بانگەوازى بو دەڤەرا بەهدینان ..... سەرهلدان برێڤەیە

Saturday, 29/01/2011, 12:00

دیارە ئەڤ سالا 2011 ێ سالا هەڕفاندنا رژێمێت دكتاتووریە ل هەمى وەڵاتێن جیهانى بتایبەتى ل رۆژهەلاتا ناڤین و باكورێ ئەفریقیا، كو ل تونس دەست پێكر و ڤێگاڤێ یا گەهشتیە مسرێ و بێگومان دچەند رۆژێت بهێتدا ئاگرێ شورەشا جەماوەرى دێ گەهیتە وەڵاتێت دەوروبرێن باشوورا كوردستانێ چونكى هێشتا ڤێگاڤێ سوریا و ئوردن خو ئامادە دكەن بۆ سەركۆتكرنا سەرهلدانا جەماوەرى و ل هەرێماكوردستانا عیراقێ ژى هەردوو بنەمالەیێت دكتاتور ترسا سەرهلدانا خەلكێ كەتیە دلێ وان كو نیزیكى 20 سالانە خینا وان دمێژن، یێت كەتینە ترس و لەرزێ و لدیڤ هندەك زانیاریا هەر ڤێگاڤێ هەردوو بنەمالێت كورد فروش دەست دایە حەوالەكرنا پارەى بۆ بانقێت ئەوروپا و چاڤدێرى خستنە سەر هێلا تەلەفونا و بهەمى رەنگەكێ چاڤدێریا خەلكێ دكەن.
جەماوەرێ خوراگر و فیداكارێ دەڤەرا بەهدینان،ئەڤرو روژا سەرهلدانا دروستە بو رزگاربونێ ژ دیكتاتوریەتا هەردو بنەمالیت بارزانى و تالەبانى و بتایبەتى بنەمالا بارزانى كو دستهەلاتدارێت بەهدینایە و هزاران تاوانیت مەزن لدژى خەلكى دەڤەرێ ئەنجامدانە.
خەلكێ خوراگرێ دەڤەرا بەهدینا بریارە برایێت مە ل باژێرێ سلێمانى روژا دووشەمبیێ لدژى نەبوونا كەهرەبایێ خونیشاندانێ بكەن، دێ بلا ئەم لدەڤەرا بەهدینان دەست پێ بكەین، نەكو بتنێ لدژى نەبوونا كەهرەبێ و ئاڤێ بەلكى بۆ هەرفاندنا دەستهەلاتا هەردوو بنەمالێت خائین و نەهیلانا دزى و گەندەلى و خوفروشیێ، لدژى پاوانكرنا دەستهەلاتێ و دزینا سروەت و سامانێ وەڵاتى كو ئەڤرو بنەمالا خائینا بارزانى و تالەبانى و دارودەستەك و كەس و كار و خزمەتكاریت وان ژى بدزینا ملیارا دولاران بونە تجار و ملیونێر و هەمى خینا ڤى ملەتیە.
خەلكێ خوراگرێ دەڤەرا بەهدینا (دهوك ـ زاخو ـ ئامێدى ـ ئاكرێ ـ سێمێل ـ دێرەلوك و بامەرنێ و قەدش و باتیفا) ئەڤرو روژا حیسابێ و دەركرنا خائینایە، ئەوێت هەر روژەكى جاسوس و خوفروشێت وەلاتەكى داگیركەرێت كوردستانێ نە، روژا نەهیلانا ئەوان خوفروشانە كو كەركوك و شەنگال و شێخان فروتنە و نەوێرن بێژن ملەتى.
بلا ئەم ژى روژا دوشەمبێ لگەل سلیمانى بكەینە روژا سەرهلدان و شاهى و دیلانا نەهیلانا دكتاتوریەتا مەسعودێ خائین و جلالێ كورد فروش.