بۆ چاکەی گشتی نەك خۆ دەوڵەمەند کردن
Thursday, 25/07/2013, 12:00
نامەیەکی کراوە بۆ چالاکان و رێکخراوەکانی کۆمەڵگای مەدەنی
سەلام
ئێوە هەموتان ئاگادارن کە بێدادیەکی زۆر لە سیستەمی موچە لە کوردستان هەیە. بە خۆشحاڵیەوە جگە لە ئۆپۆزیسیۆن کەسانێکی زۆر لە ئێوە و لە خەڵکی ئاسایی وڵاتەکەمان دژی ئەم بێدادیەن.
من بەم نامەیە رایدەگەیەنم کە من (رابون مەعروف) کاندیدی ژمارە ٩٤ لە لیستی گۆڕان هاوپشت و هاوسۆزی ئێوەم. ئێوە بە پشتبەستن بەم نامەیە مافتان هەیە ئیمزای من لە هەمو داواکاری و بەیاننامەیەك بدەن لە دژی بێدادی لە سیستەمی موچە و تەخشان و پەخشانکردنی سامانی وڵاتەکەمان بە ناوی ئیمتیازات و موچەی تایبەت.
حەز دەکەم سەرنجتان بۆ ئەوە رابکێشم کە من کاندیدی لیستی گۆڕانم و شانازی دەکەم کە هەردو فراکسیۆنی گۆڕان لە پەڕلەمانی عێراق و کوردستان بەرگریان لە سیاسەتە فەرمیەکانی بزوتنەوەی گۆڕان کردوە لە پەیوەند بە دادپەروەری لە سیستەمی موچە.
من لە گەڵ ئێوەم بۆ جێخستنی ئەو راستیەی کە پەڕلەمان شوێنی بەرگریکردنە لە دادپەروەری و ئازادی و مافەکانی خەڵك نەك شوێنێك بۆ
پارە کۆکردنەوە و خۆ دەوڵەمەند کردن.
بە هیوای سەرکەوتن لە تێکۆشانەکەمان بۆ دادپەروەری،
بەردەوام بن!
رابون مەعروف
هەولێر
24-07-2013
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
