مالیكى لەسەرەمەرگ وەسیەتنامە بۆكورد دەنێرێت!!!

Tuesday, 26/10/2010, 12:00

لاى هەمووان روون و ئاشكرایە نزیكەى 8مانگە هەلبژاردنى ئەنجومەنى نوێنەرانى عێراق ئەنجامدراوە بەلام زۆر بەداخەوە تائێستا لیستە براوەكان نەیانتوانیوە بگەنە رێككەوتنێك و حكومەتێكى ئیئتلافى بنكە فراوان پێك بێنن و سیستەمى سیاسى عێراق لەوچەقبەستوییە رزگاربكەن ئەمەش دەگەرێتەوە بۆئەوناكۆكیانەى لەنێوان لیستەكان هەیە لەسەرپۆستى سەرۆك وەزیران بەتایبەت لەنێوان هەردوو لیستى عێراقیە و لیستى دەولەتى یاسا ، لیستەبراوەكان كارنامە و مەرجى خۆیان بۆهەمووان خستۆتە روو و سەدان دانیشتن لەنێوان لیستەبراوەكان ئەنجامدراوە بەبێ گەیشتن بەهیچ ئامانجێكى روون و ئاسۆیەكى دلخۆشكەر ئەمەش دانیشتوانى عێراقى دلگران كردووە ، بۆرەواندنەوەى تارمایى لیستەكان بەرامبەر یەكترى وولاتانى ئیقلیمى و نێودەولەتى هاتنە سەرخەت و پێشنیارى خۆیان پێشكەش كرد بۆگەیشتنى لایەنەكان بەتەوافوقێكى سیاسى بۆپێكهێنانى حكومەت بەلام سوودى نەبوو ، لەم نێوەندەشدا لەسەرئاستى نێودەولەتیش هەندێك وولات پێشنیارى خۆیان پێشكەشكرد لەسەرووى هەمووشیانەوە پێشنیارەكانى نەتەوەیەكگرتووەكان بەلام هیچ یەك لەمانە چارەسەرى برینى پێكهێنانى حكومەتى نەكرد ، لەم گێژاوە سیاسیەو لەو هەموو بێنەو بەرەیە لیستەبراوەكانى كوردستانیش بۆئەوەى سەنگى كورد لەبەغدا قورستر بكەن بریاریاندا لەیەك لیست بەناوى لیستى ئیئتلافى فراكسیۆنە كوردستانیەكان كۆببنەوە و پێكەوە ش بەشدارى گفتوگۆكانى پێكهێنانى حكومەت بكەن لەگەڵ لیستەبراوەكانیتر ، لیستى ئیئتلافى فراكسیۆنیەكوردستانیەكان بەتۆكمەترین و یەكگرتووترین لیست دادەنرێت لەنێوسەرجەم لیستەكانى عێراق كەئەمەش جێگاى دلخۆشیە ، ئیئتلافى فراكسیۆنیەكوردستانیەكان وێراى ئەوەى تائێستا سەدان دانیشتن و گفتوگۆى لەگەڵ لیستەكانى تر ئەنجامداوە بەلام تائێستا بریارى یەكلایى كەرەوەیان نەداوەو پشتگیرى و هاوپەیمانیان بۆهیچ لیستێك دەرنەبریوە ، لەگەڵ پێكهێنانى ئیئتلافى فراكسیۆنە كوردستانیەكان و ئەنجامدانى چەندین كۆبونەوە لەنێوان خۆیاندا هەموولایەك گەیشتنە ئەوئەنجامەى داواكاریەكانى گەلى كورد لە19خالدا كۆبكەنەوە و بیكەنە مەرج و كارتى پشتگیرى كردن لەهەر لیستێك بۆپێكهێنانى حكومەت كەئەمەش لەمافەرەواكانى گەلى كورد خۆى دەبینێتەوە ، لیستى كوردى ئەم كارنامە 19 خالیەى خستە بەردەم لیستەكان و داواى بەلێنى نوسراوى كرد لەلیستەكان بۆئەوەى كورد پشتگیریان لێبكات بەلام بەداخەوە تاچەند رۆژێكیش لەمەوبەر لیستەكەى مالیكى هیچ وەلامێكى بەنوسراو و واژوكراوى كوردى نەدایەوە تائەو رۆژەى بریاروابو سەرۆكى هەرێم و سەرۆك كۆمار و عادل عەبدولمەهدى و ئەیادعەللاوى لەهەولێركۆببنەوە بۆباسكردن لەپێكهێنانى حكومەت ، ئەم هەنگاوە ترسى خستە نێو دلى مالیكى و واى هەستكرد لەسەرەمەرگ نزیك بۆتەوە و هیواى وەرگرتنەوەى پۆستى سەرۆك وەزیرانى لەدەست دەچێت ، بۆیەمالیكى هەرزوو بەر لەئەنجامدانى ئەم كۆبونەوەیە لەهەولێر بەنوسراوى واژووكراو وەلامى ئیئتلافى كوردى دایەوەو بەلێنى جێبەجێكردنى هەر19خالەكەى داوە ، بەلام ئەم بەلێنە خێرایە پێویستە هەلوەستەى لەسەربكرێت و لێكۆلینەوەى ووردى لەسەربكرێت بۆئەوەى كورد وەكو چوار سالى رابردوو تووشى كێشمەكێش نەبێت لەسەرجێبەجێكردنى داخوازیەكانى گەلى كورد ، ئەم وەلامدانەوە خێرایەى مالیكى وەك ئەوە وایە كەسێك لەسەرەمەرگ نزیك بێتەوە و وەسیەت نامەكەى بۆكەسێك بنوسێتەوە ، لیستى كوردى كارێكى باشى كردووە كەتائێستا پەلەى نەكردووە لەسەرپالپشتى هیچ لیست و كاندیدێك . وەپێویستیشە لەسەر لیستى كوردى بەوریاییەوە مامەلە لەگەل بەلێنەكان بكات چونكە رەنگە ئەستەم بێت لیستەكەى مالیكى بتوانێت كێشەى ماددەى 140 و جێگا ناكۆكەكان چارەسەربكات لەبەرئەوەى ئەوشوێنانە لەژێردەستى لیستى عێراقیەدا و تیایاندا لیستى عێراقیە زۆرینەى دەنگەكانى بەدەست هێناوە .بۆسەركردایەتى كورد واباشترە لەگەل وەرگرتنى بەلێنى نوسراو بیر لەداهاتووش بكاتەوە كەئایا خاوەنى بەلێنەكە دەتوانێت بەلێنەكە جێبەجێبكات !!!