١- بێریڤان ئەیوب(دایکی پێنج منداڵ) ژنە چاڵاکوانێکی دەڤەری بادینانە، دوای ئەوەی بەشداری لە خۆپیشاندانەکانی ساڵی دووهەزار و بیستی شاری دهۆک کردووە، زیندانی کراوە.

حەڤدە مانگە لە زیندانە

٢-  بەپێی مادەی یەک لە یاسای ژمارە بیستویەکی ساڵی دوو  هەزار و سێ بە تێکدانی ئاسایشی نیشتیمانی تاوانبارکراوە.

(یەکێک لە تۆمەتەکان ئەوەیە کە داوای بایکۆتی کاڵای تورکی کردووە)

٣- بۆ ماوەی ساڵێک رێگە نەدراوە پارێزەری هەبێت، بۆیە لە تەواوی قۆناغەكانی لێكۆڵینەوە هیچ پارێزەرێك ئامادەنەبووە.

(ئەوڕۆ  لەلایەن دادگای بەرایی هەولێرەوە سزای دوو ساڵ زیندانیکردنی بەسەردا سەپێندرا)

٤- بێریڤان لە زیندان شەش جار مانی لە خواردن گرتووەو، توشی نەخۆشی شەکرە بووە، دوای زیندانیکرانیشی هاوسەرەکەی لێی جیابۆتەوە.

(لەوەتەی زیندانیش کراوە، منداڵەکانی نەبینیوە)

٥- «نوکتە»

کەسێک خۆی لێبووبوو بە دەنکە گەنم، زۆر دەترسا مریشک بیخوا، بردیانە لای  دکتۆری دەروونی، ئەویش بردیە بەرامبەر ئاوێنەک و پێیگوت" کاکی خۆم ئەوە دەنکە گەنمە ئەوەش تۆی، تۆ گەنم نیت" نەخۆشەکە  پێکەنی و گوتی " جەنابی دکتۆر ئەوە من قەناعەتم کرد کە گەنم نیم، ئەی چۆن مریشکەکە تێدەگەینی کە من دەنکە گەنم نیم، بۆئەوەی نەمخوا!" 

(مەرد ئەو کەسەیە  پارتی تێبگەینیی کە بێریڤان و خۆپیشاندەرانی بادینان مریشک نیین)