ئەوخانەنشیانەى تەمەنیان لە58ساڵ زیاترنیە دەتوانن بگەرێنەوە سەركارەكانیان

Tuesday, 31/05/2011, 12:00

ئەوخانەنشیانەى كەتەمەنیان لە58ساڵ زیاتر نیە دەتوانن بگەرێنەوە سەركارەكانیان و درێژە بەخزمەتكردن بدەن لەودامودەزگاحكومیانەى كەپێشتر لێوەى خزمەتیان كردووە ، بەپێى رێنمایى ژمارە 6 نوسراوى وەزارەتى دارایى و ئابوورى حكومەتى هەرێمى كوردستان ژمارە 9/4/5930 كەلەبەروارى 3/4/2011 دەرچووە و واژووى بایزتالەبانى وەزیرى دارایى لەسەرە و گشتێنراوە بۆسەرجەم وەزارەتەكان تێیدا هاتوە هەموو ئەوفەرمانبەرانەى كەپێشتر خانەنشین كراون و لەئێستادا دەتوانن بگەرێنەوە سەركارەكانیان و درێژە بەخزمەتكردنیان بدەن لەفەرمانگەحكومیەكان ، لەونوسراوەدا ئەوەهاتووە كەئەوبریارە هەمووئەوكەسانەش دەگرێتەوە كەلەكارەكانیان بەهەرهۆیەك دورخراونەتەوە و یاخود بەئارەزووى خۆیان وازیان لەكارەكانیان هێناوە یاخود بەهۆى راپۆرتى پزیشكى خانەنشین كراون بەمەرجێك ئەوانەى بەپێى راپۆرتى پزیشكى خانەنشینكراون دەبێت راپۆرتێكى پزیشكى بهێنن كەتیایدا بیسەلمێنێت كەلەنەخۆشیەكەى چاكبۆتەوە ، هەرلەونوسراوەدا هاتووە ئەوكەسانەى دەگەرێنەوە سەركارەكانیان دەبێت ئەوپاداشتەى كەپێشتر لەبڕى خانەنشینى وەریان گرتووە بیگەرێننەوە بۆخەزێنەى دەوڵەت.هەرلەدرێژەى نوسراوەكەدا هاتووە ئەوانەى كەدەگەرێنەوە سەركارەكانیان دەبێت بەڵێن بدەن كەبۆماوەى پێنج ساڵ خزمەت بكەن لەدامودەزگاكانى حكومەت.