کۆمۆنیسته‌کان ده‌نگ به پارتی و بارزانی ده‌ده‌ن
Sunday, 05/07/2009, 12:00
که‌سانی کۆمۆنیستی له ناوکۆمه‌ڵگای کوردیدا ، نه‌یان توانییوه ئاراسته‌کانیان وه‌ک ڕێیالیتیه‌ت به کۆمه‌ڵگاکه‌یان بگه‌یه‌نن ، هیچ کات و ساتێک خاوه‌ن بڕیارو سێره‌یه‌کی به‌رده‌وامی خۆیان نه‌بوون . بوونی نه‌ته‌وه له به‌ڕماڵی بیریاندا وه‌ک به‌ربه‌ستێک بۆ کار و خاڵێکی ململانێی نێو ستراتیژییه‌که‌یان به‌رجه‌سته‌کردوه‌و له‌گه‌ڵ هێزی نه‌ته‌وه‌په‌رسته‌کانی ماڵی کوردا هه‌میشه له‌ململانێدابوون . ئه‌م خاڵه به‌شیک بووه له‌و یه‌کانگیری و خاڵی نزیک بوونه‌وه ، یان هاوبیرییه‌ک له کارو ستراتیژدا له‌نیوان هه‌ڵسوڕێنه‌رانی ئه‌وان و داگیرکه‌راندا . من ناڵێم ده‌قاو ده‌ق کۆمۆنیسته‌کان خزمه‌ت به دوژمنان ده‌که‌ن ، به‌ڵکو ناڕاسته‌وخۆ هاوجوتییه‌ک له کۆنرتڕۆڵه شه‌به‌حییه‌که‌دا بوونی هه‌یه ، کاجاری واش بووه بۆته ڕێیالییه‌ت ، وه‌ک هاوپه‌یمانییه‌که‌ی حیزبی شوعی و به‌عس له‌ساڵی 1973 دا ، که سۆڤیه‌ت کۆنترۆڵی شه‌به‌حی بوو .
له‌نێوه‌ندی شۆڕشی نوێدا کۆمۆنیسته‌کان جوڵانه‌وه‌یه‌ک له‌شێوه جێگۆڕکێیه‌کدا له‌ناو و نه‌ته‌وه‌دا کاره‌کانیان ئاڵوگۆڕکرد ، به‌ڵام به‌سه‌رلێشێواوتر له‌وه‌ی پێشتر ، ئه‌م جاره‌یان خۆیان له حه‌ڵقه‌یه‌کی توندترو بیری ته‌سک تر له‌وه‌ی شوعییه عێراقیه‌کان و توده ئێرانییه‌کان له‌به‌رنامه‌یاندا بوو، بۆ چاره‌سه‌ری کێشه‌ی ڕه‌وای گه‌له‌که‌مان . دیدی نوێی کۆمۆنیستی که له ئاسۆی مه‌نسوری حیکمه‌تییه‌وه ئاوای مێشک و ستراتیژی کۆمۆنیستیه نوێکانی کوردستان بووه ، زۆر ترسناکتره له‌و ستراتیژییه شۆڤینێیه‌ی که‌داگیرکه‌ران پیاده‌ی ده‌که‌ن . ئه‌مان به‌به‌رنامیه‌کی ئه‌قاعیدی و ستاندداردی بۆ شه‌له‌لکردنی بیری نه‌یه‌وه‌یی و کۆتایی هاتن به ستراتیژی نه‌ته‌وه‌یی ، یان تواندنه‌وه‌ی ستراتیژی نه‌ته‌وه‌یی له‌ناو به‌ناو ستراتیژی جیهانگیری بیری کۆمۆنیستییدا ، که‌ته‌نها سنوره‌کانی له‌ناو عێراق و ئیراندا سورکراو .
سه‌رفکردنی وزه‌ی خه‌ڵکی کوردستان له‌م ستراتیژییه مه‌نسورییه‌دا ، بۆ مه‌به‌ستێکه. ئه‌م پیلانه خه‌یاڵی و ڕێیالیه‌تیه‌ته ته‌نها کۆمه‌ڵگا باجه‌که‌ی ده‌دات . ئه‌مڕۆ ئه‌وانه‌ی ته‌وه‌ری بیری مارکسی ئاوازه‌ی نه‌ته‌وه‌یی لێفه‌رامۆش کردون و وه‌کردویانه‌ته به‌ڵایه‌کی سیاسی ، تیگه‌یشتنیشیان له‌هه‌نگاوه‌کانی ستراتیژی گه‌لانی داگیرکه‌ر لاوه‌زه. له‌کوێدا وشه‌یه‌ک دژ به‌ئه‌مه‌ریکاو هاوپه‌یمانه‌کانی ڕازاوه بێت ، له‌وێدا وتاره بریقه‌داره‌کانی ئه‌مان ده‌گه‌شێته‌وه ، له‌کویدا کوردایه‌تی مل بنێت و ئامانجێک بپێکێت ، له‌وێدا ئه‌مان ستراتیژییه‌تی بیری مارکسییان وه‌بیر دێته‌وه . ساڵی 1994 ئه‌مان به‌شێک بوون له‌لاوازکردنی یه‌کێتی و ڕاسته‌وخۆ خزمه‌تیان به‌پارتی ده‌کرد ، تا کارگه‌یشته ئه‌وه‌ی له‌ناوخۆیاندا له‌سه‌ر سه‌فقه‌یه‌ک پاره‌ی پارتی ناکۆکیان تێکه‌وت و دووکه‌رت بوون . به‌مێژووی ئاکتیڤ بوونیان وه‌ک هێزیکی سیاسی و ستراتیژی ڕۆژێک وتاره‌کانیان وه‌ک ده‌رزییه‌ک به‌جه‌سته‌ی پارتی و بنه‌ماڵه‌ی بارزانیدا ڕۆنه‌چووه ، له‌ولاوه هه‌موو توانایان بۆ لاوازکردنی یه‌کێتی خستۆته گه‌ڕ . مه‌به‌سته‌که ئه‌وه نییه که به‌رگری کردن بێت له‌یه‌کێتی ، به‌ڵکوو بانێک و دووهه‌وا له‌سیاسته‌دا بوونی هه‌یه ، سیاسه‌تێک به‌سه‌قه‌تی ئاراسته ده‌کرێت و گومانی بێلایه‌نی ئه‌وان بانگێشت ده‌کات .
هه‌موو ئه‌و ئاماژانه‌ی سه‌ره‌وه به زه‌ره‌بینی سیاسیدا تێی ده‌په‌ڕده‌بێت و له تروسکایه‌کی تیژی به‌رژه‌وه‌ندیدا پچوک ده‌بنه‌وه که‌ده‌سه‌ڵاته ، چ ده‌سه‌ڵاتێک سۆڤیه‌تێکی تر له‌چێوه‌ی ئیران و عێراقدا ئه‌وه له خه‌یاڵ خه‌یاڵ تره ، بۆ گه‌ڕانه‌وه‌ی ئیمپراتۆری فارس ، ئه‌میش له‌وه‌ی پێشوتر خه‌یاڵتره ، یه‌کگرتنی عێراق و ئێران وه له‌جێیدا ده‌وڵه‌تێکی به‌ناو کۆمۆنیستی ، ئه‌وا ئه‌میش له‌وانی تر خه‌یاڵتر . ده‌بێت چی بێت ، پرۆژه‌ی فریودان بۆ لاوازکردنی هه‌ستی نه‌ته‌وایه‌تی ، که ئه‌مه ئامانجه . ده‌کرێت بپرسین کۆمۆنیسته‌کان له‌کام له‌م دوو چه‌مکه‌دا خۆیان ده‌بیننه‌وه ، له‌جیهانی خه‌یاڵ یان دواکه‌وتوی ئامانجێکی سه‌رده‌سته ؟ .
ئه‌م باسه هه‌ڵچونێکی له‌خۆڕا نییه ، به‌ڵکو هه‌ستێکی که‌ف کردوی به‌رهه‌می پاش وتاره‌کانی ئه‌مڕۆی کۆمۆنیسته‌کانه دژ به ڕوناکی و تروسکایی که په‌ی به تاریکی ده‌سه‌ڵاتی کوردی ده‌به‌ن ، ئه‌گه‌ر کۆمۆنیسته‌کان ئه‌و بۆچونه‌ی شه‌قاوه‌که وه‌لاده‌نێن و به ڕه‌که‌له‌می ئیمپرال و سه‌رمایه‌داری ده‌زانن که‌ده‌ڵێن : حیزبی کۆمۆنیست له ئه‌زه‌له‌وه " زاری " ده‌ستی شه‌به‌حێکن که پارتییه ، ئه‌وا وتاره‌کانی ئه‌مڕۆیان واژووی ئه‌و بۆچونانه‌ن و ده‌یسه‌لمێنن که کۆنترۆلێک ده‌یان جمێنێت و به‌گژ سێلێک (هه‌ده‌فێک)یان ده‌که‌ن و وزه‌یه‌کن ته‌نها خۆ ده‌خۆنه‌وه .
کاک سه‌لام عه‌بدولا /
گۆڕانی راسته‌قینه له‌لایه‌ن هێزی چه‌پ جێبه‌جێ ده‌كرێ ئیمڕۆ گۆڕان یه‌ك مانا ده‌به‌خشێ، ئه‌وه‌ش به‌ره‌نگاربوونه‌وه‌ی سیاسه‌تی نیولیبڕالیزمی نوێ (بازاڕی ئازاد، فرۆشتنی موڵكایه‌تی گشتی ده‌وڵه‌ت به كۆمپانییه تایبه‌ته‌كان، ته‌نانه‌ت له‌به‌ر چاوچنۆكیان كه‌رتی ته‌ندرووستی و زانكۆ و شه‌مه‌نده‌‌فه‌ریشیان كردووه به كه‌رتی تایبه‌ت، واته زانست و فێركردن وه‌ك كاڵا مامه‌له ده‌كه‌ن و به‌نرخی ته‌ماته و ئۆتۆمبیل بۆ كڕین و فرۆشتن ).
ئه‌م نووسینه که به‌ناو نیشانی " کاک نه‌وشیروان نه‌زانی بڵاو مه‌که " له‌سایتی کوردستاننێت بڵاوی کردۆته‌وه ، که‌سێ خاڵی به‌رچاوڕوونی له‌خۆ گرتووه . یه‌که‌م / کورد ده‌ڵێت : ده‌نگی ده‌هۆڵ له‌دوره‌وه خۆشه . نوسین و بیرو بۆچونه‌کانی کاک سه‌لام تائه‌مڕۆ ! وه‌ک ده‌نگی ئه‌و ده‌هۆڵه له‌دووره‌وه به‌رزده‌نرخا . دووه‌م / کاک سه‌لام ئێستا ڕاسته‌وخۆ ئه‌م نوسیه‌نه‌ی خزمه‌ت به‌لیستی پارتی و یه‌کێتی ده‌کات و ده‌شگونجێت بۆ سایتی چاودێر و ده‌شکرێت بازرگانییه‌کی کاتی پێوه‌بکرێت و بکرێته سه‌فقه‌یه‌ک . سێهه‌م / له‌سیاسه‌تدا یه‌ک لیست و یه‌ک مه‌به‌ست بوونی هه‌یه ، ئێستا کاتی هه‌ڵبژاردنه بۆ ئێستا وتارێکی ڕه‌کله‌ماوییه ، ده‌کرێت کاک سه‌لام ' ناوچه و خزم خزمێنه کاری به‌سه‌ر ئه‌م نوسینه‌یه‌وه هه‌بێت ، به‌وه‌ی خه‌ڵکی ده‌ڤه‌ری خانه‌قینی بریندار و کاک مه‌لا به‌ختیاره .
بۆ نوسینێک ده‌توانرێت ئه‌و سێ خاڵه‌ی سه‌ره بگونجێنرێت ، به‌ڵام کاتێک هاوڕا و هاوبۆچون و هاوحیزبایه‌تی ڕێچکه‌یان به‌ست ئه‌وا مانایه‌کی تر ده‌به‌خشێت و ئاستێکی تر ده‌دات به‌ده‌سته‌وه . کاک تاهیر حه‌سه‌ن وه‌ک پێشڕه‌وێکی به‌ڕومه‌تر له‌پێش کاک سه‌لام عه‌بدوڵاوه قه‌ڵه‌مه‌که‌ی خسته‌گه‌ڕ و وه‌ک کاک محه‌مه‌دی مه‌لاقادر ده‌بیژێت : (
ئه‌وه‌ی وشه‌یه‌ک به‌به‌رژه‌وه‌ندی لیستی کوردستانی به‌کاربهینێت ، پارتییه‌کی ڕه‌سه‌نه) ئه‌وه کاک تاهیر ڕه‌سه‌نایه‌تی خۆی یان وه‌لای خۆی بۆ پارتی و بارزانی دوپاتکرده‌وه . یه‌که‌م جار له‌بیرمان دێت له‌پاش شکستی بزوتنه‌وه‌ی ئیسلامی به‌ده‌ستی یه‌کێتی و له‌سه‌روه‌ختی گه‌رمه‌ی شه‌ڕی ناوخۆی نه‌گریسدا ، به‌هۆی کاک تاهیره‌وه هه‌موو قورسایی ڕه‌که‌له‌م و جموجۆڵه سیاسییه‌کانی حیزبی کۆمۆنیستی کرێکاری هێنرایه سلێمانی و هه‌وڵی به‌رفه‌رفراوانترین پانتایی بۆ دژایه‌تی یه‌کێتیان ده‌را ، ئه‌م هاندانه به‌لای پارتییه‌وه پۆزه‌تیڤ بوو ، بۆیه دووڕیانی له‌ناو حیزبی کۆمۆنیستدا دروستکرد ، به‌بێ ده‌ست وه‌ردانی یه‌کێتی ، ئیتر له‌وه‌و دووا دوو به‌ره‌کی و پوکانه‌وه ده‌روازه‌کانی واڵابوو . ئه‌مه به‌رهه‌می سیاسه‌تی شێلگیرانه نه‌بوو ، به‌ڵکوو نه‌زانی و بێ ئه‌زمونی ، جگه‌له‌مه‌ش ده‌ستی شاراوه‌ی پشت ئه‌م حیزبه بوو که هۆیه‌کی گرنگی ته‌فروتوناکردن و پچوکردنه‌وه‌ی بوو.
کاک تاهیر : جگه له‌م نوسینه‌ی که‌به‌ناوی (لەپەراوێزی (خەون یان مۆتەکە) کەی نەوشیروان مستەفا دا!) چه‌ند نوسینێکی بۆ ڕازی بوونی لیستی به‌ناو کوردستانی نوسییوه . ئه‌مه بۆخی له‌سه‌رهه‌مان به‌یت ده‌ڕوات وه‌ک موسڵمانان ده‌ڵێن : بانگی موحه‌مه‌د به‌ئاشکرا خۆشه ، ئه‌وا بانگی کۆمۆنیسته‌کان به‌ئاشکرا خۆش بوو . نوسین بانگه‌شه‌یه بۆ شته‌شاراوه‌کان و ناشاراوه‌کانی نوسه‌ر . کاک تاهیر بانگه‌شه‌ده‌کات : نەوشیروان مستەفا خاوەنی کۆمپانیای (ووشە) و لیستی (گۆڕان)، بۆ خۆنمایشکردنی لە سیناریۆی هەڵبژاردنی پەرلەمانی کوردستاندا، کە بڕیاروایە لە کۆتایی تەمووزی ئەمساڵدا بەڕێوەبچیت، دوو زنجیرە نووسراوی دۆکۆمێنتی لە ژێرناوی (خەون یان مۆتەکە)دا بڵاوکردەوەو پێشکەشی کرد بەوانەی کە ئەو بە ئەندازیاری شەڕی ناوخۆی(یەکێتی وپارتی) لە کوردستان دەزانن. بەڵام پێدەچێ لە چوارچێوەی ڕێکەوتنێکی نێوان سەرکردایەتی یەکێتی و نەوشیرواندا، کە هەفتەی ڕابردوو ئەنجام درا، (ئاگربەست)ی ڕاگەیاندن لە دژی یەکتری ئەگەر بۆ ماوەیەکیش بێت ڕاگەیەنرابێ.
بۆ وه‌ڵام دانه‌وه‌ی چه‌ند ڕسته‌یه‌ک له‌م به‌شه‌نوسینه‌ی کاک تاهیر ، من بۆخۆم له‌مه‌و پێش نوسینێکم به‌ناونیشانی (گومان له ڕیفۆرمخوازانی دوێنێ و لیستی گۆڕانی ئه‌مڕۆ) له سایتی کوردستان پۆست دا بڵاو کرایه‌وه ، تیایدا ڕاشکاوانه باسی ئه‌و گومانانه‌م کردووه که‌حیزبییه‌کان و خه‌ڵکی شه‌قامه‌که له لیستی گۆڕانی ئه‌مڕۆ هه‌یانه ، له هه‌موویان زیاتر پارتی و هه‌ندێک تاکی سیاسی . ئه‌م به‌شه نوسینه‌ی کاک تاهیر له‌سه‌ر هه‌مان گومانه که‌من ئاماژه‌م پێ کردووه . به‌ڵام ئه‌وه‌ی به‌لای منه‌وه سه‌رنج ڕاکێشه که ده‌نوسێت (
نەوشیروان مستەفا خاوەنی کۆمپانیای (ووشە) و لیستی (گۆڕان)، بۆ خۆنمایشکردنی لە سیناریۆی هەڵبژاردنی پەرلەمانی کوردستاندا، کە بڕیاروایە لە کۆتایی تەمووزی ئەمساڵدا بەڕێوەبچێت) سیناریۆ واته هه‌ڵخه‌ڵه‌تاندن و فریودان و له‌خشته‌بردن . ئه‌م وتاره‌ی کاک نه‌وشیروان وه‌ڵام دانه‌وه‌ی چه‌ند چاوپێکه‌وتنێک سه‌رۆ و هاوشانه‌کانێتی هه‌ر به‌مه‌ش بوون و ڕه‌نگ و زمانی پیسیان له‌سه‌ر شاشه‌ی ته‌له‌فزێنه‌کان و پانتای ڕۆژنامه‌کان و ناو کۆڕه‌کانی حیزبی و زۆره‌ملێی کۆتاییان هات . به‌م وتاره خه‌ڵکی بێ ئاگا تێی گه‌یانرا که واژوو به‌ده‌ستی بڕیاری شه‌ڕی ناوخۆ نییه ، به‌ڵکوو ئه‌وانه‌ی به‌و ده‌ڵێن ، ده‌یانده‌وێت ده‌سته چه‌وره‌که‌یان به‌و بسڕن و خۆیان له توانجی خه‌ڵکی به‌دوور بگرن و مێژوو بشه‌وێنن ، که‌چی پارتی جگه له‌سه‌خڵه‌ت بوون و کاری ژێراو ژێر بۆ ڕاگرتنی به‌شه‌کانی تری ئه‌و کۆمه‌ڵه وتاره ، هیج وه‌ڵام دانه‌وه‌یه‌کی فه‌ڕمی نه‌دا ، ئه‌وه‌ی لای خه‌ڵکانی خوازیار به گۆڕان چاوه‌ڕوانکراو بوو ڕوی دا ، ئه‌ویش بوو ، وا کاک تاهیر ژێراو ژێر له‌جیاتی قسه‌که‌ره‌که‌ی پارتی وه‌ڵامی وتاره‌که‌ی کاک نه‌وشیروانی داو دووا گومانی سه‌ر دڵ و ده‌رونی ئێمه‌شی ڕه‌وانه‌وه .
سه‌رچاوه‌کان /
http://www.kurdistannet.info/nethttp://www.kurdnet.info/more.php?id=63کونجـــــــــــــــرینی
21 . یونی . 2009
[email protected]
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
