میللەتێکى چەند بەد بەختە لە هەموو لایەکەوە مەلا بۆتە بەڵا بۆ گیانى  ، مەلایەک بە ئاشەوە ، مەلایەک بە ئاشبەتاڵیەوە ، مەلایەک بە ڕیش و ناوگەڵیەوە ،  مەلایەک بە گۆرەویەوە ، ... هتد . یەکێک لەو مەلا بازرگانانەى کە لەم چەند ساڵەى دوایى هەروە کو قارچکى پاش هەورە تریشقە هەڵتۆقی و دنیایەک گومانى بەدواى خۆیدا هێنا ئەم مەلا یاسینیە کە جارجارە بەمەلا گۆرەویش ناوى ئەهێنن . پاش بڵاوکردنەوەى دیکۆمینت لەسەرى کە چۆن  هەشت ملێۆن ونیو دۆلارى لە بانکى گۆیژە   وەرگرتووەو بردویەتیە دەروەى هەرێم لەڕێگەى فڕۆکەخانەى سلێمانیەوە ، ئێستا دژ بە پەڕلەمانتار عەلى حەمە ساڵح  کە ئەو دیکۆمینتەى وەشاندووە ، پەناى بۆ دادگا بردووە و داواى قەرەبوى یەک ملیار دینار ئەکات ، قەپى مەلا بە ملیارە ، دیارە دادگایى مسۆگەرکردووە . 

 بۆ دادگاى مسۆگەر نەکردووە :

 ١-  ئەوەتا هەروەکو لە وێنەکەدا دیارە ، کۆمەڵێک دادوەر ئەملاو لایان لێگرتووە ، ئەگەر جل وبەرگێکى خۆماڵیان لەبەردابوایە وامان ئەزانى جەنابیان سەرۆک خێڵن ئەوانەش دەست ودایەرەکەیەتى (ڕێزم بۆ کەسانێکیان کە بەڕێکەوت لە وێنەکەدان) .

 کەى  دادوەرانى دادگاى سلێمانى ئەوەندە بێمۆڕاڵ و ئاست نزم بوون ، کەوا تازە دەوڵەمەندێک یارى بە ئیرادەیان بکات، دادگاى سلێمانى دادوەرى وەهاى پێگەیاندووە کە هەموو موڵکى دنیاى بدەیتێ ناچەمێتەوە  . 

٢-  ئەوەش بەشێک لە لیستى ناوى ئەو دادوەرانەیە کە خانویان لە مەلا یاسین وەرگرتووە ، لە پرۆژەى دییە سیتى ،  کەواتە  چ جۆرە دادوەریەک لەم دادوەرانە چاوەڕێبکرێت .

 

٣-  عەلى حەمە ساڵح ئەچیتە بەردەم چ دادگایەک ، کەخودى دادوەرەکە باوەڕی بە دادگاو یاساکەى خۆى نیە ،  ئەوەتا وەکو لە داوایەکدا ئاراستەى پارێزگاى سلێمانی کراوە داوایانکردووە زیادەڕۆی بەنزینخانەى مەولانا لاببرێت هەتا ڕێگەى خانوەکانیان لە پرۆژەى دییە سیتى بکرێتەوە ، کەى ئەوە کارى پارێزگایە ،  ئەوە کارى شارەوانیە ، ئەوە کارى دادگایە ، هەر ئێستا لە دادگابەراییەکانى سلێمانى ژمارەیەکى زۆر داوا هەیە ، بۆ لابردنى زیادەڕۆیی. 

٤- ئەو دادوەرانە گەردیلەیەک راستگۆیى لە جەستەیاندا نەماوە ، بون بە پارچەیەک درۆ ، ئەوەتا وەکو لە داوەکەیاندا بۆ پارێزگا ئەڵین کرێچین ، ئەوانە نەک کرێچیى نین بەڵکو هەمویان خانوى خۆیان هەیە ،  زوربەیان لە لە گوندى ئەڵمانى خانویان هەیە ، بێجگە لەوانیتر کەلە گەڕەکە کانی ترى سلیێمانى وەکو سەرچنارو برایم پاشا و...... خانویان هەیە . 

 ئەوانە بەڵگەى حاشا هەڵنەگرە کە ئەوانە شایستەى پۆستى دادوەری نین ، بەڵکو ئەبێت لەوەزیفەى داوەرى وەلا بنرێن و لێپێچینەوەیان لەگەڵدا بکرێت ، بەڵام چاوەڕێ هەنگاوێکى وەها ناکرێت چونکە  دەزگاى داواکارى گشتى لاوازە ، سەرپەرشتیارى دادیش لەو کۆڵەوارترە ، ئەوانە بەر ئەنجامى سیستەمێکى دادوەری نابوتە لە هەرێمدا ، سەرۆکى دەسەڵاتى دادوەرى ئەحمەد زبێر خۆى کەسێکى بێمۆراڵ و نەزانە هەتا ئێستا نازانێت بڕیارێک بنوسێت ، بەنایاسایى و بەفێڵ ماوەى پۆستەکەى بۆخۆى درێژ کردۆتەوە ،  نۆکەرێکى یاسایى قشتە بۆ بنەماڵەى بەرزانى ، ئەوەى دادگاو عەدالەت لە سلێمانى وێران  بکات ئەم  زەلامە ئەیکات ، ئەوەتا دادوەر خدر حەسەن کە نمونەى گەندەڵترین دادوەرى حیزبیە ،  لە هەوڵدایە کە بکرێتە سەرۆکى دادگاى سلێمانى ، ئیتر هەمومان چاوەڕێین کە گەندەڵیش بە ئەلکترۆنى بکات ... کاکە عەلى کوڕى کاکە حەمە ساڵح ئیتر ئەبێت بۆعەدالەت بگەڕێین ، لە تەنەکە خۆڵى حیزبەکان یان لە قاپى مەسئولەکان یان لە گۆرەویەکانى مەلا یاسین دا !  .... 

گەر مەلاو دادوەر کردەیان یەکخەن   ... بەکونە بانا گاجوت سەر ئەخەن 

• http://www.speemedia.com/dreja.aspx?=hewal&jmare=33809&Jor=1

گروپی كۆمپانیاكانی بەڕێز، سكاڵای یاسایی لەسەر عەلی حەمە ساڵح ئەندامی پەرلەمانی كوردستان لە فراكسیۆنی گۆڕان تۆمار دەكات‌و داوای یەك ملیار دینار قەرەبووی لێدەكات. 

• دیکۆمینت و وێنەکان لە نوسینێکى پارێزەر سۆران محمدغریب کە لە سۆشیال میدیاى لڤین بڵاو بۆتەوە , وەرگیراوە .