵ کڕین

·        کڕینی تەواوی لایەنی جێبەجێ کار

·        کڕینی سولتەی کۆنترۆڵ کردنی خۆراک و دەرمان

·        کڕینەوەی زۆریبەی زەوی زراعی

·        کڕینەوەی زۆرترین کۆمپانیای خۆراک

·        دروست کردنی سیستمی پەروەردەی فاشل

·        نەهێشتنی گەشەکردنی ڕۆحی

·        دژایەتی کردنی کەسانی بەئاگا

·        دروست کردنی سیستمی کۆنترۆڵ کردن

·        دروستکردنی پاسپۆرتی دیجیتاڵ بۆ کۆنترۆڵی زیاتر

·        دروس کردنی سەیارەی کارەبایی بۆ کۆنترۆڵ کردن

·        دروست کردنی پارەی دیجیتاڵ بۆ کۆنترۆڵ کردنی تاک.

·        دروست کردنی فایلی تەندروستی دیجیتاڵ.

هەڵبەتە نامەوێت باسەکە زۆر قوڵتر بکەمەوە ، ئەگەر مرۆڤەکان بە ئاگا نەیەن و سیستمی پارەی دیجیتاڵ و پاسپۆرتی دجاڵ قبوڵ بکەین ئەوا هەمومان دەبینە کۆیلەی دەسەڵات بۆ تەواوی ژیانمان، نەوەکانیشمان دەبنە کۆیلەی دەوڵەمەندەکا..

وا ئێستا خەریکن بە ناوی ژینگەوە شاری پازدە خولەکی دروست دەکەن، واتە تۆ بۆت هەیە تەنها پازدە خولەک لە ماڵەکەت دوربکەویتەوە هەمو شتێکت بۆدابین دەکرێت لەو مەسافەیەدا، ئەمەش بە بۆچوی من قەفەزی ئەلەکترۆنیە بۆ زیندان کردنی خەڵکی، ئەمە  هیچ پەیوەندی نیە بە ژینگەوە..چونکە ئەوانەی ئەم یاسایانە دەردەکەن خۆیان ساڵانەو مانگانە بە فڕۆکەی شەخسی سەفەر دەکەن کە هێندەی ٣٠٠ نەفەر ژینگە پیس دەکات.

کەواتە دەبێت سیستمی پارەی بێ بەرامبەر هەڵوەشێتەوەو سیستمی پارە بەرامبەر کانزا یان ئاڵتون دروستبکرێتەوە.

نمونە لە عراق بە ئارەزوی خۆیان نرخ دادەنێن بۆ دۆلار، لە ڕاسیدا دۆلار هیچ بنەمایەکی ئابوری نیە، لەبەرامبەردا دینار بنەمای ئابوری هەیەو عراق لەم ساتەدا پارەی زیادەی هەیە واتە عراق قەرزار نیە ، لەبەرامبەردا ئەمریکا ٣١ ترلیۆن قەرزارە..  واتە

31.000.000.000.000

باشە ئێستا پرسیار ئەوەیە ئەمریکا قەرزارە پارەکەی هیچ بڕە ئاڵتونێکی بەرامبەر نیە، بۆ دەبێت نرخی دیناری عراقی نزمتر بێت لە دۆلار؟

ئەگەر من دەسەڵاتدار یان ڕاوێژکاری ئابوری عراق بومایە، سفرەکانم لە دینار دەکردەوە ، دینارم دەخستە بەرامبەر ئاڵتون و نەوت، ئەوکات نرخی یەک دینار دەبوە سەد دۆلار.. پاشان مامەڵەم بە دۆلار رادەگرت و نەوت و کانزاکانم بە ئاڵتون دەفرۆشت.. ئەوکات ئەمریکا و بانکی مەرکەزی ناتوانێت بە چاوسورکردنەوەیەک سەرۆک وەزیرو وەزیری دارایی عراق بە چۆکدا بهێنێت..

ئێستا عراق پارەکانی لە بانکی ئەمریکایە و ناشتوانێت پارەکانی خۆی ڕاکێشێت، کە لە بەرامبەر نەوتی فرۆشراودا وەرگیراوە،عراق بۆی هەیە مانگانە تەنها بڕێکی دیاریکراو دەربکات.

کەواتە پارە حوکم دەکات کێ پارەی لابێت ئەوە حاکمە وئەو دەسەڵاتی سیاسی و ئابوری لەدەست دایە.