نیشتیمان له یادی ڕاپه‌رینا
Monday, 04/03/2013, 12:00
من له هه‌رکوچه‌یه‌ک ڕاده‌مێنم چاوی تۆم لێدیاره .
ئه‌ی نیشتیمان .تۆ چویته ناو چاوی کچانی شاره‌وه.
نیشتیمان تۆ بویته پاشکۆی رۆژنامه‌یه‌ک و ته‌نیا له(پێنجی .سێ) بیردێیته‌وه.
شه‌قامه‌کانیش پربوون له ته‌پوو تۆزی ئاغاکان و ئه‌چنه ناو زگی مناڵانی شاره‌وه .
له‌م رۆژه‌دا نیشتیمان تۆ ئه‌بی به‌ستیانی سۆزانیه‌ك و سه‌ما ئه‌که‌ی.
نیشتیمان تۆ بۆ هێنده زه‌لیل بووی که له‌به‌رده‌م سۆزانیه‌کان خۆرانگریت .
نیشتیمان سوێندت ئه‌ده‌م به‌یه‌که‌م فرمێسکی دایکی شه‌هید که تۆ ببیته‌وه به خۆت.
باشه تۆ بۆچی به‌جارێک کوێر بویت نابینیت هه‌رچی دایکی شه‌هید و باوکه شه‌هید هه‌یه تووڕه‌ن لێت.
ئای نابینی نیشتیمان تۆ بویته قومێک شه‌رابوو ئه‌خورێیته‌وه.
ئێوارانێك که پیاسه‌یه‌کی تۆ ئه‌که‌م .
ئه‌بینم هه‌رچی په‌پوله هه‌یه له شۆسته‌کانا که‌وتون و خوێنیان لێ ئه‌چۆڕێ.
ئه‌بینم بویته پیاو کوژ له‌به‌ر ده‌م ئاسمان و رۆژ و خوادا یه‌که یه‌که گوله‌ژه‌نگاویه‌کانت خاڵی ئه‌که‌یته‌وه.
ئه‌بینم له شه‌قامێکا کچێکی جوان هاوری لێ ئه‌کردیت.
ئه‌ی نیشتیمانی درۆزن تۆ نه‌بویت ئه‌توت باوه‌شت بۆ ئه‌که‌مه‌وه.
ئه‌ی بۆچی بویته گڵۆپێکی بیتاقه شه‌مسی .
له رۆژا خۆ ون ئه‌که‌یت و له شه‌وا دێیت هه‌رچی ئایه‌تی پیرۆز هه‌یه لێمان ئه‌دزی .
ده‌ست له ناموسمان ئه‌ده‌یت چاوانمان کوێر ئه‌که‌یت و خوێنمان ئه‌مژی.
ئه‌ی نیشتیمان ئه‌وه‌نده‌بوو وه‌فاکه‌ت. تا ئه‌وکاته‌ی ئیشت پێمان بوو تا ئه‌ستێره هه‌ڵبێت و نێرگز بروێنه‌وه.
ئه‌ی نیستیمان تۆ نابینیت له تیڤی یه‌کانه‌وه چه‌ند جار ئه‌کرێیته ریکلام و له یادی ڕاپه‌رینا ئه‌تکه‌ن به لۆگۆی حزبێك و
و ئه‌تکه‌ن به‌سێبه‌ری به‌ر هه‌تاوی خۆیان.
ده‌مێک ئه‌بیته پیاو سالار وده‌ستت ئه‌چێته کوشتنی ده‌یان ژنی ئه‌م هه‌رێمه‌وه .
تۆ بوویته دز و جه‌رته رۆژانه به‌ده‌یان شعر ئه‌دزیت به‌ده‌یان قه‌سیده ئه‌خه‌یته باخه‌ڵه‌وه و له‌یادی راپه‌رینا بۆ مان ئه‌خوێنه وه .
له‌سوچێکی ئه‌م نیشتیمانه شه‌هیدم بینی ده‌مامکێکی ره‌شی له‌سه‌ر کرد بوو بۆ ئه‌وه‌ی نه‌ی ناسنه‌وه.
چونکه وه‌ک خۆی ئه‌ی وت شه‌هیدی ئێستا هه‌مووی بوونه شه هیدی کۆشك و ته‌لار نه‌ك خاكو خۆڵ.
وێنه‌ی (علی نه‌بیم) بینی کرابونه ریکلامی راپه‌رین و دروشمیان له‌سه‌ر ئه‌نوسی .
تۆم بینی نیشتیمان کرابویته به‌ربوك و له‌دوای سه‌یاره‌ی جام ره‌شه‌کانه‌وه به‌چه‌که‌وه ئه‌رۆیشتی،
هه‌وام بینی له‌یادی راپه‌ریان زمانی ده‌ر هێنابوو له تینوانا.
زه‌که‌ریا حویز 4.3.2013
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
